صحیح بخاری 6093: باب التَّبَسُّمِ وَالضَّحِكِ

محمد بن محبوب نے ہم سے بیان کیا کہ ابوعوانہ نے ہمیں بتایا۔ انہوں نے قتادہ سے، قتادہ نے حضرت انسؓ سے روایت کی۔ اور خلیفہ (بن خیاط) نے مجھ سے بیان کیا کہ یزید بن زُرَیع نے ہمیں بتایا۔ سعید نے ہم سے بیان کیا۔ انہوں نے قتادہ سے، قتادہ نے حضرت انس رضی اللہ عنہ سے روایت کی کہ ایک شخص جمعہ کے دن مدینہ میں نبی ﷺ کے پاس آیا اور آپؐ خطبہ دے رہے تھے۔ اس نے کہا: بارش نہیں ہوتی جس سے قحط پڑ گیا ہے اس لئے اپنے ربّ سے بارش کے لئے دعا مانگیں۔ آپؐ نے آسمان کی طرف دیکھا اور ہم اس وقت کوئی بادل نہیں دیکھتے تھے۔ آپؐ نے بارش کے لئے دعا کی۔ تو ایک کے بعد ایک بادل اٹھنے لگے۔ پھر اُن پر اتنی بارش برسی کہ مدینہ کے نالے بہنے لگے اور آئندہ جمعہ تک بارش ہوتی رہی، ہٹتی نہ تھی۔ پھر وہی شخص یا اس کے علاوہ کوئی اور اُٹھا اور نبی ﷺ لوگوں سے مخاطب تھے۔ اس نے کہا: ہم تو ڈوب گئے اس لئے اپنے ربّ سے دعا مانگیں کہ وہ ہم سے اس بارش کو روک دے۔ (یہ سن کر) آپؐ ہنس پڑے۔ پھر دعا کی: اے اللہ! (بارش) ہمارے ارد گرد برسے اور ہم پر نہ برسے، دو دفعہ یا تین دفعہ کہا۔ اتنے میں وہ بادل پھٹ کر مدینہ سے دائیں بائیں ہمارے آس پاس برسنے لگے اور مدینہ میں مطلق نہ برستے۔ اللہ ان کو اپنے نبی ﷺ کی عزت اور آپؐ کی دعا کی قبولیت دکھلا رہا تھا۔

حَدَّثَنَا مُحَمَّدُ بْنُ مَحْبُوبٍ حَدَّثَنَا أَبُو عَوَانَةَ عَنْ قَتَادَةَ عَنْ أَنَسٍ. وَقَالَ لِي خَلِيفَةُ حَدَّثَنَا يَزِيدُ بْنُ زُرَيْعٍ حَدَّثَنَا سَعِيدٌ عَنْ قَتَادَةَ عَنْ أَنَسٍ ـ رضى الله عنه أَنَّ رَجُلاً جَاءَ إِلَى النَّبِيِّ صلى الله عليه وسلم يَوْمَ الْجُمُعَةِ وَهْوَ يَخْطُبُ بِالْمَدِينَةِ فَقَالَ قَحَطَ الْمَطَرُ فَاسْتَسْقِ رَبَّكَ فَنَظَرَ إِلَى السَّمَاءِ وَمَا نَرَى مِنْ سَحَابٍ فَاسْتَسْقَى فَنَشَأَ السَّحَابُ بَعْضُهُ إِلَى بَعْضٍ ثُمَّ مُطِرُوا حَتَّى سَالَتْ مَثَاعِبُ الْمَدِينَةِ فَمَا زَالَتْ إِلَى الْجُمُعَةِ الْمُقْبِلَةِ مَا تُقْلِعُ ثُمَّ قَامَ ذَلِكَ الرَّجُلُ أَوْ غَيْرُهُ وَالنَّبِيُّ صلى الله عليه وسلم يَخْطُبُ فَقَالَ غَرِقْنَا فَادْعُ رَبَّكَ يَحْبِسْهَا عَنَّا. فَضَحِكَ ثُمَّ قَالَ " اللَّهُمَّ حَوَالَيْنَا وَلاَ عَلَيْنَا ". مَرَّتَيْنِ أَوْ ثَلاَثًا. فَجَعَلَ السَّحَابُ يَتَصَدَّعُ عَنِ الْمَدِينَةِ يَمِينًا وَشِمَالاً يُمْطَرُ مَا حَوَالَيْنَا وَلاَ يُمْطِرُ مِنْهَا شَىْءٌ يُرِيهِمُ اللَّهُ كَرَامَةَ نَبِيِّهِ صلى الله عليه وسلم وَإِجَابَةَ دَعْوَتِهِ.

Urdu translation: Hazrat Syed Zain-ul-Abidin Waliullah Shah

باب 68: باب التَّبَسُّمِ وَالضَّحِكِ

آج 10 میں سے 10 باقی