تذکرہ یعنی وحی مقدّس و روٴیا و کشوف حضرت مسیح موعود علیہ الصلوٰة و السلام

حصہ 24

Urdu text of the edition of the Ahmadiyya Muslim Jamaat.

نومبر ۱۸۹۷ء ’’ حضور حـجّۃ الاسلام نے ایک رؤیادیکھی کہ گویا دارالامان میں طاعون آگئی ہے۔اس کی تفہیم کھجلی ہوئی۔آپ نے فرمایا۔قادیاؔن طاعون نامیمون سے مامون و مصئون رہے گا البتہ خارش کا مرض ہو تو تعجب نہیں۔اس پر جناب نے یہ بھی اجتہاد فرمایا ہے (کہ کھجلی پیدا کردینے والی دوا طاعون کو روک دے گی)۔‘‘ (الحکم جلد ۱ نمبر ۵ مورخہ ۲۳؍نومبر ۱۸۹۷ء صفحہ۴) دسمبر ۱۸۹۷ء ’’ انہی؎۱ دنوں میں مَیں نے کشف میں دیکھا ہے کہ اگلے سال بعض احباب دنیا میں نہ ہوں گے۔گو مَیں یہ نہیں کہہ سکتا کہ اس کشف کا مصداق کون کون احباب ہوں گے اور مَیں جانتا ہوں کہ یہ اس لئے ہے تا ہر ایک شخص بجائے خود سفرِ آخرت کی طیاری رکھے۔‘‘ (رپورٹ جلسہ سالانہ ۱۸۹۷ء صفحہ ۶۲) ۱۸۹۸ء ’’ مجھے؎۲معلوم ہے کہ پچھلے قحط کے دنوں میں میرے مخدوم و امام (صَلَوَاۃُ اللہِ وَ سَلَام) (کو) اپنی جماعت کی حالت پر خیال تھا کہ اس میں بہت عیال دار اور (اکثر) غریب ہیں۔ان کو بڑی مشکلات پیش آئیں گی جس پر حضور کو الہام ہوا۔فَوَ رَبِّ السَّمَآءِ وَالْاَرْضِ اِنَّہٗ لَـحَقٌّ۔‘‘؎۳ (الحکم جلد ۲ نمبر ۲۶ و ۲۷ مورخہ ۶، ۱۳؍ ستمبر۱۸۹۸ء صفحہ۱۱) ۱۸۹۸ء (الف) ’’ وَ اَوْحٰی اِلَیَّ رَبِّیْ وَ وَعَدَ نِیْ اَنَّہٗ سَیَنْصُرُنِیْ حَتّٰی یَبْلُغَ اَمْرِیْ مَشَارِقَ الْاَرْضِ وَ مَغَارِبَـھَا۔وَتَتَمَوَّجُ بُـحُوْرُ الْـحَقِّ حَتّٰی یُعْـجِبَ النَّاسَ حُبَابُ غَـوَارِبِـھَا۔‘‘؎۴ ( لُـجّۃ النُّور۔روحانی خزائن جلد۱۶ صفحہ ۴۰۸) (ب) ۱ یعنی ایامِ جلسہ سالانہ ۱۸۹۷ء۔(مرزا بشیر احمد) ۲ شیخ یعقوب علی صاحب ایڈیٹر الحکم۔(مرزا بشیر احمد) ۳ (ترجمہ از مرتّب) مجھے آسمان اور زمین کے ربّ کی قسم ہے کہ یہ بات واقع ہونے والی ہے۔۴ (ترجمہ از مرتّب) میرے ربّ نے میری طرف وحی بھیجی اور وعدہ فرمایا کہ وہ مجھے مدد دے گا یہاں تک کہ میرا کلام مشارق و مغارب میں پہنچ جائے گا اور راستی کے دریا موج میں آئیں گے یہاں تک کہ اس کی موجوں کے حباب لوگوں کو تعجب میں ڈالیں گے۔

(ب) ’’حضرت اقدس امام الزمان سلّمہ الرحمان کو اللہ کریم نے وعدہ دیا ہے کہ مَیں تیری تبلیغ کو زمین کے کناروں تک پہنچاؤں گا۔‘‘ (الحکم جلد ۲ نمبر ۲۴،۲۵ مورخہ ۲۰،۲۷؍اگست ۱۸۹۸ء صفحہ ۱۴ ) ۲۱؍جنوری ۱۸۹۸ء ’’مَیں نے تہجد میں اس؎۱ کے متعلق دعا کی تو الہام ہوا۔اِنَّ اللّٰہَ لَا یُغَیِّرُ مَا بِقَوْمٍ حَتّٰی یُغَیِّرُوْا مَا بِـاَنْفُسِھِمْ۔اب خیال ہوتا ہے کہ وہ الہام؎۲ جو ہوا تھا کہ کون کہہ سکتا ہے، اے بجلی! آسمان سے مت گِر شاید اسی سے متعلق ہو۔‘‘ (الحکم جلد ۵ نمبر ۲۷ مورخہ ۲۴؍جولائی ۱۹۰۱ء صفحہ ۱) ۱۸۹۸ء (الف) ’’ ۱۔اِنَّ اللّٰہَ لَا یُغَیِّرُ مَا بِقَوْمٍ حَتّٰی یُغَیِّرُوْا مَابِاَنْفُسِھِمْ ۲۔اِنَّہٗ اٰوَی الْقَرْیَۃَ۔۳۔اِنِّیْ مَعَ الرَّحْـمٰنِ اٰتِیْکَ بَغْتَۃً۔۴۔اِنَّ اللّٰہَ مُوْھِنُ کَیْدِ الْکَافِرِیْن۔‘‘؎۳ (خط مولوی عبدالکریم صاحبؓ محررہ یکم فروری ۱۸۹۸ء۔اخبار بدرؔ جلد ۱۱نمبر ۴،۵ مورخہ ۱۶؍نومبر ۱۹۱۱ء صفحہ ۳) (ب) ’’مجھے اس؎۴ سے پہلے طاعون کے بارے میں الہام بھی ہوا اور وہ یہ ہے۔اِنَّ اللّٰہَ لَا یُغَیِّرُ مَا بِقَوْمٍ حَتّٰی یُغَیِّرُوْا مَا بِاَنْفُسِھِمْ۔اِنَّہٗ اٰوَی الْقَرْیَۃَ۔یعنی جب تک دلوں کی وباء معصیّت دور نہ ہو تب تک ظاہری وباء بھی دُور نہیں ہوگی۔‘‘ ( ایام الصلح روحانی خزائن جلد ۱۴ صفحہ ۳۶۱) ۱ یعنی طاعون کے متعلق (شمس) ۲ (نوٹ از مولانا جلال الدین شمسؓ) نواب محمد علی خان صاحبؓ آف مالیر کوٹلہ کی ڈائری سے معلوم ہوتا ہے کہ اس الہام کے نزول کی تاریخ ۱۴؍جنوری ہے۔دیکھیے اصحاب ِ احمد جلد ۲ صفحہ ۵۲۵ مطبوعہ اگست ۱۹۵۲ء ۳ (ترجمہ از مرتّب) ۱۔اللہ تعالیٰ کسی قوم کی حالت نہیں بدلتا جب تک کہ وہ اس چیز کو نہ بدلیں جو اُن کے نفسوں میں ہے۔۲۔وہ اس بستی کو کچھ تکلیف کے بعد پناہ میں لے لے گا۔۳۔مَیں رحمان کے ساتھ تیرے پاس اچانک آنے کو ہوں۔۴۔اللہ تعالیٰ کافروں کے منصوبوں کو توڑنے والا ہے۔۴ (نوٹ از حضرت مرزا بشیر احمدؓ) یعنی طاعون کے سیاہ پودوں والی رؤیا جس کا ذکر آگے آتا ہے۔

(ج) ’’اِنَّ اللّٰہَ لَا یُغَیِّرُ مَا بِقَوْمٍ حَتّٰی یُغَیِّرُوْا مَا بِاَنْفُسِھِمْ۔اِنَّہٗٓ اٰوَی الْقَرْیَۃَ۔یعنی خدا نے یہ ارادہ فرمایا ہے کہ اس بلائے طاعون کو ہرگز دُور نہیں کرے گا جب تک لوگ اُن خیالات کو دُور نہ کرلیں جو اُن کے دلوں میں ہیں۔یعنی جب تک وہ خدا کے مامور اور رسول کو مان نہ لیں تب تک طاعون دُور نہیں ہوگی اور وہ قادر خدا قادیان کو طاعون کی تباہی سے محفوظ رکھے گا تاتم سمجھو کہ قادیان اسی لئے محفوظ رکھی گئی کہ وہ خدا کا رسول اور فرستادہ قادیان میں تھا۔‘‘ (دافع البلاء۔روحانی خزائن جلد ۱۸ صفحہ۲۲۵،۲۲۶) ۲؍فروری ۱۸۹۸ء ’’ آج تیسرا روز ہے، الہام ہوا کہ یَـوْمَ تَـاْتِیْکَ الْغَاشِیَۃُ یَـوْمَ تَنْجُوْ کُلُّ نَفْسٍۭ بِمَا كَسَبَتْ۔یَـوْمَ نَـجْزِیْ کُلَّ نَفْسٍۭ بِمَا كَسَبَتْ۔‘‘؎۱ (از خط مولانا عبدالکریم صاحب ؓ محررہ ۴؍فروری ۱۸۹۸ء مندرجہ الحکم جلد ۲ نمبر ۲مورخہ ۶؍ مارچ ۱۸۹۸ء صفحہ ۱۰) ۶؍فروری ۱۸۹۸ء (الف) ’’ آج جو ۶؍فروری ۱۸۹۸ء روز یکشنبہ ہے۔مَیں نے خواب میں دیکھا کہ خدا تعالیٰ کے ملائک پنجاب کے مختلف مقامات میں سیاہ رنگ کے پودے لگارہے ہیں اور وہ درخت نہایت بدشکل اور سیاہ رنگ اور خوفناک اور چھوٹے قد کے ہیں۔مَیں نے بعض لگانے والوں سے پوچھا کہ یہ کیسے درخت ہیں تو اُنہوں نے جواب دیا کہ یہ طاعون کے درخت ہیں جو عنقریب مُلک میں پھیلنے والی ہے۔میرے پر یہ امر مشتبہ رہا کہ اُس نے یہ کہا کہ آئندہ جاڑے میں یہ مرض بہت پھیلے گا یا یہ کہا کہ اس کے بعد کے جاڑے میں پھیلے گا لیکن نہایت خوفناک نمونہ تھا جو مَیں نے دیکھا۔‘‘ ( ایام الصلح۔روحانی خزائن جلد۱۴ صفحہ ۳۶۱) (ب) ’’ جب یہ پیشگوئی ۶؍فروری ۱۸۹۸ء میں شائع ہوئی تب پنجاب میں صرف ۲دو ضلعے آلودہ تھے مگر بعد اس کے پنجاب کے ۲۳ ضلعے اس مرض سے آلودہ ہوگئے اور پونے دس ماہ میں تین لاکھ سولہ ہزار کیس ہوئے اور دو لاکھ اٹھارہ ہزار سات سو ننانوے فوتیاں ہوئیں۔دیکھو سرکاری نقش جات۔‘‘ (نزول المسیح۔روحانی خزائن جلد۱۸ صفحہ ۵۳۱،۵۳۲ حاشیہ) فروری ۱۸۹۸ء ’’ مجھے ایک رُوحانی طریق سے معلوم ہوا ہے کہ اس؎۲مرض اور مرض خارش کا مادہ ایک ہی ہے ۱ ’’یعنی ایک خوفناک ، غش ڈالنے والا، انسان کو چاروں طرف سے گھیرنے والا وقت آنے والا ہے۔اس وقت ہر ایک شخص اپنے اعمال کے سبب سے نجات پائے گا اس وقت ہم ہر شخص کو اس کے اعمال کے موافق جزا دیں گے۔حضرت نے ان الہامات کے بعد جماعت کو بڑی تاکید کی کہ تیاری کرو۔نمازوں میں عاجزی کرو۔تہجد کی عادت ڈالو۔تہجد میں رو رو کر دعائیں مانگو کہ خدا تعالیٰ گڑگڑانے والوں اور تقویٰ اختیار کرنے والوں کو ضائع نہیں کرتا۔‘‘ (الحکم مورخہ ۶؍مارچ ۱۸۹۸ء صفحہ ۱۰) ۲ یعنی مرضِ طاعون۔(شمس)

اور مَیں گمان کرتا ہوں کہ غالباً یہ بات صحیح ہوگی۔کیونکہ مرضِ جَرب یعنی خارش میں ایسی دوائیں مفید پڑتی ہیں جن میں کچھ پارہ کا جزو ہو یا گندھک کی آمیزش ہو اور خیال کیا جاتا ہے کہ اس قسم کی دوائیں اس مرض کے لئے بھی مفید ہوسکیں اور جبکہ دونوں مرضوں کا مادہ ایک ہے تو کچھ تعجب نہیں کہ خارش کے پیدا ہونے سے اس مرض میں کمی پیدا ہوجائے۔یہ روحانی قواعد کا ایک راز ہے جس سے مَیں نے فائدہ اٹھایا ہے۔اگر تجربہ کرنے والے اس امر کی طرف توجہ کریں اور ٹیکہ لگانے والوں کی طرح بطور حفظِ ماتقدّم ایسے ملک کے لوگوں میں جو خطرہ طاعون میں ہوں خارش کی مرض پھیلاویں تو میرے گمان میں ہے کہ وہ مادہ اس راہ سے تحلیل پا جائے اور طاعون سے امن رہے مگر حکومت اور ڈاکٹروں کی توجہ بھی خدا تعالیٰ کے ارادے پر موقوف ہے مَیں نے محض ہمدردی کی راہ سے اس امر کو لکھ دیا ہے کیونکہ میرے دل میں یہ خیال ایسے زور کے ساتھ پیدا ہوا جس کو مَیں روک نہیں سکا۔‘‘ (ایام الصلح۔روحانی خزائن جلد۱۴ صفحہ ۳۶۰) ۲۵؍مارچ ۱۸۹۸ء ’’ مَیں نے جو اپنی نسبت بعض خوابیں اور الہامات دیکھے ہیں مَیں اُن سے حیران ہوں۔دو مرتبہ مَیں نے خواب میں دیکھا ہے کہ گویا مجھے مرض طاعون ہوگئی ہے اور ورمِ طاعون نمودار ہے۔اب آج بھی یہی خواب آئی ہے۔اسی کے قریب قریب ایک الہام بھی ہے جو کسی رنج اور بَلا پر دلالت کرتا ہے اور مُعَبّرین نے طاعون سے مراد کبھی تو طاعون اور کبھی خارش اور حکام کی طرف سے کوئی عذاب و تکالیف اور کبھی کوئی اور فتنہ رنج دِہ مراد لیا ہے۔معلوم نہیں کہ اس خواب کی کیا تعبیر ہے۔‘‘ (از مکتوب بنام سیٹھ عبدالرحمٰن صاحبؓ مدراسی۔مکتوبات احمد جلد ۲ صفحہ ۳۶۷ مطبوعہ ۲۰۰۸ء) ۱۸۹۸ء ’’جب کتاب اُمہات المؤمنین عیسائیوں کی طرف سے شائع ہوئی تو انجمن حمایت اسلام لاہور کے ممبروں نے گورنمنٹ میں اِس مضمون کا میموریل بھیجا کہ اس مضمون کی اشاعت بند کی جائے اور مصنف سے باز پُرس ہو۔مگر مَیں اُن کے میموریل کے سخت مخالف تھا اور مَیں نے اپنی تحریر؎۱ میں صاف طور پر شائع کیا تھا کہ یہ طریق اچھا نہیں۔مگر اُن لوگوں نے میری صلاح کو قبول نہ کیا بلکہ بد گوئی کی۔اسی اثنا میں مجھے الہام ہوا کہ سَتَذْکُرُوْنَ مَا اَقُوْلُ لَکُمْ وَاُفَوِّضُ اَمْرِیْ اِلَی اللّٰہِ یعنی عنقریب تمہیں یہ بات میری یاد آئے گی۔یہ اس بات کی طرف اشارہ تھا کہ تمہیں اپنے میموریل میں ناکامی رہے گی اور جس امر کو مَیں نے اختیار کیا ہے یعنی مخالفین کے اعتراضات کو ردّکرنا اور ان کو جواب دینا اس امر کو ۱ دیکھیے اشتہار ۴؍مئی ۱۸۹۸ء۔(مجموعہ اشتہارات جلد ۲ صفحہ ۴۲۷ تا ۴۳۲ مطبوعہ ۲۰۱۸ء) (مرزا بشیر احمد)

مَیں خدائے تعالیٰ کے سپرد کرتا ہوں۔یہ الہام قبل از وقت ایک گروہ کثیر کو سنایا گیا تھا چنانچہ ایسا ہی ظہور میں آیا یعنی انجمن کی وہ درخواست نامنظور ہوئی۔‘‘ (نزول المسیح۔روحانی خزائن جلد۱۸ صفحہ ۶۰۳،۶۰۴) ۱۸۹۸ء ’’ مسیح اُس صدیق کو کہتے ہیں جس کے مَسَحْ یعنی چُھونے میں خدا نے برکت رکھی ہو… اور اس کے مقابل پر مسیح اُس معہود دجّال کو بھی کہتے ہیں جس کی خبیث طاقت اور تاثیر سے آفات اور دہریت اور بے ایمانی پیدا ہو۔… یہی معنے ہیں جو خدا تعالیٰ نے میرے دل میں القاء کئے ہیں۔‘‘ (ایام الصلح۔روحانی خزائن جلد ۱۴، صفحہ ۲۹۴) ۱۸۹۸ء ’’ مجھے ایک الہام میں یہ فقرات القا ہوئے تھےکہ یَا مَسِیْحَ الْـخَلْقِ عَدْ وَانَـا میرےخیال میں ہے کہ عَدْوٰی سے مراد یہی طاعون ہے۔‘‘ ’’ یعنی اے مسیح جو خلقت کی بھلائی کے لئے بھیجا گیا۔ہماری طاعون کے دفع کے لئے مدد کر۔‘‘ (ایام الصلح۔روحانی خزائن جلد۱۴ صفحہ ۳۴۶ و ۴۰۳) ۴؍ جولائی ۱۸۹۸ء ’’ جہاں براہین احمدیہ؎۱میں اسرار اور معارف کے انعام کا اس عاجز کی نسبت ذکر فرمایا گیا ہے۔وہاں احـمد کے نام سے یاد کیا گیا ہے۔جیسا کہ فرمایا۔یَا اَحْـمَدُ فَاضَتِ الرَّحْـمَۃُ عَلٰی شَفَتَیْکَ۔؎۲ اور جہاں دنیا کی برکات کا ذکر کیا گیا ہے وہاں عیسیٰ کے نام سے پکارا گیا ہے۔جیسا کہ میرے الہام میں براہین احمدیہ میں فرمایا۔یَا عِیْسٰی اِنِّیْ مُتَوَفِّیْکَ وَرَافِعُکَ اِلَیَّ وَمُطَھِّرُکَ مِنَ الَّذِیْنَ کَفَرُوْا وَجَاعِلُ الَّذِیْنَ اتَّبَعُوْکَ فَوْقَ الَّذِیْنَ کَفَرُوْا اِلٰی یَوْمِ الْقِیٰمَۃِ۔؎۳ ایسا ہی وہ الہام ہے جو فرمایا کہ مَیں تجھے برکت دوں گا یہاں تک کہ بادشاہ تیرے کپڑوں سے برکت ڈھونڈیں گے۔یہ وہ سِر ہے جو مہدی اور عیسیٰ کے نام کی نسبت مجھ کو الہامِ الٰہی سے کھلا اور وہ پیر کا دن اور تیرھو۱۳یں صفر ۱۳۱۶ھ تھا ۱ براہین احمدیہ ہر چہار حصص روحانی خزائن جلد۱ صفحہ ۶۱۷ حاشیہ در حاشیہ نمبر۳ (ناشر) ۲ (ترجمہ) اے احمد! تیرے لبوں پر رحمت جاری ہوئی ہے۔(براہین احمدیہ ہر چہار حصص۔روحانی خزائن جلد ۱ صفحہ ۶۱۸ حاشیہ در حاشیہ نمبر ۳) ۳ (ترجمہ) اے عیسیٰ! میں تجھے کامل اجربخشوں گا یا وفات دوں گا اوراپنی طرف اُٹھاؤں گا یعنی رفع درجات کروں گا یا دُنیا سے اپنی طرف اُٹھاؤں گا اور تیرے تابعین کو ان پر جو منکر ہیں قیامت تک غلبہ بخشوں گا یعنی تیرے ہم عقیدہ اورہم مشربوں کو حجّت اوربرہان اوربرکات کے رُو سے دوسرے لوگوں پر قیامت تک فائق رکھوں گا۔(براہین احمدیہ ہر چہار حصص۔روحانی خزائن جلد ۱ صفحہ ۶۶۴،۶۶۵۔حاشیہ در حاشیہ نمبر ۴)

اور جولائی ۱۸۹۸ء کی چوتھی تاریخ تھی جب کہ یہ الہام ہوا۔‘‘ (ایام الصلح۔روحانی خزائن جلد ۱۴ صفحہ ۳۹۸) ۱۸۹۸ء ’’ خدا تعالیٰ نے مجھے خبر دے دی ہے کہ بہت سے اس جماعت میں سے ہیں جو ابھی اس جماعت سے باہر اور خدا کے علم میں اس جماعت میں داخل ہیں۔بار بار ان لوگوں کی نسبت یہ الہام ہوا ہے۔یَـخِرُّوْنَ سُـجَّدًا۔رَبَّنَا اغْفِرْلَنَا اِنَّـا کُنَّا خَاطِئِیْنَ یعنی سجدہ میں گریں گے کہ اے ہمارے خدا! ہمیں بخش کیونکہ ہم خطا پر تھے۔‘‘ (ایام الصلح۔روحانی خزائن جلد ۱۴ صفحہ ۴۲۶) ۱۸۹۸ء ’’آئندہ موسم بظاہر وہی معلوم ہوتا ہے جو کچھ الہاماً معلوم ہوا تھا۔وہ خبر بھی اندیشہ ناک ہے… دن بہت سخت ہیں…مجھے تو یہ معلوم ہوا ہے کہ یہ دن دنیا کے لئے بڑی بڑی مصیبتوں اور موت اور دُکھ کے دن ہیں …مجھے اس بات کا خیال ہے کہ اس شورِ قیامت کے وقت جس کی مجھے الہام الٰہی سے خبر ملی ہے حتی الوسع اپنے عزیز دوست قادیان میں ہوں۔‘‘ (از مکتوب بنام نواب محمد علی خان صاحبؓ۔مکتوبات احمد جلد ۲ صفحہ ۲۲۷ مطبوعہ ۲۰۰۸ء) ۱۸۹۸ء ’’یہ دوا ؎۱حسب الہامِ الٰہی تیار ہوئی ہے۔‘‘ (اشتہار ’’دوائے طاعون‘‘ مورخہ ۲۳؍جولائی ۱۸۹۸ء۔مجموعہ اشتہارات جلد ۲ صفحہ ۴۳۹ حاشیہ۔مطبوعہ ۲۰۱۸ء) ۱۸۹۸ء ’’ آپ کو وہ الہام یاد ہوگا قادر ہے وہ بادشاہ ٹوٹا کام بناوے‘‘ (از مکتوب بنام سیٹھ عبدالرحمٰن صاحبؓ مدراسی۔مکتوبات احمد جلد۲ صفحہ۳۷۸ مطبوعہ ۲۰۰۸ء) یکم اگست ۱۸۹۸ء ’’ صبح کی نماز کے بعد حضرت اقدسؑ نے فرمایا کہ’’ مَیں نے خواب میں دیکھا کہ ایک ڈاڑھ کا حصّہ جو بوسیدہ ہوگئی ہے اس کو مَیں نے منہ سے نکالا اور وہ بہت صاف تھا اور اُسے ہاتھ میں رکھا۔‘‘ پھر فرمایا کہ’’ خواب میں دانت اگر ہاتھ سے گرایا جاوے تو وہ مُنذر ہوتا ہے۔ورنہ مُبشّر۔‘‘ (الحکم جلد ۲نمبر ۲۲،۲۳ مورخہ ۶، ۱۳؍اگست ۱۸۹۸ء صفحہ ۱۶) ۱۸۹۸ء ’’ جب بعض مخالفین کی مخبری سے میرے پر ٹیکس لگانے کے لئے سرکار کی طرف سے مقدمہ ہوا اور ۱ یعنی تریاقِ الٰہی۔(مرزا بشیر احمد)

میری طرف سے عُذر داری کی گئی تو مَیں ایک دن چھوٹی مسجد میں چند احباب کے ساتھ بیٹھا ہوا تھا اور آمد خرچ کا حساب کررہے تھے کہ مجھ پر ایک کشفی حالت طاری ہوئی اور اس میں دکھایا گیا کہ ہندو تحصیل دار بٹالہ جس کے پاس مقدمہ تھا بدل گیا ہے اور اس کے عوض ایک اَور شخص کرسی پر بیٹھا ہے جو مسلمان ہے اور اس کشف کے ساتھ بعض امور ایسے ظاہر ہوئے جو فتح کی بشارت دیتے تھے۔تب مَیں نے اُسی وقت یہ کشف حاضرین کو سنادیا جن میں سے ایک خوا جہ جمال الدین صاحب بی۔اے انسپکٹر مدارس جموں و کشمیر تھے اور بہت سے جماعت کے لوگ تھے۔چنانچہ اس کے بعد ایسا ہوا کہ وہ ہندو تحصیل دار یکایک بدل گیا اور اس کی جگہ میاں تاج الدین صاحب تحصیل دار بٹالہ مقرر ہوئے جنہوں نے نیک نیتی کے ساتھ اصل حقیقت کو دریافت کرلیا اور جو کچھ تحقیقات سے معلوم ہوا اس کی رپورٹ ڈکسن۱؎ صاحب ڈپٹی کمشنر بہادر ضلع گورداسپور میں بھیج دی اور نیک اتفاق یہ ہوا کہ صاحب موصوف بھی زیرک اور انصاف پسند تھے۔انہوں نے لکھ دیا کہ مرزا غلام احمد صاحب کا ایک شہرت یافتہ فرقہ ہے جن کی نسبت ہم بدظنّی نہیں کرسکتے یعنی جو کچھ عذر کیا گیا ہے وہ واقعی درست ہے۔اس لئے ٹیکس معاف اور مسل داخل دفتر ہو؎۲۔‘‘ (نزول المسیح۔روحانی خزائن جلد ۱۸ صفحہ ۶۰۶،۶۰۷) ۱۸۹۸ء ’’میری طبیعت کچھ ایسی واقع تھی کہ مَیں پوشیدہ رہنے کو بہت چاہتا تھا اور مَیں ملنے والوں سے تنگ آجاتا تھا اور کوفتہ خاطر ہوتا تھا۔یہاں تک کہ میرا باپ مجھ سے نومید ہوگیا اور سمجھا کہ یہ ہم میں ایک شب باش مہمان کی طرح ہے جو صرف روٹی کھانے کا شریک ہوتا ہے اور گمان کیا کہ یہ شخص خلوت کا عادی ہے اورلوگوں سے وسیع گھر کے ساتھ میل جول رکھنے والا نہیں۔سو وہ ہمیشہ مجھے اس عادت پر غضب سے اور تیز کاردوں سے ملامت کرتا اور مجھے دن رات اور ظاہر اور درپردہ دُنیا کی ترقی کے لئے نصیحت کیا کرتا تھا اور دُنیا کی آرائشوں کی طرف رغبت دیتا تھا اور میرا دل خدا کی طرف کھنچا جارہا تھا اور ایسا ہی میرا بھائی مجھے پیش آیا اور وہ اِن باتوں میں میرے باپ سے مشابہ تھا۔پس خدا نے اِن دونوں کو وفات دی اور زیادہ دیر تک زندہ نہ رکھا اور اُس نے مجھے کہا کہ ایسا؎۳ ہی کرنا چاہیےتھا تا تجھ میں خصومت کرنے والے باقی نہ رہیں اور اُن کا الحاح تجھ کو ضرر نہ کرے۔‘‘ (نجم الہدیٰ۔روحانی خزائن جلد۱۴ صفحہ ۵۱،۵۲)۱ Mr۔Dixon ۲ (نوٹ از حضرت مرزا بشیر احمدؓ) بتاریخ ۱۷؍ستمبر ۱۸۹۸ء انکم ٹیکس معاف کیا گیا۔۳ (نوٹ از مولانا جلال الدین شمسؓ) عربی میں الہام کی عبارت یہ ہے۔’’کَذَالِکَ لِئَلَّایَبْقٰی مُنَازِعٌ فِیْکَ وَلَایَضُـرُّکَ اِلْـحَاحُ الْاَغْیَارِ۔‘‘ (نـجم الہدیٰ۔روحانی خزائن جلد۱۴ صفحہ ۵۲)

۳؍ستمبر۱۸۹۸ء (الف) الہام… جو حضرت اقدس کو ۳؍ستمبر ۱۸۹۸ء کو ہوا اور جو جناب نے مسجد مبارک میں لکھوا کر چسپاں کردیا ہے… ’’ غَثَمَ غَثَمَ غَثَمَ لَہٗ دَفَعَ اِلَیْہِ مِنْ مَّالِہٖ دَفْعَۃً۔‘‘ (الحکم جلد ۲ نمبر ۲۶،۲۷۔مورخہ ۶ و ۱۳؍ستمبر ۱۸۹۸ء صفحہ ۱۴) (ب) ’’چند ہفتہ ہوئے ہیں مجھے الہام ہوا تھا۔غَثَمَ لَہٗ۔دَفَعَ اِلَیْہِ مِنْ مَّالِہٖ دَفْعَۃً۔؎۱ اس میں تفہیم یہ ہوئی تھی کہ کوئی شخص کسی مطلب کے حصول پر بہت سا حصّہ اپنے مال میں سے بطور نذر بھجوائے گا۔مَیں نے اس الہام کو اپنی کتاب میں لکھ لیا تھا بلکہ اپنے گھر کے قریب دیوار پر مسجد کی، نہایت خوشخط یہ الہام لکھ کر چسپاں کردیا۔اس الہام میں نہ کسی مدت کا ذکر ہے کہ کب ہوگا اور نہ کسی انسان کا ذکر ہے کہ کس شخص کو ایسی کامیابی ہوگی یا ایسی مسرت ظہور میں آئے گی۔‘‘ (از مکتوب بنام سیٹھ عبدالرحمٰن صاحبؓ مدراسی۔مکتوبات احمد جلد۲ صفحہ ۳۸۳ مطبوعہ ۲۰۰۸ء) ۲۶؍ستمبر۱۸۹۸ء ’’ رات مَیں نے دیکھا کہ ایک بڑا پیالہ شربت کا پیا۔اس کی حلاوت اِس قدر ہے کہ میری طبیعت برداشت نہیں کرتی بایں ہمہ مَیں اس کو پیئے جاتا ہوں اور میرے دل میں یہ خیال بھی گزرتا ہے کہ مجھے پیشاب کثرت سے آتا ہے، اتنا میٹھا اور کثیر شربت مَیں کیوں پی رہا ہوں۔مگر اس پر بھی مَیں اُس پیالے کو پی گیا۔شربت سے مراد کامیابی ہوتی ہے اور یہ اسلام اور ہماری جماعت کی کامیابی کی بشارت ہے۔‘‘ (الحکم جلد ۲نمبر ۲۸،۲۹ مورخہ۲۰ ،۲۷؍ستمبر ۱۸۹۸ء صفحہ۳) ۱۸۹۸ء ’’ مَیں امام الزّمان ہوں اور خدا میری تائید میں ہے اور وہ میرے لئے ایک تیز تلوار کی طرح کھڑا ہے اور مجھے خبر دی گئی ہے کہ جو شرارت سے میرے مقابل پر کھڑا ہوگا وہ ذلیل اور شرمندہ کیا جائے گا۔دیکھو مَیں نے وہ حکم پہنچا دیا جو میرے ذمّہ تھا۔‘‘ (ضرورۃ الامام۔روحانی خزائن جلد ۱۳ صفحہ ۴۹۷) ۱۸۹۸ء ۱ (نوٹ از حضرت مرزا بشیر احمدؓ) لسان العرب میں ہے۔’’غَثَمَ لَہٗ مِنَ الْمَالِ غَثْمَۃً۔اِذَا دَفَعَ لَہٗ دَفْعَۃً ‘‘ اوراقرب الموارد میں ہے۔’’غَثَمَ لَہٗ: دَفَعَ لَہٗ دَفْعَۃً مِّنَ الْمَالِ جَیِّدَۃً۔‘‘ اس لئے الہام کا ترجمہ یہ ہوا۔اُس نے اپنے مال میں سے اس کے لئے بہت سا حصّہ ایک ہی بار الگ کردیا۔

۱۸۹۸ء ’’ خدا نے … مجھےبار بار الہام دیا ہے کہ اس زمانہ میں کوئی معرفت الٰہی اور کوئی محبّت ِ الٰہی تیری معرفت اور محبّت کے برابر نہیں۔‘‘ (ضرورۃ الامام۔روحانی خزائن جلد۱۳ صفحہ ۵۰۲) ۳؍اکتوبر۱۸۹۸ء ’’ صبح کو بعد نماز فجر فرمایا کہ رات کو بعد تہجد لیٹ گیا تو تھوڑی سی غنودگی کے بعد دیکھا کہ میرے ہاتھ میں ’’سُرمہ چشم آریہ‘‘ کے چار ورق ہیں اور کوئی کہتا ہے کہ آریہ لوگ اب خود اس کتاب کو چھپوا رہے ہیں۔‘‘ (الحکم جلد ۲ نمبر ۳۰مورخہ ۸؍اکتوبر ۱۸۹۸ء صفحہ ۶) ۱۴؍اکتوبر ۱۸۹۸ء ۱۴؍اکتوبر ۱۸۹۸ء کو مولوی عبدالکریم صاحبؓ سیالکوٹی خطبہ جمعہ دے رہے تھے۔دَورانِ خطبہ فرمایا۔’’بنی اسرائیل میں سے جو کافر ہوئے اُن پر خدا نے لعنت کی، داؤد ؑ اور مسیحؑ ابن مریم کی زبان سے۔اور یہ اس لئے ہوئی کہ وہ حدِّ اعتدال سے بڑھ نکلے اور نافرمانی کے لئے تجاوز کرگئے۔بنی اسرائیل کا ایسا حال ہوگیا تھا کہ نہی عنِ المنکر اور اَمر بِالمعروف قطعاً چھوڑ دیا تھا۔چھوٹے بڑوں کی شرارتوں پر اور بڑے چھوٹوں کی شیطنتوں پر رضامند ہوگئے تھے۔اس لئے مسیحؑ اور داؤد ؑ کی لسان سے اُن پر لعنت برسی… اب پھر وقت آیا ہے کہ دنیا میں سوکھے ہوئے درخت ہَرے ہوں۔خدا تعالیٰ کے فضل کی بارش ہورہی ہے۔زمانے کا امام آیا ہے جو ابن مریم کے نام سے آیا ہے اور اس کو داؤد بھی کہا گیا ہے۔پس بڑی ضروری اور خطرناک بات ہے کہ ایسا نہ ہو اس کے مقابلہ میں گندی اور ناپاک کوششیں کرنے والے اور اس سے منہ پھیرنے والے اُس لعنت کے نیچے آجاویں، جو داؤد ؑ اور مسیح ابن مریم کی زبان سے ہوئی۔‘‘ جس وقت حضرت مولانا صاحب نے یہ فقرہ (خط کشیدہ) فرمایا۔اسی وقت حضرت اقدس امام ہمام علیہ الصلوٰۃ والسلام کو الہام ہوا کہ۔’’ یہ لعنت ابھی وزیر آباد میں برسی ہے۔‘‘ (الحکم جلد ۲ نمبر ۳۲ مورخہ ۲۲؍اکتوبر ۱۸۹۸ء صفحہ ۵ ب) ۴؍نومبر۱۸۹۸ء ’’ آج ۴؍نومبر ۱۸۹۸ء میں خواب میں مجھ کو دکھلایا گیا کہ ایک شخص روپیہ بھیجتا ہے۔مَیں بہت خوش ہوا اور یقین رکھتا تھا کہ آج روپیہ آئے گا چنانچہ آج ہی ۴؍نومبر ۱۸۹۸ء کو آپ کا

 روپیہ آگیا۔فَالْـحَمْدُ لِلہِ وَجَزَاکُمُ اللہ۔معلوم ہوتا ہے کہ یہ روپیہ بھیجنا درگاہِ الٰہی میں قبول ہے۔‘‘ (از مکتوب بنام ڈاکٹر خلیفہ رشید الدین صاحبؓ، مکتوبات احمد جلد ۴ صفحہ ۲۱۰ مطبوعہ ۲۰۱۵ء) ۱۸۹۸ء ’’ مَیں نے کچھ دن ہوئے خواب میں آپ کی نسبت کچھ بلا اور غم کو دیکھا تھا۔ایسے خوابوں اور الہاموں کو کوئی ظاہر نہیں کرسکتا۔مجھے اندیشہ تھا آخر اس کا یہ پہلو ظاہر ہوا۔یہ تقدیر مبرم تھی جو ظہور میں آئی۔‘‘ (از مکتوب بنام نواب محمد علی خاں صاحبؓ۔مکتوبات احمد جلد ۲ صفحہ ۲۳۳ مطبوعہ ۲۰۰۸ء) ۱۵؍نومبر۱۸۹۸ء ’’ ۱۔اِنِّیْ؎۱ مَعَکُمَا اَسْـمَعُ وَاَرٰی۔۲۔فَاصْبِرْ حَتّٰی یَاْتِیَ اللّٰہُ بِاَمْرِہٖ۔۳۔جَزَآءُ سَيِّئَةٍۭ بِمِثْلِهَا۔۴۔وَ تَـرْھَقُھُمْ ذِلَّۃٌ۔۵۔مَالَھُمْ مِّنَ اللّٰہِ مِنْ عَاصِمٍ۔۶۔فَاصْبِرْ حَتّٰی یَاْتِیَ اللّٰہُ بَاَمْرِہٖ۔۷۔اِنِّیْ مَعَکُمْ اَسْـمَعُ وَاَرٰی۔۸۔اِنِّیْ مَعَکُمَا اَسْـمَعُ وَاَرٰی۔‘‘ (تحریر حضرت مسیح موعود علیہ السلام مندرجہ رجسٹر محاورات العرب ؎۲) ۱۵؍نومبر ۱۸۹۸ء ’’ ۱۔اِنِّیْ مَغْلُوْبٌ فَانْتَصِرْ۔۲۔اِنَّہٗ طَیِّبٌ مَّقْبُوْلُ الرَّحْـمٰنِ۔۳۔اِتَّقِ اللّٰہَ۔۴۔اِنَّ اللّٰہَ مَعَ الْخَآئِفِیْنَ۔؎۳‘‘ (تحریر حضرت مسیح موعود علیہ السلام مندرجہ رجسٹر محاورات العرب) ۱۶؍نومبر۱۸۹۸ء ’’ اِنِّیْ مَعَ الْغَفَّارِ اٰتِیْکَ بَغْتَۃً۔؎۴‘‘ (تحریر حضرت مسیح موعود علیہ السلام مندرجہ رجسٹر محاورات العرب) ۲۰؍نومبر ۱ (ترجمہ از مرتّب) ۱مَیں تم دونوں کے ساتھ ہوں سنتا ہوں اور دیکھتا ہوں۔۲پس تم صبر کرو اس وقت تک کہ اللہ تعالیٰ اپنا حکم نافذ کرے۔۳برائی کا بدلہ ویسا ہی ہوگا۔۴۔اور ان لوگوں پر ذلّت طاری ہوگی۔۵۔اللہ (کے عذاب) سے انہیں کوئی نہیں بچاسکے گا۔۶۔پس تم صبر کرو اس وقت تک کہ اللہ تعالیٰ اپنا حکم نافذ کرے۔۷۔یقیناً مَیں تمہارے ساتھ ہوں سنتا ہوں اور دیکھتا ہوں۔۸۔یقیناً مَیں تم دونوں کے ساتھ ہوں سنتا ہوں اور دیکھتا ہوں۔۲ (نوٹ از مولانا عبد اللطیف بہاولپوری) یہ رجسٹر خلافت لائبریری ربوہ میں موجود ہے یہ رجسٹر وہی ہے جس کی دوسری طرف رشتہ کے لئے لڑکوں اور لڑکیوں کے نام بھی درج ہیں۔۳ (ترجمہ از مرتّب) ۱۔مَیں مغلوب ہوں۔پس میری مدد کر۔۲۔وہ پاک ہے۔خدا کا مقبول ہے۔۳۔اللہ سے ڈر۔۴۔یقیناً اللہ ڈرنے والوں کے ساتھ ہے۔۴ (ترجمہ از مرتّب) مَیں خدائے غفار کے ساتھ ہوں تیرے پاس اچانک آؤں گا۔

۲۰؍نومبر ۱۸۹۸ء (الف) ’’الہام۔محمد علی خان بِاَیِّ عَزِیْزٍ بَعْدَ ہٗ تَعْلَمُوْنَ مولوی محمد علی؎۱ خدا میرا بھی گنہ بخشے۔‘‘ (تحریر حضرت مسیح موعود علیہ السلام مندرجہ رجسٹر محاورات العرب) (ب) ’’ یہ رات جو پیر کی گزری ہے اس میں غالباً تین بجے کے قریب آپ کی نسبت مجھے الہام ہوا تھا اور وہ یہ ہے۔فَبِاَیِّ عَزِیْزٍ بَعْدَہٗ تَعْلَمُوْنَ۔یہ اللہ جلّ شَانُہٗ کا کلام ہے۔وہ آپ کو مخاطب کرکے کہتا ہے کہ اس حادثہ کے بعد اور کون سا بڑا حادثہ ہے جس سے تم عبرت پکڑو گے۔‘‘ (از مکتوب بنام نواب محمد علی خاں صاحبؓ۔مکتوبات احمد جلد ۳ صفحہ ۳۹۵ مطبوعہ ۲۰۱۳ء) ۲۱؍ نومبر۱۸۹۸ء ’’ شیخ محمد حسین صاحب بٹالوی… نے اِس راقم کی تحقیر اور توہین اور دشنام دہی میں کوئی کسر اُٹھا نہیں رکھی…میرے بعض دوستوں نے کمال نرمی اور تہذیب سے شیخ صاحب موصوف سے یہ درخواست کی تھی کہ … آپ مُباہلہ کرکے تصفیہ کرلیں کیونکہ جب کسی طرح جھگڑا فیصلہ نہ ہوسکے تو آخری طریق خدا کا فیصلہ ہے جس کو مباہلہ کہتے ہیں۔اور یہ بھی کہا گیا تھا کہ اثر مُباہلہ کے لئے اس طرف سے ایک سال کی شرط ہے اور یہ شرط الہام کی بنا پر ہے… شیخ محمد حسین نے … بجائے اس کے کہ نیک نیتی سے مُباہلہ کے میدان میں آتا یہ طریق اختیار کیا کہ ایک گندہ اور گالیوں سے پُر اشتہار لکھ کر محمد بخش جعفر زٹلّی اور ابوالحسن تبّتی کے نام سے چھپوا دیا۔اس وقت وہ اشتہار میرے سامنے رکھا ہے اور مَیں نے خدا تعالیٰ سے دعا کی ہے کہ وہ مجھ میں اور محمد حسین میں آپ فیصلہ کرے اور وہ دعا جو مَیں نے کی ہے یہ ہے کہ ’’اے میرے ذوالجلال پروردگار! اگر مَیں تیری نظر میں ایسا ہی ذلیل اور جھوٹا اور مفتری ہوں جیسا کہ ۱ (نوٹ از مولانا عبد اللطیف بہاولپوری) ان دونوں ناموں کے سامنے یہ دو الہام لکھے ہیں۔پہلا الہام جیسا کہ نواب محمد علی خان صاحبؓ کے متعلق ہے۔اسی طرح یہ دوسرا الہام مولوی محمد علی صاحب کے متعلق معلوم ہوتا ہے۔وَاللہُ اَعْلَمُ۔

اور چند عربی الہامات ہوئے جو ذیل میں درج کئے جاتے ہیں۔۱۔اِنَّ الَّذِیْنَ یَصُدُّ۔وْنَ عَنْ سَبِیْلِ اللّٰہِ سَیَنَالُھُمْ غَـضَبٌ مِّنْ رَّبِّـھِمْ۔۲۔ضَـرْبُ اللّٰہِ اَشَدُّ مِنْ ضَـرْبِ النَّاسِ۔۳۔اِنَّـمَآ اَمْرُنَـآ اِذَا اَرَدْنَا شَیْئًا اَنْ نَّقُوْلَ لَہٗ کُنْ فَیَکُوْنُ۔۴۔اَتَعْــجَبُ لِاَمْرِیْ۔اِنِّیْ مَعَ الْعُشَّاقِ۔۵۔اِنِّیْ اَنَا الرَّحْـمٰنُ ذُوالْمَجْدِ وَ الْعُلٰی۔۶۔وَ یَعَضُّ الظَّالِمُ عَلٰی یَدَیْہِ۔۷۔وَیُطْرَحُ بَیْنَ یَدَیَّ۔۸۔جَزَآءُ سَیِّئَۃٍ بِّـمِثْلِھَا۔۹۔وَ تَـرْھَقُھُمْ ذِلَّۃٌ۔۱۰۔مَالَھُمْ مِّنَ اللّٰہِ مِنْ عَاصِمٍ۔۱۱۔فَاصْبِرْ حَتّٰی یَاْتِیَ اللّٰہُ بِاَمْرِہٖ۔۱۲۔اِنَّ اللّٰہَ مَعَ الَّذِیْنَ اتَّقَوْا وَّالَّذِیْنَ ھُمْ مُّـحْسِنُوْنَ۔؎۱ یہ خدا تعالیٰ کا فیصلہ ہے جس کا ماحصل یہی ہے کہ ان دونوں فریق میں سے جن کا ذکر اس اشتہار میں ہے۔یعنی یہ خاکسار ایک طرف اور شیخ محمد حسین اور جعفر زٹلّی اور مولوی ابو الحسن تبّتی دوسری طرف خدا کے حکم کے نیچے ہیں ان میں سے جو کاذب ہے وہ ذلیل ہوگا۔یہ فیصلہ چونکہ الہام کی بناء پر ہے اس لئے حق کے طالبوں کے لئے ایک کُھلا کُھلا نشان ہوکر ہدایت کی راہ اُن پر کھولے گا… اور عربی الہامات کا خلاصہ مطلب یہ ہے کہ جو لوگ سچے کی ذلّت کے لئے بدزبانی کررہے ہیں اور منصوبے باندھ رہے ہیں خدا اُن کو ذلیل کرے گا اور میعاد ۱۵پندرہ دسمبر ۱۸۹۸ء سے تیر۱۳ہ مہینے ہیں جیسا کہ ذکر ہوچکا ہے اور ۱۴؍دسمبر۱۸۹۸ء تک جو دن ہیں وہ توبہ اور رجوع کے لئے مہلت ہے۔فقط ؎۲۔‘‘ (اشتہار مورخہ ۲۱؍نومبر ۱۸۹۸۔مجموعہ اشتہارات جلد۲ صفحہ۴۴۶ تا ۴۵۰ مطبوعہ ۲۰۱۸ء) ۱ (ترجمہ از مرتّب) ۱۔جو لوگ اللہ تعالیٰ کی راہ سے روک رہے ہیں اُن پر ان کے ربّ کی طرف سے غضب نازل ہوگا۔۲۔اللہ کی مار لوگوں کی مار سے زیادہ سخت ہوتی ہے۔۳۔ہم جب کسی بات کا ارادہ کریں تو اس کے متعلق ہمارا حکم صرف یہ ہوتا ہے کہ ہو جا تو وہ ہوجاتی ہے۔۴۔کیا تم میرے حکم پر تعجب کرتے ہو۔مَیں عاشقوں کے ساتھ ہوتا ہوں۔۵۔مَیں ہی ہوں رحمت کرنے والا مجد اور بزرگی کا مالک۔۶۔اور ظالم اپنے دونوں ہاتھ کاٹے گا۔۷۔اور میرے سامنے پھینکا جائے گا۔۸۔بدی کا بدلہ ویسا ہی ہوگا۔۹۔اور ان لوگوں پر ذلّت طاری ہوگی۔۱۰۔اللہ (کے عذاب) سے کوئی انہیں بچا نہیں سکے گا۔۱۱۔پس تم صبر کرو اس وقت تک کہ اللہ تعالیٰ اپنا حکم نافذ کرے۔۱۲۔اللہ تعالیٰ اُن لوگوں کے ساتھ ہوتا ہے جو تقویٰ اختیار کرتے ہیں اور جو نیکو کار ہوتے ہیں۔۲ حضرت مسیح موعود علیہ السلام تحریر فرماتے ہیں۔’’اشتہار بطور مباہلہ ۲۱؍نومبر ۱۸۹۸ء … میں فریق ظالم اور کاذب کی نسبت یہ عربی الہام تھا کہ جَزَآءُ سَیِّئَۃٍ بِّـمِثْلِھَا وَتَرْھَقُھُمْ ذِلَّۃٌ۔یعنی جس قسم کی فریق مظلوم کو بدی پہنچائی گئی ہے اُسی

·

آج 10 میں سے 10 باقی