صحیح بخاری 7424: بَابُ: {وَكَانَ عَرْشُهُ عَلَى الْمَاءِ}، {وَهُوَ رَبُّ الْعَرْشِ الْعَظِيمِ}
یحيٰ بن جعفر نے ہم سے بیان کیا کہ ابومعاویہ نے ہمیں بتایا۔ انہوں نے اعمش سے، اعمش نے ابراہیم تیمی سے، ابراہیم نے اپنے باپ سے، ان کے باپ نے حضرت ابوذرؓ سے روایت کی۔ انہوں نے کہا: میں مسجد میں گیا اور رسول اللہ ﷺ بیٹھے ہوئے تھے۔ جب سورج غروب ہوا تو آپؐ نے فرمایا: ابوذرؓ ! کیا تم جانتے ہو کہ یہ کہاں جاتا ہے؟ حضرت ابوذرؓ کہتے تھے: میں نے کہا: اللہ اور اس کا رسول بہتر جانتے ہیں۔ آپؐ نے فرمایا: یہ جا کر سجدہ کرنے کی اجازت مانگتا ہے اور اسے اجازت دی جاتی ہے اور ایسا معلوم ہوتا ہے کہ اسے یہ کہا گیا ہے وہیں لوٹ جاؤ جہاں سے تم آئے ہو تو وہ وہاں سے نکلے گا جہاں وہ ڈوبتا ہے۔ پھر آپؐ نے (یہ آیت) پڑھی: ذَلِكَ مُسْتَقَرٌّ لَهَا جیسا کہ حضرت عبداللہؓ کی قراءت ہے۔
Urdu translation: Hazrat Syed Zain-ul-Abidin Waliullah Shah
باب 22: بَابُ: {وَكَانَ عَرْشُهُ عَلَى الْمَاءِ}، {وَهُوَ رَبُّ الْعَرْشِ الْعَظِيمِ}