صحیح بخاری 5021: باب فَضْلِ الْقُرْآنِ عَلَى سَائِرِ الْكَلاَمِ
مسدد نے ہم سے بیان کیا۔ انہوں نے یحيٰ (بن سعید قطان) سے، یحيٰ نے سفیان (ثوری) سے روایت کی کہ مجھ سے عبداللہ بن دینار نے بیان کیا۔ انہوں نے کہا: میں نے حضرت ابن عمر رضی اللہ عنہما سے سنا۔ وہ نبی ﷺ سے روایت کرتے تھے۔ آپؐ نے فرمایا: تمہاری عمر اُن امتوں کی عمر کے مقابل میں جو گزرچکیں اتنی ہی ہے جو عصر کی نماز اور سورج کے ڈوبنے کے درمیان ہے، اور تمہاری مثال اور یہود و نصارٰی کی مثال ایسی ہے جیسے ایک شخص نے چند مزدوروں کو کام پر لگایا اور کہا: میرے لئے ایک ایک قیراط پر دوپہر تک کون کام کرتا ہے تو یہود نے کیا۔ پھر اس نے پوچھا: میرے لئے دوپہر سے عصر تک کون کام کرے گا تو نصاریٰ نے کیا۔ پھر اب تم ہو جو عصر سے مغرب تک دو دو قیراط پر کام کرو گے۔ یہود و نصارٰی نے کہا: ہم کام تو زیادہ کریں اور دئیے جائیں تھوڑا۔ تو اس نے کہا: کیا میں نے تمہیں تمہارے حق سے کم دیا ہے؟ انہوں نے کہا: نہیں۔ تو اس نے کہا: پھر یہ میرا انعام ہے جس کو چاہوں دوں۔
Urdu translation: Hazrat Syed Zain-ul-Abidin Waliullah Shah