صحیح مسلم 2228: كتاب الحج
عروہ بن زبیرؓ سے روایت ہے کہ حضرت عائشہؓ نے انہیں بتایا کہ اسلام قبول کرنے سے پہلے انصار نیز غسّان (قبیلہ) کے لوگ مناۃ (بت) کے لئے احرام باندھتے تھے۔ اور وہ صفا اور مروہ کے درمیان طواف کرنے کو گناہ سمجھا کرتے تھے اور اُن کے آباء و اجداد کا طریق یہ تھا کہ جو شخص مناۃ (بت) کے لئے احرام باندھتا وہ صفا اور مروہ کے درمیان طواف نہیں کرتا تھا اور جب وہ مسلمان ہوئے تو انہوں نے رسول اللہﷺ سے اس بارہ میں پوچھا تو اللہ تعالیٰ نے اس بارہ میں یہ نازل فرمایا اِنَّ الصَّفَا وَالْمَرْوَۃَ مِنْ شَعَائِرِ اللّٰہِ۔۔۔ (ترجمہ): یقینا صفا اور مروہ شعائر اللہ میں سے ہیں پس جو کوئی بھی اس بیت کا حج کرے یا عمرہ ادا کرے تو اس پر کوئی گناہ نہیں کہ وہ ان دونوں کا بھی طواف کرے اور جو نفلی طور پر نیکی کرنا چاہے تو یقینا اللہ شکر کا حق ادا کرنے والا (اور) دائمی علم رکھنے والا ہے۔ (البقرہ: 159)
Urdu translation: Noor Foundation