صحیح بخاری 5538: باب إِذَا وَقَعَتِ الْفَأْرَةُ فِي السَّمْنِ الْجَامِدِ أَوِ الذَّائِبِ
(عبد اللہ بن زبیر) حمیدی نے ہم سے بیان کیا کہ سفیان (بن عیینہ) نے ہمیں بتایا کہ زہری نے ہم سے بیان کیا۔ زہری نے کہا: عبیداللہ بن عبداللہ بن عتبہ نے مجھے بتایا۔ انہوں نے حضرت ابن عباسؓ سے سنا۔ حضرت ابن عباسؓ نے حضرت میمونہؓ سے روایت کرتے ہوئے انہیں بتایا کہ ایک چوہیا گھی میں گر پڑی اور مر گئی۔ نبی ﷺ سے اس کے متعلق پوچھا گیا۔ آپؐ نے فرمایا: اس کو اور جو اس کے آس پاس گھی ہے پھینک دو اور باقی گھی کھالو۔ سفیان سے کہا گیا کہ معمر نے اس حدیث کو زہری سے روایت کرتے ہوئے انہیں بتایا۔ زہری نے سعید بن مسیب سے، سعید نے حضرت ابوہریرہؓ سے روایت کی۔ سفیان نے کہا: میں نے تو زہری کو یہی کہتے سنا ہے کہ عبیداللہ سے مروی ہے۔ انہوں نے حضرت ابن عباسؓ سے، حضرت ابن عباسؓ نے حضرت میمونہؓ سے، حضرت میمونہؓ نے نبی ﷺ سے یہ روایت کی اور میں نے ان سے کئی بار سنا۔
Urdu translation: Hazrat Syed Zain-ul-Abidin Waliullah Shah
باب 34: باب إِذَا وَقَعَتِ الْفَأْرَةُ فِي السَّمْنِ الْجَامِدِ أَوِ الذَّائِبِ