صحیح مسلم 4205: كتاب الرؤيا

ہمام بن منبّہ سے روایت ہے وہ کہتے ہیں یہ وہ احادیث ہیں جو حضرت ابوہریرہؓ نے رسول اللہﷺ سے بتائیں۔ پھر انہوں نے کچھ احادیث کا ذکر کیا جن میں (سے ایک یہ) ہے کہ رسول اللہﷺ نے فرمایا اس دوران کہ میں سو رہا تھا میرے پاس زمین کے خزانے لائے گئے اور میرے ہاتھ پر سونے کے دو کنگن رکھے۔ وہ مجھ پر گراں گذرے اور انہوں نے مجھے فکرمند کر دیا۔ میری طرف وحی کی گئی کہ ان دونوں پر پھونک مار۔ میں نے ان دونوں پر پھونک ماری۔ وہ دونوں جاتے رہے۔ میں نے ان سے یہ مراد لیا کہ وہ دو کذّاب ہیں جن کے درمیان میں ہوں ایک تو صنعاء کا رہنے والا ہے اور دوسرا یمامہ کا۔

وَحَدَّثَنَا مُحَمَّدُ بْنُ رَافِعٍ حَدَّثَنَا عَبْدُ الرَّزَّاقِ أَخْبَرَنَا مَعْمَرٌ عَنْ هَمَّامِ بْنِ مُنَبِّهٍ قَالَ هَذَا مَا حَدَّثَنَا أَبُو هُرَيْرَةَ عَنْ رَسُولِ اللَّهِ صلى الله عليه وسلم . فَذَكَرَ أَحَادِيثَ مِنْهَا وَقَالَ رَسُولُ اللَّهِ صلى الله عليه وسلم " بَيْنَا أَنَا نَائِمٌ أُتِيتُ خَزَائِنَ الأَرْضِ فَوَضَعَ فِي يَدَىَّ أُسْوَارَيْنِ مِنْ ذَهَبٍ فَكَبُرَا عَلَىَّ وَأَهَمَّانِي فَأُوحِيَ إِلَىَّ أَنِ انْفُخْهُمَا فَنَفَخْتُهُمَا فَذَهَبَا فَأَوَّلْتُهُمَا الْكَذَّابَيْنِ اللَّذَيْنِ أَنَا بَيْنَهُمَا صَاحِبَ صَنْعَاءَ وَصَاحِبَ الْيَمَامَةِ " .

Urdu translation: Noor Foundation

کتاب 42: كتاب الرؤيا

مربوط حوالہ جات

خطباتِ جمعہ

  • حضرت ابوبکر صدیقؓ: اردو
آج 10 میں سے 10 باقی