تذکرہ یعنی وحی مقدّس و روٴیا و کشوف حضرت مسیح موعود علیہ الصلوٰة و السلام
حصہ 3
Urdu text of the edition of the Ahmadiyya Muslim Jamaat.
ڈاک خانجات کا افسر بحیثیت سرکاری مدعی ہونے کے حاضر ہوا۔اس وقت حاکم عدالت نے اپنے ہاتھ سے میرا اظہار لکھا اور سب سے پہلے مجھ سے یہی سوال کیا کہ کیا یہ خط تم نے اپنے پیکٹ میں رکھ دیا تھا اور یہ خط اور یہ پیکٹ تمہارا ہے۔تب میں نے بلا توقف جواب دیا کہ یہ میرا ہی خط اور میرا ہی پیکٹ ہے اور میں نے اِس خط کو پیکٹ کے اندر رکھ کر روانہ کیا تھا۔مگر میں نے گورنمنٹ کی نقصان رسانی محصول کے لئے بد نیتی سے یہ کام نہیں کیا بلکہ میں نے اِس خط کو اس مضمون سے کچھ علیحدہ نہیں سمجھا اور نہ اِس میں کوئی نج کی بات تھی۔اس بات کو سنتے ہی خدا تعالیٰ نے اِس انگریز کے دل کو میری طرف پھیر دیا اور میرے مقابل پر افسر ڈاک خانجات نے بہت شور مچایا اور لمبی لمبی تقریریں انگریزی میں کیں جن کو میں نہیں سمجھتا تھا مگر اِس قدر میں سمجھتا تھا کہ ہر ایک تقریر کے بعد زبان انگریزی میں وہ حاکم نو۔نو کرکے اُس کی سب باتوں کو ردّ کردیتا تھا۔انجام کار جب وہ افسر مدعی اپنے تمام وجوہ پیش کرچکا اور اپنے تمام بخارات نکال چکا تو حاکم نے فیصلہ لکھنے کی طرف توجہ کی اور شاید سطر یا ڈیڑھ سطر لکھ کر مجھ کو کہا کہ اچھا آپ کے لئے رخصت۔یہ سن کر میں عدالت کے کمرہ سے باہر ہوا اور اپنے محسن حقیقی کا شکر بجالایا جس نے ایک افسر انگریز کے مقابل پر مجھ کو ہی فتح بخشی اور میں خوب جانتا ہوں کہ اس وقت صدق کی برکت سے خدا تعالیٰ نے اُس بلا سے مجھ کو نجات دی۔میں نے اُس سے پہلے یہ خواب بھی دیکھی تھی کہ ایک شخص نے میری ٹوپی اتارنے کے لئے ہاتھ مارا۔میں نے کہا۔کیا کرنے لگا ہے۔تب اُس نے ٹوپی کو میرے سر پر ہی رہنے دیا اور کہا کہ خیر ہے۔خیر ہے۔‘‘ (آئینہ کمالاتِ اسلام۔روحانی خزائن جلد ۵ صفحہ ۲۹۷ تا ۲۹۹) ۱۸۷۷ء (تخمیناً) ’’ایک پرانا الہام کوئی تیس۳۰ سال کا جو پہلے بھی حضرت نے کئی دفعہ سنایا ہے اور آج پھر سنایا… ۱۔فَارْتَدَّا؎۱ عَلٰی اٰثَا رِھِمَا وَ وُھِبَ لَہُ الْـجَنَّۃُ اتنے میں طاقت بالا اس کو کھینچ کر لے گئی۔۲۔یہودا اسکریوطی؎۲۔‘‘ (بدر جلد ۶نمبر ۴ مورخہ ۲۴ ؍جنوری ۱۹۰۷ء صفحہ۳ ) ۱۸۷۷ء (قریباً) ’’ سَیُـہْزَمُ الْـجَمْعُ وَ یُـوَلُّوْنَ الدُّ بُـرَ یعنی آریہ مذہب کا انجام یہ ہوگا کہ خدا اُن کو شکست دے گا اور آخر وہ آریہ مذہب سے بھاگیں گے اور پیٹھ ۱ (ترجمہ از مرتّب) پھر وہ دونوں پچھلے پاؤں واپس لوٹ گئے اور اس کو جنت عطا کی گئی۔۲ (نوٹ از ناشر) الحکم مورخہ ۲۴ ؍جنوری ۱۹۰۷ء صفحہ ۱ میں دوسرا الہام ’’یہودا اسکریوطی‘‘ درج نہیں۔
پھیر لیں گے اور آخر کالعدم ہوجائیں گے۔یہ الہام مدت دراز کا ہے جس پر قریباً تیس برس کا عرصہ گذرا ہے جس سے اس جگہ کے ایک آریہ یعنی لالہ شرمپت کو اطلاع دی گئی تھی۔‘‘ (تتمہ حقیقۃ الوحی۔روحانی خزائن جلد ۲۲ صفحہ ۶۰۷) ۱۸۷۸ء (قریباً) ’’عرصہ قریباً پچیس برس کا گذرا ہے کہ مجھے گورداسپور میں ایک رؤیاہوا کہ میں ایک چارپائی پر بیٹھا ہوں اور اسی چار پائی پر بائیں طرف مولوی عبداللہ صاحب غزنوی مرحوم بیٹھے ہیں۔اتنے میں میرے دل میں تحریک پیدا ہوئی کہ میں مولوی صاحب موصوف کو چارپائی سے نیچے اتاردوں چنانچہ میں نے ان کی طرف کھسکنا شروع کیا یہاں تک کہ وہ چارپائی سے اُتر کر زمین پر بیٹھ گئے۔اتنے میں تین فرشتے آسمان کی طرف سے ظاہر ہوگئے جن میں سے ایک کا نام خیرائتی تھا۔وہ تینوں بھی زمین پر بیٹھ گئے اور مولوی عبداللہ بھی زمین پر تھے اور میں چارپائی پر بیٹھا رہا۔تب میں نے اُن سب سے کہا کہ میں دعا کرتا ہوں تم سب آمین کہو۔تب میں نے یہ دعا کی۔رَبِّ اَذْھِبْ عَنِّی الرِّجْسَ وَطَھِّرْنِیْ تَطْھِیْرًا۱؎ اس دعا پر تینوں فرشتوں اور مولوی عبداللہ نے آمین کہی۔اس کے بعد وہ تینوں فرشتے اور مولوی عبداللہ آسمان کی طرف اُڑ گئے اور میری آنکھ کھل گئی۔آنکھ کھلتے ہی مجھے یقین ہوگیا کہ مولوی عبداللہ کی وفات قریب؎۲ہے اور میرے لئے آسمان پر ایک خاص فضل کا ارادہ ہے اور پھر میں ہر وقت محسوس کرتا رہا کہ ایک آسمانی کشش میرے اندر کام کررہی ہے یہاں تک کہ وحی الٰہی کا سلسلہ جاری ہوگیا۔وہی ایک ہی رات تھی جس میں اللہ تعالیٰ نے بتمام و کمال میری اصلاح کردی اور مجھ میں ایک ایسی تبدیلی واقع ہوگئی جو انسان کے ہاتھ سے یا انسان کے ارادے سے نہیں ہوسکتی تھی۔؎۳ مجھے معلوم ہوتا ہے کہ مولوی عبداللہ غزنوی اس نور کی گواہی کے لئے پنجاب کی طرف کھنچا تھا اور اس نے میری نسبت گواہی دی اور اس گواہی کو حافظ محمد یوسف اور ان کے بھائی محمد یعقوب نے بیان بھی کیا مگر پھر دنیا کی ۱ (ترجمہ از مرتّب) اے میرے ربّ مجھ سے ناپاکی کو دُور رکھ اور مجھے بالکل پاک کر دے۔۲ (نوٹ از مولانا عبد اللطیف بہاولپوری) مولوی عبداللہ صاحب غزنوی کی وفات بروز منگل ۱۵؍ ربیع الاوّل ۱۲۹۸ ھ مطابق ۱۵؍ فروری ۱۸۸۱ء کو ہوئی۔دیکھیے اشاعۃ السنّۃ نمبر۱،۲ جلد۴ ۳ (نوٹ از مولانا عبد اللطیف بہاولپوری) یہ خواب تریاق القلوب۔روحانی خزائن جلد۱۵ صفحہ ۳۵۱، ۳۵۲ میں بھی درج ہے۔
محبت اُن پر غالب آگئی اور میں خدا کی قسم کھا کر کہتا ہوں جس کی جھوٹی قسم کھانا لعنتی کا کام ہے کہ مولوی عبداللہ نے میرے خواب میں میرے دعویٰ کی تصدیق کی اور میں دعا کرتا ہوں کہ اگر یہ قسم جھوٹی ہے تو اے قادر خدا مجھے ان لوگوں کی ہی زندگی میں جو مولوی عبداللہ صاحب کی اولاد یا اُن کے مرید یا شاگرد ہیں سخت عذاب سے مار ورنہ مجھے غالب کر اور ان کو شرمندہ یا ہدایت یافتہ۔مولوی عبداللہ صاحب کے اپنے منہ کے یہ لفظ تھے کہ آپ کو آسمانی نشانوں اور دوسرے دلائل کی تلوار دی گئی ہے اور جب میں دنیا پر تھا تو امید کرتا تھا کہ ایسا انسان خدا کی طرف سے دنیا میں بھیجا جائے گا۔یہ میری خواب ہے۔اِلْعَنْ مَنْ کَذَ۔بَ وَ اَیِّدْ مَنْ صَدَ۔قَ۔‘‘۱؎ (نزول المسیح۔روحانی خزائن جلد۱۸ صفحہ ۶۱۴ تا ۶۱۶) ۱۸۷۸ء (تخمیناً) ’’ اور انہی؎۲دنوں میں شاید اس رات سے اوّل یا اس رات کے بعد میں نے کشفی حالت میں دیکھا کہ ایک شخص جو مجھے فرشتہ معلوم ہوتا ہے مگر خواب میں محسوس ہوا کہ اس کا نام شیر علی ہے۔اُس نے مجھے ایک جگہ لٹا کر میری آنکھیں نکالی ہیں اور صاف کی ہیں اور میل اور کدورت ان میں سے پھینک دی اور ہر ایک بیماری اور کوتاہ بینی کا مادہ نکال دیا ہے اور ایک مصفّا نور جو آنکھوں میں پہلے سے موجود تھا مگر بعض مواد کے نیچے دبا ہوا تھا اس کو ایک چمکتے ہوئے ستارہ کی طرح بنادیا ہے اوریہ عمل کرکے پھر وہ شخص غائب ہوگیا اور میں اُس کشفی حالت سے بیداری کی طرف منتقل ہوگیا۔‘‘ (تریاق القلوب۔روحانی خزائن جلد ۱۵ صفحہ ۳۵۲) ۱۸۷۸ء ’’ایک دفعہ ایک طالب العلم انگریزی خوان ملنے کو آیا اُس کے رُو برو ہی یہ الہام ہوا۔دِس اِزْ مائی اَینیمی ؎۳ یعنی یہ میرا دشمن ہے۔اگرچہ معلوم ہوگیا تھا کہ یہ الہام اُسی کی نسبت ہے مگر اُسی سے یہ معنی بھی دریافت کئے گئے اور آخر وہ ایسا ۱ (ترجمہ از ناشر) اے اللہ جھوٹے پر لعنت کر اور سچے کی تائید فرما۔۲ (نوٹ از حضرت مرزا بشیر احمد ؓ) یعنی جب رؤیا مذکورہ بالا دیکھا تھا۔۳ This is my enemy
ہی آدمی نکلا اور اُس کے باطن میں طرح طرح کے خبث پائے گئے۔‘‘ (براہین احمدیہ حصہ چہارم۔روحانی خزائن جلد ۱ صفحہ ۵۷۲، ۵۷۳ حاشیہ در حاشیہ نمبر۳ ) ۱۸۷۹ء (قریباً) ’’شاید تین سال کے قریب عرصہ گذر اہوگا کہ میں نے اسی؎۱کتاب کے لئے دعا کی کہ لوگ اس کی مدد کی طرف متوجہ ہوں تب یہی الہام شدید الکلمات جس کی میں نے ابھی تعریف کی ہے ان لفظوں میں ہوا۔بالفعل نہیں … اور پھراُسی کے مطابق… لوگوں کی طرف سے عدم توجہی رہی۔‘‘ (براہین احمدیہ حصہ سوم۔روحانی خزائن جلد ۱ صفحہ۲۴۹،۲۵۰حاشیہ در حاشیہ نمبر۱) ۱۸۸۰ء ’’ایک مرتبہ میں سخت بیمار ہوا یہاں تک کہ تین مختلف وقتوں میں میرےوارثوں نے میرا آخری وقت سمجھ کر مسنون طریقہ پر مجھے تین مرتبہ سورہ یٰسین سنائی جب تیسری مرتبہ سورہ یٰسین سنائی گئی تو میں دیکھتا تھا کہ بعض عزیز میرے جو اَب وہ دنیا سے گذر بھی گئے دیواروں کے پیچھے بے اختیار روتے تھے اور مجھے ایک قسم کا سخت قولنج تھا اور بار بار د مبدم حاجت ہوکر خون آتا تھا۔سولہ۱۶ دن برابر ایسی حالت رہی اور اسی بیماری میں میرے ساتھ ایک اور شخص بیمار ہوا تھا وہ آٹھویں دن راہیِ ملک ِ بقا ہوگیا حالانکہ اس کے مرض کی شدت ایسی نہ تھی جیسی میری۔جب بیماری کو سولہواں دن چڑھا تو اُس دن بکلی حالاتِ یاس ظاہر ہوکر تیسری مرتبہ مجھے سورہ یٰسین سنائی گی اور تمام عزیزوں کے دل میں یہ پختہ یقین تھا کہ آج شام تک یہ قبر میں ہوگا۔تب ایسا ہوا کہ جس طرح خدا تعالیٰ نے مصائب سے نجات پانے کے لئے بعض اپنے نبیوں کو دعائیں سکھلائی تھیں مجھے بھی خدا نے الہام کرکے ایک دعا سکھلائی اور وہ یہ ہے۔سُبْـحَانَ اللّٰہِ وَبِـحَمْدِ ہٖ سُبْـحَانَ اللّٰہِ الْعَظِیْمِ۔اَللّٰھُمَّ صَلِّ عَلٰی مُـحَمَّدٍ وَّ اٰلِ مُـحَمَّدٍ۲؎ اور میرے دل میں خدا تعالیٰ نے یہ الہام کیا کہ دریا کے پانی میں جس کے ساتھ ریت بھی ہو ہاتھ ڈال اور یہ کلماتِ طیبہ پڑھ اور اپنے سینہ اور پشت سینہ اور دونوں ہاتھوں اور منہ پر اس کو پھیر کہ اس سے تو شفا پائے گا۔چنانچہ جلدی سے دریا کا پانی مع ریت منگوایا گیا اور میں نے اُسی طرح عمل کرنا شروع کیا جیسا کہ مجھے تعلیم دی تھی اور اس وقت حالت یہ تھی کہ میرے ایک ایک بال سے آگ نکلتی تھی اور تمام بدن میں درد ناک جلن تھی اور ۱ براہین احمدیہ (مرزا بشیر احمد) ۲ (ترجمہ از ناشر) اللہ پاک ہے اپنی حمد کے ساتھ۔اللہ پاک ہے بڑی عظمت والا ہے۔اے اللہ! محمد (صلی اللہ علیہ وسلم) اور محمدؐ کی آل پر رحمتیں نازل فرما۔
بےاختیار طبیعت اس بات کی طرف مائل تھی کہ اگر موت بھی ہو تو بہتر تا اس حالت سے نجات ہو مگر جب وہ عمل شروع کیا تو مجھے اس خدا کی قسم ہے جس کے ہاتھ میں میری جان ہے کہ ہر ایک دفعہ ان کلمات طیبہ کے پڑھنے اور پانی کو بدن پر پھیرنے سے میں محسوس کرتا تھا کہ وہ آگ اندر سے نکلتی جاتی ہے اور بجائے اس کے ٹھنڈک اور آرام پیدا ہوتا جاتا ہے یہاں تک کہ ابھی اس پیالہ کا پانی ختم نہ ہوا تھا کہ میں نے دیکھا کہ بیماری بکلی مجھے چھوڑ گئی اور میں سولہ دن کے بعد رات کو تندرستی کے خواب سے سویا۔جب صبح ہوئی تو مجھے یہ الہام ہوا۔وَاِنْ کُنْتُمْ فِیْ رَیْبٍ مِّـمَّا نَـزَّ لْنَا عَلٰی عَبْدِ نَـا فَاْتُوْا بِشِفَآءٍ مِّنْ مِّثْلِہٖ یعنی اگر تمہیں اُس نشان میں شک ہو جو شفا دے کر ہم نے دکھلایا تو تم اس کی نظیر کوئی اور شفا پیش کرو۔‘‘ (تریاق القلوب۔روحانی خزائن جلد ۱۵ صفحہ ۲۰۸، ۲۰۹) ۱۸۸۰ء (تخمیناً) ’’کوئی ۲۵، ۲۶سال کا عرصہ گذرا ہے ایک دفعہ میں نے خواب میں دیکھا تھا کہ ایک شخص میرا نام لکھ رہا ہے تو آدھا نام اس نے عربی میں لکھا ہے اور آدھا انگریزی میں لکھا ہے۔‘‘ (الحکم جلد ۹ نمبر ۳۲ مورخہ ۱۰؍ ستمبر۱۹۰۵ء صفحہ ۳ ) ۱۸۸۰ء (تخمیناً) ’’سردار محمد حیات خاں۱؎ کا کبھی آپ نے نام سنا ہی ہوگا کہ جو گورنمنٹ کے حکم سے ایک عرصہ دراز تک معطل رہے۔۲؎ ڈیڑھ سال کا عرصہ گذرا ہوگا یا شاید اس سے زیادہ کچھ عرصہ گذرگیا ہوگا کہ جب طرح طرح کی مصیبتیں اور مشکلیں اور صعوبتیں اِس معطلی کی حالت میں اُن کو پیش آئیں اور گورنمنٹ کا منشا بھی کچھ بر خلاف سمجھا جاتا تھا اُنہیں دنوں میں اُن کے بَری ہونے کی خبر ہم کو خواب میں ملی اور خواب میں مَیں نے ۱ (نوٹ از حضرت مرزا بشیر احمدؓ) نواب سردار محمد حیات خان صاحب جج تھے جن پر گورنمنٹ کی طرف سے کئی الزام قائم کئے گئے تھے اورانہیں معطّل کرکے ان پر مقدمہ چلایا گیا تھا۔اس موقع پر مرزا غلام قادر صاحب مرحوم نے ان کے لئے دُعا کے واسطے حضرت مسیح موعود علیہ الصلوٰۃ والسلام سے کہا۔چنانچہ جب حضورؑنے ان کے لئے دُعا کی تو حضورؑ کو اُن کے متعلق بذریعہ کشف یہ بشارت ملی۔۲ (نوٹ از الحکم) ’’سردار حیات خاں ایک دفعہ کسی مقدمہ میں معطل ہوگیا تھا۔میرے بڑے بھائی مرزا غلام قادر مرحوم نے مجھے کہا کہ ان کے لئے دعا کرو۔میں نے دعا کی تو مجھے دکھا یا گیا کہ یہ کرسی پر بیٹھا ہوا عدالت کررہا ہے۔میں نے کہا کہ یہ تو معطل ہوگیا ہے۔کسی نے کہا کہ اُس جہان میں معطل نہیں ہوا۔تب مجھے معلوم ہوا کہ یہ بحال ہوجائے گا چنانچہ اس کی اطلاع دی گئی اور تھوڑے ہی عرصہ کے بعد وہ پھر بحال ہوگیا۔‘‘ (الحکم مورخہ۱۰؍ ستمبر۱۹۰۲ ء صفحہ ۶ )
اُن کو کہا کہ تم کچھ خوف مت کرو خدا ہر یک چیز پر قادر ہے وہ تمہیں نجات دے گا۔چنانچہ یہ خبر اِنہیں دنوں میں بیسیوں ہندوؤں اور آریوں اور مسلمانوں کو سنائی گئی جس نے سنا بعید از قیاس سمجھا اور بعض نے ایک امرِ محال خیال کیا اور میں نے سنا ہے کہ اُنہیں ایام میں محمد حیات خان صاحب کو بھی یہ خبر کسی نے لاہور میں پہنچادی تھی۔سو اَلْـحَمْدُلِلہِ وَالْمِنَّۃِ کہ یہ بشارت بھی جیسی دیکھی تھی ویسی ہی پوری ہوئی۔‘‘ (براہین احمدیہ حصہ سوم۔روحانی خزائن جلد ۱ صفحہ ۲۷۹، ۲۸۰ حاشیہ در حاشیہ نمبر۱ ) ۱۸۸۰ء ’’ اِنِّیْ مُھِیْنٌ مَّنْ اَرَادَ اِ ھَا نَتَکَ۔یعنی میں اس کی اہانت کروں گا جو تیری اہانت کا ارادہ کرے گا۔یہ ایک نہایت پُر شوکت وحی اور پیشگوئی ہے جس کا ظہور مختلف پیرایوں اور مختلف قوموں میں ہوتا رہا ہے اور جس کسی نے اس سلسلہ کو ذلیل کرنے کی کوشش کی وہ خود ذلیل اور ناکام ہوا۔‘‘ (نزول المسیح۔روحانی خزائن جلد ۱۸ صفحہ ۵۶۷) قریباً ۱۸۸۰ء ’’ایک دفعہ کشفی طور پر مجھے یا روپیہ دکھائے گئے اور پھر یہ الہام ہوا کہ ماجھے خان کا بیٹا اور شمس الدین پٹواری ضلع لاہور بھیجنے والے ہیں پھر بعد اس کے کارڈ آیا جس میں لکھا تھا کہ ماجھے خان کے بیٹے کی طرف سے ہیں اور یا شمس الدین پٹواری کی طرف سے ہیں۔پھر اسی تشریح سے روپیہ آئے۔(نزول المسیح۔روحانی خزائن جلد ۱۸ صفحہ ۵۸۰) ۱۸۸۱ء ’’ ایک بزرگ… جن کا نامِ نامی عبداللہ غزنوی تھا ایک مرتبہ میں نے اِس بزرگ باصفا کو خواب میں اُن کی وفات کے بعد دیکھا کہ سپاہیوں کی صورت پر بڑی عظمت اور شان کے ساتھ بڑے پہلوانوں کی مانند مسلّح ہونے کی حالت میں کھڑے؎۱ ہیں تب میں نے کچھ اپنے الہامات کا ذکر کرکے اُن سے پوچھا کہ مجھے ۱ حضرت مسیح موعود علیہ السلام تحریر فرماتے ہیں کہ ’’ جب مولوی صاحب غزنوی ہماری مذکورہ بالا خواب کے مطابق فوت ہوگئے تو جیسا کہ میں نے ابھی لکھا ہے تھوڑے دنوں کے بعد میں نے ان کو خواب میں دیکھا کہ میں اپنا ایک خواب ان کے آگے بیان کررہا ہوں اور وہ ایک بازار میں کھڑے ہیں جو ایک بڑے شہر کا بازار ہے اور پھر میں ان کے ساتھ ایک مسجد میں آگیا ہوں اور اُن کے ساتھ ایک گروہ کثیر ہے اور سب سپاہیانہ شکل پر نہایت جسیم مضبوط وردیاں کسے ہوئے اور مسلح ہیں اور اُنہیں میں سے ایک مولوی عبداللہ صاحب ہیں کہ جو ایک قوی اور جسیم جوان نظر آتے ہیں وردی کسے ہوئے ہتھیار پہنے ہوئے اور تلوار میان میں لٹک رہی ہے اور میں دل میں محسوس کرتا ہوں کہ یہ لو گ ایک عظیم الشان حکم کے لئے تیار بیٹھے ہیں اور میں خیال کرتا ہوں کہ باقی سب فرشتے ہیں مگر تیاری ہولناک ہے۔‘‘ (نزول المسیح۔روحانی خزائن جلد ۱۸ صفحہ ۶۱۶)
ایک خواب آئی ہے اُس کی تعبیر فرمائیے۔میں نے خواب میں یہ دیکھا ہے کہ ایک تلوار؎۱میرے ہاتھ میں ہے جس کا قبضہ میرے پنجہ میں اور نوک آسمان تک پہنچی ہوئی ہے۔جب میں اُس کو دائیں طرف چلاتا ہوں تو ہزاروں ۱ اس تلوار کی تعریف میں حضورؑ کے الفاظ آئینہ کمالات اسلام میں یوں ہیں۔(الف)’’ وَرَاَیْتُ فِیْ مَنَامٍ کَأَنِّیْ قَائِمٌ فِیْ مَوْطِنٍ وَ فِی یَدِیْ سَیْفٌ مَسْلُوْلٌ، قَائِـمُہٗ فِی اَکُفِّیْ وَ طَرَفَہُ الْاٰخَرُ فِی السَّمَآءِ وَ لَہٗ بَرْقٌ وَ لَمْعَانٌ یَـخْرُجُ مِنْہُ نُوْرٌ کَقَطَرَاتٍ مُتَنَازِلَۃٍ حِیْنًا بَعْدَ حِیْنٍ۔وَ اِنِّی اَضْـرِبُ السَّیْفَ شِـمَالًا وَ جُنُوْبًا وَ بِکُلِّ ضَـرْبَۃٍ اَقْتُلُ اُلُوْفًا مِّنْ اَعْدَآءِالدِّیْنِ۔وَ رَأَیْتُ فِی تِلْکَ الرُّؤْیَـا شَیْخًا صَالِـحًا اِسْـمُہٗ عَبْدَ اللہِ الْغَزْنَوِیْ وَ قَدْ مَاتَ مِنْ سِنِیْنَ۔فَسَأَلْتُہٗ عَنْ تَأوِیْلِ ھٰذِہِ الرُّؤْیَـا۔فَقَالَ اَمَّا السَّیْفُ فَھِیَ الْـحُجَجُ الَّتِیْ اَعْطَاکَ اللہُ وَ نَصَـرَکَ بِالدَّلَائِلِ وَ الْبَرَاھِیْنِ۔وَ اَمَّا ضَرْبَکَ اِیَّاہُ شَـمَالًا وَ جُنُوْبًـا فَھُوَ اِرَآءَتُکَ آیَـاتٍ رُوْحَانِیَۃٍ سَـمَاوِیَّۃٍ وَ أَدِلَّۃٍ عَقْلِیَّۃٍ فَلْسَفِیَّۃٍ لِلْمُنْکِرِیْنَ۔وَ أَمَّا قَتْلَ الْاَعْدَآء فَھُوَ اِفْـحَامُ الْمُخَاصِـمِیْنَ، وَاِسْکَاتُـھُمْ مِنْـھَا۔ھٰذَا تَـأْوِیْلُ رُؤْیَـاکَ وَ اَنْتَ مِنَ الْمُؤَیَّدِیْنَ۔وَ قَدْ کُنْتُ فِیْ أَیَّـامِی الَّتِیْ کُنْتُ فِی الدُّنْیَا أَرْجُوْ وَ اَظُنُّ اَنْ یَّـخْرُجَ رَجُلٌ بِـھٰذِہِ الصِّفَاتِ وَ مَا کُنْتُ اَسْتَیْقِنُ اَنَّہٗ اَنْتَ وَ کُنْتُ عَنْ اَمْرِکَ مِنَ الْغَافِلِیْنَ۔‘‘ (آئینہ کمالاتِ اسلام۔روحانی خزائن جلد ۵ صفحہ ۵۷۶،۵۷۷) (ترجمہ از مرتّب) میں نے خواب میں دیکھا گویا میں میدان کا ر زار میں کھڑا ہوں اور میرے ہاتھ میں ایک تلوار ہے اس کا دستہ میرے ہاتھوں میں ہے اور اس کی نوک آسمان میں ہے۔اور اس سے نور اس طرح نکل رہا ہے گویا بارش تھوڑے تھوڑے وقفہ کے بعد برس رہی ہو اور میں تلوار کبھی دائیں مارتا ہوں اور کبھی بائیں اور ہر ضرب سے میں ہزاروں دشمنانِ دین کو مارتا ہوں اور میں نے اپنی خواب میں ایک شیخ صالح جن کا نام عبد اللہ غزنوی ہے کو دیکھا وہ کئی سال ہوئے فوت ہوچکے ہیں۔پس میں نے ان سے اس خواب کی تعبیر پوچھی۔اس پر انہوں نے کہا سیف سے مراد تو وہ دلائل ہیں جو اللہ نے تمہیں عطا کئے اور وہ مدد ہے جو اللہ نے دلائل و براہین سے تمہاری کی ہے اور آپ کے تلوار کو دائیں اور بائیں چلانے سے مراد آپ کا روحانی سماوی نشانات اور عقلی اور فلسفی دلائل منکرین کو دکھانا ہے۔اور دشمنوں کو قتل کرنے سے مراد ان کا دلائل سے منہ بند کرنا اور ان کو خاموش کرادینا ہے۔یہ ہے تعبیر آپ کے خواب کی اور تم مؤید (من اللہ) لوگوں میں سے ہو۔(نیز انہوں نے فرمایا) جب میں دنیا میں تھا تو امید کرتا تھا اور گمان رکھتا تھا کہ ان صفات کا حامل شخص ظاہر ہو اور میں یہ یقین نہیں کرتا تھا کہ وہ تم ہی ہو۔اور میں آپ کے معاملہ کے بارہ میں غافلوں میں سے تھا۔(ب) حضرت مسیح موعود علیہ السلام تحریر فرماتے ہیں۔’’اور اس تلوار میں سے ایک نہایت تیز چمک نکلتی ہے جیسا کہ آفتاب کی چمک ہوتی ہے اور میں اسے کبھی اپنے دائیں طرف اور کبھی بائیں طرف چلاتا ہوںاور ہر ایک وار سے ہزار ہا آدمی
مخالف اُس سے قتل ہوجاتے ہیں اور جب بائیں طرف چلاتا ہوں تو ہزارہا دشمن اُس سے مارے جاتے ہیں۔تب حضرت عبداللہ صاحب مرحوم رضی اللہ تعالیٰ عنہ اِس میری خواب کو سن کر بہت خوش ہوئے اور بشاشت اور انبساط اور انشراح صدر کے علامات و امارات اُن کے چہرہ میں نمودار ہوگئے اور فرمانے لگے کہ اس کی تعبیر یہ ہے کہ خدائے تعالیٰ آپ سے بڑے بڑے کام لے گا اور یہ جو دیکھا کہ دائیں طرف تلوار چلا کر مخالفوں کو قتل کیا جاتا ہے اس سے مراد وہ اتمام حجت کاکام ہے کہ جو روحانی طور پر انوار و برکات کے ذریعہ سے انجام پذیر ہوگا اور یہ جو دیکھا کہ بائیں طرف تلوار چلا کرہزار ہا دشمنوں کو مارا جاتا ہے اِس سے مراد یہ ہے کہ آپ کے ذریعہ سے عقلی طور پر خدا ئے تعالیٰ الزام و اسکاتِ خصم کرے گا اور دنیا پر دونوں طور سے اپنی حجت پوری کردے گا۔پھر بعد اس کے اُنہوں نے فرمایا کہ جب میں دنیا میں تھا تو میں امیدوار تھا کہ خدائے تعالیٰ ضرور کوئی ایسا آدمی پیدا کرے گا پھر حضرت عبداللہ صاحب مرحوم مجھ کو ایک وسیع مکان کی طرف لے گئے جس میں ایک جماعت راستبازوں اور کامل لوگوں کی بیٹھی ہوئی تھی لیکن سب کے سب مسلّح اور سپاہیانہ صورت میں ایسی چُستی کی طرز سے بیٹھے ہوئے معلوم ہوتے تھے کہ گویا کوئی جنگی خدمت بجالانے کے لئے کسی ایسے حکم کے منتظر بیٹھے ہیں جو بہت جلد آنے والا ہےپھر اس کے بعد آنکھ کھل گئی۔یہ رؤیاصالحہ جو درحقیقت ایک کشف کی قسم ہے استعارہ کے طور پر اُنہیں علامات پر دلالت کررہی ہے جو مسیح کی نسبت ہم ابھی بیان کر آئے ہیں یعنی مسیح کا خنزیروں کو قتل کرنا اور علی العموم تمام کفّار کو مارنا اِنہیں معنوں کی رُو سے ہے کہ وہ حجت ِ الٰہی اُن پر پوری کرے گا اور بیّنہ کی تلوار سے ان کو قتل کردے گا۔وَاللہُ اَعْلَمُ بِالصَّوَابِ۔‘‘ (ازالہ اوہام۔روحانی خزائن جلد ۳ صفحہ ۱۴۳ تا ۱۴۷ حاشیہ) ۱۸۸۱ء (قریباً) (الف) ’’خدا نے اپنے الہامات میں میرا نام بیت اللہ بھی رکھا ہے۔یہ اس بات کی طرف اشارہ ہے کہ جس قدر اس بیت اللہ کو مخالف گرانا چاہیں گے اس میں سے معارف اور آسمانی نشانوں کے خزانے نکلیں گے۔چنانچہ میں دیکھتا ہوں کہ ہر یک ایذا کے وقت ضرور ایک خزانہ نکلتا ہے اور اس بارے میں الہام یہ ہے۔بقیہ حاشیہ۔کٹ جاتےہیں اور معلوم ہوتا ہے کہ وہ تلوار اپنی لنبائی کی و جہ سے دنیا کے کناروں تک کام کرتی ہے اور وہ ایک بجلی کی طرح ہے جو ایک دم میں ہزاروں کوس چلی جاتی ہے اور میں دیکھتا ہوں کہ ہاتھ تو میرا ہی ہے مگر قوت آسمان سے اور میں ہر ایک دفعہ اپنے دائیں اور بائیں طرف اس تلوار کو چلاتا ہوں اور ایک مخلوق ٹکڑے ٹکڑے ہوکر گرتی جاتی ہے۔‘‘ (نزول المسیح۔روحانی خزائن جلد ۱۸ صفحہ ۶۱۶، ۶۱۷)
’’ یکے پائے من مے بوسید و من مے گفتم کہ حجرِ اَسود منم‘‘۱؎ (اربعین نمبر ۴ روحانی خزائن جلد ۱۷ صفحہ ۴۴۴، ۴۴۵ حاشیہ) (ب) ’’ایک پورانا الہام قریباً پچیس سال کا ’’شخصے پائے من بوسید من گفتم کہ سَنگِ اَسود منم‘‘ ؎۲ (الحکم جلد۱۰نمبر ۳۷ مورخہ ۲۴ ؍اکتوبر۱۹۰۶ء صفحہ ۱) ۱۸۸۱ء (تخمیناً) ’’عرصہ تخمیناً اٹھارہ برس کا ہوا ہے کہ میں نے خدا تعالیٰ سے الہام پاکر چند آدمیوں کو ہندوؤں اور مسلمانوں میں سے اس بات کی خبر دی کہ خدا نے مجھے مخاطب کرکے فرمایا ہے کہ اِنَّـا نُبَشِّـرُکَ بِغُلَامٍ حَسِیْنٍ۔یعنی ہم تجھے ایک حسین لڑکے کے عطا کرنے کی خوشخبری دیتے ہیں۔میں نے یہ الہام ایک شخص حافظ نور احمد امرتسری کو سنایا جو اب تک زندہ ہے اوربباعث میرے دعویٰ مسیحیت کے مخالفوں میں سے ہے اور نیز یہی الہام شیخ حامد علی کو جو میرے پاس رہتا تھا سنایا اور دو ہندوؤں کو جو آمدورفت رکھتے تھے۔یعنی شرمپت اور ملاوا مل ساکنانِ قادیان کو بھی سنایا اور لوگوں نے اس الہام سے تعجب کیا کیونکہ میری پہلی بیوی کو عرصہ بیس سال سے اولاد ہونی موقوف ہوچکی تھی اور دوسری کوئی بیوی نہ تھی لیکن حافظ نور احمد نے کہا کہ خدا کی قدرت سے کیا تعجب کہ وہ لڑکا دے۔اس سے قریباً تین برس کے بعد… دہلی میں میری شادی ہوئی اور خدا نے وہ لڑکا بھی دیا اور تین اور عطا کئے۔‘‘ (تریاق القلوب۔روحانی خزائن جلد ۱۵ صفحہ ۲۰۰،۲۰۱) ۱۸۸۱ ء(تخمیناً) ’’ اُشْکُرْ نِعْمَتِیْ رَأَیْتَ خَدِ یْـجَـتِیْ‘‘ (براہین احمدیہ حصہ چہارم۔روحانی خزائن جلد۱صفحہ ۶۶۶ حاشیہ در حاشیہ نمبر۴) ’’ ترجمہ۔میرا شکر کر کہ تُو نے میری خدیجہ کو پایا۔۱ (ترجمہ از ناشر) ایک شخص میرے پاؤں کو چومتا ہے اور میں کہتا ہوں کہ میں حجر اسود ہوں۔۲ (ترجمہ از مرتّب) ایک شخص نے میرے پاؤں کو چوما اور میں نے (اُسے) کہا کہ حجرِ اسود مَیں ہوں۔حضرت مسیح موعود علیہ السلام تحریر فرماتے ہیں۔’’ قَالَ الْمُعَبِّرُوْنَ اَنَّ الْمُرَادَ مِنَ الْـحَـجَرِ الْاَسْوَدِ فِیْ عِلْمِ الرُّؤْیَا۔اَلْمَرْءُ الْعَالِمُ الْفَقِیْہُ الْـحَکِیْمُ۔‘‘ (الا ستفتاء ضمیمہ حقیقۃ الوحی روحانی خزائن جلد ۲۲ صفحہ ۶۶۳ حاشیہ) (ترجمہ از مرتّب) معبّرین نے کہا ہے کہ علم رؤیا میں حجرِ اسود سے مراد عالم، فقیہ اور حکیم ہوتا ہے۔
یہ ایک بشارت کئی سال پہلے اُس نکاح کی طرف تھی جو سادات کے گھر میں دہلی میں ہوا…اور خدیجہ اس لئے میری بیوی کا نام رکھا کہ وہ ایک مبارک نسل کی ماں ہے جیسا کہ اس جگہ بھی مبارک نسل کا وعدہ تھااور نیز یہ اس طرف اشارہ تھاکہ وہ بیوی سادات کی قوم میں سے ہوگی۔‘‘ (نزول المسیح۔روحانی خزائن جلد۱۸ صفحہ ۵۲۴، ۵۲۵) ۱۸۸۱ ء(قریباً) ’’ قریباً اٹھارہ برس سے ایک یہ پیشگوئی ہے۔اَلْـحَمْدُلِلّٰہِ الَّذِیْ جَعَلَ لَکُمُ الصِّھْرَ وَ النَّسَبَ ؎۱ ترجمہ۔وہ خدا سچا خدا ہے جس نے تمہارا دامادی کا تعلق ایک شریف قوم سے جو سید تھے کیا اور خود تمہاری نسب کو شریف بنایا جو فارسی خاندان اور سادات سے معجون مرکّب ہے۔‘‘ (تریاق القلوب۔روحانی خزائن جلد ۱۵ صفحہ۲۷۲، ۲۷۳) ۱۸۸۱ ء(قریباً) ’’ایک مرتبہ مسجد میں بوقتِ عصر یہ الہام ہواکہ میں نے ارادہ کیا ہے کہ تمہاری ایک اور شادی کروں یہ سب سامان میں خود ہی کروں گا اور تمہیں کسی بات کی تکلیف نہیں ہوگی۔اس میں یہ ایک فارسی فقرہ بھی ہے۔ھر چہ باید نو عروسی راہماں ساماں کنم وآنچہ مطلوبِ شما باشد عطائے آں کنم؎۲ ۱ حضرت مسیح موعود علیہ السلام تحریر فرماتے ہیں۔’’ صہر اور نسب اس الہام میں ایک ہی جَعَلَ کے نیچے رکھے گئے ہیں اور ان دونوں کو قریباً ایک ہی درجہ کا امر قابلِ حمد ٹھہرایا گیا ہے اور یہ صریح دلیل اس بات پر ہے کہ جس طرح صہر یعنی دامادی کو بنی فاطمہ سے تعلق ہے اسی طرح نسب میں بھی فاطمیت کی آمیزش والدات کی طرف سے ہے اور صہر کو نسب پر مقدّم رکھنا اسی فرق کے دکھلانے کے لئے ہے کہ صہر میں خالص فاطمیت ہے اور نسب میں اس کی آمیزش۔‘‘ (تحفہ گولڑویہ۔روحانی خزائن جلد ۱۷ صفحہ ۱۱۷ حاشیہ ) ۲ حضرت مسیح موعود علیہ السلام حقیقۃ الوحی میں تحریر فرماتے ہیں۔’’میں نے جناب الٰہی میں دعا کی کہ ان اخراجات کی مجھ میں طاقت نہیں۔تب یہ الہام ہوا کہ ھرچہ باید نو عروسی راہمہ ساماں کنم وآنچہ درکارِ شما باشد عطائے آں کنم یعنی جو کچھ تمہیں شادی کے لئے درکار ہوگا تمام سامان اوس کا میں آپ کروں گا اور جو کچھ تمہیں وقتاً فوقتاً حاجت ہوتی رہے گی آپ دیتا رہوں گا۔چنانچہ ایسا ہی ظہور میں آیا۔‘‘ (حقیقۃ الوحی۔روحانی خزائن جلد ۲۲ صفحہ ۲۴۷)
اور الہامات میں یہ بھی ظاہر کیا گیا کہ وہ قوم کے شریف اور عالی خاندان ہوں گے۔چنانچہ ایک الہام میں تھا کہ خدا نے تمہیں اچھے خاندان میں پیدا کیا اور پھر اچھے خاندان سے دامادی تعلق بخشا۔سو قبل از ظہور یہ تمام الہام لالہ شرمپت کو سنا دیا گیا۔پھر بخوبی اسے معلوم ہے کہ بغیر ظاہری تلاش اور محنت کے محض خدا تعالیٰ کی طرف سے تقریب نکل آئی یعنی نہایت نجیب اور شریف اور عالی نسب… بزرگوار خاندان سادات سے یہ تعلقِ قرابت اِس عاجز کو پیدا ہوا اور اس نکاح کے تمام ضروری مصارف تیاری مکان وغیرہ تک ایسی آسانی سے خدا تعالیٰ نے بہم پہنچائے کہ ایک ذرّہ بھی فکر کرنا نہ پڑا اور اب تک اُسی اپنے وعدہ کو پورے کئے چلا جاتا ہے۔‘‘ (شحنہ حق۔روحانی خزائن جلد ۲ صفحہ ۳۸۳، ۳۸۴) ۱۸۸۱ء (قریباً) ’’اس پیشگوئی کو دوسرے الہامات میں اور بھی تصریح سے بیان کیا گیا ہے یہاں تک کہ اس شہر کا نام بھی لیاگیا تھا جو دہلی ہے اور یہ پیشگوئی بہت سے لوگوں کو سنائی گئی تھی…اور جیسا کہ لکھا تھا ایسا ہی ظہور میں آیا کیونکہ بغیر سابق تعلقاتِ قرابت اور رشتہ کے دہلی میں ایک شریف اور مشہور خاندانِ سیادت میں میری شادی ہوگئی… سو چونکہ خدا تعالیٰ کا وعدہ تھا کہ میری نسل میں سے ایک بڑی بنیاد حمایت اسلام کی ڈالے گا اور اس میں سے وہ شخص پیدا کرے گا جو آسمانی روح اپنے اندر رکھتا ہوگا اس لئے اُس نے پسند کیا کہ اس خاندان کی لڑکی میرے نکاح میں لاوے اور اس سے وہ اولاد پیدا کرے جو اُن نوروں کو جن کی میرے ہاتھ سے تخم ریزی ہوئی ہے دنیا میں زیادہ سے زیادہ پھیلاوے اور یہ عجیب اتفاق ہے کہ جس طرح سادات کی دادی کا نام شہربانو تھا اسی طرح میری یہ بیوی جو آئندہ خاندان کی ماں ہوگی اس کا نام نصرت جہاں بیگم ہے۔یہ تفاؤل کے طور پر اس بات کی طرف اشارہ معلوم ہوتا ہے کہ خدا نے تمام جہان کی مدد کے لئے میرے آئندہ خاندان کی بنیاد ڈالی ہے یہ خدا تعالیٰ کی عادت ہے کہ کبھی ناموں میں بھی اس کی پیشگوئی مخفی ہوتی ہے۔‘‘ (تریاق القلوب۔روحانی خزائن جلد ۱۵ صفحہ ۲۷۳ تا ۲۷۵) ۱۸۸۱ء (تخمیناً) ’’تخمیناً اٹھارہ برس کے قریب عرصہ گذرا ہے کہ مجھے کسی تقریب سے مولوی محمد حسین بٹالوی ایڈیٹر رسالہ اشاعۃُ السّنۃ کے مکان پر جانے کا اتفاق ہوا۔اس نے مجھ سے دریافت کیا کہ آجکل کوئی الہام ہوا ہے؟ میں نے اُس کو یہ الہام سنایا جس کو میں کئی دفعہ اپنے مخلصوں کو سنا چکا تھا اور وہ یہ ہے کہ بِکْــرٌ وَّ ثَیِّبٌ
جس کے یہ معنی ان کے آگے اور نیز ہر ایک کے آگے میں نے ظاہر کئے کہ خدا تعالیٰ کا ارادہ ہے کہ وہ دو عورتیں میرے نکاح میں لائے گا۔ایک بِکْر ہوگی اور دوسری بیوہ۔چنانچہ یہ الہام جو بِکْر کے متعلق تھا پورا ہوگیا اور اس وقت بفضلہٖ تعالیٰ چار پسر اس بیوی سے موجود ہیں اور بیوہ کے الہام کی انتظار؎۱ ہے۔‘‘ (تریاق القلوب۔روحانی خزائن جلد ۱۵ صفحہ ۲۰۱) ۱۸۸۱ء (الف) ’’ایک ہندو آریہ… ایک مدت سے بہ مرضِ دق مبتلا تھا اور رفتہ رفتہ اُس کی مرض انتہا کو پہنچ گئی اور آثار مایوسی کے ظاہر ہوگئے۔ایک دن وہ میرے پاس آکر اور اپنی زندگی سے ناامید ہوکر بہت بے قراری سے رویا۔میرا دل اُس کی عاجزانہ حالت پر پگھل گیا اور میں نے حضرتِ احدیت میں اُس کے حق میں دُعا کی۔چونکہ حضرتِ احدیت میں اُس کی صحت مقدر تھی اِس لئے دُعا کرنے کے ساتھ ہی یہ الہام ہوا۔قُلْنَا یَـا نَـارُ کُـوْنِیْ بَـرْدًا وَّ سَلَامًا یعنی ہم نے تپ کی آگ کو کہا کہ توُ سرد اور سلامتی ہوجا چنانچہ اُسی وقت اُس ہندو اور نیز کئی اور ہندوؤں کو کہ جو اَب تک اس قصبہ میں موجود ہیں اور اِس جگہ کے باشندہ ہیں اُس الہام سے اطلاع دی گئی اور خدا پرکامل بھروسہ کرکے دعویٰ کیا گیا کہ وہ ہندو ضرور صحت پا جائے گا اور اس بیماری سے ہرگز نہیں مرے گا چنانچہ بعد اِس کے ایک ہفتہ نہیں گذرا ہوگا کہ ہندو مذکور اُس جاں گداز مرض سے بکلّی صحت پاگیا۔وَالْـحَمْدُ لِلہِ عَلٰی ذَالِکَ۔‘‘ (براہین احمدیہ حصہ سوم۔روحانی خزائن جلد ۱ صفحہ ۲۵۲، ۲۵۳ حاشیہ در حاشیہ نمبر۱) (ب) ’’ملاوامل کو دِق کی بیماری ہوگئی۔جب وہ خطرہ کی حالت میں پڑگیا تو اُس کے لئے دعا کی گئی۔الہام ہوا۔قُلْنَا یَـا نَـارُ کُـوْنِیْ بَـرْدًا وَّ سَلَامًا یعنی اے تپ کی آگ ٹھنڈی ہوجا۔پھر خواب میں دکھایا گیا کہ میں نے اس کو قبر سے نکال لیا ہے۔یہ الہام اور خواب دونوں قبل از وقوع اس کو بتلائے گئے۔‘‘ ( شحنہء حق۔روحانی خزائن جلد ۲ صفحہ ۳۸۱) ۱۸۸۱ء ’’جب پہلے الہام؎۲کے بعد… ایک عرصہ گذر گیا اور لوگوں کی عدم توجہی سے طرح طرح کی ۱ (نوٹ از حضرت مرزا بشیر احمدؓ) خاکسار کی رائے میں یہ الہام الٰہی اپنے دونوں پہلوؤں سے حضرت امّاں جانؓکی ذات میں ہی پورا ہوا ہے جو بِکْر یعنی کنواری آئیں اور ثَیِّب یعنی بیوہ رہ گئیں۔وَاللہُ اَعْلَمُ۔۲ الہام ۱۸۷۹ء ’’بالفعل نہیں‘‘ صفحہ۲۸ (ناشر)