صحیح بخاری 6642: باب كَيْفَ كَانَتْ يَمِينُ النَّبِيِّ صلى الله عليه وسلم
احمد بن عثمان نے ہم سے بیان کیا کہ شریح بن مسلمہ نے ہمیں بتایا۔ ابراہیم بن یوسف نے ہم سے بیان کیا۔ ابراہم نے اپنے باپ سے، ان کے باپ نے ابواسحاق سے روایت کی۔ انہوں نے کہا: میں نے عمرو بن میمون سے سنا۔ انہوں نے کہا: مجھ سے حضرت عبداللہ بن مسعود رضی اللہ عنہ نے بیان کیا، کہا: ایک بار رسول اللہ ﷺ ایک چمڑے کے یمنی خیمے سے پشت لگائے کھڑے تھے۔ تب آپؐ نے اپنے صحابہ سے فرمایا: کیا تم اس بات پر خوش ہو کہ جنتیوں میں چوتھائی تم ہو؟ انہوں نے کہا: ہاں کیوں نہیں ضرور۔ آپؐ نے فرمایا: کیا تم اس بات پر خوش نہیں کہ جنتیوں میں تہائی تم ہو؟ انہوں نے کہا: کیوں نہیں ضرور۔ آپؐ نے فرمایا: اس ذات کی قسم ہے جس کے ہاتھ میں محمدؐ کی جان ہے، میں ضرور اُمید رکھتا ہوں کہ جنتیوں میں تم آدھے ہو گے۔
Urdu translation: Hazrat Syed Zain-ul-Abidin Waliullah Shah
باب 3: باب كَيْفَ كَانَتْ يَمِينُ النَّبِيِّ صلى الله عليه وسلم