سنن ابن ماجہ 756: کتاب المساجد والجماعات
حضرت انس بن مالکؓ نے بیان کیا کہ میرے ایک چچا نے رسول اللہ ﷺ کے لئے کھانا تیار کیا اور انہوں نے نبی ﷺ سے درخواست کی کہ میں یہ چاہتا ہوں کہ آپؐ میرے گھر کھانا کھائیں اور اس میں نماز پڑھیں۔ آپؐ اُن کے ہاں تشریف لائے اور گھر میں ان چٹائیوں میں سے ایک چٹائی تھی تو آپؐ نے اس کے ایک کونے کے بارے میں ارشاد فرمایا تو اس کو جھاڑا گیا اور اس پر پانی چھڑکا گیا۔ آپؐ نے اس پر نماز پڑھی اور ہم نے آپؐ کے ساتھ نماز پڑھی۔ ابو عبد اللہ بن ماجہ نے کہا ’’فحل‘‘ اُس چٹائی کو کہا جاتا ہے جو (پرانی ہونے کی وجہ سے) سیاہ ہوگئی ہو۔
حَدَّثَنَا يَحْيَى بْنُ حَكِيمٍ حَدَّثَنَا ابْنُ أَبِي عَدِيٍّ عَنِ ابْنِ عَوْنٍ عَنْ أَنَسِ بْنِ سِيرِينَ عَنْ عَبْدِ الْحَمِيدِ بْنِ الْمُنْذِرِ بْنِ الْجَارُودِ عَنْ أَنَسِ بْنِ مَالِكٍ قَالَ صَنَعَ بَعْضُ عُمُومَتِي لِلنَّبِيِّ ـ صلى الله عليه وسلم ـ طَعَامًا فَقَالَ لِلنَّبِيِّ ـ صلى الله عليه وسلم ـ إِنِّي أُحِبُّ أَنْ تَأْكُلَ فِي بَيْتِي وَتُصَلِّيَ فِيهِ . قَالَ فَأَتَاهُ وَفِي الْبَيْتِ فَحْلٌ مِنْ هَذِهِ الْفُحُولِ فَأَمَرَ بِنَاحِيَةٍ مِنْهُ فَكُنِسَ وَرُشَّ فَصَلَّى وَصَلَّيْنَا مَعَهُ . قَالَ أَبُو عَبْدِ اللَّهِ بْنُ مَاجَهْ الْفَحْلُ هُوَ الْحَصِيرُ الَّذِي قَدِ اسْوَدَّ .
Urdu translation: Noor Foundation
آج 10 میں سے 10 باقی