صحیح بخاری 5423: باب مَا كَانَ السَّلَفُ يَدَّخِرُونَ فِي بُيُوتِهِمْ وَأَسْفَارِهِمْ مِنَ الطَّعَامِ وَالل …
خلاد بن یحيٰ نے ہم سے بیان کیا کہ سفیان (ثوری) نے ہمیں بتایا۔ انہوں نے عبدالرحمٰن بن عابس سے، عبدالرحمٰن نے اپنے باپ سے روایت کی۔ انہوں نے کہا کہ میں نے حضرت عائشہؓ سے پوچھا: کیا نبی ﷺ نے قربانی کے گوشت تین دن سے زیادہ تک کھانے سے منع کیا ہے؟ انہوں نے کہا: آپؐ نے کبھی منع نہیں کیا مگر صرف اس سال جس میں کہ لوگ قحط کی وجہ سے بھوکے تھے تو آپؐ کی مراد یہ تھی کہ غنی فقیر کو کھلائے اور ہم تو (قربانی کے جانور کے) پائے اٹھا کر رکھ چھوڑتے اور پھر پندرہ پندرہ دن کے بعد انہیں کھاتے۔ ان سے پوچھا گیا: آپؐ کو ایسی سخت ضرورت کیا تھی؟ یہ سن کر وہ ہنس پڑیں کہنے لگیں کہ محمد ﷺ کے اہل بیت نے اس وقت تک کہ آپؐ اللہ سے جا ملے تین دن تک بھی گیہوں کی روٹی سالن کے ساتھ نہیں کھائی۔ اور (محمد) بن کثیر نے کہا: ہمیں سفیان (ثوری) نے بتایا کہ عبدالرحمٰن بن عابس نے ہم سے یہی بیان کیا۔
Urdu translation: Hazrat Syed Zain-ul-Abidin Waliullah Shah