کتاب 16: كتاب النكاح
صحیح مسلم, حصہ 5
صحیح مسلم 2551
حضرت انسؓ کہتے ہیں میں حضرت زینبؓ کے ولیمہ میں شامل ہوا اور آپؐ نے لوگوں کو روٹی اور گوشت سے سیر کردیا۔ آپؐ مجھے بھجواتے تھے اور میں لوگوں کو بلاتا تھا۔ جب آپؐ فارغ ہوئے تو کھڑے ہو کر چل پڑے اور میں بھی آپؐ کے پیچھے ہو لیا۔ دو آدمی پیچھے رہ گئے وہ اپنی باتوں میں لگے رہے۔ وہ دونوں باہر نہیں گئے۔ آپؐ اپنی ازواج (کے حجروں) کے پاس سے گزرنے لگے۔ آپؐ ان میں سے ہر ایک کو سلام کرتے ہوئے کہتے السلام علیکم، اے اہلِ بیت تم کیسے ہو؟ وہ جواب دیتیں۔ یا رسولؐ اللہ! ہم خیریت سے ہیں۔ آپؐ نے اپنے اہل کو کیسا پایا؟ آپؐ فرماتے بہت اچھا۔ جب آپؐ فارغ ہو کر واپس ہوئے تو میں بھی آپؐ کے ساتھ واپس ہوا۔ جب آپؐ دروازے کے پاس پہنچے تو کیا دیکھا کہ وہ دونوں آدمی باتوں میں مگن ہیں جب ان دونوں نے آپؐ کو لوٹتے دیکھا تو وہ دونوں بھی اٹھے اور چلے گئے۔ اللہ کی قسم! مجھے معلوم نہیں کہ میں نے آپؐ کو بتایا تھا یا آپؐ پر وحی نازل ہوئی تھی کہ وہ دونوں چلے گئے ہیں۔ پھر آپؐ واپس آئے اور میں آپؐ کے ساتھ واپس آیا۔ پھر جب آپؐ نے اپنا پاؤں دروازے کی دہلیز پر رکھا تو آپؐ نے میرے اور اپنے درمیان پردہ لٹکا دیا اور اللہ تعالیٰ نے یہ آیت نازل فرمائی۔ یَاَ یُّھَا الَّذِیْنَ اٰمَنُوْا لَا تَدْخُلُوْا بُیُوْتَ النَّبِیِّ اِلَّا اَنْ یُؤذَنَ لَکُمْ۔۔۔ الاٰیۃ (ترجمہ) اے لوگو! جو ایمان لائے ہو! نبیؐ کے گھروں میں داخل نہ ہوا کرو سوائے اس کے کہ تمہیں بلایا جائے۔۔۔
قَالَ أَنَسٌ وَشَهِدْتُ وَلِيمَةَ زَيْنَبَ فَأَشْبَعَ النَّاسَ خُبْزًا وَلَحْمًا وَكَانَ يَبْعَثُنِي فَأَدْعُو النَّاسَ فَلَمَّا فَرَغَ قَامَ وَتَبِعْتُهُ فَتَخَلَّفَ رَجُلاَنِ اسْتَأْنَسَ بِهِمَا الْحَدِيثُ لَمْ يَخْرُجَا فَجَعَلَ يَمُرُّ عَلَى نِسَائِهِ فَيُسَلِّمُ عَلَى كُلِّ وَاحِدَةٍ مِنْهُنَّ " سَلاَمٌ عَلَيْكُمْ كَيْفَ أَنْتُمْ يَا أَهْلَ الْبَيْتِ " . فَيَقُولُونَ بِخَيْرٍ يَا رَسُولَ اللَّهِ كَيْفَ وَجَدْتَ أَهْلَكَ فَيَقُولُ " بِخَيْرٍ " . فَلَمَّا فَرَغَ رَجَعَ وَرَجَعْتُ مَعَهُ فَلَمَّا بَلَغَ الْبَابَ إِذَا هُوَ بِالرَّجُلَيْنِ قَدِ اسْتَأْنَسَ بِهِمَا الْحَدِيثُ فَلَمَّا رَأَيَاهُ قَدْ رَجَعَ قَامَا فَخَرَجَا فَوَاللَّهِ مَا أَدْرِي أَنَا أَخْبَرْتُهُ أَمْ أُنْزِلَ عَلَيْهِ الْوَحْىُ بِأَنَّهُمَا قَدْ خَرَجَا فَرَجَعَ وَرَجَعْتُ مَعَهُ فَلَمَّا وَضَعَ رِجْلَهُ فِي أُسْكُفَّةِ الْبَابِ أَرْخَى الْحِجَابَ بَيْنِي وَبَيْنَهُ وَأَنْزَلَ اللَّهُ تَعَالَى هَذِهِ الآيَةَ { لاَ تَدْخُلُوا بُيُوتَ النَّبِيِّ إِلاَّ أَنْ يُؤْذَنَ لَكُمْ} الآيَةَ .
Urdu translation: Noor Foundation
صحیح مسلم 2552
حضرت انسؓ بیان کرتے ہیں کہ حضرت صفیہؓ حضرت دحیہؓ کے حصہ میں آئی تھیں۔ لوگ رسول اللہﷺ کے پاس اس کی تعریف کرنے لگے۔ راوی کہتے ہیں اور لوگوں نے کہا قیدیوں میں ہم نے ان جیسا کوئی نہیں دیکھا۔ راوی کہتے ہیں آپؐ نے دحیہؓ کو بلا بھیجا اور جو انہوں نے حضرت صفیہؓ کے عوض مانگا۔ آپؐ نے انہیں عطا فرما دیا۔ پھر آپؐ نے انہیں میری والدہ کے سپرد کر دیا اور فرمایا تم ان کو تیار کرو۔ راوی کہتے ہیں پھر رسول اللہﷺ خیبر سے نکلے یہاں تک کہ جب آپؐ نے خیبر کو پیچھے چھوڑ دیا تو آپؐ نے پڑاؤ کیا۔ پھر آپؐ نے ان کے لئے خیمہ تیار کروایا۔ پھر جب صبح ہوئی تو رسول اللہﷺ نے فرمایا جس کے پاس زادِ راہ سے زائد ہو وہ اس کو ہمارے پاس لے آئے۔ راوی کہتے ہیں کوئی زائد کھجور لے کر آنے لگا اور کوئی زائد ستوّ یہاں تک کہ انہوں نے ان سے میٹھے ڈش کا ایک ڈھیر بنا کر اس میں سے کھانے لگے اور بارش کے پانی کے حوضوں سے جو ان کے پہلو میں تھے پینے لگے۔ راوی کہتے ہیں حضرت انسؓ نے کہا یہ رسول اللہﷺ کی ان سے (شادی) کی دعوت ولیمہ تھی۔ راوی کہتے ہیں پھر ہم چلے یہاں تک کہ جب مدینہ کی دیواروں پر ہماری نظر پڑی تو ہمیں اس کا اشتیاق بڑھ گیا۔ پھر ہم نے اپنی سواریوں کو تیز کیا اور رسول اللہﷺ نے بھی اپنی سواری کو تیز کر دیا راوی کہتے ہیں اور حضرت صفیہؓ رسول اللہﷺ کے پیچھے تھیں۔ رسول اللہﷺ نے انہیں اپنی سواری کے پیچھے بٹھایا تھا۔ راوی کہتے ہیں رسول اللہﷺ کی سواری نے ٹھوکر کھائی۔ آپؐ گر پڑے اور وہ بھی گر گئیں۔ راوی کہتے ہیں لوگوں میں سے کسی شخص نے بھی آپؐ کی طرف اور نہ ہی ان کی طرف نظر اٹھا کر دیکھا یہاں تک کہ رسول اللہﷺ اٹھے اور آپؐ نے ان پر کپڑا ڈالا۔ راوی کہتے ہیں پھر ہم آپؐ کے پاس آئے۔ آپؐ نے فرمایا ہمیں کوئی نقصان نہیں پہنچا۔ راوی کہتے ہیں پھر ہم مدینہ میں داخل ہوئے تو آپؐ کی بیویوں کی نو عمر نوکرانیاں ان کو دیکھنے لگیں اور ان کے گرنے پر ان کو یَرْحَمُکَ اللّٰہُ کہنے لگیں۔
وَحَدَّثَنَا أَبُو بَكْرِ بْنُ أَبِي شَيْبَةَ حَدَّثَنَا شَبَابَةُ حَدَّثَنَا سُلَيْمَانُ عَنْ ثَابِثٍ عَنْ أَنَسٍ ح وَحَدَّثَنِي بِهِ عَبْدُ اللَّهِ بْنُ هَاشِمِ بْنِ حَيَّانَ - وَاللَّفْظُ لَهُ - حَدَّثَنَا بَهْزٌ حَدَّثَنَا سُلَيْمَانُ بْنُ الْمُغِيرَةِ عَنْ ثَابِتٍ حَدَّثَنَا أَنَسٌ قَالَ صَارَتْ صَفِيَّةُ لِدَحْيَةَ فِي مَقْسَمِهِ وَجَعَلُوا يَمْدَحُونَهَا عِنْدَ رَسُولِ اللَّهِ صلى الله عليه وسلم - قَالَ - وَيَقُولُونَ مَا رَأَيْنَا فِي السَّبْىِ مِثْلَهَا - قَالَ - فَبَعَثَ إِلَى دِحْيَةَ فَأَعْطَاهُ بِهَا مَا أَرَادَ ثُمَّ دَفَعَهَا إِلَى أُمِّي فَقَالَ " أَصْلِحِيهَا " . قَالَ ثُمَّ خَرَجَ رَسُولُ اللَّهِ صلى الله عليه وسلم مِنْ خَيْبَرَ حَتَّى إِذَا جَعَلَهَا فِي ظَهْرِهِ نَزَلَ ثُمَّ ضَرَبَ عَلَيْهَا الْقُبَّةَ فَلَمَّا أَصْبَحَ قَالَ رَسُولُ اللَّهِ صلى الله عليه وسلم " مَنْ كَانَ عِنْدَهُ فَضْلُ زَادٍ فَلْيَأْتِنَا بِهِ " . قَالَ فَجَعَلَ الرَّجُلُ يَجِيءُ بِفَضْلِ التَّمْرِ وَفَضْلِ السَّوِيقِ حَتَّى جَعَلُوا مِنْ ذَلِكَ سَوَادًا حَيْسًا فَجَعَلُوا يَأْكُلُونَ مِنْ ذَلِكَ الْحَيْسِ وَيَشْرَبُونَ مِنْ حِيَاضٍ إِلَى جَنْبِهِمْ مِنْ مَاءِ السَّمَاءِ - قَالَ - فَقَالَ أَنَسٌ فَكَانَتْ تِلْكَ وَلِيمَةَ رَسُولِ اللَّهِ صلى الله عليه وسلم عَلَيْهَا - قَالَ - فَانْطَلَقْنَا حَتَّى إِذَا رَأَيْنَا جُدُرَ الْمَدِينَةِ هَشِشْنَا إِلَيْهَا فَرَفَعْنَا مَطِيَّنَا وَرَفَعَ رَسُولُ اللَّهِ صلى الله عليه وسلم مَطِيَّتَهُ - قَالَ - وَصَفِيَّةُ خَلْفَهُ قَدْ أَرْدَفَهَا رَسُولُ اللَّهِ صلى الله عليه وسلم - قَالَ - فَعَثَرَتْ مَطِيَّةُ رَسُولِ اللَّهِ صلى الله عليه وسلم فَصُرِعَ وَصُرِعَتْ قَالَ فَلَيْسَ أَحَدٌ مِنَ النَّاسِ يَنْظُرُ إِلَيْهِ وَلاَ إِلَيْهَا حَتَّى قَامَ رَسُولُ اللَّهِ صلى الله عليه وسلم فَسَتَرَهَا - قَالَ - فَأَتَيْنَاهُ فَقَالَ " لَمْ نُضَرَّ " . قَالَ فَدَخَلْنَا الْمَدِينَةَ فَخَرَجَ جَوَارِي نِسَائِهِ يَتَرَاءَيْنَهَا وَيَشْمَتْنَ بِصَرْعَتِهَا .
Urdu translation: Noor Foundation
صحیح مسلم 2553
حضرت انسؓ کہتے ہیں کہ جب حضرت زینبؓ کی عدت گزر چکی۔ رسول اللہﷺ نے زیدؓ سے کہا آپ میری طرف سے زینبؓ کو پیغام (شادی) دیں۔ راوی کہتے ہیں زیدؓ گئے اور ان کے پاس پہنچے اور وہ اپنے آٹے کو خمیر دے رہی تھیں۔ وہ کہتے ہیں جب میں نے انہیں دیکھا میرے دل میں ان کی اتنی عظمت پیدا ہوئی کہ مجھے ان پر نظر ڈالنے کی ہمت نہ ہوئی کیونکہ خود رسول اللہﷺ نے ان کا پیغام بھجوایا تھا۔ میں نے ان سے اپنی پشت موڑی اور اپنی ایڑیوں کے بل لوٹا اور کہا اے زینبؓ! رسول اللہﷺ نے آپؐ کے لئے پیغام (شادی) بھجوایا ہے۔ انہوں نے کہا میں کوئی بھی کام نہیں کرتی یہانتک کہ اپنے رب سے دعا نہ کر لوں۔ پھر وہ اپنی نماز پڑھنے کی جگہ پر کھڑی ہوئیں اور قرآن کریم کی آیات نازل ہوئیں جس میں رسول اللہﷺ کا حضرت زینبؓ سے نکاح کا ذکر ہے اور رسول اللہﷺ تشریف لائے اور بغیر رسمی اجازت کے اندر تشریف لے آئے۔ راوی کہتے ہیں حضرت انسؓ نے کہا اور ہم نے دیکھا رسول اللہﷺ نے ہمیں دن خوب چڑھ جانے پر روٹی اور گوشت کھلایا۔ اور کھانے کے بعد لوگ باہر چلے گئے اور کچھ لوگ کھانے کے بعد گھر میں باتیں کرتے ہوئے رہ گئے۔ رسول اللہﷺ باہر نکلے اور میں آپؐ کے پیچھے ہو لیا۔ آپؐ اپنی بیویوں کے پاس باری باری جانے لگے۔ آپؐ انہیں سلام کہتے تھے اور وہ کہتی تھیں یا رسولؐ اللہ! آپؐ نے اپنے گھر والوں کو کیسا پایا ہے؟ راوی کہتے ہیں میں نہیں جانتا کہ میں نے آپ کو بتایا کہ وہ لوگ چلے گئے ہیں یا آپؐ نے مجھے بتایا۔ راوی کہتے ہیں پھر آپؐ چلے یہانتک کہ گھر میں داخل ہوئے۔ پھر میں بھی آپؐ کے ساتھ اندر داخل ہونے لگا مگر آپؐ نے میرے اور اپنے درمیان پردہ ڈال لیا اور پردہ کے بارہ میں احکام اترے۔ راوی کہتے ہیں اور لوگوں کو وہ نصیحت کی گئی جو نصیحت کی گئی۔ ابن رافع نے اپنی روایت میں اضافہ کیا ہے لَا تَدْخُلُوْا بُیُوْتَ النَّبِیِّ اِلَّا اَنْ یُؤذَنَ لَکُمْ اِلٰی غَیْرَ نَاظِرِیْنَ اِنَاہُ۔۔۔ الاٰیہ (ترجمہ) اے وہ لوگو جو ایمان لائے ہو! نبیؐ کے گھر میں داخل نہ ہوا کرو سوائے اس کے کہ تمہیں کھانے کی دعوت دی جائے مگر اس طرح نہیں کہ اس کے پکنے کا انتظار کر رہے ہو۔ اللہ کے قول وَاللّٰہُ لَا یَسْتَحْیِی مِنَ الْحَقّ تک
حَدَّثَنَا مُحَمَّدُ بْنُ حَاتِمِ بْنِ مَيْمُونٍ حَدَّثَنَا بَهْزٌ ح وَحَدَّثَنِي مُحَمَّدُ بْنُ رَافِعٍ حَدَّثَنَا أَبُو النَّضْرِ هَاشِمُ بْنُ الْقَاسِمِ قَالاَ جَمِيعًا حَدَّثَنَا سُلَيْمَانُ بْنُ الْمُغِيرَةِ عَنْ ثَابِتٍ عَنْ أَنَسٍ وَهَذَا حَدِيثُ بَهْزٍ قَالَ لَمَّا انْقَضَتْ عِدَّةُ زَيْنَبَ قَالَ رَسُولُ اللَّهِ صلى الله عليه وسلم لِزَيْدٍ " فَاذْكُرْهَا عَلَىَّ " . قَالَ فَانْطَلَقَ زَيْدٌ حَتَّى أَتَاهَا وَهْىَ تُخَمِّرُ عَجِينَهَا قَالَ فَلَمَّا رَأَيْتُهَا عَظُمَتْ فِي صَدْرِي حَتَّى مَا أَسْتَطِيعُ أَنْ أَنْظُرَ إِلَيْهَا أَنَّ رَسُولَ اللَّهِ صلى الله عليه وسلم ذَكَرَهَا فَوَلَّيْتُهَا ظَهْرِي وَنَكَصْتُ عَلَى عَقِبِي فَقُلْتُ يَا زَيْنَبُ أَرْسَلَ رَسُولُ اللَّهِ صلى الله عليه وسلم يَذْكُرُكِ . قَالَتْ مَا أَنَا بِصَانِعَةٍ شَيْئًا حَتَّى أُوَامِرَ رَبِّي . فَقَامَتْ إِلَى مَسْجِدِهَا وَنَزَلَ الْقُرْآنُ وَجَاءَ رَسُولُ اللَّهِ صلى الله عليه وسلم فَدَخَلَ عَلَيْهَا بِغَيْرِ إِذْنٍ قَالَ فَقَالَ وَلَقَدْ رَأَيْتُنَا أَنَّ رَسُولَ اللَّهِ صلى الله عليه وسلم أَطْعَمَنَا الْخُبْزَ وَاللَّحْمَ حِينَ امْتَدَّ النَّهَارُ فَخَرَجَ النَّاسُ وَبَقِيَ رِجَالٌ يَتَحَدَّثُونَ فِي الْبَيْتِ بَعْدَ الطَّعَامِ فَخَرَجَ رَسُولُ اللَّهِ صلى الله عليه وسلم وَاتَّبَعْتُهُ فَجَعَلَ يَتَتَبَّعُ حُجَرَ نِسَائِهِ يُسَلِّمُ عَلَيْهِنَّ وَيَقُلْنَ يَا رَسُولَ اللَّهِ كَيْفَ وَجَدْتَ أَهْلَكَ قَالَ فَمَا أَدْرِي أَنَا أَخْبَرْتُهُ أَنَّ الْقَوْمَ خَرَجُوا أَوْ أَخْبَرَنِي - قَالَ - فَانْطَلَقَ حَتَّى دَخَلَ الْبَيْتَ فَذَهَبْتُ أَدْخُلُ مَعَهُ فَأَلْقَى السِّتْرَ بَيْنِي وَبَيْنَهُ وَنَزَلَ الْحِجَابُ قَالَ وَوُعِظَ الْقَوْمُ بِمَا وُعِظُوا بِهِ . زَادَ ابْنُ رَافِعٍ فِي حَدِيثِهِ { لاَ تَدْخُلُوا بُيُوتَ النَّبِيِّ إِلاَّ أَنْ يُؤْذَنَ لَكُمْ إِلَى طَعَامٍ غَيْرَ نَاظِرِينَ إِنَاهُ} إِلَى قَوْلِهِ { وَاللَّهُ لاَ يَسْتَحْيِي مِنَ الْحَقِّ}
Urdu translation: Noor Foundation
صحیح مسلم 2554
ابو کامل سے مروی ہے کہ میں نے حضرت انسؓ سے سنا۔ وہ کہتے تھے میں نے رسول اللہ ﷺ کو اپنی بیویوں میں سے کسی بیوی سے شادی پر ایسی دعوت ولیمہ نہیں دیکھی جیسی آپؐ نے حضرت زینبؓ کی دعوت ولیمہ کی اور ابو کامل نے کہا آپؐ نے بکری ذبح کی تھی۔
حَدَّثَنَا أَبُو الرَّبِيعِ الزَّهْرَانِيُّ وَأَبُو كَامِلٍ فُضَيْلُ بْنُ حُسَيْنٍ وَقُتَيْبَةُ بْنُ سَعِيدٍ قَالُوا حَدَّثَنَا حَمَّادٌ - وَهُوَ ابْنُ زَيْدٍ - عَنْ ثَابِتٍ عَنْ أَنَسٍ - وَفِي رِوَايَةِ أَبِي كَامِلٍ سَمِعْتُ أَنَسًا - قَالَ مَا رَأَيْتُ رَسُولَ اللَّهِ صلى الله عليه وسلم أَوْلَمَ عَلَى امْرَأَةٍ - وَقَالَ أَبُو كَامِلٍ عَلَى شَىْءٍ - مِنْ نِسَائِهِ مَا أَوْلَمَ عَلَى زَيْنَبَ فَإِنَّهُ ذَبَحَ شَاةً .
Urdu translation: Noor Foundation
صحیح مسلم 2555
حضرت انس بن مالکؓ کہتے تھے کہ رسول اللہﷺ نے کسی بیوی کا اس سے زیادہ یا بہتر ولیمہ نہیں کیا جیسا آپؐ نے حضرت زینبؓ کی شادی پر کیا تھا۔ ثابت بنانی نے پوچھا آپؐ نے کس چیز کے ساتھ ولیمہ کیا تھا؟ انہوں نے کہا آپؐ نے انہیں روٹی اور گوشت کھلایا تھا یہاں تک کہ لوگوں نے اسے (سیر ہو کر) چھوڑا۔
حَدَّثَنَا مُحَمَّدُ بْنُ عَمْرِو بْنِ عَبَّادِ بْنِ جَبَلَةَ بْنِ أَبِي رَوَّادٍ وَمُحَمَّدُ بْنُ بَشَّارٍ قَالاَ حَدَّثَنَا مُحَمَّدٌ - وَهُوَ ابْنُ جَعْفَرٍ - حَدَّثَنَا شُعْبَةُ عَنْ عَبْدِ الْعَزِيزِ بْنِ صُهَيْبٍ قَالَ سَمِعْتُ أَنَسَ بْنَ مَالِكٍ يَقُولُ مَا أَوْلَمَ رَسُولُ اللَّهِ صلى الله عليه وسلم عَلَى امْرَأَةٍ مِنْ نِسَائِهِ أَكْثَرَ أَوْ أَفْضَلَ مِمَّا أَوْلَمَ عَلَى زَيْنَبَ . فَقَالَ ثَابِتٌ الْبُنَانِيُّ بِمَا أَوْلَمَ قَالَ أَطْعَمَهُمْ خُبْزًا وَلَحْمًا حَتَّى تَرَكُوهُ .
Urdu translation: Noor Foundation
صحیح مسلم 2556
حضرت انس بن مالکؓ سے روایت ہے وہ کہتے ہیں جب نبیﷺ نے حضرت زینبؓ بنت جحش سے شادی کی۔ آپؐ نے لوگوں کو بلایا اور انہوں نے کھانا کھایا پھر لوگ بیٹھ کر باتیں کرنے لگے۔ راوی کہتے ہیں آپؐ اٹھنے کے لئے تیار ہونے لگے مگر وہ لوگ نہ اٹھے۔ جب آپؐ نے یہ دیکھا تو کھڑے ہوئے۔ پھر جب آپؐ کھڑے ہوگئے تو لوگوں میں سے جس نے کھڑا ہونا تھا کھڑا ہوگیا۔ { عاصم اور ابن عبدالاعلیٰ دونوں اپنی روایت میں یہ مزید بیان کرتے ہیں } انہوں نے کہا تین شخص بیٹھے رہے اور نبیﷺ اندر جانے کے لئے تشریف لائے تو کیا دیکھا کہ لوگ بیٹھے ہوئے ہیں پھر وہ لوگ کھڑے ہوئے اور چلے گئے۔ راوی کہتے ہیں میں آیا اور نبیﷺ کو بتایا کہ وہ چلے گئے ہیں۔ راوی کہتے ہیں پھر آپؐ آئے اور اندر داخل ہوئے میں بھی داخل ہونے لگا تو آپؐ نے میرے اور اپنے درمیان پردہ ڈال دیا۔ راوی کہتے ہیں اللہ عزوجل نے یہ آیت نازل فرمائی۔ اے وہ لوگو! جو ایمان لائے ہو! نبیؐ کے گھروں میں داخل نہ ہوا کرو سوائے اس کے کہ تمہیں کھانے کی دعوت دی جائے مگر اس طرح نہیں کہ اس کے پکنے کا انتظار کر رہے ہو۔ لیکن (کھانا تیار ہونے پر) جب تمہیں بلایا جائے تو داخل ہو اور جب تم کھا چکو تو منتشر ہو جاؤ۔ اور وہاں (بیٹھے) باتوں میں نہ لگے رہو۔ یہ (چیز) یقینا نبیﷺ کے لئے تکلیف دہ ہے مگر وہ تم سے (اس کے اظہار پر) شرماتا ہے اور اللہ حق سے نہیں شرماتا اور اگر تم ان (ازواج نبیؐ) سے کوئی چیز مانگو تو پردے کے پیچھے سے مانگا کرو۔ یہ تمہارے اور ان کے دلوں کے لئے زیادہ پاکیزہ (طرزِ عمل) ہے اور تمہارے لئے جائز نہیں کہ تم اللہ کے رسول کو اذیت پہنچاؤ اور نہ ہی یہ جائز ہے کہ اس کے بعد کبھی اس کی بیویوں میں سے کسی سے شادی کرو یقینا اللہ کے نزدیک یہ بہت بڑی بات ہے۔
حَدَّثَنَا يَحْيَى بْنُ حَبِيبٍ الْحَارِثِيُّ وَعَاصِمُ بْنُ النَّضْرِ التَّيْمِيُّ وَمُحَمَّدُ بْنُ عَبْدِ الأَعْلَى كُلُّهُمْ عَنْ مُعْتَمِرٍ - وَاللَّفْظُ لاِبْنِ حَبِيبٍ - حَدَّثَنَا مُعْتَمِرُ بْنُ سُلَيْمَانَ قَالَ سَمِعْتُ أَبِي حَدَّثَنَا أَبُو مِجْلَزٍ عَنْ أَنَسِ بْنِ مَالِكٍ قَالَ لَمَّا تَزَوَّجَ النَّبِيُّ صلى الله عليه وسلم زَيْنَبَ بِنْتَ جَحْشٍ دَعَا الْقَوْمَ فَطَعِمُوا ثُمَّ جَلَسُوا يَتَحَدَّثُونَ - قَالَ - فَأَخَذَ كَأَنَّهُ يَتَهَيَّأُ لِلْقِيَامِ فَلَمْ يَقُومُوا فَلَمَّا رَأَى ذَلِكَ قَامَ فَلَمَّا قَامَ قَامَ مَنْ قَامَ مِنَ الْقَوْمِ . زَادَ عَاصِمٌ وَابْنُ عَبْدِ الأَعْلَى فِي حَدِيثِهِمَا قَالَ فَقَعَدَ ثَلاَثَةٌ وَإِنَّ النَّبِيَّ صلى الله عليه وسلم جَاءَ لِيَدْخُلَ فَإِذَا الْقَوْمُ جُلُوسٌ ثُمَّ إِنَّهُمْ قَامُوا فَانْطَلَقُوا - قَالَ - فَجِئْتُ فَأَخْبَرْتُ النَّبِيَّ صلى الله عليه وسلم أَنَّهُمْ قَدِ انْطَلَقُوا - قَالَ - فَجَاءَ حَتَّى دَخَلَ فَذَهَبْتُ أَدْخُلُ فَأَلْقَى الْحِجَابَ بَيْنِي وَبَيْنَهُ - قَالَ - وَأَنْزَلَ اللَّهُ عَزَّ وَجَلَّ { يَا أَيُّهَا الَّذِينَ آمَنُوا لاَ تَدْخُلُوا بُيُوتَ النَّبِيِّ إِلاَّ أَنْ يُؤْذَنَ لَكُمْ إِلَى طَعَامٍ غَيْرَ نَاظِرِينَ إِنَاهُ} إِلَى قَوْلِهِ { إِنَّ ذَلِكُمْ كَانَ عِنْدَ اللَّهِ عَظِيمًا} .
Urdu translation: Noor Foundation
صحیح مسلم 2557
حضرت انسؓ کہتے تھے کہ پردہ کے (حکم کے بارہ میں) مجھے سب لوگوں سے زیادہ علم ہے۔ حضرت ابیّ بن کعبؓ مجھ سے اس بارہ میں پوچھا کرتے تھے۔ حضرت انسؓ کہتے تھے کہ رسول اللہﷺ نے حضرت زینبؓ بنت جحش سے شادی کی۔ وہ کہتے ہیں آپؐ نے ان سے مدینہ میں شادی کی تھی اور دن چڑھے لوگوں کو کھانے کے لئے بلایا۔ رسول اللہﷺ تشریف فرما ہوئے اور لوگوں کے چلے جانے کے بعد آپؐ کے ساتھ کچھ لوگ بیٹھے رہے یہاں تک کہ رسول اللہﷺ اٹھے اور چل پڑے۔ میں بھی آپؐ کے ساتھ چلا یہاں تک کہ آپؐ حضرت عائشہؓ کے حجرہ کے دروازے تک پہنچے۔ پھر آپؐ کو خیال آیا کہ لوگ چلے گئے ہوں گے تو آپؐ لوٹے، میں بھی آپؐ کے ساتھ واپس آیا تو دیکھا کہ لوگ اپنی جگہ پر بیٹھے ہوئے ہیں تو آپؐ واپس چلے گئے۔ میں بھی دوبارہ آپؐ کے ساتھ واپس چلا گیا یہاں تک کہ آپؐ حضرت عائشہؓ کے حجرہ تک پہنچے۔ پھر آپؐ واپس لوٹے۔ میں بھی لوٹا۔ تو دیکھا کہ لوگ کھڑے ہو گئے ہیں۔ آپؐ نے میرے اور اپنے درمیان پردہ ڈال دیا اور اللہ نے پردے کی آیت نازل فرمائی۔
وَحَدَّثَنِي عَمْرٌو النَّاقِدُ حَدَّثَنَا يَعْقُوبُ بْنُ إِبْرَاهِيمَ بْنِ سَعْدٍ حَدَّثَنَا أَبِي عَنْ صَالِحٍ قَالَ ابْنُ شِهَابٍ إِنَّ أَنَسَ بْنَ مَالِكٍ قَالَ أَنَا أَعْلَمُ النَّاسِ بِالْحِجَابِ لَقَدْ كَانَ أُبَىُّ بْنُ كَعْبٍ يَسْأَلُنِي عَنْهُ . قَالَ أَنَسٌ أَصْبَحَ رَسُولُ اللَّهِ صلى الله عليه وسلم عَرُوسًا بِزَيْنَبَ بِنْتِ جَحْشٍ - قَالَ - وَكَانَ تَزَوَّجَهَا بِالْمَدِينَةِ فَدَعَا النَّاسَ لِلطَّعَامِ بَعْدَ ارْتِفَاعِ النَّهَارِ فَجَلَسَ رَسُولُ اللَّهِ صلى الله عليه وسلم وَجَلَسَ مَعَهُ رِجَالٌ بَعْدَ مَا قَامَ الْقَوْمُ حَتَّى قَامَ رَسُولُ اللَّهِ صلى الله عليه وسلم فَمَشَى فَمَشَيْتُ مَعَهُ حَتَّى بَلَغَ بَابَ حُجْرَةِ عَائِشَةَ ثُمَّ ظَنَّ أَنَّهُمْ قَدْ خَرَجُوا فَرَجَعَ وَرَجَعْتُ مَعَهُ فَإِذَا هُمْ جُلُوسٌ مَكَانَهُمْ فَرَجَعَ فَرَجَعْتُ الثَّانِيَةَ حَتَّى بَلَغَ حُجْرَةَ عَائِشَةَ فَرَجَعَ فَرَجَعْتُ فَإِذَا هُمْ قَدْ قَامُوا فَضَرَبَ بَيْنِي وَبَيْنَهُ بِالسِّتْرِ وَأَنْزَلَ اللَّهُ آيَةَ الْحِجَابِ.
Urdu translation: Noor Foundation
صحیح مسلم 2558
حضرت انس بن مالکؓ سے روایت ہے وہ کہتے ہیں رسول اللہﷺ نے شادی کی اور اپنے اہل کے پاس تشریف لے گئے۔ وہ کہتے ہیں میری امی حضرت ام سلیمؓ نے میٹھا ڈش بنایا اور اسے ایک برتن میں رکھا اور کہنے لگیں۔ اے انسؓ! یہ رسول اللہﷺ کے پاس لے جاؤ اور آپؐ سے کہو کہ یہ میری والدہ نے بھیجا ہے۔ اور وہ آپؐ کو سلام کہہ رہی تھیں اور کہتی تھیں یا رسولؐ اللہ! آپؐ کے لئے یہ ہماری طرف سے تھوڑا سا (ہدیہ) ہے۔ وہ کہتے ہیں میں وہ لے کر رسول اللہﷺ کے پاس گیا اور میں نے کہا میری امی آپؐ کو سلام کہتی ہیں اور کہتی ہیں یا رسولؐ اللہ! یہ ہماری طرف سے آپؐ کے لئے تھوڑا سا (ہدیہ) ہے۔ آپؐ نے فرمایا اسے رکھ دو۔ پھر فرمایا جاؤ اور فلاں فلاں اور فلاں کو اور جو بھی تمہیں ملے میرے پاس بلالاؤ۔ آپؐ نے کچھ آدمیوں کے نام لئے۔ وہ کہتے ہیں جن کے آپؐ نے نام لئے تھے انہیں بھی اور جن سے بھی میں ملا انہیں بھی بلا لایا۔ راوی کہتے ہیں میں نے انسؓ سے کہا وہ کتنے لوگ تھے؟ انہوں نے کہا تین سو کے قریب اور مجھے رسول اللہﷺ نے فرمایا اے انس! وہ برتن لے آؤ وہ کہتے ہیں لوگ اندر آئے یہاں تک کہ صفہ (چبوترہ) اور حجرہ بھر گئے۔ رسول اللہﷺ نے فرمایا دس دس کا حلقہ بنا لیں اور ہر آدمی اپنے سامنے سے کھائے۔ راوی کہتے ہیں پھر انہوں نے کھایا یہاں تک کہ وہ سیر ہو گئے۔ وہ کہتے ہیں ایک گروہ نکلتا تھا اور دوسرا داخل ہوتا تھا یہاں تک کہ ان سب نے کھا لیا۔ پھر آپؐ نے مجھے فرمایا اے انس! (اسے) اٹھا لو۔ وہ کہتے ہیں میں نے اسے اپنے لئے اٹھا لیا۔ میں نہیں جانتا کہ جب میں نے رکھا تو وہ اس وقت زیادہ تھا یا جب میں نے اٹھایا۔ وہ کہتے ہیں ان میں سے کچھ لوگ رسول اللہﷺ کے گھر میں بیٹھ کر باتیں کرنے لگے اور رسول اللہﷺ بیٹھے ہوئے تھے۔ اور آپؐ کی زوجہ مطہرہ دیوار کی طرف منہ کر کے بیٹھی ہوئی تھیں۔ رسول اللہﷺ پر یہ (لوگوں کا طرز عمل) گراں گزرا۔ اور رسول اللہﷺ باہر تشریف لے گئے اور اپنی بیویوں کو سلام کیا۔ پھر واپس آئے جب لوگوں نے رسول اللہﷺ کو دیکھا کہ آپؐ واپس آئے ہیں تو انہوں نے خیال کیا کہ وہ رسول اللہﷺ پر بوجھ ہیں۔ راوی کہتے ہیں تو وہ دروازے کی طرف لپکے اور سارے باہر چلے گئے اور رسول اللہﷺ تشریف لائے یہاں تک کہ آپؐ نے پردہ ڈال دیا اور اندر تشریف لے گئے اور میں حجرہ میں بیٹھا ہوا تھا۔ آپؐ تھوڑی دیر بعد میرے پاس تشریف لائے اور یہ آیت اتری۔ آپؐ باہر آئے اور یہ آیات لوگوں کو پڑھ کر سنائیں۔۔ اے وہ لوگو! جو ایمان لائے ہو! نبیؐ کے گھروں میں داخل نہ ہوا کرو سوائے اس کے کہ تمہیں کھانے کی دعوت دی جائے مگر اس طرح نہیں کہ اس کے پکنے کا انتظار کر رہے ہو۔ لیکن (کھانا تیار ہونے پر) جب تمہیں بلایا جائے تو داخل ہو اور جب تم کھا چکو تو منتشر ہو جاؤ۔ اور وہاں (بیٹھے) باتوں میں نہ لگے رہو۔ یہ (چیز) یقینا نبیﷺ کے لئے تکلیف دہ ہے مگر وہ تم سے (اس کے اظہار پر) شرماتا ہے اور اللہ حق سے نہیں شرماتا اور اگر تم ان (ازواج نبیؐ) سے کوئی چیز مانگو تو پردے کے پیچھے سے مانگا کرو۔ یہ تمہارے اور ان کے دلوں کے لئے زیادہ پاکیزہ (طرزِ عمل) ہے اور تمہارے لیے جائز نہیں کہ تم اللہ کے رسول کو اذیت پہنچاؤ اور نہ ہی یہ جائز ہے کہ اس کے بعد کبھی اس کی بیویوں میں سے کسی سے شادی کرو یقینا اللہ کے نزدیک یہ بہت بڑی بات ہے۔ حضرت انس بن مالکؓ نے کہا مجھے سب سے پہلے یہ آیات پہنچی ہیں اور نبیﷺ کی ازواج کو پردہ کرایا گیا۔
حَدَّثَنَا قُتَيْبَةُ بْنُ سَعِيدٍ حَدَّثَنَا جَعْفَرٌ - يَعْنِي ابْنَ سُلَيْمَانَ - عَنِ الْجَعْدِ أَبِي عُثْمَانَ عَنْ أَنَسِ بْنِ مَالِكٍ قَالَ تَزَوَّجَ رَسُولُ اللَّهِ صلى الله عليه وسلم فَدَخَلَ بِأَهْلِهِ - قَالَ - فَصَنَعَتْ أُمِّي أُمُّ سُلَيْمٍ حَيْسًا فَجَعَلَتْهُ فِي تَوْرٍ فَقَالَتْ يَا أَنَسُ اذْهَبْ بِهَذَا إِلَى رَسُولِ اللَّهِ صلى الله عليه وسلم فَقُلْ بَعَثَتْ بِهَذَا إِلَيْكَ أُمِّي وَهْىَ تُقْرِئُكَ السَّلاَمَ وَتَقُولُ إِنَّ هَذَا لَكَ مِنَّا قَلِيلٌ يَا رَسُولَ اللَّهِ - قَالَ - فَذَهَبْتُ بِهَا إِلَى رَسُولِ اللَّهِ صلى الله عليه وسلم فَقُلْتُ إِنَّ أُمِّي تُقْرِئُكَ السَّلاَمَ وَتَقُولُ إِنَّ هَذَا لَكَ مِنَّا قَلِيلٌ يَا رَسُولَ اللَّهِ . فَقَالَ " ضَعْهُ - ثُمَّ قَالَ - اذْهَبْ فَادْعُ لِي فُلاَنًا وَفُلاَنًا وَفُلاَنًا وَمَنْ لَقِيتَ " . وَسَمَّى رِجَالاً - قَالَ - فَدَعَوْتُ مَنْ سَمَّى وَمَنْ لَقِيتُ . قَالَ قُلْتُ لأَنَسٍ عَدَدَ كَمْ كَانُوا قَالَ زُهَاءَ ثَلاَثِمِائَةٍ . وَقَالَ لِي رَسُولُ اللَّهِ صلى الله عليه وسلم " يَا أَنَسُ هَاتِ التَّوْرَ " . قَالَ فَدَخَلُوا حَتَّى امْتَلأَتِ الصُّفَّةُ وَالْحُجْرَةُ فَقَالَ رَسُولُ اللَّهِ صلى الله عليه وسلم " لِيَتَحَلَّقْ عَشَرَةٌ عَشَرَةٌ وَلْيَأْكُلْ كُلُّ إِنْسَانٍ مِمَّا يَلِيهِ " . قَالَ فَأَكَلُوا حَتَّى شَبِعُوا - قَالَ - فَخَرَجَتْ طَائِفَةٌ وَدَخَلَتْ طَائِفَةٌ حَتَّى أَكَلُوا كُلُّهُمْ . فَقَالَ لِي " يَا أَنَسُ ارْفَعْ " . قَالَ فَرَفَعْتُ فَمَا أَدْرِي حِينَ وَضَعْتُ كَانَ أَكْثَرَ أَمْ حِينَ رَفَعْتُ - قَالَ - وَجَلَسَ طَوَائِفُ مِنْهُمْ يَتَحَدَّثُونَ فِي بَيْتِ رَسُولِ اللَّهِ صلى الله عليه وسلم وَرَسُولُ اللَّهِ صلى الله عليه وسلم جَالِسٌ وَزَوْجَتُهُ مُوَلِّيَةٌ وَجْهَهَا إِلَى الْحَائِطِ فَثَقُلُوا عَلَى رَسُولِ اللَّهِ صلى الله عليه وسلم فَخَرَجَ رَسُولُ اللَّهِ صلى الله عليه وسلم فَسَلَّمَ عَلَى نِسَائِهِ ثُمَّ رَجَعَ فَلَمَّا رَأَوْا رَسُولَ اللَّهِ صلى الله عليه وسلم قَدْ رَجَعَ ظَنُّوا أَنَّهُمْ قَدْ ثَقُلُوا عَلَيْهِ - قَالَ - فَابْتَدَرُوا الْبَابَ فَخَرَجُوا كُلُّهُمْ وَجَاءَ رَسُولُ اللَّهِ صلى الله عليه وسلم َتَّى أَرْخَى السِّتْرَ وَدَخَلَ وَأَنَا جَالِسٌ فِي الْحُجْرَةِ فَلَمْ يَلْبَثْ إِلاَّ يَسِيرًا حَتَّى خَرَجَ عَلَىَّ . وَأُنْزِلَتْ هَذِهِ الآيَةُ فَخَرَجَ رَسُولُ اللَّهِ صلى الله عليه وسلم وَقَرَأَهُنَّ عَلَى النَّاسِ { يَا أَيُّهَا الَّذِينَ آمَنُوا لاَ تَدْخُلُوا بُيُوتَ النَّبِيِّ إِلاَّ أَنْ يُؤْذَنَ لَكُمْ إِلَى طَعَامٍ غَيْرَ نَاظِرِينَ إِنَاهُ وَلَكِنْ إِذَا دُعِيتُمْ فَادْخُلُوا فَإِذَا طَعِمْتُمْ فَانْتَشِرُوا وَلاَ مُسْتَأْنِسِينَ لِحَدِيثٍ إِنَّ ذَلِكُمْ كَانَ يُؤْذِي النَّبِيَّ} إِلَى آخِرِ الآيَةِ . قَالَ الْجَعْدُ قَالَ أَنَسُ بْنُ مَالِكٍ أَنَا أَحْدَثُ النَّاسِ عَهْدًا بِهَذِهِ الآيَاتِ وَحُجِبْنَ نِسَاءُ النَّبِيِّ صلى الله عليه وسلم .
Urdu translation: Noor Foundation
صحیح مسلم 2559
حضرت انسؓ سے روایت ہے وہ کہتے ہیں جب نبیﷺ نے حضرت زینبؓ سے شادی کی۔ تو حضرت ام سلیمؓ نے پتھر کے ایک برتن میں حیس کا تحفہ بھیجا۔ حضرت انسؓ کہتے ہیں رسول اللہﷺ نے فرمایا جاؤ اور مسلمانوں میں سے جو بھی تمہیں ملے اسے میرے پاس بلا لاؤ۔ پس میں ہر شخص کو جو بھی مجھے ملا، بلا لایا۔ وہ سب آپؐ کے پاس اندر آنے لگے۔ وہ کھانا کھاتے اور باہر چلے جاتے تھے۔ اور نبیﷺ نے کھانے پر اپنا ہاتھ رکھا تھا اور اس میں دعا کی تھی اور اس میں جو بھی اللہ نے چاہا آپؐ نے کہا اور کسی کو نہ چھوڑا۔ ان سب نے کھایا یہاں تک کہ سیر ہو گئے اور وہ باہر چلے گئے اور ان میں سے ایک گروہ پیچھے رہ گیا اور انہوں نے اپنی بات (آپؐ کے ہاں) لمبی کر دی۔ رسول اللہﷺ انہیں کوئی بات کہنے سے حیا فرما رہے تھے۔ پس آپؐ باہر تشریف لے گئے اور انہیں گھر میں چھوڑ دیا تو اللہ تعالیٰ نے یہ آیت نازل کی۔ اے وہ لوگو جو ایمان لائے ہو! نبیؐ کے گھروں میں داخل نہ ہوا کرو سوائے اس کے کہ تمہیں کھانے کی دعوت دی جائے مگر اس طرح نہیں کہ اس کے پکنے کا انتظار کر رہے ہو راوی کہتے ہیں قتادہ نے کہا ہے کہ کھانا پکنے کے انتظار میں نہ رہو بلکہ جب تمہیں بلایا جائے تو آؤ۔
وَحَدَّثَنِي مُحَمَّدُ بْنُ رَافِعٍ حَدَّثَنَا عَبْدُ الرَّزَّاقِ حَدَّثَنَا مَعْمَرٌ عَنْ أَبِي عُثْمَانَ عَنْ أَنَسٍ قَالَ لَمَّا تَزَوَّجَ النَّبِيُّ صلى الله عليه وسلم زَيْنَبَ أَهْدَتْ لَهُ أُمُّ سُلَيْمٍ حَيْسًا فِي تَوْرٍ مِنْ حِجَارَةٍ فَقَالَ أَنَسٌ فَقَالَ رَسُولُ اللَّهِ صلى الله عليه وسلم " اذْهَبْ فَادْعُ لِي مَنْ لَقِيتَ مِنَ الْمُسْلِمِينَ " . فَدَعَوْتُ لَهُ مَنْ لَقِيتُ فَجَعَلُوا يَدْخُلُونَ عَلَيْهِ فَيَأْكُلُونَ وَيَخْرُجُونَ وَوَضَعَ النَّبِيُّ صلى الله عليه وسلم يَدَهُ عَلَى الطَّعَامِ فَدَعَا فِيهِ وَقَالَ فِيهِ مَا شَاءَ اللَّهُ أَنْ يَقُولَ وَلَمْ أَدَعْ أَحَدًا لَقِيتُهُ إِلاَّ دَعَوْتُهُ فَأَكَلُوا حَتَّى شَبِعُوا وَخَرَجُوا وَبَقِيَ طَائِفَةٌ مِنْهُمْ فَأَطَالُوا عَلَيْهِ الْحَدِيثَ فَجَعَلَ النَّبِيُّ صلى الله عليه وسلم يَسْتَحْيِي مِنْهُمْ أَنْ يَقُولَ لَهُمْ شَيْئًا فَخَرَجَ وَتَرَكَهُمْ فِي الْبَيْتِ فَأَنْزَلَ اللَّهُ عَزَّ وَجَلَّ { يَا أَيُّهَا الَّذِينَ آمَنُوا لاَ تَدْخُلُوا بُيُوتَ النَّبِيِّ إِلاَّ أَنْ يُؤْذَنَ لَكُمْ إِلَى طَعَامٍ غَيْرَ نَاظِرِينَ إِنَاهُ} قَالَ قَتَادَةُ غَيْرَ مُتَحَيِّنِينَ طَعَامًا وَلَكِنْ إِذَا دُعِيتُمْ فَادْخُلُوا حَتَّى بَلَغَ { ذَلِكُمْ أَطْهَرُ لِقُلُوبِكُمْ وَقُلُوبِهِنَّ}
Urdu translation: Noor Foundation
صحیح مسلم 2560
حضرت ابن عمرؓ سے روایت ہے کہ رسول اللہ ﷺ نے فرمایا جب تم میں سے کسی کو دعوت ولیمہ دی جائے تو دعوت ولیمہ کے لئے جایا کرو اور اس میں شامل ہو۔
حَدَّثَنَا يَحْيَى بْنُ يَحْيَى قَالَ قَرَأْتُ عَلَى مَالِكٍ عَنْ نَافِعٍ عَنِ ابْنِ عُمَرَ قَالَ قَالَ رَسُولُ اللَّهِ صلى الله عليه وسلم " إِذَا دُعِيَ أَحَدُكُمْ إِلَى الْوَلِيمَةِ فَلْيَأْتِهَا " .
Urdu translation: Noor Foundation
صحیح مسلم 2561
حضرت ابن عمر سے مروی ہے کہ نبی ﷺ نے فرمایا جب تم میں سے کسی کو دعوت ولیمہ کے لئے بلایا جائے تو اسے چاہیے کہ وہ قبول کرے۔ راوی خالد کہتے ہیں عبید اللہ اس سے شادی کی دعوت مراد لیتے تھے۔
وَحَدَّثَنَا مُحَمَّدُ بْنُ الْمُثَنَّى حَدَّثَنَا خَالِدُ بْنُ الْحَارِثِ عَنْ عُبَيْدِ اللَّهِ عَنْ نَافِعٍ عَنِ ابْنِ عُمَرَ عَنِ النَّبِيِّ صلى الله عليه وسلم قَالَ " إِذَا دُعِيَ أَحَدُكُمْ إِلَى الْوَلِيمَةِ فَلْيُجِبْ " . قَالَ خَالِدٌ فَإِذَا عُبَيْدُ اللَّهِ يُنَزِّلُهُ عَلَى الْعُرْسِ .
Urdu translation: Noor Foundation
صحیح مسلم 2562
حضرت ابن عمرؓ سے روایت ہے کہ نبی ﷺ نے فرمایا جب تم میں سے کسی کو شادی کی دعوت پر بلایا جائے تو اسے چاہیے کہ وہ قبول کرے۔
حَدَّثَنَا ابْنُ نُمَيْرٍ حَدَّثَنَا عُبَيْدُ اللَّهِ عَنْ نَافِعٍ عَنِ ابْنِ عُمَرَ أَنَّ النَّبِيَّ صلى الله عليه وسلم قَالَ " إِذَا دُعِيَ أَحَدُكُمْ إِلَى وَلِيمَةِ عُرْسٍ فَلْيُجِبْ " .
Urdu translation: Noor Foundation
صحیح مسلم 2563
حضرت ابن عمرؓ سے روایت ہے وہ کہتے ہیں کہ رسول اللہﷺ نے فرمایا جب تمہیں بلایا جائے تو دعوت کے لئے آؤ۔
حَدَّثَنِي أَبُو الرَّبِيعِ وَأَبُو كَامِلٍ قَالاَ حَدَّثَنَا حَمَّادٌ حَدَّثَنَا أَيُّوبُ ح وَحَدَّثَنَا قُتَيْبَةُ حَدَّثَنَا حَمَّادٌ عَنْ أَيُّوبَ عَنْ نَافِعٍ عَنِ ابْنِ عُمَرَ قَالَ قَالَ رَسُولُ اللَّهِ صلى الله عليه وسلم " ائْتُوا الدَّعْوَةَ إِذَا دُعِيتُمْ " .
Urdu translation: Noor Foundation
صحیح مسلم 2564
حضرت ابن عمرؓ کہا کرتے تھے کہ نبیﷺ نے فرمایا جب کوئی اپنے بھائی کو بلائے تو چاہیے کہ وہ قبول کرے، شادی ہو یا اس طرح کی کوئی اور (تقریب)۔
وَحَدَّثَنِي مُحَمَّدُ بْنُ رَافِعٍ حَدَّثَنَا عَبْدُ الرَّزَّاقِ أَخْبَرَنَا مَعْمَرٌ عَنْ أَيُّوبَ عَنْ نَافِعٍ أَنَّ ابْنَ عُمَرَ كَانَ يَقُولُ عَنِ النَّبِيِّ صلى الله عليه وسلم " إِذَا دَعَا أَحَدُكُمْ أَخَاهُ فَلْيُجِبْ عُرْسًا كَانَ أَوْ نَحْوَهُ " .
Urdu translation: Noor Foundation
صحیح مسلم 2565
حضرت ابن عمرؓ سے روایت ہے وہ کہتے ہیں رسول اللہﷺ نے فرمایا جسے شادی کی دعوت پر یا اس قسم کی کسی (تقریب) پر بلایا جائے تو وہ قبول کرے۔
وَحَدَّثَنِي إِسْحَاقُ بْنُ مَنْصُورٍ حَدَّثَنِي عِيسَى بْنُ الْمُنْذِرِ حَدَّثَنَا بَقِيَّةُ حَدَّثَنَا الزُّبَيْدِيُّ عَنْ نَافِعٍ عَنِ ابْنِ عُمَرَ قَالَ قَالَ رَسُولُ اللَّهِ صلى الله عليه وسلم " مَنْ دُعِيَ إِلَى عُرْسٍ أَوْ نَحْوِهِ فَلْيُجِبْ " .
Urdu translation: Noor Foundation
صحیح مسلم 2566
حضرت عبداللہ بن عمرؓ سے روایت ہے وہ کہتے ہیں رسول اللہﷺ نے فرمایا جب تمہیں بلایا جائے تو تم دعوت کے لئے آؤ۔
حَدَّثَنِي حُمَيْدُ بْنُ مَسْعَدَةَ الْبَاهِلِيُّ حَدَّثَنَا بِشْرُ بْنُ الْمُفَضَّلِ حَدَّثَنَا إِسْمَاعِيلُ بْنُ أُمَيَّةَ عَنْ نَافِعٍ عَنْ عَبْدِ اللَّهِ بْنِ عُمَرَ قَالَ قَالَ رَسُولُ اللَّهِ صلى الله عليه وسلم " ائْتُوا الدَّعْوَةَ إِذَا دُعِيتُمْ " .
Urdu translation: Noor Foundation
صحیح مسلم 2567
نافع سے روایت ہے وہ کہتے ہیں میں نے حضرت عبداللہ بن عمرؓ سے سنا۔ وہ کہتے تھے رسول اللہ ﷺ نے فرمایا اس دعوت کو قبول کرو جب تم اس کے لئے بلائے جاؤ۔ راوی کہتے ہیں حضرت عبداللہؓ بن عمرؓ شادی یا شادی کے علاوہ دعوت میں آیا کرتے اور اس میں آتے اگرچہ وہ روزہ دار ہوتے۔
وَحَدَّثَنِي هَارُونُ بْنُ عَبْدِ اللَّهِ حَدَّثَنَا حَجَّاجُ بْنُ مُحَمَّدٍ عَنِ ابْنِ جُرَيْجٍ أَخْبَرَنِي مُوسَى بْنُ عُقْبَةَ عَنْ نَافِعٍ قَالَ سَمِعْتُ عَبْدَ اللَّهِ بْنَ عُمَرَ يَقُولُ قَالَ رَسُولُ اللَّهِ صلى الله عليه وسلم " أَجِيبُوا هَذِهِ الدَّعْوَةَ إِذَا دُعِيتُمْ لَهَا " . قَالَ وَكَانَ عَبْدُ اللَّهِ بْنُ عُمَرَ يَأْتِي الدَّعْوَةَ فِي الْعُرْسِ وَغَيْرِ الْعُرْسِ وَيَأْتِيهَا وَهُوَ صَائِمٌ .
Urdu translation: Noor Foundation
صحیح مسلم 2568
حضرت ابن عمرؓ سے روایت ہے کہ نبیﷺ نے فرمایا اگر تمہیں پائے کے لئے بھی بلایا جائے تو اسے قبول کرو۔
وَحَدَّثَنِي حَرْمَلَةُ بْنُ يَحْيَى أَخْبَرَنَا ابْنُ وَهْبٍ حَدَّثَنِي عُمَرُ بْنُ مُحَمَّدٍ عَنْ نَافِعٍ عَنِ ابْنِ عُمَرَ أَنَّ النَّبِيَّ صلى الله عليه وسلم قَالَ " إِذَا دُعِيتُمْ إِلَى كُرَاعٍ فَأَجِيبُوا " .
Urdu translation: Noor Foundation
صحیح مسلم 2569
حضرت جابرؓ سے روایت ہے وہ کہتے ہیں رسول اللہﷺ نے فرمایا جب تم میں سے کسی کو کھانے کے لئے بلایا جائے تو وہ قبول کرے۔ پھر اگر وہ چاہے تو کھائے چاہے تو نہ کھائے اور ابن مثنیٰ کی روایت میں (اِذَا دُعِیَ اَحَدُکُمْ اِلٰی طَعَامٍ کی بجائے) اِذَا دُعِیَ اَحَدُکُمْ کے الفاظ ہیں۔
وَحَدَّثَنَا مُحَمَّدُ بْنُ الْمُثَنَّى حَدَّثَنَا عَبْدُ الرَّحْمَنِ بْنُ مَهْدِيٍّ ح وَحَدَّثَنَا مُحَمَّدُ بْنُ عَبْدِ اللَّهِ بْنِ نُمَيْرٍ حَدَّثَنَا أَبِي قَالاَ حَدَّثَنَا سُفْيَانُ عَنْ أَبِي الزُّبَيْرِ عَنْ جَابِرٍ قَالَ قَالَ رَسُولُ اللَّهِ صلى الله عليه وسلم " إِذَا دُعِيَ أَحَدُكُمْ إِلَى طَعَامٍ فَلْيُجِبْ فَإِنْ شَاءَ طَعِمَ وَإِنْ شَاءَ تَرَكَ " . وَلَمْ يَذْكُرِ ابْنُ الْمُثَنَّى " إِلَى طَعَامٍ " . وَحَدَّثَنَا ابْنُ نُمَيْرٍ حَدَّثَنَا أَبُو عَاصِمٍ عَنِ ابْنِ جُرَيْجٍ عَنْ أَبِي الزُّبَيْرِ بِهَذَا الإِسْنَادِ بِمِثْلِهِ.
Urdu translation: Noor Foundation
صحیح مسلم 2570
حضرت ابو ہریرہؓ سے روایت ہے وہ کہتے ہیں رسول اللہﷺ نے فرمایا جب تم میں سے کسی کو دعوت کے لئے بلایا جائے تو وہ قبول کرے اور اگر وہ روزہ دار ہو تو وہ دعا کرے اور اگر بغیر روزے کے ہو تو وہ کھائے۔
حَدَّثَنَا أَبُو بَكْرِ بْنُ أَبِي شَيْبَةَ حَدَّثَنَا حَفْصُ بْنُ غِيَاثٍ عَنْ هِشَامٍ عَنِ ابْنِ سِيرِينَ عَنْ أَبِي هُرَيْرَةَ قَالَ قَالَ رَسُولُ اللَّهِ صلى الله عليه وسلم " إِذَا دُعِيَ أَحَدُكُمْ فَلْيُجِبْ فَإِنْ كَانَ صَائِمًا فَلْيُصَلِّ وَإِنْ كَانَ مُفْطِرًا فَلْيَطْعَمْ ".
Urdu translation: Noor Foundation
پیچھے · آگے