صحیح بخاری 4945: باب قَوْلُهُ تَعَالَى {فَلاَ تَجْعَلُوا لِلَّهِ أَنْدَادًا وَأَنْتُمْ تَعْلَمُونَ}
ابونعیم نے ہم سے بیان کیا کہ سفیان (بن عیینہ) نے ہمیں بتایا، انہوں نے اعمش سے، اعمش نے سعد بن عبیدہ سے، سعد نے ابو عبد الرحمٰن سلمی سے، انہوں نے حضرت علی رضی اللہ عنہ سے روایت کی، انہوں نے کہا: ہم بقیع غرقد میں ایک جنازہ (پڑھنے) کے لئے نبی ﷺ کے ساتھ تھے۔ آپؐ نے فرمایا: تم میں سے کوئی بھی ایسا نہیں کہ جس کا ٹھکانا جنت میں یا جس کا ٹھکانا آگ میں نہ لکھ دیا گیا ہو۔ صحابہ نے کہا: یا رسول اللہؐ! کیا ہم پھر اسی پر اعتماد نہ کر لیں۔ آپؐ نے فرمایا: عمل کرو کیونکہ ہر ایک کے لیے آسانی کی گئی ہے۔ پھر آپؐ نے یہ آیت پڑھی۔ یعنی پس جس نے (خدا کی راہ میں) دیا اور تقویٰ اختیار کیا اور نیک بات کی تصدیق کی اُسے تو ہم ضرور آسانی (کے مواقع) بہم پہنچائیں گے اور ایسا (شخص) جس نے بخل سے کام لیا اور بے پروائی کا اظہار کیا اور نیک بات کو جھٹلایا۔ اُسے ہم تکلیف (کا سامان) بہم پہنچائیں گے۔
باب 3: باب قَوْلُهُ تَعَالَى {فَلاَ تَجْعَلُوا لِلَّهِ أَنْدَادًا وَأَنْتُمْ تَعْلَمُونَ}