کتاب 77: كتاب اللباس
صحیح بخاری, حصہ 9
صحیح بخاری 5943
محمد بن مقاتل نے مجھ سے بیان کیا کہ عبداللہ (بن مبارک) نے ہمیں خبر دی کہ سفیان (ثوری) نے ہمیں بتایا۔ سفیان نے منصور (بن معتمر) سے، منصور نے ابراہیم (نخعی) سے، ابراہیم نے علقمہ سے، علقمہ نے حضرت ابن مسعودؓ سے روایت کی۔ انہوں نے کہا: اللہ نے گودنے والیوں اور گدانے والیوں اور چہرے کے روئیں نکالنے والیوں اور خوبصورتی کے لئے دانتوں کو کشادہ کرنے والیوں کو جو اللہ کی پیدائش کو بدلتی ہیں اپنی رحمت سے دور کیا۔ مجھے کیا ہے کہ میں ان کو لعنتی قرار نہ دوں جن کو رسول اللہ ﷺ نے لعنتی قرار دیا اور یہ حکم کتاب اللہ میں بھی ہے۔
Urdu translation: Hazrat Syed Zain-ul-Abidin Waliullah Shah
صحیح بخاری 5944
یحيٰ (بن موسیٰ) نے مجھ سے بیان کیا کہ عبدالرزاق نے ہمیں بتایا۔ انہوں نے معمر سے، معمر نے ہمام سے، ہمام نے حضرت ابوہریرہ رضی اللہ عنہ سے روایت کی۔ انہوں نے کہا: رسول اللہ ﷺ نے فرمایا۔ نظر کا لگنا سچ ہے اور آپؐ نے گدوانے سے منع فرمایا۔
(محمد) بن بشار نے مجھ سے بیان کیا کہ (عبدالرحمٰن) بن مہدی نے ہمیں بتایا کہ سفیان (ثوری) نے ہم سے بیان کیا۔ سفیان نے کہا کہ میں نے عبدالرحمٰن بن عابس سے منصور کی اس حدیث کا ذکر کیا جو انہوں نے ابراہیم سے، ابراہیم نے علقمہ سے، علقمہ نے حضرت عبداللہؓ (بن مسعود) سے روایت کی۔ انہوں نے کہا: میں نے اس کو ام یعقوب سے بھی منصور کی حدیث کی طرح ہی سنا ہے۔ انہوں نے حضرت عبداللہ (بن مسعودؓ) سے روایت کی۔
حَدَّثَنِي ابْنُ بَشَّارٍ حَدَّثَنَا ابْنُ مَهْدِيٍّ حَدَّثَنَا سُفْيَانُ قَالَ ذَكَرْتُ لِعَبْدِ الرَّحْمَنِ بْنِ عَابِسٍ حَدِيثَ مَنْصُورٍ عَنْ إِبْرَاهِيمَ عَنْ عَلْقَمَةَ عَنْ عَبْدِ اللَّهِ فَقَالَ سَمِعْتُهُ مِنْ أُمِّ يَعْقُوبَ عَنْ عَبْدِ اللَّهِ مِثْلَ حَدِيثِ مَنْصُورٍ.
Urdu translation: Hazrat Syed Zain-ul-Abidin Waliullah Shah
صحیح بخاری 5945
سلیمان بن حرب نے ہم سے بیان کیا کہ شعبہ نے ہمیں بتایا۔ انہوں نے عون بن ابی جحیفہ سے، عون نے کہا: میں نے اپنے باپ کو دیکھا۔ انہوں نے کہا: نبی ﷺ نے خون (نکالنے) کی قیمت اور کتے کی قیمت لینے سے منع فرمایا اور آپؐ نے سود کھانے والے اور اس کے کھلانے والے اور گودنے والی اور گدوانے والی کو منع کیا۔
Urdu translation: Hazrat Syed Zain-ul-Abidin Waliullah Shah
صحیح بخاری 5946
زہیر بن حرب نے ہم سے بیان کیا کہ جریر (بن عبدالحمید) نے ہمیں بتایا۔ انہوں نے عمارہ (بن قعقاع) سے، عمارہ نے ابوزرعہ سے، ابوزرعہ نے حضرت ابوہریرہ رضی اللہ عنہ سے روایت کی۔ انہوں نے کہا: حضرت عمر ؓ کے پاس ایک عورت کو لایا گیا جو گودتی تھی۔ وہ کھڑے ہوئے اور کہنے لگے: میں تم سے اللہ کی قسم دے کر پوچھتا ہوں کہ کسی نے نبی ﷺ سے گودنے کے متعلق سنا ہے؟ حضرت ابوہریرہؓ کہتے تھے: (یہ سن کر) میں اٹھا اور میں نے کہا: امیر المؤمنینؓ! میں نے سنا ہے۔ انہوں نے پوچھا: تم نے کیا سنا ہے؟ حضرت ابو ہریرہؓ نے کہا: میں نے نبی ﷺ سے سنا۔ آپؐ فرماتے تھے: عورتو! نہ گودو، نہ گدواؤ۔
Urdu translation: Hazrat Syed Zain-ul-Abidin Waliullah Shah
صحیح بخاری 5947
مسدد نے ہم سے بیان کیا کہ یحيٰ بن سعید نے ہمیں بتایا۔ انہوں نے عبیداللہ (عمری) سے روایت کی۔ (انہوں نے کہا) مجھے نافع نے خبر دی۔ انہوں نے حضرت ابن عمرؓ سے روایت کی۔ وہ کہتے تھے: نبی ﷺ نے بالوں میں پیوند لگانے والی اور لگوانے والی کو اور گودنے والی اور گدوانے والی کو لعنتی قرار دیا ہے۔
Urdu translation: Hazrat Syed Zain-ul-Abidin Waliullah Shah
صحیح بخاری 5948
محمد بن مثنیٰ نے ہم سے بیان کیا کہ عبدالرحمٰن (بن مہدی) نے ہمیں بتایا۔ انہوں نے سفیان (ثوری) سے، سفیان نے منصور سے، منصور نے ابراہیم (نخعی) سے، ابراہیم نے علقمہ سے، علقمہ نے حضرت عبداللہ (بن مسعود) رضی اللہ عنہ سے روایت کی۔ انہوں نے کہا کہ اللہ نے گودنے والیوں اور گدوانے والیوں کو اور چہرے کے روئیں نکالنے والیوں اور دانتوں کو خوبصورتی کے لئے کشادہ کرنے والیوں کو جو اللہ کی پیدائش میں تبدیلی کرتی ہیں اپنی رحمت سے دور کیا ہے۔ مجھے کیا ہے کہ میں ان کو لعنتی قرار نہ دوں جن کو رسول اللہ ﷺ نے لعنتی قرار دیا جب کہ یہ حکم کتاب اللہ میں بھی ہے۔
Urdu translation: Hazrat Syed Zain-ul-Abidin Waliullah Shah
صحیح بخاری 5949
آدم (بن ابی ایاس) نے ہم سے بیان کیا۔ انہوں نے کہا: ابن ابی ذئب نے ہمیں بتایا۔ انہوں نے زہری سے، زہری نے عبیداللہ بن عبداللہ بن عتبہ سے، عبیداللہ نے حضرت ابن عباسؓ سے، حضرت ابن عباسؓ نے حضرت ابوطلحہ (زید بن سہل) رضی اللہ عنہم سے روایت کی۔ انہوں نے کہا: نبی ﷺ نے فرمایا کہ ملائکہ اس گھر میں داخل نہیں ہوتے جس میں کتا ہو اور جس میں تصویریں ہوں۔ اور لیث (بن سعد) نے کہا: مجھے یونس (بن یزید) نے ابن شہاب سے روایت کرتے ہوئے بتایا۔ (انہوں نے کہا:) مجھے عبیداللہ نے بتایا کہ انہوں نے حضرت ابن عباسؓ سے سنا۔ (وہ کہتے تھے:) میں نے حضرت ابوطلحہؓ سے سنا۔ (حضرت ابوطلحہؓ نے کہا:) میں نے نبی ﷺ سے سنا۔
Urdu translation: Hazrat Syed Zain-ul-Abidin Waliullah Shah
صحیح بخاری 5950
عبداللہ بن زبیر) حمیدی نے ہمیں بتایا۔ انہوں نے کہا: سفیان (بن عیینہ) نے ہم سے بیان کیا کہ اعمش نے ہمیں بتایا۔ اعمش نے مسلم (بن صبیح ابوالضحیٰ) سے روایت کی۔ انہوں نے کہا: ہم یسار بن نمیر کے گھر میں مسروق (بن اجدع) کے ساتھ تھے تو انہوں نے اس کے برآمدے میں مورتیاں دیکھیں تو کہا: میں نے حضرت عبداللہؓ (بن مسعود) سے سنا۔ انہوں نے کہا: میں نے نبی ﷺ سے سنا۔ آپؐ فرماتے تھے: اللہ کے نزدیک جن لوگوں کو قیامت کے دن سخت ترین سزا دی جائے گی وہ مورتیاں بنانے والے ہیں۔
Urdu translation: Hazrat Syed Zain-ul-Abidin Waliullah Shah
صحیح بخاری 5951
ابراہیم بن منذر نے ہم سے بیان کیا کہ انس بن عیاض نے ہمیں بتایا۔ انہوں نے عبیداللہ (عمری) سے، عبیداللہ نے نافع سے روایت کی کہ حضرت عبداللہ بن عمر رضی اللہ عنہما نے ان کو خبر دی کہ رسول اللہ ﷺ نے فرمایا: جو لوگ ان مورتیوں کو بناتے ہیں قیامت کے دن ان کو سزا دی جائے گی۔ ان سے کہا جائے گا جو تم نے بنایا ان میں جان بھی ڈال دو۔
Urdu translation: Hazrat Syed Zain-ul-Abidin Waliullah Shah
صحیح بخاری 5952
معاذ بن فضالہ نے ہم سے بیان کیا کہ ہشام (دستوائی) نے ہمیں بتایا۔ انہوں نے یحيٰ (بن ابی کثیر) سے، یحيٰ نے عمران بن حطان سے روایت کی کہ حضرت عائشہ رضی اللہ عنہا نے انہیں بتایا کہ نبی ﷺ اپنے گھر میں کوئی چیز ایسی نہ چھوڑتے تھے جس میں صلیب کی تصویر ہو مگر اس کو توڑ ڈالتے۔
Urdu translation: Hazrat Syed Zain-ul-Abidin Waliullah Shah
صحیح بخاری 5953
موسیٰ (بن اسماعیل) نے ہم سے بیان کیا کہ عبدالواحد (بن زیاد) نے ہمیں بتایا۔ عمارہ (بن قعقاع) نے ہمیں بتایا کہ ابوزرعہ (بن عمرو بن جریر) نے ہمیں بتایا۔ انہوں نے کہا: میں حضرت ابوہریرہؓ کے ساتھ ایک گھر میں داخل ہوا جو مدینہ میں تھا تو انہوں نے مکان کی چھت پر ایک مصور کو دیکھا کہ تصویریں بنا رہا تھا۔ انہوں نے کہا: میں نے رسول اللہ ﷺ سے سنا۔ آپؐ فرماتے تھے کہ (اللہ تعالیٰ فرماتا ہے:) اس شخص سے بڑھ کر کون ظالم ہے جو میری مخلوق جیسی مخلوق بنانے لگا۔ پس وہ ایک دانہ ہی پیدا کریں اور وہ ایک چیونٹی تو بنائیں۔ پھر انہوں نے پانی کا ایک لگن منگوایا اور اپنے ہاتھ دھونے لگے اور دھوتے دھوتے اپنے بغلوں تک پہنچایا۔ میں نے کہا: ابوہریرہؓ! کیا یہ ایسی بات ہے جسے آپ نے رسول اللہ ﷺ سے سنا؟ انہوں نے کہا: جہاں تک زیور پہنا جاسکتا ہے وہاں تک دھوتا ہوں۔
Urdu translation: Hazrat Syed Zain-ul-Abidin Waliullah Shah
صحیح بخاری 5954
علی بن عبداللہ نے ہم سے بیان کیا کہ سفیان (بن عیینہ) نے ہمیں بتایا۔ انہوں نے کہا: میں نے عبدالرحمٰن بن قاسم سے سنا اور مدینہ میں ان دنوں ان سے بڑھ کر اور کوئی نہ تھا۔ انہوں نے کہا: میں نے اپنے باپ سے سنا۔ انہوں نے کہا: میں نے حضرت عائشہ رضی اللہ عنہا سے سنا کہ رسول اللہ ﷺ ایک سفر سے آئے اور میں نے اپنے ایک برآمدے پر اپنا ایک سرخ پردہ ڈالا ہوا تھا جس میں تصویریں تھیں۔ جب رسول اللہ ﷺ نے اسے دیکھا تو آپؐ نے اسے پھاڑ دیا اور فرمایا: قیامت کے دن جن لوگوں کو سخت سے سخت سزا ہوگی وہ لوگ بھی ہیں جو اللہ کی مخلوق کی طرح بناتے ہیں۔ فرماتی تھیں: پھر ہم نے اس سے ایک یا (فرمایا) دو توشک بنا لیں۔
Urdu translation: Hazrat Syed Zain-ul-Abidin Waliullah Shah
صحیح بخاری 5955
مسدد نے ہم سے بیان کیا کہ عبداللہ بن داؤد نے ہمیں بتایا۔ انہوں نے ہشام (بن عروہ) سے، ہشام نے اپنے باپ سے، ان کے باپ نے حضرت عائشہؓ سے روایت کی۔ وہ فرماتی تھیں: نبی ﷺ ایک سفر سے آئے اور میں نے پردہ لٹکایا ہوا تھا جس میں مورتیں تھیں۔ آپؐ نے مجھے حکم دیا کہ میں اس کو اتار ڈالوں۔ میں نے اس کو اتار ڈالا۔
Urdu translation: Hazrat Syed Zain-ul-Abidin Waliullah Shah
صحیح بخاری 5956
اور میں اور نبی ﷺ ایک ہی برتن سے نہایا کرتے تھے۔
Urdu translation: Hazrat Syed Zain-ul-Abidin Waliullah Shah
صحیح بخاری 5957
حجاج بن منہال نے ہم سے بیان کیا کہ جویریہ نے ہمیں بتایا۔ انہوں نے نافع سے، نافع نے قاسم (بن محمد) سے، قاسم نے حضرت عائشہ رضی اللہ عنہا سے روایت کی کہ انہوں نے ایک گدا خریدا جس میں تصویریں تھیں۔ نبی ﷺ دیکھ کر دروازے پر کھڑے ہوئے، اندر نہیں آئے۔ میں نے کہا: میں اللہ کے حضور توبہ کرتی ہوں اس سے جو قصور میں نے کیا ہے۔ آپؐ نے فرمایا: یہ گدا کیا ہے؟ میں نے کہا: اس لئے تا آپؐ اس پر بیٹھیں اس پر تکیہ لگائیں۔ آپؐ نے فرمایا: جن لوگوں نے یہ مورتیاں بنائی ہیں انہیں قیامت کے دن سزا دی جائے گی۔ انہیں کہا جائے گا: جو تم نے بنایا ہے ان میں جان ڈالو اور ملائکہ اس گھر میں داخل نہیں ہوتے جس میں مورت ہو۔
Urdu translation: Hazrat Syed Zain-ul-Abidin Waliullah Shah
صحیح بخاری 5958
قتیبہ (بن سعید) نے ہم سے بیان کیا کہ لیث نے ہمیں بتایا۔ انہوں نے بکیر (بن عبداللہ بن اشج) سے، بکیر نے بُسر بن سعید سے، بُسر نے زید بن خالد سے، زید نے حضرت ابوطلحہؓ سے جو رسول اللہ ﷺ کے صحابی تھے روایت کی۔ انہوں نے کہا: رسول اللہ ﷺ نے فرمایا: ملائکہ اس گھر میں داخل نہیں ہوتے جس میں مورت ہو۔ بُسر نے کہا: اس کے بعد زید بیمار ہوئے اور ہم ان کی عیادت کو گئے تو کیا دیکھا کہ ان کے دروازے پر ایک پردہ ہے جس میں مورت ہے۔ میں نے عبید اللہ (بن اسود) خولانی جو نبی ﷺ کی زوجہ حضرت میمونؓہ کے ربیب تھے، سے کہا: کیا زید نے ہمیں پہلے ان مورتوں کے متعلق نہیں بتایا تھا؟ عبید اللہ نے کہا: کیا تم نے ان سے نہیں سنا جب انہوں نے کہا: مگر ایسا نقش جو کپڑے میں ہو ؟
اور (عبداللہ) بن وہب نے کہا کہ ہمیں عمرو نے جو کہ حارث کے بیٹے ہیں بتایا کہ بکیر نے ان سے بیان کیا کہ بُسر نے ان سے بیان کیا کہ زید نے ان کو بتایا کہ حضرت ابوطلحہؓ نے ان سے بیان کیا۔ انہوں نے نبی ﷺ سے روایت کی۔
وَقَالَ ابْنُ وَهْبٍ أَخْبَرَنَا عَمْرٌو ـ هُوَ ابْنُ الْحَارِثِ ـ حَدَّثَهُ بُكَيْرٌ حَدَّثَهُ بُسْرٌ حَدَّثَهُ زَيْدٌ حَدَّثَهُ أَبُو طَلْحَةَ عَنِ النَّبِيِّ صلى الله عليه وسلم.
Urdu translation: Hazrat Syed Zain-ul-Abidin Waliullah Shah
صحیح بخاری 5959
عمران بن میسرہ نے ہمیں بتایا کہ عبدالوارث نے ہم سے بیان کیا کہ عبدالعزیز بن صہیب نے ہم سے بیان کیا۔ عبدالعزیز نے حضرت انس رضی اللہ عنہ سے روایت کی۔ انہوں نے کہا: حضرت عائشہؓ کا ایک پردہ تھا جس سے انہوں نے اپنے گھر کی ایک جانب کو ڈھانپ دیا۔ نبی ﷺ نے ان (حضرت عائشہؓ) سے فرمایا: مجھ سے یہ پردہ ہٹا دو کیونکہ اس کی تصویریں میری نماز میں میرے سامنے آتی رہی ہیں۔
Urdu translation: Hazrat Syed Zain-ul-Abidin Waliullah Shah
صحیح بخاری 5960
یحيٰ بن سلیمان نے ہمیں بتایا۔ انہوں نے کہا کہ (عبداللہ) بن وہب نے مجھ سے بیان کیا۔ انہوں نے کہا: عمر بن محمد نے مجھ سے بیان کیا۔ عمر نے سالم سے، سالم نے اپنے باپ سے روایت کی۔ انہوں نے کہا: جبریل نے نبی ﷺ سے ملنے کا وعدہ کیا مگر آپؐ کے پاس آنے میں دیر لگائی یہاں تک کہ نبی ﷺ پر گراں گزرا اور نبی ﷺ باہر نکلے۔ پھر جبریل آپؐ سے ملے۔ آپؐ نے ان سے اس تکلیف کی شکایت کی جو آپؐ نے محسوس کی۔ انہوں نے آپؐ سے کہا: ہم ایسے گھر میں داخل نہیں ہوتے جس میں مورت ہو اور نہ (اس میں) جس میں کتا ہو۔
Urdu translation: Hazrat Syed Zain-ul-Abidin Waliullah Shah
صحیح بخاری 5961
عبداللہ بن مسلمہ نے ہمیں بتایا۔ انہوں نے مالک سے، مالک نے نافع سے، نافع نے قاسم بن محمد سے، قاسم نے نبی ﷺ کی زوجہ حضرت عائشہ رضی اللہ عنہا سے روایت کی کہ انہوں نے قاسم سے ذکر کیا کہ انہوں نے ایک گدا خریدا جس میں تصویریں تھیں۔ جب رسول اللہ ﷺ نے اسے دیکھا تو آپؐ دروازے پر کھڑے ہوگئے اور اندر داخل نہ ہوئے۔ حضرت عائشہؓ آپؐ کے چہرے پر ناپسندیدگی کو پہچان گئیں، کہنے لگیں: یا رسول اللہ ! میں اللہ کے حضور اور اس کے رسول کے سامنے توبہ کرتی ہوں۔ میں نے کیا قصور کیا؟ آپؐ نے فرمایا: یہ گدا کیسا ہے۔ انہوں نے کہا: میں نے اس کو اس لئے خریدا ہے کہ آپؐ اس پہ بیٹھیں اور تکیہ لگائیں۔ رسول اللہ ﷺ نے فرمایا: ان تصویروں والوں کو قیامت کے دن سزا دی جائے گی اور ان سے کہا جائے گا کہ جو تم نے بنایا اس میں جان ڈالو اور فرمایا: جس گھر میں مورتیں ہوں فرشتے اس میں داخل نہیں ہوتے۔
Urdu translation: Hazrat Syed Zain-ul-Abidin Waliullah Shah
صحیح بخاری 5962
محمد بن مثنیٰ نے ہمیں بتایا کہ محمد بن جعفر غندر نے مجھ سے بیان کیا کہ شعبہ نے ہمیں بتایا، شعبہ نے عون بن ابی جحیفہ سے، عون نے اپنے باپ سے روایت کی کہ انہوں نے ایک غلام خریدا جو حجام تھا۔ انہوں نے کہا: نبی ﷺ نے خون نکالنے کی قیمت اور کتے کی قیمت اور رنڈی کی کمائی لینے سے منع کیا ہے اور سود کھانے والے اور کھلانے والے کو اور گودنے والی اور گدوانے والی کو اور مورت بنانے والے کو لعنتی قرار دیا۔
Urdu translation: Hazrat Syed Zain-ul-Abidin Waliullah Shah