حدیقۃ الصالحین 44217: مسلمانوں کا تنزل اور ان کا بگڑ جانا

ابو وائل کہتے ہیں ایک مرتبہ حضرت علی ؓ نے کوفہ میں لوگوں سے خطاب کیا میں نے اسے سنا چنانچہ آپ ؓ فرما رہے تھے ! اے لوگو ! جو شخص تکلف سے فقر اپنائے وہ فقیر بن ہی جاتا ہے، جسے لمبی عمر دی گئی وہ ابتلاء کا شکار ہوا جو شخص آزمائش کے لئے تیار نہ ہوا تو وہ ابتلاء کے وقت صبر آزما نہیں ہوسکتا جو بادشاہ بنا وہ دولت جمع کرنے میں مشغول ہوا جو شخص مشورہ نہیں لیتا وہ نادم ہوجاتا ہے، اس کے بعد آپ ؓ فرمایا کرتے تھے، عنقریب اسلام کا صرف نام ہی باقی رہے گا اور قرآن کے صرف نقوش ہی باقی رہیں گے اس لئے فرمایا کرتے تھے خبردار ! کوئی شخص بھی علم حاصل کرنے میں حیاء محسوس نہ کرے جس سے کوئی ایسی بات پوچھی جائے جس کا اسے علم نہیں تو اسے چاہیے کہ وہ کہے’’ لَا اَعْلَمُ‘‘ میں نہیں جانتا ہوں۔ اس وقت تمہاری مساجد کی عمارتیں عالی شان ہوں گی حالانکہ تمہارے دل اور تمہارے اجسام ہدایت سے ویران ہوں گے اس وقت تمہارے فقہاء آسمان تلے بدترین لوگ ہوں گے انہی سے فتنوں کا ظہور ہوگا اور انہی میں (فتنے) لوٹیں گے۔

عَنْ أَبِي وَائِلٍ قَالَ خَطَبَ عَلَى النَّاسِ بِالْكُوْفَةِ فَسَمِعْتُهٗ يَقُوْلُ فِي خُطْبَتِهٖ أَيَّهَا النَّاسُ! إِنَّهُ مَنْ يَتَفَقَّرُ اِفْتَقَرَ وَمَنْ يُعَمّر يُبْتَلٰى وَمَنْ لَا يَسْتَعِدُّ لِلْبَلَاءِ إذا ابْتُلِيَ لَا يُصِیْرُ وَمَنْ مَلَكَ اِسْتَأْثَرَ وَمَنْ لَا يَسْتَشِيْرُ يَنْدَمُ! وَكَانَ يَقُوْلُ مِنْ وَرَاءَ هٰذَا الْكَلَامِ يُوْشِكُ أَنْ لَّا يَبْقٰى مِنَ الإسْلَامِ إلَّا اسْمُهٗ وَمِنَ الْقُرْآنِ إِلَّا رَسْمُهٗ وَكَانَ يَقُوْلُ أَلَا! لَا يَسْتَحْيِى الرَّجُلُ أَنْ يَّتَعَلَّمَ وَمَنْ يُسْأَلُ عَمَّا لَا يَعْلَمُ أَنْ يَّقُوْلَ لَا أَعْلَمُ مَسَاجِدُكمْ يَوْمَئِذٍ عَامِرَةٌ وَقُلُوْبُكُمْ وَأَبْدَانُكُمْ خَرْبةٌ مِّنَ الهُدٰى شَرٌّ مِّنْ تَحْتِ ظِلِّ السَّمَاءِ فُقَهَاؤُكُمْ مِنْهُمْ تَبْدُو الفِتْنَةُ وَفِيْهِمْ تَعُوْدُ

کتاب 116: مسلمانوں کا تنزل اور ان کا بگڑ جانا

آج 10 میں سے 10 باقی