صحیح مسلم 1636: كتاب الزكاة
حضرت جابر بن عبد اللہؓ سے روایت ہے کہ نبیﷺ نے فرمایا کہ کوئی بھی اونٹوں گائیوں اور بھیڑ بکریوں والا جو ان کا حق ادا نہیں کرتا اسے قیامت کے دن ایک چٹیل میدان میں ان کے سامنے بٹھایا جائے گا اور کھروں والے اسے اپنے کھروں تلے روندیں گے اور سینگوں والے اسے اپنے سینگ ماریں گے۔ اس دن ان میں کوئی بغیر سینگ اور ٹوٹے سینگوں والی نہ ہوگی۔ ہم نے عرض کیا یا رسولؐ اللہ! ان کا کیا حق ہے؟ فرمایا ان کے نر اونٹ کو نسل کشی کے لئے چھوڑنا۔ عاریۃً اس کا ڈول دینا، دودھیل جانور عطیہ دینا اور پانی پر ان کا دودھ دوہنا اور اللہ کی راہ میں اس پر سواری کروانا اور کوئی دولت مند جو اس (مال) کی زکوٰۃ نہیں دیتا وہ (مال) قیامت کے دن ایک گنجے سانپ (کی صورت) میں تبدیل ہو جائے گا اور اپنے مالک کا جہاں کہیں وہ جائے گا پیچھا کرے گا اور وہ (مالک) اس سے بھاگے گا اور کہا جائے گا یہ تیرا مال ہے جس میں تو بخل کرتا تھا پس جب وہ دیکھے گا کہ اب کوئی چارہ نہیں تو وہ اپنا ہاتھ اس کے منہ میں داخل کر دے گا اور وہ اسے اونٹ کے چبانے کی طرح چبانے لگے گا۔
حَدَّثَنَا مُحَمَّدُ بْنُ عَبْدِ اللَّهِ بْنِ نُمَيْرٍ حَدَّثَنَا أَبِي حَدَّثَنَا عَبْدُ الْمَلِكِ عَنْ أَبِي الزُّبَيْرِ عَنْ جَابِرِ بْنِ عَبْدِ اللَّهِ عَنِ النَّبِيِّ صلى الله عليه وسلم قَالَ " مَا مِنْ صَاحِبِ إِبِلٍ وَلاَ بَقَرٍ وَلاَ غَنَمٍ لاَ يُؤَدِّي حَقَّهَا إِلاَّ أُقْعِدَ لَهَا يَوْمَ الْقِيَامَةِ بِقَاعٍ قَرْقَرٍ تَطَؤُهُ ذَاتُ الظِّلْفِ بِظِلْفِهَا وَتَنْطِحُهُ ذَاتُ الْقَرْنِ بِقَرْنِهَا لَيْسَ فِيهَا يَوْمَئِذٍ جَمَّاءُ وَلاَ مَكْسُورَةُ الْقَرْنِ " . قُلْنَا يَا رَسُولَ اللَّهِ وَمَا حَقُّهَا قَالَ " إِطْرَاقُ فَحْلِهَا وَإِعَارَةُ دَلْوِهَا وَمَنِيحَتُهَا وَحَلَبُهَا عَلَى الْمَاءِ وَحَمْلٌ عَلَيْهَا فِي سَبِيلِ اللَّهِ وَلاَ مِنْ صَاحِبِ مَالٍ لاَ يُؤَدِّي زَكَاتَهُ إِلاَّ تَحَوَّلَ يَوْمَ الْقِيَامَةِ شُجَاعًا أَقْرَعَ يَتْبَعُ صَاحِبَهُ حَيْثُمَا ذَهَبَ وَهُوَ يَفِرُّ مِنْهُ وَيُقَالُ هَذَا مَالُكَ الَّذِي كُنْتَ تَبْخَلُ بِهِ فَإِذَا رَأَى أَنَّهُ لاَ بُدَّ مِنْهُ أَدْخَلَ يَدَهُ فِي فِيهِ فَجَعَلَ يَقْضَمُهَا كَمَا يَقْضَمُ الْفَحْلُ " .
Urdu translation: Noor Foundation
کتاب 12: كتاب الزكاة