سنن ابن ماجہ 282: کتاب الطھارة و سننھا
حضرت عبد اللہ صُنَابِحِیؓ ِّ سے روایت ہے کہ رسول اللہ ﷺ نے فرمایا جس نے وضو کیا اور کُلّی کی، اور ناک میں پانی لیا تو برائیاں منہ اور ناک سے نکل جاتی ہیں اور جب وہ اپنا چہرہ دھوتا ہے تو منہ سے اور ناک سے اس کی خطائیں نکل جاتی ہیں حتی کہ اس کی دونوں آنکھوں کی پلکوں کے نیچے سے بھی اس کی خطائیں نکل جاتی ہیں اور جب دونوں ہاتھ دھوتا ہے تو دونوں ہاتھوں سے اس کی خطائیں نکل جاتی ہیں اور وہ جب اپنے سر کا مسح کرتا ہے تو اُس کے سر سے اس کے گناہ دُور ہوجاتے ہیں یہاں تک کہ اُس کے کانوں سے بھی نکل جاتے ہیں اور جب اپنے دونوں پاؤں دھوتا ہے تو پاؤں سے اس کی تمام خطائیں نکل جاتی ہیں یہاں تک کہ پاؤں کے ناخنوں کے نیچے سے بھی اور اُس کی نماز اور مسجد کی طرف جانا نفل ہوجاتا ہے۔
حَدَّثَنَا سُوَيْدُ بْنُ سَعِيدٍ حَدَّثَنِي حَفْصُ بْنُ مَيْسَرَةَ حَدَّثَنِي زَيْدُ بْنُ أَسْلَمَ عَنْ عَطَاءِ بْنِ يَسَارٍ عَنْ عَبْدِ اللَّهِ الصُّنَابِحِيِّ عَنْ رَسُولِ اللَّهِ ـ صلى الله عليه وسلم ـ قَالَ " مَنْ تَوَضَّأَ فَمَضْمَضَ وَاسْتَنْشَقَ خَرَجَتْ خَطَايَاهُ مِنْ فَمِهِ وَأَنْفِهِ فَإِذَا غَسَلَ وَجْهَهُ خَرَجَتْ خَطَايَاهُ مِنْ وَجْهِهِ حَتَّى تَخْرُجَ مِنْ تَحْتِ أَشْفَارِ عَيْنَيْهِ فَإِذَا غَسَلَ يَدَيْهِ خَرَجَتْ خَطَايَاهُ مِنْ يَدَيْهِ فَإِذَا مَسَحَ رَأْسَهُ خَرَجَتْ خَطَايَاهُ مِنْ رَأْسِهِ حَتَّى تَخْرُجَ مِنْ أُذُنَيْهِ فَإِذَا غَسَلَ رِجْلَيْهِ خَرَجَتْ خَطَايَاهُ مِنْ رِجْلَيْهِ حَتَّى تَخْرُجَ مِنْ تَحْتِ أَظْفَارِ رِجْلَيْهِ وَكَانَتْ صَلاَتُهُ وَمَشْيُهُ إِلَى الْمَسْجِدِ نَافِلَةً " .
Urdu translation: Noor Foundation
آج 10 میں سے 10 باقی