تذکرہ یعنی وحی مقدّس و روٴیا و کشوف حضرت مسیح موعود علیہ الصلوٰة و السلام
حصہ 23
Urdu text of the edition of the Ahmadiyya Muslim Jamaat.
۱۸۹۷ء ’’مجھے میرے خدا نے مخاطب کرکے فرمایا ہے۔اَلْاَرْضُ وَ السَّمَآءُ مَعَکَ کَما ھُـوَ؎۱ مَعِیْ۔قُلْ لِّیَ الْاَرْضُ وَالسَّمَآءُ قُلْ لِّیْ سَلَامٌ۔فِیْ مَقْعَدِ صِدْ۔قٍ عِنْدَ مَلِیْکٍ مُّقْتَدِرٍ۔اِنَّ اللّٰہَ مَعَ الَّذِیْنَ اتَّقَوْا وَ الَّذِیْنَ ھُمْ مُّـحْسِنُوْنَ۔یَـاْتِیْ نَصْـرُ اللّٰہِ۔اِنَّـا سَنُنْذِرُ الْعَالَمَ کُلَّہٗ۔اِنَّا سَنَنْزِلُ۔اَنَا اللّٰہُ لَآ اِلٰہَ اِلَّا اَنَا۔یعنی آسمان اور زمین تیرے ساتھ ہے جیسا کہ وہ میرے ساتھ ہے۔کہہ آسمان اور زمین میرے لئے ہے۔کہہ میرے لئے سلامتی ہے وہ سلامتی جو خدا قادر کے حضور میں سچائی کی نشست گاہ میں ہے۔خدا اُن کے ساتھ ہے جو اُس سے ڈرتے ہیں اور جن کا اُصول یہ ہے کہ خلق اللہ سے نیکی کرتے رہیں۔خدا کی مدد آتی ہے ہم تمام دُنیا کو متنبہ کریں گے۔ہم زمین پر اُتریں گے۔مَیں ہی کامل اور سچا خدا ہوں میرے سوا اور کوئی نہیں۔‘‘ (سراجِ منیر۔روحانی خزائن جلد ۱۲ صفحہ ۸۳،۸۴) ۱۸۹۷ء ’’ خدا نے مجھے اطلاع دی ہے کہ دنیا میں جس قدر نبیوں کی معرفت مذہب پھیل گئے ہیں اور استحکام پکڑ گئے ہیں اور ایک حصّہء ِ دنیا پر محیط ہوگئے ہیں اور ایک عمر پاگئے ہیں اور ایک زمانہ اُن پر گزر گیا ہے اُن میں سے کوئی مذہب بھی اپنی اصلیت کے رُو سے جھوٹا نہیں اور نہ اُن نبیوں میں سے کوئی نبی جھوٹا ہے۔‘‘ (تحفہ قیصریہ۔روحانی خزائن جلد۱۲ صفحہ ۲۵۶) ۱۸۹۷ء ’’نامبردہ؎۲ نے خَلوت کی ملاقات میں سلطان روم کے لئے ایک خاص دعا کرنے کے لئے درخواست کی اور یہ بھی چاہا کہ آئندہ اُس کے لئے جو کچھ آسمانی قضاء قدر سے آنے والا ہے اُس سے وہ اطلاع پاوے۔مَیں نے اس کو صاف کہہ دیا کہ سلطان کی سلطنت کی اچھی حالت نہیں ہے اور مَیں کشفی طریق سے اُس کے ارکان؎۳کی حالت اچھی نہیں دیکھتا اور میرے نزدیک ان حالتوں کے ساتھ انجام اچھا نہیں۔یہی وہ باتیں تھیں جو سفیر کو اپنی بدقسمتی سے بہت بُری معلوم ہوئیں۔مَیں نے کئی اشارات سے اس بات پر ’’ضمیر ھُوَ اس تاویل سے ہے کہ اس کا مرجع مخلوق ہے۔‘‘ (سراجِ منیر۔روحانی خزائن جلد۱۲ صفحہ ۸۳ حاشیہ) ۲ (نوٹ از حضرت مرزا بشیر احمدؓ) یعنی حسین کامی سفیر سلطانِ روم جو ۱۸۹۷ء میں قادیان آکر حضرت مسیح موعود علیہ السلام سے ملا تھا۔۳ حضرت مسیح موعود علیہ السلام تحریر فرماتے ہیں۔’’واضح ہوکہ عرصہ تخمیناً دو۲ماہ یا تین ماہ کا گزرا ہے کہ ایک معزز تُرک کی معرفت ہمیں یہ خبرملی تھی کہ حسین کامی مذکور ایک ارتکابِ جُرم کی وجہ سے اپنے عہدہ سے موقوف کیا گیا ہے اور اس کی املاک
بھی زور دیا کہ رومی سلطنت خدا کے نزدیک کئی باتوں میں قصور وار ہے اور خدا سچے تقویٰ اور طہارت اور نوعِ انسان کی ہمدردی کو چاہتا ہے اور روم کی حالت موجودہ بربادی کو چاہتی ہے۔توبہ کرو تا نیک پھل پاؤ؎۱۔مگر بقیہ حاشیہ۔ضبط کی گئی مگر مَیں نے اس خبر کو ایک شخص کی روایت خیال کرکے شائع نہیں کیا تھا کہ شاید غلط ہو۔آج اخبار نیّر آصفی مدراس مورخہ ۱۲؍اکتوبر ۱۸۹۹ء کے ذریعہ سے ہمیں مفصّل طورپر معلوم ہوگیا کہ ہماری وہ پیشگوئی حسین کامی کی نسبت نہایت کامل صفائی سے پوری ہوگئی۔ہماری وہ نصیحت جو ہم نے اپنے خلوت خانہ میں اُس کو کی تھی کہ توبہ کرو تا نیک پھل پاؤ۔جس کو ہم نے اپنے اشتہار ۲۴؍مئی ۱۸۹۷ء میں شائع کردیا تھا اس پر پابند نہ ہونے سے آخر وہ اپنی پاداشِ کردار کو پہنچ گیا اوراَب وہ ضرور اُس نصیحت کو یاد کرتا ہوگا… اَب ہم اخبار مذکور میں سے وہ چِٹھی… ذیل میں نقل کردیتے ہیں اور وہ یہ ہے۔’’قسطنطنیہ کی چٹّھی ‘‘ ’’ہندوستان کے مسلمانوں نے جو گذشتہ دوسالوں میں مہاجرین کریٹ اور مجروحین عساکرحرب یونان کے واسطے چندہ فراہم کرکے قونصل ہائے دولت علیہ ترکیہ مقیم ہندکودیا تھا معلوم ہوتا ہے کہ ہرزرچندہ تمام وکمال قسطنطنیہ میں نہیں پہنچا اور اس امر کے باور کرنے کہ یہ وجہ ہوئی ہے کہ حسین بک کامی وائس قونصل مقیم کرانچی کو جو ایک ہزارچھ سوروپیہ کے قریب مولوی انشاء اللہ صاحب ایڈیٹر اخبار وکیل امرتسر اورمولوی محبوب عالم صاحب ایڈیٹر پیسہ اخبار لاہور نے مختلف مقامات سے وصول کرکے بھیجا تھا وہ سب غبن کرگیا ایک کوڑی تک قسطنطنیہ میں نہیں پہنچائی مگر خدا کا شکر ہے کہ سلیم پاشا ملحمہ کارکن کمیٹی چندہ کو جب خبر پہنچی تو اس نے بڑی جانفشانی کے ساتھ اس روپیہ کے اُگلوانے کی کوشش کی اوراس کی اراضی مملوکہ کو نیلام کراکر وصولی رقم کا انتظام کیا اوربابِ عالی میں غبن کی خبر بھجواکر نوکری سے موقوف کرایا… حافظ عبدالرحمٰن الہندی الامرتسری۔سکّہ جدیدہ۔وکالہ صالح آفندی قاہرہ (ملک مصر)‘‘ (مجموعہ اشتہارت جلد ۲ صفحہ۵۷۶ تا ۵۷۸ مطبوعہ ۲۰۱۸ء) ۱ حضرت مسیح موعود علیہ السلام تحریر فرماتے ہیں۔’’اِس تقریر میں دو۲ پیشگوئیاں تھیں (۱) ایک یہ کہ تم لوگوں کا چال چلن اچھا نہیں ا ور دیانت اور امانت کی نیک صفات سے تم محروم ہو(۲) دوم یہ کہ اگر تیری یہی حالت رہی تو تجھے اچھا پھل نہیں ملے گا اور تیرا انجام بد ہوگا۔پھر اسی اشتہار میں۲؎ یہ لکھا تھا کہ بہتر تھا کہ یہ میرے پاس نہ آتا۔میرے پاس سے ایسی بدگوئی سے واپس جانا اُس کی سخت بد قسمتی ہے یہی و جہ تھی کہ میری نصیحت اس کو بُری لگی اور اُس نے جاکر میری بدگوئی کی۔‘‘ (نزول المسیح۔روحانی خزائن جلد ۱۸ صفحہ ۵۶۵، ۵۶۶۔نیز دیکھئے تریاق القلوب۔روحانی خزائن جلد ۱۵ صفحہ ۴۰۹) ۲ بطور پیشگوئی سفیر مذکور کی نسبت۔(ناشر)
مَیں اُس کے دل کی طرف خیال کررہا تھا کہ وہ ان باتوں کو بہت ہی برا مانتا تھا اور یہ ایک صریح دلیل اس بات پر ہے کہ سلطنت روم کے اچھے دن نہیں ہیں اور پھر اس کا بدگوئی کے ساتھ واپس جانا یہ اور دلیل ہے کہ زوال کی علامات موجود ہیں۔ماسوا اس کے میرے دعویٰ مسیح موعود اور مہدی معہود کے بارے میں بھی کئی باتیں درمیان آئیں۔مَیں نے اُس کو بار بار سمجھایا کہ مَیں خدا کی طرف سے ہوں اور کسی خونی مسیح اور خونی مہدی کا انتظار کرنا جیسا کہ عام مسلمانوں کا خیال ہے یہ سب بیہودہ قصے ہیں۔اس کے ساتھ مَیں نے یہ بھی اُس کو کہا کہ خدا نے یہی ارادہ کیا ہے کہ جو مسلمانوں میں سے مجھ سے علیحدہ رہے گا وہ کاٹا جائے گا، بادشاہ ہو یا غیر بادشاہ۔اور مَیں خیال کرتا ہوں کہ یہ تمام باتیں تِیر کی طرح اُس کو لگتی تھیں اور مَیں نے اپنی طرف سے نہیں بلکہ جو کچھ خدا نے الہام کے ذریعہ فرمایا تھا۔وہی کہا تھا … اور مَیں مکرر ناظرین کو اس بات کی طرف توجہ دلاتا ہوں کہ مجھے اس سفیر کی ملاقات کا ایک ذرّہ شوق نہ تھا… اُس کے الحاح پر مَیں نے اُس کو قادیان آنے کی اجازت دی۔لیکن اللہ جلّ شانہٗ جانتا ہے جس پہ جھوٹ باندھنا لعنت کا داغ خریدنا ہے کہ اُس عالم الغیب نے مجھے پہلے سے اطلاع دے دی تھی کہ اِس شخص کی سرشت میں نفاق کی رنگ آمیزی ہے۔سو ایسا ہی ظہور میں آیا۔‘‘ (اشتہار ۲۴؍ مئی ۱۸۹۷ء۔مجموعہ اشتہارات جلد۲ صفحہ ۲۹۴ تا ۲۹۶ مطبوعہ ۲۰۱۸ء) جون ۱۸۹۷ء ’’ اَرَدْتُّ اَنْ اَسْتَخْلِفَ فَـخَلَقْتُ اٰدَمَ خَلِیْفَۃَ اللّٰہِ السُّلْطَانَ۔‘‘؎۱ (مجموعہ اشتہارات جلد ۲ صفحہ ۳۰۳ مطبوعہ ۲۰۱۸ء) ۹؍جون ۱۸۹۷ء ’’ ہم نے دینی مصلحت اور شکر الٰہی کے طور پر ایک کتاب تحفہ قیصرؔیہ نام بطور ہدیہ قیصرہ ہند کی خدمت میں بھیجنے کے لئے تجویز کی تھی۔آج ایک خواب سے معلوم ہوتا ہے کہ شاید اِس ارادہ میں کامیابی نہ ہو۔ایک الہام میں ہماری جماعت کے ایک ابتلاء کی طرف بھی اشارہ ہے مگر انجام سب خیرو عافیت ہے۔‘‘ (از مکتوب بنام سیٹھ عبدالرحمٰن صاحب مدراسی۔مکتوبات احمد جلد ۲ صفحہ ۳۵۵ مطبوعہ ۲۰۰۸ء) ۲۵؍جون ۱۸۹۷ء ’’افسوس کہ پرچہ چودھویں صدی ۱۵؍جون ۱۸۹۷ء میں بھی بہت سی جزع فزع کے ساتھ سلطان روم کا بہانہ رکھ کر نہایت ظالمانہ توہین و تحقیر و استہزاء اِس عاجز کی نسبت کیا گیا ہے … مگر کچھ ضرور ۱ (ترجمہ از مرتّب) مَیں نے چاہا کہ اپنا خلیفہ بناؤں تو آدم کو پیدا کیا جو اللہ کا خلیفہ اور بادشاہ ہے۔
نہیں کہ مَیں اُس کے ردّ میں تضیع اوقات کروں کیونکہ وہ دیکھ رہا ہے جس کے ہاتھ میں حساب ہے لیکن ایک عجیب بات ہے جس کا اس وقت ذکر کرنا نہایت ضروری ہے اور وہ یہ کہ جب یہ اخبار چودھویں صدی میرے رُوبرو پڑھا گیا تو میری رُوح نے اس مقام میں بددُعا کے لئے حرکت کی جہاں لکھا ہے کہ ’’ ایک بزرگ نے جب یہ اشتہار (یعنی اس عاجز کا اشتہار) پڑھا تو بے ساختہ اُن کے منہ سے یہ شعر نکل گیا۔؎ چُوں خدا خواہد کہ پَردۂ کَس دَرَدْ میلش اندر طعنۂ پا کاں برد‘‘۱؎ مَیں نے ہر چند اس رُوحی حرکت کو روکا اور دبایا اور بار بار کوشش کی کہ یہ بات میری رُوح میں سے نکل جائے مگر وہ نہ نکل سکی۔تب مَیں نے سمجھا کہ وہ خدا کی طرف سے ہے تب مَیں نے اُس شخص کے بارے میں دُعا کی جس کو بزرگ کےلفظ سے اخبار میں لکھا گیا ہے اور مَیں جانتا ہوں کہ وہ دُعا قبول ہوگئی اور وہ دُعا یہ ہے کہ یا الٰہی اگر تُو جانتا ہے کہ مَیں کذ ّاب ہوں اور تیری طرف سے نہیں ہوں اور جیسا کہ میری نسبت کہا گیا ہے ملعون اور مردُود ہوں اور کاذب ہوں اور تجھ سے میرا تعلق اور تیرا مجھ سے نہیں تو مَیں تیری جناب میں عاجزانہ عرض کرتا ہوں کہ مجھے ہلاک کر ڈال اور اگر تُو جانتا ہے کہ مَیں تیری طرف سے ہوں اور تیرا بھیجا ہوا ہوں اور مسیح موعود ہوں تو اُس شخص کے پَردے پھاڑ دے؎۲ جو بزرگ کے نام سے اس اخبار میں لکھا ۱ (ترجمہ از ناشر) خدا تعالیٰ جب کسی کا پردہ چاک کرنا چاہتاہے تو اس کی طبع میں پاک لوگوں پر طعنہ زنی کا میلان پیدا کردیتا ہے۔۲ (نوٹ از حضرت مرزا بشیر احمدؓ) اَلْـحَمْدُ لِلہ کہ یہ نشان بڑی آب و تاب سے پورا ہوگیا اور چودھویں صدی کے بزرگ نے بڑی عجز و انکساری سے معافی نامہ لکھا چنانچہ بزرگ صاحب لکھتے ہیں۔’’ سیدی و مولائی السلام علیکم و رحمۃ اللہ وبرکاتہٗ۔ایک خطا کار اپنی غلط کاری سے اعتراف کرتا ہوا (اِس نیاز نامہ کے ذریعہ سے) قادیاؔن کے مبارک مقام پر (گویا) حاضر ہوکر آپ کے رحم کا خواستگار ہوتا ہے۔یکم جولائی ۹۷ء سے یکم جولائی ۹۸ء تک جو اس گنہ گار کو مہلت دی گئی اب آسمانی بادشاہت میں آپ کے مقابلہ میں اپنے آپ کو مجرم قرار دیتا ہے(اِس موقعہ پر مجھے القا ہوا کہ جس طرح آپ کی دُعا مقبول ہوئی اسی طرح میری التجا و عاجزی قبول ہوکر حضرت اقدس کے حضور سے معافی و رہائی دی گئی)… اس وقت تو مَیں ایک مجرم گنہ گاروں کی طرح آپ کے حضور میں کھڑا ہوتا ہوں اور معافی مانگتا ہوں (مجھ کو حاضر ہونے میں بھی کچھ عذر نہیں مگر بعض حالات میں ظاہر حاضری سے معاف کیا جانے کا مستحق ہوں) شاید جولائی ۱۸۹۸ء سے
گیا ہے لیکن اگر وہ اس عرصہ میں قادیاؔن میں آکر مجمع عام میں توبہ کرے تو اُسے معاف فرما کہ تُو رحیم و کریم ہے۔یہ دُعا ہے کہ مَیں نے اس بزرگ کے حق میں کی مگر مجھے اس بات کا علم نہیں ہے کہ یہ بزرگ کون ہے اور کہاں رہتے ہیں اور کس مذہب اور قوم کے ہیں جنہوں نے مجھے کذّاب ٹھہرا کر میری پَردہ دَری کی پیشگوئی کی اور نہ مجھے جاننے کی کچھ ضرورت ہے مگر اُس شخص کے اِس کلمہ سے میرے دل کو دُکھ پہنچا اور ایک جوش پیدا ہوا تب مَیں نے دُعا کردی اور یکم جولائی ۱۸۹۷ء سے یکم جولائی ۱۸۹۸ء تک اس کا فیصلہ کرنا خدا تعالیٰ سے مانگا۔‘‘ (از اشتہار مورخہ ۲۵؍ جون ۱۸۹۷ء۔مجموعہ اشتہارات جلد ۲ صفحہ ۳۴۴،۳۴۵ مطبوعہ ۲۰۱۸ء) جولائی ۱۸۹۷ء ’’ جولائی ۱۸۹۷ء میں جب عزیزی مرزا یعقوب بیگ صاحب نے اسسٹنٹ سرجنی کا آخری امتحان دیا اور ہم نے اُن کے لئے دُعا کی تو الہام ہوا۔’’تم پاس ہوگئے ہو‘‘ یہ اس بات کی طرف اشارہ تھا کہ وہ پاس ہوگیا ہے کیونکہ مخلصوں کے لئے جو یگانگت کی حد تک پہنچتے ہیں ایسے فقرے آجاتے ہیں… بالآخر عزیز مذکور اپنے امتحان میں بڑی خوبی سے کامیاب ہوا۔‘‘ (نزول المسیح۔روحانی خزائن جلد۱۸ صفحہ ۶۰۱) بقیہ حاشیہ۔پہلے حاضر ہی ہوجاؤں۔امید کہ بارگاہِ قُدس سے بھی آپ کو راضی نامہ دینے کے لئے تحریک فرمائی جائے کہ نَسِيَ وَ لَمْ نَجِدْ لَهٗ عَزْمًا قانون کا بھی یہی اصول ہے کہ جو جرم عمدًا و جان بوجھ کر نہ کیا جائے وہ قابلِ راضی نامہ و معافی کے ہوتا ہے۔فَاعْفُوْا وَاصْفَحُوْا اِنَّ اللّٰہَ یُـحِبُّ الْمُحْسِنِیْنَ۔مَیں ہوں حضور کا مجرم (دستخطبزرگ)۱؎ راولپنڈی ۲۹؍اکتوبر ۹۷ء ‘‘ (کتاب البریہ۔روحانی خزائن جلد۱۳ صفحہ ۱۱۳ تا۱۱۷) حضرت مسیح موعود علیہ السلام نے اس خط کے جواب میں لکھا۔’’خدا تعالیٰ اس بزرگ کی خطا کو معاف کرے اور اس سے راضی ہو۔مَیں اس سے راضی ہوں اور اس کو معافی دیتا ہوں۔‘‘ (کتاب البریہ۔روحانی خزائن جلد ۱۳ صفحہ ۱۱۸۔مجموعہ اشتہارات جلد۲ صفحہ ۳۸۸ مطبوعہ ۲۰۱۸ء) ۱ (نوٹ از مولانا عبد اللطیف بہاولپوری)یہ بزرگ خوا جہ جہاں داد چیف آف گکھڑ باشندہ ضلع راولپنڈی کے تھے۔دیکھیے الحکم مورخہ ۲۱، ۲۸؍جون ۱۹۴۳ء صفحہ ۴۔
۲۹؍جولائی ۱۸۹۷ء (الف)’’ ۲۹؍ جولائی ۱۸۹۷ء کو مَیں نے خواب میں دیکھا کہ ایک صاعقہ مغرب کی طرف سے میرے مکان کی طرف چلی آتی ہے اور نہ اُس کے ساتھ کوئی آواز ہے اور نہ اُس نے کچھ نقصان کیا ہے بلکہ وہ ایک ستارہ روشن کی طرح آہستہ حرکت سے میرے مکان کی طرف متوجہ ہوئی ہے اور مَیں اُس کو دُور سے دیکھ رہا ہوں اور جبکہ وہ قریب پہنچی تو میرے دل میں تو یہی ہے کہ یہ صاعقہ ہے مگر میری آنکھوں نے صرف ایک چھوٹا سا ستارہ دیکھا جس کو میرا دل صاعقہ سمجھتا ہے۔پھر بعد اس کے میرا دل اس کشف سے الہام کی طرف منتقل کیا گیا اور مجھے الہام ہوا کہ۔مَا ھٰذَا؎۱ اِلَّا تَـھْدِیْدُ الْـحُکَّامِ یعنی یہ جو دیکھا اس کا بجز اس کے کچھ اثر نہیں کہ حکّام کی طرف سے کچھ ڈرانے کی کارروائی ہوگی اس سے زیادہ کچھ نہیں ہوگا۔پھر بعد اس کے الہام ہوا۔قَدِ ابْتُلِیَ الْمُؤْمِنُوْنَ۔ترجمہ۔مومنوں پر ایک ابتلا آیا یعنی بوجہ اس مقدّمہ؎۲ کے تمہاری جماعت ایک امتحان میں پڑے گی۔۱ (نوٹ از مولانا جلال الدین شمسؓ) حضرت مفتی محمد صادق صاحبؓ نے اپنی پرانی نوٹ بک کے حوالہ سے ان چار الہاماتِ ذیل (ا) مَا ھٰذَا اِلَّا تَـھْدِیْدُ الْـحُکَّامِ۔(۲) صادق آں باشد کہ اَیامِ بلا۔الخ (۳) یَاْتِیْکَ نُصْرَتِیْ۔(۴) اِبْرَاء۔کی تاریخ نزول ۲۱؍اگست ۱۸۹۷ء لکھی ہے۔وَاللہُ اَعْلَمُ۔ان کے علاوہ ۲دو اور الہام بھی اسی تاریخ کے لکھے ہیں۔(ا) اِنِّیْ مَعَ اللّٰہِ الْعَزِیْزِالْاَکْبَرِ (۲)اَنْتَ مِنِّیْ وَاَنَـا مِنْکَ۔دیکھیے ذکرِ حبیب صفحہ ۲۲۱ مطبوعہ دسمبر ۱۹۳۶ء ۲ (نوٹ از حضرت مرزا بشیر احمدؓ) یعنی مقدمہ اقدامِ قتل منجانب مارٹن کلارک کے بارہ میں حضرت مسیح موعود علیہ السلام تحریر فرماتے ہیں۔’’یہ مقدمہ اس طرح سے ہوا کہ ایک شخص عبدالحمید نام نے عیسائیوں کے سکھلانے پر مجسٹریٹ ضلع امرتسر کے رُو برو اظہار دئے کہ مجھے مرزا غلام احمد نے ڈاکٹر ہنری مارٹن کلارک کے قتل کرنے کے لئے بھیجا ہے۔اس پر مجسٹریٹ امرتسر نے میری گرفتاری کے لئے یکم اگست کو وارنٹ جاری کیا جس کی خبر سن کر ہمارے مخالفین امرتسر و بٹالہ میں ریل کے پلیٹ فارموں اور سڑکوں پر آ آ کر کھڑے ہوتے تھے تا کہ میری ذلّت دیکھیں لیکن خدا کی قدرت ایسی ہوئی کہ اوّل تو وہ وارنٹ خدا جانے کہاں گم ہوگیا۔دوؔم مجسٹریٹ ضلع امرتسر کو بعد میں خبر لگی کہ اُس نے غیرضلع میں وارنٹ جاری کرنے میں بڑی غلطی کھائی ہے۔پس اُس نے ۶؍اگست کو جلدی سے صاحب ضلع گورداسپور کو تار دیا
پھر بعد اس کے یہ الہام ہوا کہ لَیَعْلَمَنَّ اللّٰہُ الْمُجَاھِدِیْنَ مِنْکُمْ وَلَیَعْلَمَنَّ الْکَاذِبِیْنَ۔یہ میری جماعت کی طرف خطاب ہے کہ خدا نے ایسا کیا تا خدا تمہیں جتلاوے کہ تم میں سے وہ کون ہے کہ اُس کے مامور کی راہ میں صدقِ دل سے کوشش کرتا ہے اور وہ کون ہے جو اپنے دعویٰ بیعت میں جھوٹا ہے۔سو ایسا ہی ہوا۔ایک گروہ تو اِس مقدّمہ اور دوسرے مقدمہ میں جو مسٹر ڈ۱؎وئی صاحب کی عدالت میں فیصلہ ہوا صدقِ دل سے اور کامل ہمدردی سے تڑپتا پھرا اور انہوں نے اپنی مالی اور جانی کوششوں میں فرق نہیں رکھا اور دُکھ اٹھا کر اپنی سچائی دکھلائی اور دوسرا گروہ وہ بھی تھا کہ ایک ذرّہ ہمدردی میں شریک نہ ہوسکے سو اُن کے لئے وہ کھڑکی بند ہے جو اِن صادقوں کے لئے کھولی گئی۔پھر یہ الہام ہوا کہ صادق آں باشد کہ ایامِ بلا مے گذار د با محبت باوفا یعنی خدا کی نظرمیں صادق وہ شخص ہوتا ہے کہ جو بَلا کے دنوں کو محبّت اور وفا کے ساتھ گذارتا ہے۔پھر اس کے بعد میرے دل میں ایک اور موزوں کلمہ ڈالا گیا لیکن نہ اس طرح پر کہ جو الہامِ جلی کی صورت ہوتی ہے بلکہ الہامِ خفی کے طور پر دل اس مضمون سے بھر گیا اور وہ یہ تھا۔گرقضا را عاشقے گرد د اسیر بوسد آں زنجیر را کز آشنا یعنی اگر اتفاقاً کوئی عاشق قید میں پڑ جائے تو اُس زنجیر کو چومتا ہے جس کا سبب آشنا ہوا۔بقیہ حاشیہ۔کہ وارنٹ فوراً روک دو۔جس پر سب حیران ہوئے کہ وارنٹ کیسا۔لیکن مثل مقدمہ کے آنے پر صاحب ضلع گورداسپور نے ایک معمولی سمن کے ذریعہ سے مجھے بلایا اور عزت کے ساتھ اپنے پاس کرسی دی۔یہ صاحب ضلع جس کانام کپتان ایم۔ڈبلیو۔ڈگلس تھا بہ سبب زیرک اور دانشمند اور منصف مزاج ہونے کے فوراً سمجھ گیاکہ مقدّمہ بے اصل اور جھوٹا ہے۔اِس لئے میں نے ایک دوسرے مقام میں اس کو پیلاطوؔس سے نسبت دی ہے بلکہ مردانگی اور انصاف میں اُس سے بڑھ کر۔لیکن خدا کا اور فضل یہ ہوا کہ خود عبدالحمید نے عدالت میں اقرار کرلیا کہ عیسائیوں نے مجھے سکھلا کر یہ اظہار دلایا تھا ورنہ یہ بیان سراسر جھوٹ ہے کہ مجھے قتل کے لئے ترغیب دی گئی تھی۔پس صاحب ضلع نے اس آخری بیان کو صحیح سمجھا اور بڑے زور شور کا چٹھا لکھ کر مجھے بَری کردیا اور تبسم کے ساتھ عدالت میں مجھے مبارکباد دی۔فَالْـحَمْدُ لِلہِ عَلٰی ذَالِکَ۔‘‘ (نزول المسیح۔روحانی خزائن جلد۱۸ صفحہ ۵۷۶، ۵۷۷۔مفصّل بیان کے لئے دیکھیے کتاب البریہ۔روحانی خزائن جلد۱۳ صفحہ ۱۹ تا ۱۲۲) ۱ Mr۔Dowie
پھر اس کے بعد یہ الہام ہوا۔اِنَّ الَّذِیْ فَرَضَ عَلَیْکَ الْقُرْاٰنَ لَرَآدُّکَ اِلٰی مَعَادٍ۔اِنِّیْ مَعَ الْاَفْوَاجِ اٰتِیْکَ بَغْتَۃً۔یَاْتِیْکَ۱؎ نُصْـرَتِیْ۔اِنِّیْٓ اَنَا الرَّحْـمٰنُ ذُوالْمَجْدِ وَالْعُلٰی۔یعنی وہ قادر خدا جس نے تیرے پر قرآن فرض کیا پھر تجھے واپس لائے گا یعنی انجام بخیر و عافیت ہوگا۔مَیں اپنی فوجوں کے سمیت (جو ملائکہ ہیں) ایک ناگہانی طور پر تیرے پاس آؤں گا۔مَیں رحمت کرنے والا ہوں۔مَیں ہی ہوں جو بزرگی اور بلندی سے مخصوص ہے یعنی میرا ہی بول بالا رہے گا۔پھر بعد اس کے یہ الہام ہوا کہ مخالفوں میں پھُوٹ اور ایک شخص متنافس کی ذلّت اور اہانت اور ملامت ِ خلق۔؎۲ (اور پھر اخیر حکم) اِبْرَآء یعنی بے قصور ٹھہرانا۔پھر بعد اس کے الہام ہوا۔وَ فِــــیْـــــہِ شَیْءٌ یعنی بریّت تو ہوگی مگر اس میں کچھ چیز ہوگی (یہ اس نوٹس کی طرف اشارہ تھا جو بَری کرنے کے بعد لکھا گیا تھا کہ طرزِ مباحثہ نرم چاہیے) پھر ساتھ اس کے یہ بھی الہام ہوا کہ بَـــلَـــجَـــتْ اٰیَــاتِیْ کہ میرے نشان روشن ہوں گے اور ان کے ثبوت زیادہ سے زیادہ ظاہر ہوجائیں گے (چنانچہ ایسا ہی ہوا کہ اس مقدّمہ میں جو ستمبر ۱۸۹۹ء میں عدالت مسٹر جے۔آر۔ڈریمنڈ۳؎ صاحب بہادر میں فیصلہ ہوا۔عبدالحمید ملزم نے دوبارہ اقرار کیا کہ میرا پہلا بیان جھوٹا تھا)۔اور پھر الہام ہوا۔لِوَآءُ فَتْحٍ۔یعنی فتح کا جھنڈا ۱ (ترجمہ از ناشر) میری مدد تجھے پہنچے گی۔۲ حضرت مسیح موعود علیہ السلام تحریر فرماتے ہیں۔’’اصل لفظ الہام کے بٹالوی کی نسبت بہت سخت تھے ہم نے نرم الفاظ میں ان کا ترجمہ کردیا ہے۔‘‘ (کتاب البریّہ۔ٹائٹل پیج۔روحانی خزائن جلد۱۳ صفحہ ۱) ۳ Mr۔J۔R۔Drummond
پھر بعد اس کے الہام ہوا۔اِنَّـمَا اَمْرُنَا اِذَا اَرَدْ نَا شَیْئًا اَنْ نَّقُوْلَ لَہٗ کُنْ فَیَکُوْنُ۔یعنی ہمارے اُمور کے لئے ہمارا یہی قانون ہے کہ جب ہم کسی چیز کا ہوجانا چاہتے ہیں تو ہم کہتے ہیں کہ ہوجا پس وہ ہوجاتی ہے۔‘‘ (تریاق القلوب۔روحانی خزائن جلد۱۵ صفحہ ۳۴۱ تا ۳۴۳) (ب) ’’ مقدّمہ ؎۱سے تین ماہ پہلے مندرجہ ذیل الہام اس ابتلاء؎۲ کے بارے میں ہوئے۔قَدِابْتُلِیَ الْمُؤْمِنُوْنَ۔مَاھٰذَا اِلَّا تَـھْدِ۔یْدُ الْـحُکَّامِ۔اِنَّ الَّذِیْ فَرَضَ عَلَیْکَ الْقُرْاٰنَ لَرَآدُّکَ اِلٰی مَعَادٍ۔اِنِّیْ مَعَ الْاَفْوَاجِ اٰتِیْکَ بَغْتَۃً۔یَاْتِیْکَ نُصْـرَتِیْ۔اِنِّیْ اَنَا الرَّحْـمٰنُ ذُوالْمَجْدِ وَالْعُلٰی۔مخالفوں میں پھوٹ … اور ایک شخص متنافس کی ذلّت اور اہانت اور ملامت ِ خلق۔(اور اخیر حکم) اِبْرَآء بے قصور ٹھہرانا۔بَلَجَتْ اٰیَـاتِیْ۔یعنی تجھ پر اور تیرے ساتھ کے مومنوں پر مؤاخذۂ حکام کا ابتلا آئے گا۔وہ ابتلا صرف تہدید ہوگا اس سے زیادہ نہیں۔وہ خدا جس نے خدمت ِ قرآن تجھے سپرد کی ہے پھر تجھے قادیان میں واپس لائے گا۔مَیں اپنے فرشتوں کے ساتھ ناگہانی طور پر تیری مدد کروں گا۔میری مدد تجھے پہنچے گی۔مَیں ذوالجلال بلند شان والا رحمٰن ہوں۔مَیں مخالفوں میں پھوٹ ڈالوں گا۔( اس میں یہ اشارہ ہے کہ آخر عبدالحمید اور پادری گر۳؎ے اور نوردین عیسائی مخالفانہ بیان کردیں گے) اور یہ فقرہ کہ متنافس کی ذلّت اور اہانت اور ملامتِ خلق۔یہ محمد حسین کی طرف اشارہ ہے کہ کرسی کے معاملہ میں اور پھر پادریوں کے خلاف واقعہ شہادت پر طرح طرح کی ذلّت اور ملامتِ خلق اُس کو پیش آئی اور انجام کار یہ ہوگا کہ تمہیں بَری اور بے قصور ٹھہرایا جائے گا اور میرا نشان ظاہر ہوگا۔‘‘ (ٹائٹل پیج کتاب البر ّیہ۔روحانی خزائن جلد ۱۳۔صفحہ اوّل) (ج) ’’ ایک الہام یہ تھا کہ مخالفوں میں پھوٹ اور ایک شخص متنافس کی ذلّت اور اہانت اور ملامت خلق چنانچہ اس الہام کا ایک حصہ تو اس طرح پورا ہوا کہ ہمارے مخالفین یعنی عبدالحمید اور اس کے سکھانے والے عیسائیوں میں پھوٹ پڑی کہ عبدالحمید نے صاف اقرار کرلیا کہ مجھے ان لوگوں نے یہ جھوٹی بات سکھائی تھی ورنہ ۱ (نوٹ از حضرت مرزا بشیر احمدؓ) یعنی مقدمہ اقدامِ قتل منجانب پادری مارٹن کلارک بخلاف حضرت مسیح موعود علیہ السلام۔۲ (نوٹ از مولانا عبد اللطیف بہاولپوری) یعنی ابتلاء مقدمہ مذکور جس کی پیشگوئی براہین احمدیہ روحانی خزائن جلد ۱ صفحہ ۶۱۶،۶۱۷ میں اس مقدمہ سے اٹھارہ برس پہلے شائع ہوئی تھی۔۳ Padre Gray
اصل میں یہ کچھ بات نہ تھی صرف ان کے بہکانے پر مَیں نے ایسا کہا… اور دوسرا حصّہ الہام کا اس طرح سے پورا ہوا کہ دورانِ مقدّمہ میں جب مُوحّدین کے ایڈووکیٹ مولوی محمد حسین میری مخالفت میں عیسائیوں کے گواہ بن کر پیش ہوئے تو برخلاف اپنی اُمیدوں کے میری عزت دیکھ کر اُس طمع خام میں پڑے کہ ہم بھی کرسی مانگیں چنانچہ آتے ہی انہوں نے سوال کیا کہ مجھے کرسی ملنی چاہیے مگر افسوس کہ صاحب ڈپٹی کمشنر نے اُن کو جھڑک دیا اور سخت جھڑکا کہ تم کو کرسی نہیں مل سکتی۔سو یہ خدا کا ایک نشان تھا کہ جو کچھ انہوں نے میرے لئے چاہا وہ خود اُن کو پیش آگیا۔‘‘ (نزول المسیح۔روحانی خزائن جلد۱۸ صفحہ ۵۷۷،۵۷۸) اکتوبر۱۸۹۷ء ’’ شروع اکتوبر ۱۸۹۷ء میں مجھے دکھایا گیا کہ مَیں ایک گواہی کے لئے ایک انگریز حاکم کے پاس حاضر کیا گیا ہوں اور اس حاکم نے مجھ سے سوال کیا کہ آپ کے والد کا کیا نام ہے؟ لیکن جیسا کہ شہادت کے لئے دستور ہے، مجھے قسم نہیں دی۔‘‘ (نزول المسیح۔روحانی خزائن جلد۱۸ صفحہ ۵۹۹) ۸؍اکتوبر۱۸۹۷ء ’’ ۸؍اکتوبر ۱۸۹۷ء کو مجھے خواب میں دکھایا گیا کہ اس مقدمہ؎۱ کا سپاہی سمن لے کر آیا ہے۔یہ خواب مسجد میں عام جماعت کو سنادی گئی تھی۔آخر ایسا ہی ظہور میں آیا اور سپاہی سمن لے کر آگیا اور معلوم ہوا کہ ایڈیٹر اخبار ناظم اؔلہند لاہور نے مجھے گواہ لکھا دیا ہے… سو جب مَیں ملتان میں پہنچ کر عدالت میں گواہی کے لئے گیا تو ویسا ہی ظہور میں آیا۔حاکم کو ایسا سہو ہوگیا کہ قسم دینا بھول گیا اور اظہار شروع کردیئے۔‘‘ (نزول المسیح۔روحانی خزائن جلد۱۸ صفحہ ۵۹۹) ۱۸۹۷ء اس عاجز کو اپنے الہامات میں خدا تعالیٰ مخاطب کرکے فرماتا۲؎ ہےکہ ’’ تو مجھ سے اور مَیں تجھ سے ہوں اور زمین و آسمان تیرے ساتھ ہیں جیسا کہ میرے ساتھ ہیں اور تو ہمارے پانی میں سے ہے اور دوسرے لوگ خشکی سے اور تو مجھ سے ایسا ہے جیسا کہ میری توحید اور تو مجھ سے اس مقام اتحاد میں ہے جو کسی مخلوق کو معلوم نہیں خدا اپنے عرش سے تیری تعریف کرتا ہے۔تو اس سے نکلا اور اس نے تمام دنیا سے تجھ کو چنا۔تو میری درگاہ میں ۱ (نوٹ از حضرت مرزا بشیر احمدؓ) یعنی وہ مقدمہ جس میں حضرت مسیح موعود علیہ السلام شہادت کے لئے ۲۹،۳۰؍اکتوبر کو ملتان تشریف لے گئے تھے۔۲ حضرت مسیح موعود علیہ السلام تحریر فرماتے ہیں۔’’یہ الہامات میری کتاب براہین احمدیہ اور آئینہ کمالات اسلام اور ازالہ اوہام اور تحفہ بغداد وغیرہ میں شائع ہوچکے ہیں اور قریباً پچیس سال سے ان کو شائع کررہا ہوں۔‘‘ (کتاب البریہ روحانی خزائن جلد ۱۳ صفحہ ۱۰۰ حاشیہ)
میں وجیہ ہے۔میں نے اپنے لئے تجھ کو پسند کیا۔تو جہان کا نور ہے۔تیری شان عجیب ہے۔میں تجھے اپنی طرف اٹھائوں گا اور تیرے گروہ کو قیامت تک غالب رکھوں گا۔تو برکت دیا گیا۔خدا نے تیری مجد کو زیادہ کیا۔تو خدا کا وقار ہے۔پس وہ تجھے ترک نہیں کرے گا۔تو کلمۃ الازل ہے پس تو مٹایا نہیں جائے گا۔میں فوجوں کے سمیت تیرے پاس آئوں گا۔میرا لُوٹا ہوا مال تجھے ملے گا۔میں تجھے عزت دوں گا اور تیری حفاظت کروں گا۔یہ ہوگا یہ ہوگا یہ ہوگا اور پھر انتقال ہوگا۔تیرے پر میرے کامل انعام ہیں۔لوگوں کو کہہ دے کہ اگر تم خدا سے پیار کرتے ہو تو آئو میرے پیچھے چلو تا خدا بھی تم سے پیار کرے۔میری سچائی پر خدا گواہی دیتا ہے پھر کیوں تم ایمان نہیں لاتے۔تو میری آنکھوں کے سامنے ہے میں نے تیرا نام متوکل رکھا۔خدا عرش سے تیری تعریف کرتا ہے۔ہم تیری تعریف کرتے ہیں اور تیرے پر درود بھیجتے ہیں۔لوگ چاہیں گے کہ اس نور کو بجھا دیں مگر خدا اس نور کو جو اس کا نور ہے کمال تک پہنچائے گا۔ہم ان کے دلوں میںرعب ڈالیں گے۔ہماری فتح آئے گی اور زمانہ کا کاروبار ہم پر ختم ہوگا اس دن کہا جائے گا کہ کیا یہ حق نہ تھا۔میں تیرے ساتھ ہوں جہاں تو ہے۔جس طرف تیرا مُنہ اُس طرف خدا کا مُنہ۔تجھ سے بیعت کرنا ایسا ہے جیسا کہ مجھ سے۔تیرا ہاتھ میرا ہاتھ ہے۔لوگ دور دور سے تیرے پاس آئیں گے اور خدا کی نصرت تیرے پر اترے گی۔تیرے لئے لوگ خدا سے الہام پائیں گے اور تیری مدد کریں گے۔کوئی نہیں جو خدا کی پیشگوئیوں کو ٹال سکے۔اے احمد تیرے لبوں پر رحمت جاری کی گئی اور تیرا ذکر بلند کیا گیا۔خدا تیری حجت کو روشن کرے گا۔تو بہادر ہے۔اگر ایمان ثریا میں ہوتا تو تُو اس کو پالیتا۔خدا کی رحمت کے خزانے تجھے دئیے گئے۔تیرے باپ دادے کا ذکر منقطع ہو جائے گا اور خدا ابتدا تجھ سے کرے گا۔میں نے ارادہ کیا کہ اپنا جانشین بنائوں تو میں نے آدم کو یعنی تجھے پیدا کیا ہے۔آواہن (خدا تیرے اندر اتر آیا) خدا تجھے ترک نہیں کرے گا اور نہ چھوڑے گا جب تک کہ پاک اور پلید میں فرق نہ کرے۔میں ایک چھپا ہوا خزانہ تھا پس میں نے چاہا کہ پہچانا جائوں۔تو مجھ میں اور تمام مخلوقات میں واسطہ ہے۔میں نے اپنی روح
تجھ میں پھونکی۔تو مدد دیا جائے گا اور کسی کو گریز کی جگہ نہیں رہے گی۔تو حق کے ساتھ نازل ہوا اور تیرے ساتھ نبیوں کی پیشگوئیاں پوری ہوئیں۔خدا نے اپنے فرستادہ کو بھیجا تا اپنے دین کو قوت دے اور سب دینوں پر اس کو غالب کرے۔اس کو خدا نے قادیاں کے قریب نازل کیا اور وہ حق کے ساتھ اترا اور حق کے ساتھ اتارا گیا اور ابتدا سے ایسا ہی مقرر تھا۔تم گڑھے کے کنارے پر تھے خدا نے تمہیں نجات دینے کے لئے اسے بھیجا۔اے میرے احمد تو میری مراد اور میرے ساتھ ہے۔میں نے تیری بزرگی کا درخت اپنے ہاتھ سے لگایا۔میں تجھے لوگوں کا امام بنائوں گا اور تیری مدد کروں گا۔کیا لوگ اس سے تعجب کرتے ہیں۔کہہ خدا عجیب ہے چن لیتا ہے جس کو چاہتا ہے اور اپنے کاموں سے پوچھا نہیں جاتا۔خدا کا سایہ تیرے پر ہوگا اور وہ تیری پناہ رہے گا۔آسمان بندھا ہوا تھا اور زمین بھی ہم نے دونوں کو کھول دیا۔تو وہ عیسیٰ ہے جس کا وقت ضائع نہیں کیا جائے گا۔تیرے جیسا موتی ضائع نہیں ہو سکتا۔ہم تجھے لوگوں کے لئے نشان بنائیں گے اور یہ امر ابتدا سے مقدر تھا۔تو میرے ساتھ ہے۔تیرا بھید میرا بھید ہے تو دنیا اور آخرت میں وجیہ اور مقرب ہے۔تیرے پر انعام خاص ہے اور تمام دنیا پر تجھے بزرگی ہے۔بخرام کہ وقت تو نزدیک رسید و پائے محمدیاں برمنارِ بلند تر محکم افتاد۔میں اپنی چمکار دکھلائوں گا اپنی قدرت نمائی سے تجھ کو اٹھائوں گا۔دنیا میں ایک نذیر آیا پر دنیا نے اس کو قبول نہ کیا لیکن خدا اسے قبول کرے گا اور بڑے زور آور حملوں سے اس کی سچائی ظاہر کر دے گا۔اس کے لئے وہ مقام ہے جہاں انسان اپنے اعمال کی قوت سے پہنچ نہیں سکتا تو میرے ساتھ ہے۔تیرے لئے رات اور دن پیدا کیا گیا۔تیری میری طرف وہ نسبت ہے جس کی مخلوق کو آگاہی نہیں۔اے لوگو تمہارے پاس خدا کا نور آیا پس تم منکر مت ہو۔‘‘ (کتاب البریہ۔روحانی خزائن جلد۱۳ صفحہ ۱۰۰ تا۱۰۳) ۱۸۹۷ء ’’ اس نے مجھے بشارت دی کہ مَیں تجھے برکت دُوں گا اور بہت برکت دُوں گا یہاں تک کہ بادشاہ تیرے کپڑوں سے برکت ڈھونڈیں گے۔‘‘ (کتاب البریہ۔روحانی خزائن جلد ۱۳ صفحہ ۱۷۹ حاشیہ)