صحیح مسلم 2048: كتاب الحج

حضرت ابو قتادہؓ کہتے ہیں کہ ہم رسول اللہﷺ کے ساتھ نکلے یہاں تک کہ ہم جب قاحہ مقام پر تھے۔ ہم میں مُحرم بھی تھے اور غیر مُحرم بھی کہ میں نے اپنے ساتھیوں کو دیکھا کہ وہ کسی چیز کی طرف دیکھ رہے ہیں۔ میں نے نظر ڈالی تو وہ ایک گورخر تھا۔ میں نے اپنے گھوڑے پر زین ڈالی نیزہ لیا اور سوار ہوا تو میرا کوڑا مجھ سے گر گیا۔ میں نے اپنے ساتھیوں سے جو حالتِ احرام میں تھے کہا کہ مجھے کوڑا پکڑا دو انہوں نے کہا خدا کی قسم ہم اس (شکار) کے لئے کچھ بھی مدد نہیں کریں گے۔ میں نیچے اترا اور اسے لیا سوار ہوا۔ میں نے اس گورخر کو پیچھے سے جا لیا جبکہ وہ ایک ٹیلے کے پیچھے تھا۔ میں نے اسے اپنا نیزہ مارا۔ پھر اسے ذَبح کیا اور وہ لے کر اپنے ساتھیوں کے پاس آیا۔ ان میں سے بعض نے کہا اسے کھالو۔ اور بعض نے کہا اسے نہ کھاؤ۔ نبیﷺ ہم سے آگے تھے۔ میں نے اپنے گھوڑے کو تیز کیا اور آپؐ کے پاس پہنچ گیا۔ آپؐ نے فرمایا یہ حلال ہے اسے کھالو۔

وَحَدَّثَنَا قُتَيْبَةُ بْنُ سَعِيدٍ حَدَّثَنَا سُفْيَانُ عَنْ صَالِحِ بْنِ كَيْسَانَ ح وَحَدَّثَنَا ابْنُ أَبِي عُمَرَ - وَاللَّفْظُ لَهُ - حَدَّثَنَا سُفْيَانُ حَدَّثَنَا صَالِحُ بْنُ كَيْسَانَ قَالَ سَمِعْتُ أَبَا مُحَمَّدٍ مَوْلَى أَبِي قَتَادَةَ يَقُولُ سَمِعْتُ أَبَا قَتَادَةَ يَقُولُ خَرَجْنَا مَعَ رَسُولِ اللَّهِ صلى الله عليه وسلم حَتَّى إِذَا كُنَّا بِالْقَاحَةِ فَمِنَّا الْمُحْرِمُ وَمِنَّا غَيْرُ الْمُحْرِمِ إِذْ بَصُرْتُ بِأَصْحَابِي يَتَرَاءَوْنَ شَيْئًا فَنَظَرْتُ فَإِذَا حِمَارُ وَحْشٍ . فَأَسْرَجْتُ فَرَسِي وَأَخَذْتُ رُمْحِي ثُمَّ رَكِبْتُ فَسَقَطَ مِنِّي سَوْطِي فَقُلْتُ لأَصْحَابِي وَكَانُوا مُحْرِمِينَ نَاوِلُونِي السَّوْطَ . فَقَالُوا وَاللَّهِ لاَ نُعِينُكَ عَلَيْهِ بِشَىْءٍ . فَنَزَلْتُ فَتَنَاوَلْتُهُ ثُمَّ رَكِبْتُ فَأَدْرَكْتُ الْحِمَارَ مِنْ خَلْفِهِ وَهُوَ وَرَاءَ أَكَمَةٍ فَطَعَنْتُهُ بِرُمْحِي فَعَقَرْتُهُ فَأَتَيْتُ بِهِ أَصْحَابِي فَقَالَ بَعْضُهُمْ كُلُوهُ . وَقَالَ بَعْضُهُمْ لاَ تَأْكُلُوهُ . وَكَانَ النَّبِيُّ صلى الله عليه وسلم أَمَامَنَا فَحَرَّكْتُ فَرَسِي فَأَدْرَكْتُهُ فَقَالَ " هُوَ حَلاَلٌ فَكُلُوهُ " .

Urdu translation: Noor Foundation

کتاب 15: كتاب الحج

آج 10 میں سے 10 باقی