صحیح بخاری 4931: باب مَا جَاءَ فِي فَاتِحَةِ الْكِتَابِ

عبدہ بن عبداللہ (خزاعی) نے ہم سے بیان کیا کہ ہمیں یحيٰ بن آدم نے خبر دی۔ انہوں نے اسرائیل سے، اسرائیل نے منصور سے روایت کرتے ہوئے یہی حدیث بتائی۔ اور (ایسا ہی) اسرائیل نے (اس حدیث کو) اعمش سے، اعمش نے ابراہیم سے، ابراہیم نے علقمہ سے، علقمہ نے حضرت عبداللہؓ سے اسی طرح اس کو روایت کیا۔ اور (یحيٰ بن آدم کی طرح) اسود بن عامر نے بھی اسرائیل سے اس حدیث کو روایت کیا۔ اور حفص (بن غیاث) اور ابومعاویہ اور سلیمان بن قَرم نے بھی اعمش سے، اعمش نے ابراہیم (نخعی) سے، ابراہیم نے اسود سے اس کو روایت کیا۔ اور یحيٰ بن حماد نے کہا کہ ہمیں ابوعوانہ نے خبر دی۔ انہوں نے مغیرہ سے، مغیرہ نے ابراہیم سے، ابراہیم نے علقمہ سے، علقمہ نے حضرت عبداللہ (بن مسعودؓ) سے (یہی) روایت کی۔ اور ابن اسحاق نے عبدالرحمٰن بن اسود سے، عبدالرحمٰن نے اپنے باپ سے، ان کے باپ نے حضرت عبداللہ (بن مسعودؓ) سے بھی یہی نقل کیا۔ قتیبہ (بن سعید) نے ہم سے بیان کیا کہ جریر (بن عبدالحمید) نے ہمیں بتایا۔ انہوں نے اعمش سے، اعمش نے ابراہیم سے، ابراہیم نے اسود سے روایت کی۔ انہوں نے کہا: حضرت عبداللہ (بن مسعودؓ) کہتے تھے: ایک بار ہم رسول اللہ ﷺ کے ساتھ ایک غار میں تھے۔ اسی اثنا میں آپؐ پر سورۂ مرسلات نازل ہوئی اور ہم نے آپؐ کے منہ سے سن کر اس کو سیکھا۔ اور ابھی آپؐ کا منہ اس سورة سے شیریں تھا کہ اتنے میں ایک سانپ نکلا۔ رسول اللہ ﷺ نے فرمایا: بچنا، اس کو مارو۔ کہتے تھے: ہم اس پر جلدی سے لپکے مگر وہ ہم سے نکل گیا۔ کہتے تھے: آپؐ نے فرمایا: وہ تمہارے شر سے بچایا گیا جیسا کہ تم اس کے شر سے بچائے گئے۔

حَدَّثَنَا عَبْدَةُ بْنُ عَبْدِ اللَّهِ أَخْبَرَنَا يَحْيَى بْنُ آدَمَ عَنْ إِسْرَائِيلَ عَنْ مَنْصُورٍ بِهَذَا. وَعَنْ إِسْرَائِيلَ عَنِ الأَعْمَشِ عَنْ إِبْرَاهِيمَ عَنْ عَلْقَمَةَ عَنْ عَبْدِ اللَّهِ مِثْلَهُ. وَتَابَعَهُ أَسْوَدُ بْنُ عَامِرٍ عَنْ إِسْرَائِيلَ. وَقَالَ حَفْصٌ وَأَبُو مُعَاوِيَةَ وَسُلَيْمَانُ بْنُ قَرْمٍ عَنِ الأَعْمَشِ عَنْ إِبْرَاهِيمَ عَنِ الأَسْوَدِ. قَالَ يَحْيَى بْنُ حَمَّادٍ أَخْبَرَنَا أَبُو عَوَانَةَ عَنْ مُغِيرَةَ عَنْ إِبْرَاهِيمَ عَنْ عَلْقَمَةَ عَنْ عَبْدِ اللَّهِ. وَقَالَ ابْنُ إِسْحَاقَ عَنْ عَبْدِ الرَّحْمَنِ بْنِ الأَسْوَدِ عَنْ أَبِيهِ عَنْ عَبْدِ اللَّهِ.حَدَّثَنَا قُتَيْبَةُ حَدَّثَنَا جَرِيرٌ عَنِ الأَعْمَشِ عَنْ إِبْرَاهِيمَ عَنِ الأَسْوَدِ قَالَ قَالَ عَبْدُ اللَّهِ بَيْنَا نَحْنُ مَعَ رَسُولِ اللَّهِ صلى الله عليه وسلم فِي غَارٍ إِذْ نَزَلَتْ عَلَيْهِ وَالْمُرْسَلاَتِ فَتَلَقَّيْنَاهَا مِنْ فِيهِ وَإِنَّ فَاهُ لَرَطْبٌ بِهَا إِذْ خَرَجَتْ حَيَّةٌ فَقَالَ رَسُولُ اللَّهِ صلى الله عليه وسلم " عَلَيْكُمُ اقْتُلُوهَا ". قَالَ فَابْتَدَرْنَاهَا فَسَبَقَتْنَا ـ قَالَ ـ فَقَالَ " وُقِيَتْ شَرَّكُمْ كَمَا وُقِيتُمْ شَرَّهَا ".

Urdu translation: Hazrat Syed Zain-ul-Abidin Waliullah Shah

باب 1: باب مَا جَاءَ فِي فَاتِحَةِ الْكِتَابِ

آج 10 میں سے 10 باقی