صحیح مسلم 3143: كتاب القسامة والمحاربين والقصاص والديات

یحییٰ جو ابن سعید ہیں بُشَیر بن یسار سے روایت کرتے ہیں کہ حضرت سہل بن ابو حثمہؓ سے روایت ہے۔ راوی یحییٰ کہتے ہیں کہ میرا خیال ہے کہ انہوں (بشیر بن یسار) نے کہا حضرت رافع بن خدیجؓ سے (بھی) مروی ہے کہ ان دونوں (حضرت سہل بن ابو حثمہؓ اور حضرت رافعؓ بن خدیج) نے کہا۔ حضرت عبداللہ بن سہلؓ بن زید اور مُحَیِّصہ بن مسعود بن زید دونوں (سفر پر) نکلے یہاں تک کہ جب وہ دونوں خیبر پہنچے تو وہاں کسی جگہ الگ الگ ہوگئے پھر اچانک حضرت مُحَیِّصہؓ نے حضرت عبداللہ بن سہلؓ کو مقتول پایا اور انہوں نے اسے دفن کردیا پھر وہ اور حضرت حُوَیِّصہؓ بن مسعود اور حضرت عبدالرحمانؓ بن سہل جو اُن میں سب سے چھوٹے تھے رسول اللہﷺ کے پاس حاضر ہوئے۔ عبدالرحمانؓ اپنے دونوں ساتھیوں سے پہلے بات کرنے لگے۔ رسول اللہﷺ نے فرمایا عمر میں بڑے کو موقع دو، تو وہ خاموش ہوگئے۔ پھر اس کے ساتھیوں نے بات کی اور (حضرت عبدالرحمان بن سہلؓ) ان دونوں کے ساتھ گفتگو میں شامل ہوگئے۔ انہوں نے رسول اللہﷺ سے حضرت عبداللہ بن سہلؓ کے قتل کا ذکر کیا۔ آپؐ نے اُن سے فرمایا کیا تم پچاس افراد قسمیں کھاتے ہو تو تم اپنے (مقتول کے) قاتل سے قصاص کے مستحق ہو جاؤ گے۔ راوی کہتے ہیں کہ آپؐ نے صَاحِبَکُمْ فرمایا یا فرمایا قَاتِلَکُمْ۔ انہوں نے کہا ہم کیسے قسم کھائیں جب کہ ہم موجود نہیں تھے۔ آپؐ نے فرمایا پھر یہودی پچاس قسمیں کھا کر تم سے بری ہو جائیں گے۔ انہوں نے کہا ہم کافر قوم کی قسمیں کیسے قبول کر لیں۔ رسول اللہﷺ نے جب یہ دیکھا تو آپؐ نے اس کی دیت ادا کردی۔

حَدَّثَنَا قُتَيْبَةُ بْنُ سَعِيدٍ حَدَّثَنَا لَيْثٌ عَنْ يَحْيَى - وَهُوَ ابْنُ سَعِيدٍ - عَنْ بُشَيْرِ بْنِ يَسَارٍ عَنْ سَهْلِ بْنِ أَبِي حَثْمَةَ - قَالَ يَحْيَى وَحَسِبْتُ قَالَ - وَعَنْ رَافِعِ بْنِ خَدِيجٍ أَنَّهُمَا قَالاَ خَرَجَ عَبْدُ اللَّهِ بْنُ سَهْلِ بْنِ زَيْدٍ وَمُحَيِّصَةُ بْنُ مَسْعُودِ بْنِ زَيْدٍ حَتَّى إِذَا كَانَا بِخَيْبَرَ تَفَرَّقَا فِي بَعْضِ مَا هُنَالِكَ ثُمَّ إِذَا مُحَيِّصَةُ يَجِدُ عَبْدَ اللَّهِ بْنَ سَهْلٍ قَتِيلاً فَدَفَنَهُ ثُمَّ أَقْبَلَ إِلَى رَسُولِ اللَّهِ صلى الله عليه وسلم هُوَ وَحُوَيِّصَةُ بْنُ مَسْعُودٍ وَعَبْدُ الرَّحْمَنِ بْنُ سَهْلٍ وَكَانَ أَصْغَرَ الْقَوْمِ فَذَهَبَ عَبْدُ الرَّحْمَنِ لِيَتَكَلَّمَ قَبْلَ صَاحِبَيْهِ فَقَالَ لَهُ رَسُولُ اللَّهِ صلى الله عليه وسلم " كَبِّرِ " . الْكُبْرَ فِي السِّنِّ فَصَمَتَ فَتَكَلَّمَ صَاحِبَاهُ وَتَكَلَّمَ مَعَهُمَا فَذَكَرُوا لِرَسُولِ اللَّهِ صلى الله عليه وسلم مَقْتَلَ عَبْدِ اللَّهِ بْنِ سَهْلٍ فَقَالَ لَهُمْ " أَتَحْلِفُونَ خَمْسِينَ يَمِينًا فَتَسْتَحِقُّونَ صَاحِبَكُمْ " . أَوْ " قَاتِلَكُمْ " . قَالُوا وَكَيْفَ نَحْلِفُ وَلَمْ نَشْهَدْ قَالَ " فَتُبْرِئُكُمْ يَهُودُ بِخَمْسِينَ يَمِينًا " . قَالُوا وَكَيْفَ نَقْبَلُ أَيْمَانَ قَوْمٍ كُفَّارٍ فَلَمَّا رَأَى ذَلِكَ رَسُولُ اللَّهِ صلى الله عليه وسلم أَعْطَى عَقْلَهُ .

Urdu translation: Noor Foundation

کتاب 28: كتاب القسامة والمحاربين والقصاص والديات

آج 10 میں سے 10 باقی