صحیح مسلم 1759: كتاب الزكاة
زید بن وہب جہنی بیان کرتے ہیں کہ وہ اس لشکر میں تھے جو حضرت علی رضی اللہ عنہ کے ساتھ تھا جو خوارج کی طرف چلا تھا۔ حضرت علیؓ نے کہا اے لوگو! میں نے رسول اللہﷺ کو فرماتے سنا ہے کہ میری امّت سے ایک قوم نکلے گی جو قرآن پڑھیں گے تمہاری قراءت ان کی قراءت کے مقابلہ میں کچھ چیز نہیں اور نہ تمہاری نماز ان کی نماز کے مقابل کوئی چیز ہے اور نہ تمہارے روزے ان کے روزوں کے مقابل کچھ چیز ہیں وہ قرآن پڑھیں گے اور گمان کریں گے کہ وہ ان کے حق میں ہے مگر وہ ان کے خلاف ہوگا۔ ان کی نماز ان کے گلے سے آگے نہیں گذرے گی وہ اسلام سے نکلیں گے جیسے تیر شکار میں سے پار ہوجاتا ہے اگر اس لشکر کو جو اُن پر حملہ آور ہوگا اس کا پتہ ہو جو اُن کے نبیﷺ کی زبان پر ان کے لئے مقدر ہے تو وہ اس پر بھروسہ کرتے ہوئے باقی اعمال چھوڑ بیٹھتے اور اس کی نشانی یہ ہے کہ ان میں ایک ایسا شخص ہے جس کا بازو کندھے سے کہنی تک ہے اور کہنی سے ہاتھ تک نہیں۔ اس کے بازو کے سرے پر پستان کے اُبھار جیسا (اُبھار) ہے۔ جس پر سفید بال ہیں پس تم معاویہؓ اور اہلِ شام کی طرف جاتے ہو اور ان لوگوں کو اپنی اولاد اور اپنے اموال میں اپنا جانشین بنا کر جاتے ہو اور خدا کی قسم میں سمجھتا ہوں کہ یہی وہ لوگ ہیں کیونکہ انہوں نے حرام خون بہایا اور لوگوں کے ریوڑوں پر حملہ کیا۔ پس اللہ کا نام لے کر روانہ ہو جاؤ۔ (راوی) سلمہ بن کُہیل کہتے ہیں زید بن وہب نے مجھے ایک منزل پر اُتارا یہانتک کہ اس نے کہا ہم ایک پُل پر سے گذرے جب ہماری مٹھ بھیڑ ہوئی اور خوارج کا سردار اس وقت عبد اللہ بن وہب راسبی تھا اس نے ان کو کہا نیزے پھینک دو اور تلواریں نیاموں سے نکالو کیونکہ میں ڈرتا ہوں کہ وہ تمہیں اس طرح قسم دیں جس طرح انہوں نے حروراء کے دن تمہیں قسم دی تھی۔ پس وہ واپس لوٹے۔ انہوں نے اپنے نیزے پھینک دیئے اور تلواریں سونت لیں اور لوگوں نے ان پر اپنے نیزوں سے حملہ کیا۔ راوی کہتے ہیں ان میں سے بعض قتل ہوکر بعض پر گرے اور لوگوں میں سے اس دن صرف دو شہید ہوئے۔ حضرت علی رضی اللہ عنہ نے کہا ان میں سے وہ ٹنڈے بازو والا تلاش کرو۔ انہوں نے تلاش کیا مگر اسے نہ پایا۔ پھر حضرت علی رضی اللہ عنہ خود کھڑے ہوئے یہانتک کہ ان لوگوں کے پاس پہنچے جن میں سے بعض قتل ہوکر بعض پر گرے تھے حضرت علیؓ نے کہا انہیں ہٹاؤ تو انہوں نے اس کو نیچے زمین پر پایا۔ اس پر آپؓ (حضرت علیؓ) نے اللہ اکبر کہا پھر کہا اللہ نے سچ فرمایا اور اس کے رسولﷺ نے اسے خوب پہنچایا۔ راوی کہتے ہیں عَبِیدہ سلمانی کھڑے ہوکر ان کے پاس گئے۔ انہوں نے کہا اے امیر المؤمنین! کیا آپ اس اللہ کی جس کے سوا کوئی عبادت کے لائق نہیں (قسم کھاتے ہیں) کیا آپ نے خود یہ حدیث رسول اللہﷺ سے سنی ہے؟ انہوں نے کہا ہاں، اس اللہ کی قسم جس کے سوا کوئی معبود نہیں یہانتک کہ اس نے آپ کو تین دفعہ قسم دلائی اور آپ اس کے (جواب میں) قسم اُٹھاتے رہے۔
حَدَّثَنَا عَبْدُ بْنُ حُمَيْدٍ حَدَّثَنَا عَبْدُ الرَّزَّاقِ بْنُ هَمَّامٍ حَدَّثَنَا عَبْدُ الْمَلِكِ بْنُ أَبِي سُلَيْمَانَ حَدَّثَنَا سَلَمَةُ بْنُ كُهَيْلٍ حَدَّثَنِي زَيْدُ بْنُ وَهْبٍ الْجُهَنِيُّ أَنَّهُ كَانَ فِي الْجَيْشِ الَّذِينَ كَانُوا مَعَ عَلِيٍّ - رضى الله عنه - الَّذِينَ سَارُوا إِلَى الْخَوَارِجِ فَقَالَ عَلِيٌّ رضى الله عنه أَيُّهَا النَّاسُ إِنِّي سَمِعْتُ رَسُولَ اللَّهِ صلى الله عليه وسلم يَقُولُ " يَخْرُجُ قَوْمٌ مِنْ أُمَّتِي يَقْرَءُونَ الْقُرْآنَ لَيْسَ قِرَاءَتُكُمْ إِلَى قِرَاءَتِهِمْ بِشَىْءٍ وَلاَ صَلاَتُكُمْ إِلَى صَلاَتِهِمْ بِشَىْءٍ وَلاَ صِيَامُكُمْ إِلَى صِيَامِهِمْ بِشَىْءٍ يَقْرَءُونَ الْقُرْآنَ يَحْسِبُونَ أَنَّهُ لَهُمْ وَهُوَ عَلَيْهِمْ لاَ تُجَاوِزُ صَلاَتُهُمْ تَرَاقِيَهُمْ يَمْرُقُونَ مِنَ الإِسْلاَمِ كَمَا يَمْرُقُ السَّهْمُ مِنَ الرَّمِيَّةِ " . لَوْ يَعْلَمُ الْجَيْشُ الَّذِينَ يُصِيبُونَهُمْ مَا قُضِيَ لَهُمْ عَلَى لِسَانِ نَبِيِّهِمْ صلى الله عليه وسلم لاَتَّكَلُوا عَنِ الْعَمَلِ وَآيَةُ ذَلِكَ أَنَّ فِيهِمْ رَجُلاً لَهُ عَضُدٌ وَلَيْسَ لَهُ ذِرَاعٌ عَلَى رَأْسِ عَضُدِهِ مِثْلُ حَلَمَةِ الثَّدْىِ عَلَيْهِ شَعَرَاتٌ بِيضٌ فَتَذْهَبُونَ إِلَى مُعَاوِيَةَ وَأَهْلِ الشَّامِ وَتَتْرُكُونَ هَؤُلاَءِ يَخْلُفُونَكُمْ فِي ذَرَارِيِّكُمْ وَأَمْوَالِكُمْ وَاللَّهِ إِنِّي لأَرْجُو أَنْ يَكُونُوا هَؤُلاَءِ الْقَوْمَ فَإِنَّهُمْ قَدْ سَفَكُوا الدَّمَ الْحَرَامَ وَأَغَارُوا فِي سَرْحِ النَّاسِ فَسِيرُوا عَلَى اسْمِ اللَّهِ . قَالَ سَلَمَةُ بْنُ كُهَيْلٍ فَنَزَّلَنِي زَيْدُ بْنُ وَهْبٍ مَنْزِلاً حَتَّى قَالَ مَرَرْنَا عَلَى قَنْطَرَةٍ فَلَمَّا الْتَقَيْنَا وَعَلَى الْخَوَارِجِ يَوْمَئِذٍ عَبْدُ اللَّهِ بْنُ وَهْبٍ الرَّاسِبِيُّ فَقَالَ لَهُمْ أَلْقُوا الرِّمَاحَ وَسُلُّوا سُيُوفَكُمْ مِنْ جُفُونِهَا فَإِنِّي أَخَافُ أَنْ يُنَاشِدُوكُمْ كَمَا نَاشَدُوكُمْ يَوْمَ حَرُورَاءَ . فَرَجَعُوا فَوَحَّشُوا بِرِمَاحِهِمْ وَسَلُّوا السُّيُوفَ وَشَجَرَهُمُ النَّاسُ بِرِمَاحِهِمْ - قَالَ - وَقُتِلَ بَعْضُهُمْ عَلَى بَعْضٍ وَمَا أُصِيبَ مِنَ النَّاسِ يَوْمَئِذٍ إِلاَّ رَجُلاَنِ فَقَالَ عَلِيٌّ رضى الله عنه الْتَمِسُوا فِيهِمُ الْمُخْدَجَ . فَالْتَمَسُوهُ فَلَمْ يَجِدُوهُ فَقَامَ عَلِيٌّ - رضى الله عنه - بِنَفْسِهِ حَتَّى أَتَى نَاسًا قَدْ قُتِلَ بَعْضُهُمْ عَلَى بَعْضٍ قَالَ أَخِّرُوهُمْ . فَوَجَدُوهُ مِمَّا يَلِي الأَرْضَ فَكَبَّرَ ثُمَّ قَالَ صَدَقَ اللَّهُ وَبَلَّغَ رَسُولُهُ - قَالَ - فَقَامَ إِلَيْهِ عَبِيدَةُ السَّلْمَانِيُّ فَقَالَ يَا أَمِيرَ الْمُؤْمِنِينَ اللَّهَ الَّذِي لاَ إِلَهَ إِلاَّ هُوَ لَسَمِعْتَ هَذَا الْحَدِيثَ مِنْ رَسُولِ اللَّهِ صلى الله عليه وسلم فَقَالَ إِي وَاللَّهِ الَّذِي لاَ إِلَهَ إِلاَّ هُوَ . حَتَّى اسْتَحْلَفَهُ ثَلاَثًا وَهُوَ يَحْلِفُ لَهُ .
Urdu translation: Noor Foundation
کتاب 12: كتاب الزكاة