صحیح بخاری 5824: باب الْخَمِيصَةِ السَّوْدَاءِ

محمد بن مثنیٰ نے ہم سے بیان کیا۔ انہوں نے کہا ابن ابی عدی نے مجھے بتایا۔ انہوں نے (عبداللہ) بن عون سے، ابن عون نے محمد (بن سیرین) سے، محمد نے حضرت انس رضی اللہ عنہ سے روایت کی۔ انہوں نے کہا: جب حضرت اُمّ سلیمؓ کے ہاں بچے کی ولادت ہوئی تو مجھ سے کہنے لگیں: انسؓ! اس بچے کا خیال رکھو۔ اسے کوئی کچھ کھلائے نہیں اور اسے نبی ﷺ کے پاس صبح سویرے ہی لے جاؤ تاکہ آپؐ اسے گھٹی دیں۔ چنانچہ میں صبح کو اسے لے گیا کیا دیکھا کہ آپؐ ایک باغ میں ہیں اور آپؐ ایک حریثی اونی چادر پہنے ہوئے ہیں اور آپؐ اس (اونٹ کی) سواری کو داغ رہے ہیں جو فتح مکہ کے زمانہ میں آپؐ کو ملی۔

حَدَّثَنِي مُحَمَّدُ بْنُ الْمُثَنَّى قَالَ حَدَّثَنِي ابْنُ أَبِي عَدِيٍّ عَنِ ابْنِ عَوْنٍ عَنْ مُحَمَّدٍ عَنْ أَنَسٍ ـ رضى الله عنه ـ قَالَ لَمَّا وَلَدَتْ أُمُّ سُلَيْمٍ قَالَتْ لِي يَا أَنَسُ انْظُرْ هَذَا الْغُلاَمَ فَلاَ يُصِيبَنَّ شَيْئًا حَتَّى تَغْدُوَ بِهِ إِلَى النَّبِيِّ صلى الله عليه وسلم يُحَنِّكُهُ. فَغَدَوْتُ بِهِ فَإِذَا هُوَ فِي حَائِطٍ وَعَلَيْهِ خَمِيصَةٌ حُرَيْثِيَّةٌ وَهْوَ يَسِمُ الظَّهْرَ الَّذِي قَدِمَ عَلَيْهِ فِي الْفَتْحِ.

Urdu translation: Hazrat Syed Zain-ul-Abidin Waliullah Shah

باب 22: باب الْخَمِيصَةِ السَّوْدَاءِ

آج 10 میں سے 10 باقی