صحیح بخاری 4980: باب كَيْفَ نُزُولُ الْوَحْىِ وَأَوَّلُ مَا نَزَلَ

موسیٰ بن اسماعیل نے ہم سے بیان کیا کہ معتمر (بن سلیمان) نے ہمیں بتایا۔ انہوں نے کہا: میں نے اپنے باپ سے سنا۔ انہوں نے ابو عثمان (نہدی) سے روایت کی۔ انہوں نے کہا: مجھے بتایا گیا ہے کہ جبرائیل نبیﷺ کے پاس آئے اس وقت آپ کے پاس حضرت ام سلمہؓ تھیں۔ وہ آپ سے باتیں کرنے لگے۔ نبیﷺ نے حضرت ام سلمہؓ سے پوچھا: یہ کون ہیں؟ یا کچھ ایسے ہی الفاظ کہے۔ حضرت ام سلمہؓ نے کہا: یہ دحیہ (کلبیؓ ) ہیں۔ جب وہ اٹھ کر چلے گئے تو کہنے لگیں: اللہ کی قسم! میں ان کو وہی سمجھتی رہی یہاں تک کہ میں نے نبیﷺ کا خطبہ سنا جس میں آپ نے جبرائیل کے آنے کا واقعہ بیان کیا یا ایسا ہی کچھ فرمایا۔ میرے باپ (سلیمان) نے کہا: میں نے ابو عثمان (نہدی) سے پوچھا: آپ نے یہ کس سے سنا؟ انہوں نے کہا: حضرت اسامہ بن زیدؓ سے۔

حَدَّثَنَا مُوسَى بْنُ إِسْمَاعِيلَ حَدَّثَنَا مُعْتَمِرٌ قَالَ سَمِعْتُ أَبِي عَنْ أَبِي عُثْمَانَ قَالَ أُنْبِئْتُ أَنَّ جِبْرِيلَ أَتَى النَّبِيَّ صلى الله عليه وسلم وَعِنْدَهُ أُمُّ سَلَمَةَ فَجَعَلَ يَتَحَدَّثُ فَقَالَ النَّبِيُّ صلى الله عليه وسلم لأُمِّ سَلَمَةَ " مَنْ هَذَا ". أَوْ كَمَا قَالَ قَالَتْ هَذَا دِحْيَةُ. فَلَمَّا قَامَ قَالَتْ وَاللَّهِ مَا حَسِبْتُهُ إِلاَّ إِيَّاهُ حَتَّى سَمِعْتُ خُطْبَةَ النَّبِيِّ صلى الله عليه وسلم يُخْبِرُ خَبَرَ جِبْرِيلَ أَوْ كَمَا قَالَ قَالَ أَبِي قُلْتُ لأَبِي عُثْمَانَ مِمَّنْ سَمِعْتَ هَذَا. قَالَ مِنْ أُسَامَةَ بْنِ زَيْدٍ.

باب 1: باب كَيْفَ نُزُولُ الْوَحْىِ وَأَوَّلُ مَا نَزَلَ

مربوط حوالہ جات

خلفاء کی کتب

  • تفسیر کبیر (جلد ۱۴): اردو

قرآن کریم کی آیات

99:6

آج 10 میں سے 10 باقی