صحیح بخاری 6117: باب الْحَيَاءِ
آدم (بن ابی ایاس) نے ہم سے بیان کیا کہ شعبہ نے ہمیں بتایا۔ انہوں نے قتادہ سے، قتادہ نے ابوالسوار عدوی (حسان بن حریث) سے روایت کی۔ ابوالسوار نے کہا: میں نے حضرت عمران بن حصینؓ سے سنا۔ وہ کہتے تھے: نبی ﷺ نے فرمایا: حیا بھلائی ہی لاتی ہے۔ بُشیر بن کعب نے یہ سن کر کہا: حکمت کی کتابوں میں لکھا ہوا ہے کہ حیا سے ہی وقار ہوتا ہے اور حیا سے ہی سکینت حاصل ہوتی ہے۔ حضرت عمرانؓ نے ان سے کہا: میں تمہیں رسول اللہ ﷺ سے روایت کرتے ہوئے بات بتا رہا ہوں اور تم اپنی کتاب سے مجھے بتا رہے ہو۔
حَدَّثَنَا آدَمُ حَدَّثَنَا شُعْبَةُ عَنْ قَتَادَةَ عَنْ أَبِي السَّوَّارِ الْعَدَوِيِّ قَالَ سَمِعْتُ عِمْرَانَ بْنَ حُصَيْنٍ قَالَ قَالَ النَّبِيُّ صلى الله عليه وسلم " الْحَيَاءُ لاَ يَأْتِي إِلاَّ بِخَيْرٍ ". فَقَالَ بُشَيْرُ بْنُ كَعْبٍ مَكْتُوبٌ فِي الْحِكْمَةِ إِنَّ مِنَ الْحَيَاءِ وَقَارًا وَإِنَّ مِنَ الْحَيَاءِ سَكِينَةً. فَقَالَ لَهُ عِمْرَانُ أُحَدِّثُكَ عَنْ رَسُولِ اللَّهِ صلى الله عليه وسلم وَتُحَدِّثُنِي عَنْ صَحِيفَتِكَ.
Urdu translation: Hazrat Syed Zain-ul-Abidin Waliullah Shah
آج 10 میں سے 10 باقی