صحیح مسلم 1760: كتاب الزكاة

رسول اللہﷺ کے آزاد کردہ غلام ابو رافع کے بیٹے عبید اللہ سے روایت ہے کہ حروریہ (فرقہ) نے جب خروج کیا اور وہ (یعنی عبید اللہ) حضرت علی بن ابی طالب رضی اللہ عنہ کے ساتھ تھے۔ انہوں (یعنی خوارج) نے کہا حکم صرف اللہ کا ہے۔ حضرت علیؓ نے کہا (یہ) بات سچی مگر اس سے ارادہ باطل کا کیا گیا ہے۔ رسول اللہﷺ نے کچھ لوگوں کا ذکر فرمایا۔ (حضرت علیؓ نے کہا) یقینا میں اُن لوگوں کی نشانی اِن لوگوں میں دیکھتا ہوں۔ (آپؐ نے فرمایا تھا) یہ زبانوں سے حق کہیں گے مگر وہ ان کی اس جگہ سے نہیں گذرے گا۔ اور آپؓ نے اپنے گلے کی طرف اشارہ کیا۔ اللہ کی مخلوق میں سے ایک سب سے ناپسندیدہ سیاہ رنگ والا شخص ان میں سے ہے جس کا ایک ہاتھ بکری کے سرِ پستان (یا فرمایا) پستان کے کنارے جیسا ہے۔ جب حضرت علیؓ بن ابی طالب نے انہیں قتل کیا تو فرمایا تلاش کرو۔ انہوں نے دیکھا مگر کچھ نہ پایا آپؓ نے فرمایا پھر جاؤ۔ اللہ کی قسم نہ میں نے جھوٹ کہا نہ ہی مجھ سے جھوٹ کہا گیا ہے دو یا تین مرتبہ آپ نے ایسا فرمایا پھر انہوں نے اسے ایک ویرانے میں پایا تو وہ اسے لے آئے یہاں تک کہ اسے آپؓ کے سامنے رکھا۔ عبید اللہ کہتے ہیں ان کے اس سارے معاملہ کے موقعہ پر اور حضرت علیؓ کے ان کے بارہ میں یہ کہنے کے وقت میں موجود تھا۔ ایک شخص نے ابن حنین سے روایت کیا ہے کہ میں نے اس سیاہ شخص کو دیکھا تھا۔

حَدَّثَنِي أَبُو الطَّاهِرِ وَيُونُسُ بْنُ عَبْدِ الأَعْلَى قَالاَ أَخْبَرَنَا عَبْدُ اللَّهِ بْنُ وَهْبٍ أَخْبَرَنِي عَمْرُو بْنُ الْحَارِثِ عَنْ بُكَيْرِ بْنِ الأَشَجِّ عَنْ بُسْرِ بْنِ سَعِيدٍ عَنْ عُبَيْدِ اللَّهِ بْنِ أَبِي رَافِعٍ مَوْلَى رَسُولِ اللَّهِ صلى الله عليه وسلم أَنَّ الْحَرُورِيَّةَ لَمَّا خَرَجَتْ وَهُوَ مَعَ عَلِيِّ بْنِ أَبِي طَالِبٍ - رضى الله عنه - قَالُوا لاَ حُكْمَ إِلاَّ لِلَّهِ . قَالَ عَلِيٌّ كَلِمَةُ حَقٍّ أُرِيدَ بِهَا بَاطِلٌ إِنَّ رَسُولَ اللَّهِ صلى الله عليه وسلم وَصَفَ نَاسًا إِنِّي لأَعْرِفُ صِفَتَهُمْ فِي هَؤُلاَءِ " يَقُولُونَ الْحَقَّ بِأَلْسِنَتِهِمْ لاَ يَجُوزُ هَذَا مِنْهُمْ - وَأَشَارَ إِلَى حَلْقِهِ - مِنْ أَبْغَضِ خَلْقِ اللَّهِ إِلَيْهِ مِنْهُمْ أَسْوَدُ إِحْدَى يَدَيْهِ طُبْىُ شَاةٍ أَوْ حَلَمَةُ ثَدْىٍ " . فَلَمَّا قَتَلَهُمْ عَلِيُّ بْنُ أَبِي طَالِبٍ - رضى الله عنه - قَالَ انْظُرُوا . فَنَظَرُوا فَلَمْ يَجِدُوا شَيْئًا فَقَالَ ارْجِعُوا فَوَاللَّهِ مَا كَذَبْتُ وَلاَ كُذِبْتُ . مَرَّتَيْنِ أَوْ ثَلاَثًا ثُمَّ وَجَدُوهُ فِي خَرِبَةٍ فَأَتَوْا بِهِ حَتَّى وَضَعُوهُ بَيْنَ يَدَيْهِ . قَالَ عُبَيْدُ اللَّهِ وَأَنَا حَاضِرُ ذَلِكَ مِنْ أَمْرِهِمْ . وَقَوْلِ عَلِيٍّ فِيهِمْ زَادَ يُونُسُ فِي رِوَايَتِهِ قَالَ بُكَيْرٌ وَحَدَّثَنِي رَجُلٌ عَنِ ابْنِ حُنَيْنٍ أَنَّهُ قَالَ رَأَيْتُ ذَلِكَ الأَسْوَدَ .

Urdu translation: Noor Foundation

کتاب 12: كتاب الزكاة

آج 10 میں سے 10 باقی