تذکرہ یعنی وحی مقدّس و روٴیا و کشوف حضرت مسیح موعود علیہ الصلوٰة و السلام

حصہ 25

Urdu text of the edition of the Ahmadiyya Muslim Jamaat.

۲۱؍دسمبر ۱۸۹۸ء ’’ آج صبح کے وقت مجھ کو یہ الہام ہوا۔قادر ہے وہ بارگاہ ٹوٹا کام بناوے بنا بنایا توڑ دے کوئی اُس کا بھید نہ پاوے‘‘ (از مکتوب بنام سیٹھ عبدالرحمٰن صاحبؓ مدراسی۔مکتوباتِ احمد جلد ۲ صفحہ ۳۹۱ مطبوعہ ۲۰۰۸ء) ۳۱؍دسمبر ۱۸۹۸ء ’’ فرمایاکہ رات یعنی ۳۱؍دسمبر ۱۸۹۸ء کی شب کو الہام ہوا۔اَلسُّھَیْلُ الْبَدْ رِیُّ؎۱ پھر فرمایا کہ سہیل وہ ستارہ ہے جس کو وَلَدُ الزِّنَاکُش بھی کہتے ہیں کیونکہ جب وہ طلوع ہوتا ہے تو تَکَوُّنِی کیڑے ہلاک ہوجاتے ہیں۔ابو الفضل نے اسی ستارہ کی نسبت لکھا ہے۔ع وَلَدُ الزّنا کش آمد چوستارۂ یمانی‘‘ (الحکم جلد ۳ نمبر ۱ مورخہ ۱۰؍جنوری ۱۸۹۹ء صفحہ ۶) ۱۸۹۸ء ’’ خوا جہ جمال الدین صاحب بی۔اے جو ہماری جماعت میں داخل ہیں جب امتحان منصفی میں فیل ہوئے اور ان کو بہت ناکامی اور ناامیدی لاحق ہوئی اور سخت غم ہوا تو اُن کی نسبت مجھے الہام ہوا کہ سَــــیُـــــغْــــــــــفَــــــــــــــــــــرُ یعنی اللہ تعالیٰ اُن کے اس غم کا تدارک کرے گا چنانچہ اس کے مطابق وہ جلد ریاستِ کشمیر میں ایک ایسے بقیہ حاشیہ۔قسم کی فریق ظالم کو جزا پہنچے گی۔سو آج یہ پیشگوئی کامل طور پر پوری ہوگئی کیونکہ مولوی محمد حسین نے بد زبانی سے میری ذلّت کی تھی اور میرا نام کافر اور دجّال اور کذّاب اور ملحد رکھا تھا اور یہی فتویٰ کفر وغیرہ کا میری نسبت پنجاب اور ہندوستان کے مولویوں سے لکھوایا اور اسی بنا پر محمد حسین مذکور کی تعلیم سے اور خود اس کے لکھوانے سے محمد بخش جعفر زٹلی لاہور وغیرہ نے گندے بہتان میرے پر اور میرے گھر کے لوگوں پر لگائے۔سو اب یہی فتویٰ پنجاب اور ہندوستان کے مولویوں بلکہ خود محمد حسین کے اُستاد نذیر حسین نے اس کی نسبت دے دیا یعنی یہ کہ وہ کذّاب اور دجّال اور مفتری اور کافر اور بدعتی اور اہل سنّت سے خارج بلکہ اسلام سے خارج ہے۔‘‘ (اشتہار مورخہ ۳؍جنوری ۱۸۹۹ء۔مجموعہ اشتہارات جلد ۲ صفحہ ۴۸۹ مطبوعہ ۲۰۱۸ء تفصیل کے لئے دیکھیے اشتہار ۲۷؍دسمبر ۱۸۹۸ء۔مجموعہ اشتہارات جلد ۲ صفحہ۴۷۲ تا ۴۷۶ مطبوعہ ۲۰۱۸ء) ۱ (نوٹ از مولانا عبد اللطیف بہاولپوری) سہیل ستارہ جو عرب علاقوں میں موسم گرما کے بعد ہونے والی بارشوں کے بعد طلوع ہوتا ہے۔

ایسے عہدہ پر ترقی یاب ہوئے جو عہدہ منصفی سے اُن کے لئے بہتر ہوا۔یعنی وہ تمام ریاست جموں کشمیر کے انسپکٹر مدارس ہوگئے۔‘‘ (نزول المسیح۔روحانی خزائن جلد ۱۸ صفحہ ۵۹۱) قریباً ۱۸۹۸ء ؎۱ ’’ ایک دفعہ ہمارے لڑکے بشیر احمد کی آنکھیں بہت خراب ہوگئی تھیں۔پلکیں گر گئی تھیں اور پانی بہتا رہتا تھا۔آخر ہم نے دُعا کی تو الہام ہوا۔بَـرَّقَ طِفْلِیْ بَشِیْرٌ یعنی میرے لڑکے بشیر احمد کی آنکھیں اچھی ہوگئیں۔اِس الہام کے ایک ہفتہ بعد اللہ تعالیٰ نے اس کو شفا دے دی اور آنکھیں بالکل تندرست ہوگئیں۔اس سے پہلے کئی سال انگریزی اور یونانی علاج کیا گیا تھا مگر کچھ فائدہ نہیں ہوتا تھا بلکہ حالت اَبتر ہوتی جاتی تھی۔‘‘ (نزول المسیح۔روحانی خزائن جلد ۱۸ صفحہ ۶۰۸) ۱۵؍جنوری ۱۸۹۹ء ’’ مَا کَانَ اللّٰہُ اَنْ یُّعَذِّ بَـھُمْ وَاَنْتَ فِیْـھِمْ۔‘‘؎۲ (تحریر حضرت مسیح موعود علیہ السلام براوراق ملحقہ کتاب تعطیرالانام ) ۱۸؍جنوری ۱۸۹۹ء ’’ غِیْضَ الْمَآءُ وَقُضِیَ الْاَمْرُ۔‘‘ (تحریر حضرت مسیح موعود علیہ السلام بر اوراق ملحقہ کتاب تعطیر الانام) (ترجمہ) پانی خشک ہوگیا اور بات کا فیصلہ ہوا۔(حقیقۃ المہدی۔روحانی خزائن جلد ۱۴ صفحہ ۴۴۶) ۳؍فروری ۱۸۹۹ء (الف) ’’ مجھے ۲۱ ؍رمضان المبارک ۱۳۱۶ھ جمعہ کی رات میں جس میں انتشارِ رُوحانیت مجھے محسوس ہوتا تھا اور میرے خیال میں تھا کہ یہ لیلۃُ القدر ہے اور آسمان سے نہایت آرام اور آہستگی سے مینہ برس رہا تھا، ایک رؤیاہوا۔یہ رؤیااُن کے لئے ہے جو ہماری گورنمنٹ عالیہ کو ہمیشہ میری نسبت شک میں ڈالنے ۱ (نوٹ از مولانا جلال الدین شمسؓ) الہام کی یہ تاریخ تخمینی ہے اور اس تاریخ کے لحاظ سے حضرت میاں بشیر احمدؓ صاحب کی عمر اس وقت پانچ سال کی بنتی ہے حالانکہ آپ قریباً سات سال کی عمر تک آنکھوں کی تکلیف میں مبتلا رہے اس لئے الہام کی تاریخ غالباً ۱۹۰۰ء کے قریب بنتی ہے۔۲ (ترجمہ از مرتّب) خدا ایسا نہیں کہ انہیں اس حال میں عذاب دے کہ تُو ان میں ہو۔

مَیں نے اس کی یہ تعبیر؎۱کی ہے کہ وہ ظالم طبع مخالف جو میرے پر خلافِ واقعہ اور سراسر جھوٹ باتیں بنا کر گورنمنٹ تک پہنچاتے ہیں وہ کامیاب نہیں ہوں گے اور جیسا کہ خدا تعالیٰ نے خواب میں ایک پتھر کو بھینس بنادیا اور اُس کو لمبی اور روشن آنکھیں عطا کیں اِسی طرح انجام کار وہ میری نسبت حُکّام کو بصیرت اور بینائی عطا کرے گا اور وہ اصل حقیقت تک پہنچ جائیں گے۔یہ خدا کے کام ہیں اور لوگوں کی نظر میں عجیب۔‘‘ (حقیقۃ المہدی۔روحانی خزائن جلد ۱۴ صفحہ ۴۴۳ تا۴۴۵) (ب) ’’ اب فوجداری مقدّمہ کی تاریخ ۱۴؍فروری ۱۸۹۹ء ہوگئی ہے۔دراصل بات یہ ہے کہ اب تک یہی معلوم ہوتا ہے کہ حاکم کی نیت بخیر نہیں۔جمعہ کی رات مجھے یہ خواب آئی ہے کہ ایک لکڑی یا پتھر کو مَیں نے جنابِ الٰہی میں دعا کرکے بھینس بنا دیا ہے اور پھرا س خیال سے کہ ایک بڑا نشان ظاہر ہوا ہے۔سجدہ میں گرا ہوں اور بلند آواز سے کہتا ہوں کہ رَبِّیَ الْاَعْلٰی۔رَبِّیَ الْاَعْلٰی۔میرے خیال میں ہے کہ شاید اس کی یہ تعبیر ہو کہ لکڑی اور پتھر سے مراد وہی سخت دل اور منافق طبع حاکم ہو اور پھر میری دُعا سے اس کا بھینس بن جانا اس بات کی طرف اشارہ ہو کہ وہ ہمارے لئے ایک مفید چیز بن گئی ہے جس کے دُودھ کی اُمید ہے۔اگر یہ تاویل درست ہے تو امید قوی ہے کہ مقدّمہ پلٹا کھا کر نیک صورت پر آجائے گا اور ہمارے لئے مفید ہوجائے گا اور سجدہ کی تعبیر یہ لکھی ہے کہ دشمن پر فتح ہو۔الہامات بھی اس کے قریب قریب ہیں اور یہ بھی ممکن ہے کہ اس خواب کے ظہور کا محل کوئی اَور ہو۔بہرحال ہمارے لئے بہتر ہے خواہ کسی پیرایہ میں ہو۔‘‘ (ماخوذ از مکتوب بنام ڈاکٹر خلیفہ رشید الدین صاحبؓ۔مکتوبات احمد جلد ۴ صفحہ ۲۱۲ مطبوعہ ۲۰۱۵ء ) ۱۸۹۹ء ’’ مسٹر ڈ۲؎وئی صاحب ڈپٹی کمشنر گورداسپور کے پاس میری نسبت بہ نیت سزا دلانے کے فوجداری میں ایک مقدّمہ پولیس نے بنایا تھا اور اُس کی نسبت خدا تعالیٰ نے مجھے بتلایا کہ ایسی کوشش کرنے والے نامراد ۱ حضرت مسیح موعود علیہ السلام تحریر فرماتے ہیں۔’’ظاہر معلوم ہوتا ہے کہ اس مقدّمہ۳؎ کے متعلق یہ خواب ہے کیونکہ پتھر یا لکڑی سے وہ منافق حاکم مراد ہے جس کا ارادہ یہ ہے کہ بدی پہنچاوے اور جس کی آنکھیں بند ہیں اور پھر بھینس بن جانا اور بڑی بڑی آنکھیں ہوجانا۔اس کی یہ تعبیر معلوم ہوتی ہے کہ یک دفعہ کوئی ایسے امور پیدا ہوجائیں جن سے حاکم کی آنکھیں کھل جائیں۔‘‘ (از مکتوب بنام چودھری رستم علی صاحبؓ۔مکتوبات احمدجلد ۲ صفحہ ۶۳۷،۶۳۸ مطبوعہ ۲۰۰۸ء) ۲ Mr۔Dowie ۳ یعنی اس مقدمہ کے متعلق جو پولیس نےمسٹر ڈوئی ڈپٹی کمشنر گورداسپور کی عدالت میں حضرت مسیح موعود ؑ کے خلاف دائر کیا تھا۔(ناشر)

رہیں گے چنانچہ ایسا ہی ظہور میں آیا۔اس بارہ میں خدا تعالیٰ نے مجھے فرمایا۔اِنَّا تَـجَالَـدْ نَا فَانْقَطَعَ الْعَدُ وُّ وَاَسْبَا بُہٗ یعنی ہم نے تلوار کے ساتھ جنگ کیا۔پس نتیجہ یہ ہوا کہ دشمن ہلاک ہوگیا اور اُس کےاسباب بھی ہلاک ہوئے۔اس جگہ دشمن سے مراد ایک ڈپٹی انسپکٹر ہے جس نے ناحق عداوت سے مقدّمہ بنایا تھا۔آخر طاعون سے ہلاک ہوا۔‘‘ (حقیقۃ الوحی۔روحانی خزائن جلد ۲۲ صفحہ ۲۲۷) ۱۸۹۹ء ’’ اِس؎۱کے بعد جو مجھے الہام ہوئے وہ اسی رؤیاکے مؤ یّد ہیں۔وہ بھی ذیل میں لکھتا ہوں تاکہ اُس آخری وقت میں جب یہ باتیں پوری ہوں ، لوگوں کے ایمان قوی ہوں… اور الہامات جو اس خواب کے مؤیّد ہیں یہ ہیں۔۱۔اِنَّ اللّٰہَ مَعَ الَّذِیْنَ اتَّقَوْا وَّالَّذِیْنَ ھُمْ مُّـحْسِنُوْنَ۔۲۔اَنْتَ مَعَ الَّذِیْنَ اتَّقَوْا۔اَنْتَ مَعِیْ یَا اِبْرَاھِیْمُ۔۳۔یَاْتِیْکَ نُصْرَتِیْ۔۴۔اِنِّیْ اَنَا الرَّحْـمٰنُ ۵۔یَا اَرْضُ ابْلَعِیْ مَآءَکِ۔۶۔غِیْضَ ؎۲ الْمَآءُ وَقُضِیَ الْاَمْرُ۔۷۔سَلَامٌ قَوْلًا مِّنْ رَّبٍّ رَّحِیْمٍ۔۸۔وَامْتَازُوا الْیَوْمَ اَیُّـھَاالْمُجْرِمُوْنَ۔۹۔اِنَّا تَجَالَدْنَا فَانْقَطَعَ الْعَدُوُّ وَاَسْبَا بُہٗ۔۱۰۔وَیْلٌ لَّھُمْ اَنّٰی یُؤْفَکُوْنَ۔۱۱۔یَعَضُّ الظَّالِمُ عَلٰی یَدَیْہِ وَیُوْثَقُ۔۱۲۔وَاِنَّ اللّٰہَ مَعَ الْاَبْرَارِ۔وَاِنَّہٗ عَلٰی نَصْـرِھِمْ لَقَدِیْرٌ۔۱۳۔شَاھَتِ الْوُجُوْہُ۔۱۴۔اِنَّہٗ مِنْ اٰیَۃِ اللّٰہِ وَ اِنَّہٗ فَتْحٌ عَظِیْمٌ۔۱۵۔اَنْتَ اِسْـمِیَ الْاَعْلٰی۔۱۶۔وَاَنْتَ مِنِّیْ بِـمَنْزِلَۃِ مَـحْبُوْبِیْنَ۔۱۷۔اِخْتَرْتُکَ لِنَفْسِیْ۔قُلْ اِنِّیْ اُمِرْتُ وَ اَنَـا اَوَّلُ الْمُؤْمِنِیْنَ۔یعنی ۱۔خدا پرہیزگاروں کے ساتھ ہے۔۲۔اور تُو پرہیزگاروں کے ساتھ ہے اور تو میرے ساتھ ہے اے ابراہیم۔۳۔میری مدد تجھے پہنچے گی۔۴۔مَیں رحمان ہوں۔۵۔اےزمین! اپنے پانی کو یعنی خلافِ واقعہ اور فتنہ انگیز شکایتوں کو جو زمین پر پھیلائی گئی ہیں نِگل جا۔۶۔پانی خشک ہوگیا اور بات کا فیصلہ ہوا۔۷۔تجھے سلامتی ہے یہ ربِّ رحیم نے فرمایا۔۸۔اور اے ظالمو! آج تم الگ ہوجاؤ۔۹۔ہم نے دشمن کو مغلوب کیا اور اس کے تمام اسباب کاٹ دیئے۔۱۰۔ان پر واویلا ہے۔کیسے افترا کرتے ہیں۔۱۱۔ظالم اپنے ہاتھ کاٹے گا اور اپنی شرارتوں سے روکا جائے گا۔۱۲۔اور ۱ یعنی مندرجہ بالا خواب ۳؍فروری ۱۸۹۹ء (مرزا بشیر احمد) ۲ (نوٹ از ناشر) حضرت مسیح موعود علیہ السلام نے بر اوراق ملحقہ کتاب تعطیر الانام اس الہام کی تاریخ ۱۸؍جنوری ۱۸۹۹ء درج فرمائی ہے۔یہ اوراق جماعت کے ریکارڈ میں موجود ہیں۔

خدا نیکوں کے ساتھ ہوگا۔وہ اُن کی مدد پر قادر ہے۔۱۳۔مونہہ بگڑیں گے۔۱۴۔خدا کا یہ نشان ہے اور یہ فتحِ عظیم ہے۔۱۵۔تُو میرا وہ اِسم ہے جو سب سے بڑا ہے۔۱۶۔اور تُو محبوبین کے مقام پر ہے۔۱۷۔مَیں نے تجھے اپنے لئے چُنا۔۱۸۔کہہ مَیں مامور ہوں اور تمام مومنوں میں سے پہلا ہوں۔‘‘ (حقیقۃ المہدی۔روحانی خزائن جلد ۱۴ صفحہ۴۴۶) ۱۸۹۹ء ’’ وہ مقدمہ جو منشی محمد بخش ڈپٹی انسپکٹر بٹالہ کی رپورٹ کی بنا پر دائر ہوکر عدالت مسٹر ڈوئی صاحب مجسٹریٹ ضلع گورداسپورہ میں میرے پر چلایا گیا تھا … اس مقدمہ کے انجام سے خدا تعالیٰ نے پیش از وقت مجھے بذریعہ الہام خبر دے دی کہ وہ مجھے آخر کار دشمنوں کے بد ارادے سے سلامت اور محفوظ رکھے گا اور مخالفوں کی کوششیں ضائع جائیں گی۔سو ایسا ہی وقوع میں آیا… قبل اِس کے جو یہ مقدمہ دائر ہو مجھے خدا تعالیٰ نے اپنے الہام کے ذریعہ سے اطلاع دی تھی کہ تم پر ایسا مقدّمہ عنقریب ہونے والا ہے اور اس اطلاع پانے کے بعد مَیں نے دعا کی اور وہ دعا منظور ہوکر آخر میری بریّت ہوئی اور قبل انفصال مقدمہ کے یہ الہام بھی ہوا کہ تیری عزت اور جان سلامت رہے گی اور دشمنوں کے حملے جو اسی بد غرض کے لئے ہیں اُن سے تجھے بچایا جائے گا۔‘‘ (تریاق القلوب۔روحانی خزائن جلد۱۵ صفحہ ۳۰۹) ۱۸۹۹ء ’’ ظہر کی نماز کا وقت تھا کہ یک دفعہ مجھے الہام ہوا کہ تَرٰی فَـــخِــذًا اَلِــیْـمًا یعنی تُو ایک دردناک ران دیکھے گا۔تب مَیں نے یہ الہام اس؎۱کو سنایا اور پھر بعد اس کے بلا توقف مَیں نماز کے لئے مسجد کی طرف روانہ ہونے لگا اور وہ بھی میرے ساتھ ہی زینہ پر سے اُترا۔جب ہم زینہ پر سے اُتر آئے تو دو گھوڑوں پر دو لڑکے سوار دکھائی دیئے جن کی عمر بیس برس کے اندر اندر ہوگی ایک کچھ چھوٹا اور ایک بڑا۔وہ سوار ہونے کی حالت میں ہی ہمارے پاس آکر کھڑے ہوگئے ایک نے ان میں سے مجھ کو کہا کہ یہ دوسرا سوار میرا بھائی ہے اور اس کی ران میں سخت درد ہورہا ہے اس کا کوئی علاج پوچھنے آئے ہیں۔تب مَیں نے حامد علی کو کہہ دیا کہ گواہ رہ کہ یہ پیشگوئی دو تین منٹ میں ہی پوری ہوگئی۔‘‘ (تریاق القلوب۔روحانی خزائن جلد ۱۵ صفحہ ۱۹۶،۱۹۷) ۱ یعنی شیخ حامد علی کو۔(مرزا بشیر احمد)

۱۰؍ مارچ ۱۸۹۹ء ’’۱۰؍ مارچ ۱۸۹۹ء کی صبح کو بوقت سیر حضرت حجۃ اللہ نے فرمایاکہ ’’ مَیں نے خواب میں دیکھا کہ مبارکہ سلّمہا اللہ پنجابی زبان میں بول رہی ہے کہ مینوں کوئی نہیں کہہ سکدا کہ ایسی آئی جس نے ایہہ مصیبت پائی۔‘‘ (الحکم جلد ۷ نمبر ۲۱ مورخہ۱۰؍جون ۱۹۰۳ء صفحہ۲) ۱۳ ؍اپریل ۱۸۹۹ء ’’۱۳؍اپریل ۱۸۹۹ء کو یہ الہام ہوا۔اِصْبِرْ مَلِیًّا سَاَھَبُ لَکَ غُلَامًا زَکِیًّا یعنی کچھ تھوڑا عرصہ صبر کر کہ مَیں تجھے ایک پاک لڑکا عنقریب عطا کروں گا اور یہ پنجشنبہ کا دن تھا اور ذی الحج ۱۳۱۶ھ کی دوسری تاریخ تھی جبکہ یہ الہام ہوا اور اس الہام کے ساتھ ہی یہ الہام ہوا رَبِّ اَصِـحَّ زَوْجَتِیْ ھٰذِہٖ یعنی اے میرے خدا! میری اِس بیوی کو بیمار ہونے سے بچا اور بیماری سے تندرست کر۔یہ اس بات کی طرف اشارہ تھا کہ اس بچہ کے پیدا ہونے کے وقت کسی بیماری کا اندیشہ؎۱ ہے۔سو اس الہام کو مَیں نے اس تمام جماعت کو سنادیا جو میرے پاس قادیان میں موجود تھے اور اخویم مولوی عبدالکریم صاحب نے بہت سے خط لکھ کر اپنے تمام معزز دوستوں کو اس الہام سے خبر کر دی۔‘‘ (تریاق القلوب۔رُوحانی خزائن جلد۱۵ صفحہ ۲۱۶، ۲۱۷) ۱۹؍مئی ۱۸۹۹ء ’’۱۹؍ مئی ۱۸۹۹ء کو حضرت اقدسؑ کو یہ الہام ہوا تھا۔’’ اِنَّـا لَنَعْلَمُ الْاَمْرَ وَ اِنَّـا عَالِمُوْنَ سَیُبْدَی الْاَمْرُ وَنَنْسِفَنَّ نَسْفًا۔‘‘ ؎۲ (از خط مولوی عبدالکریم صاحبؓ۔مندرجہ الحکم جلد ۳ نمبر۲۲ مورخہ ۲۳؍جون ۱۸۹۹ء صفحہ ۸) ۱ حضرت مسیح موعود علیہ السلام تحریر فرماتے ہیں۔’’بچہ پیدا ہونے کے بعد جیسا کہ الہام کا منشا تھا میری بیوی بیمار ہوگئی چنانچہ اب تک بعض عوارض مرض موجود ہیں اور اعراض شدیدہ سے بفضلہ تعالیٰ صحت ہوگئی ہے۔‘‘ (تریاق القلوب۔روحانی خزائن جلد۱۵ صفحہ ۲۱۷ حاشیہ) ۲ (ترجمہ از مرتّب) ہم اصل بات جانتے ہیں اور بے شک ہم جاننے والے ہیں۔وہ بات عنقریب ظاہر کردی جائے گی اور یقیناً ہم ذرّہ ذرّہ کرکے اُڑادیں گے۔

۱۳؍جون ۱۸۹۹ء (الف) ’’جب ۱۳؍جون ۱۸۹۹ء کا دن چڑھا جس پر الہام مذکورہ کی تاریخ کو جو ۱۳؍اپریل ۱۸۹۹ء کو ہوا تھا پورے ۲دو مہینے ہوتے تھے تو خدا تعالیٰ کی طرف سے اُسی لڑکےکی مجھ میں رُوح بولی اور الہام کے طور پر یہ کلام اس کا مَیں نے سنا۔اِنِّیْ اَسْقُطُ مِنَ اللّٰہِ وَ اُصِیْبُہٗ یعنی اَب میرا وقت آگیا اور مَیں اب خدا کی طرف سے اور خدا کے ہاتھوں سے زمین پر گروں گا اور پھراُسی کی طرف جاؤں گا… اور پھر بعد اس کے ۱۴؍جون ۱۸۹۹ء کو وہ پیدا ہوا۔‘‘ (تریاق القلوب۔روحانی خزائن جلد ۱۵ صفحہ ۲۱۷) (ب)’’ مجھے خدا تعالیٰ نے خبر دی کہ مَیں تجھے ایک اَور لڑکا دوں گا اور یہ وہی چوتھا لڑکا ہے جو اَب پیدا ہوا جس کا نام مبارک احمد رکھا گیا اور اس کے پیدا ہونے کی خبر قریباً ۲دو برس؎۱ پہلے مجھے دی گئی اور پھر اس وقت دی گئی کہ جب اس کے پیدا ہونے میں قریباً ۲دو مہینے باقی رہتے تھے اور پھر جب یہ پیدا ہونے کو تھا یہ الہام ہوا۔اِنِّیْ اَسْقُطُ مِنَ اللّٰہِ وَ اُصِیْبُہٗ یعنی مَیں خدا کے ہاتھ سے زمین پر گرتا ہوں اور خدا ہی کی طرف جاؤں گا۔مَیں نے اپنے اجتہاد سے اِس کی یہ تاویل کی کہ یہ لڑکا نیک ہوگا اور رُو بخدا ہوگا اور خدا کی طرف اس کی حرکت ہوگی اور یا یہ کہ جلد فوت ہوجائے؎۲ گا۔اس بات کا علم خدا تعالیٰ کو ہے کہ ان دونوں باتوں میں سے کونسی بات اس کے ارادہ کے موافق ہے۔‘‘ (تریاق القلوب۔روحانی خزائن جلد ۱۵ صفحہ ۲۱۳،۲۱۴) ۱۳؍ جون ۱۸۹۹ء ’’ پھر اس؎۳ کے بعد الہام ہوا۔کَــفٰی ھٰــذَا ‘‘؎۴ (از خط مولوی عبدالکریم صاحبؓ مندرجہ الحکم جلد ۳ نمبر ۲۳ مورخہ ۳۰؍جون ۱۸۹۹ء صفحہ۷) (نوٹ از حضرت مرزا بشیر احمدؓ) ایک رنگ میں اس پسر چہارم کا وعدہ اس کے ظہور کے چودہ برس پہلے بھی دیا گیا تھا دیکھیے الہام ۱۸۸۵ء صفحہ ۱۱۳۔۲ (نوٹ از مولانا جلال الدین شمسؓ) صاحبزادہ مرزا مبارک احمد بچپن میں ہی ۱۶؍ستمبر ۱۹۰۷ء کو وفات پاگیا۔۳ (نوٹ از حضرت مرزا بشیر احمدؓ) یعنی الہام اِنِّیْٓ اَسْقُطُ مِنَ اللّٰہِ وَ اُصِیْبُہٗ کے بعد۔۴ (ترجمہ از مرتّب) یہ کافی ہے۔(نوٹ ازمولانا عبد اللطیف بہاولپوری) اس میں اس طرف اشارہ ہے کہ اب آپ کے ہاں کوئی اور نرینہ بچہ پیدا نہ ہوگا۔

۱۴؍جون ۱۸۹۹ء ’’ میرے گھر میں جو ایامِ اُمید تھے ۱۴؍ جون کو اوّل دردِ زہ کے وقت ہولناک حالت پیدا ہوگئی یعنی بدن تمام سرد ہوگیا اور ضعف کمال کو پہنچا اور غشی کے آثار ظاہر ہونے لگے۔اس وقت مَیں نے خیال کیا کہ شاید اب اس وقت یہ عاجزہ اس فانی دنیا کو الوداع کہتی ہے۔بچوں کی سخت دردناک حالت تھی اور دوسرے گھر میں رہنے والی عورتیں اور اُن کی والدہ تمام مُردہ کی طرح اور نیم جان تھے کیونکہ ردّی علامتیں یک دفعہ پیدا ہوگئی تھیں۔اس حالت میں اُن کا آخری دَم خیال کرکے اور پھر خدا کی قدرت کو بھی مظہر العجائب یقین کرکے اُن کی صحت کے لئے مَیں نے دعا کی۔یک دفعہ حالت بدل گئی اور الہام ہوا۔تَـحْوِیْلُ الْمَوْتِ یعنی ہم نے موت کو ٹال دیا اور دوسرے وقت پر ڈال دیا اور بدن پھر گرم ہوگیا اور حواس قائم ہوگئے اور لڑکا پیدا ہوا جس کا نام مبارک احمد رکھا گیا۔‘‘ (از مکتوب بنام سیٹھ عبدالرحمٰن صاحبؓ مدراسی۔مکتوبات احمد جلد ۲ صفحہ ۳۹۶ مطبوعہ ۲۰۰۸ء) ۱۷؍ جون ۱۸۹۹ء ’’ ایک خواب ۱۷؍ جون ۱۸۹۹ء کو آیا اور وہ یہ ہے کہ حضرت اقدس کیا دیکھتے ہیں کہ آگ اور دھواں ہے اور چنگاڑیاں اُڑ کر آپ کی طرف آتی ہیں مگر ضرر نہیں دیتیں۔اس حال میں آپ یہ پڑھ رہے ہیں۔’’ یَـا؎۱ حَیُّ یَا قَیُّوْمُ بِرَحْـمَتِکَ اَسْتَغِیْثُ۔اِنَّ رَبِّیْ رَبُّ السَّمٰوٰتِ وَالْاَرْضِ۔‘‘ (منقول از خط مولانا عبدالکریم صاحبؓ مندرجہ الحکم جلد۳ نمبر ۲۲ مورخہ ۲۳؍جون ۱۸۹۹ء صفحہ ۸) ۲۲؍ جون ۱۸۹۹ء فرمایا کہ کل بہت دفعہ خدا کی طرف سے الہام ہوا کہ ’’تم لوگ متقی بن جاؤ اور تقویٰ کی باریک راہوں پر چلو تو خدا تمہارے ساتھ ہوگا۔‘‘ (الحکم جلد ۳ نمبر ۲۲ مورخہ ۲۳؍جون ۱۸۹۹ء صفحہ ۷ ) ۲۵؍جون ۱۸۹۹ء ’’ مَیں نے دو روز ہوئے کہ یاکم و بیش آپ کو خواب میں دیکھا تھا۔‘‘ (از مکتوب بنام سیٹھ عبدالرحمٰن صاحبؓ مدراسی۔مکتوبات احمد جلد ۲ صفحہ ۳۹۷ مطبوعہ ۲۰۰۸ء ۱ (ترجمہ از مرتّب) اے حـیّ اے قیّوم! مَیں تیری رحمت سے مدد چاہتا ہوں۔یقیناً میرا ربّ آسمانوں اور زمین کا ربّ ہے۔

۱۸۹۹ء ’’ جو شخص تیری پَیروی نہیں کرے گا اور تیری بیعت میں داخل نہیں ہوگا اور تیرا مخالف رہے گا وہ خدا اور رسول کی نافرمانی کرنے والا اور جہنمی ہے۔‘‘ (از مکتوب بنام بابو الٰہی بخش صاحب۔مکتوبات احمد جلد ۱ صفحہ ۴۷۷ مطبوعہ ۲۰۰۸ء) ۳۰؍ جون ۱۸۹۹ء ’’۳۰؍جون ۱۸۹۹ء میں مجھے یہ الہام ہوا۔پہلے بیہوشی۔پھر غشی۔پھر موت۔ساتھ ہی اس کے یہ تفہیم ہوئی کہ یہ الہام ایک مخلص دوست کی نسبت ہے جس کی موت سے ہمیں رنج پہنچے گا چنانچہ اپنی جماعت کے بہت سے لوگوں کو یہ الہام سنایا گیا اور الحکم ۳۰؍جون۱۸۹۹ء میں درج ہوکر شائع کیا گیا۔پھر آخر جولائی ۱۸۹۹ء میں ہمارے ایک نہایت مخلص دوست یعنی ڈاکٹر محمد بوڑے خاں اسسٹنٹ سرجن ایک ناگہانی موت سے قصوؔرمیں گزر گئے۔اوّل بیہوش رہے پھر یک دفعہ غشی طاری ہوگئی پھر اس ناپائیدار دنیا سے کوچ کیا اور اُن کی موت اور اس الہام میں صرف بیس۲۰ بائیس۲۲ دن کا فرق تھا۔‘‘ (حقیقۃ الوحی۔روحانی خزائن جلد ۲۲ صفحہ ۲۲۳، ۲۲۴) ۱۸۹۹ء ’’ صبح حضرت اقدس کو یہ رؤیاہوتی ہے کہ حضرت ملکہ معظمہ قیصرہ ہند سلّمہا اللہ تعالیٰ گویا حضرت اقدس کے گھر میں رونق افروز ہوئی ہیں۔حضرت اقدس رؤیامیں عاجز راقم عبدالکریم کو جو اُس وقت حضور اقدس کے پاس بیٹھا ہے فرماتے ہیں کہ حضرت ملکہ معظّمہ کمال شفقت سے ہمارے ہاں قدم رنجہ فرما ہوئی ہیں اور ۲دو روز قیام فرمایا ہے ان کا کوئی شکریہ بھی ادا کرنا چاہیے۔اِس رؤیاکی تعبیر یہ تھی کہ حضرت کے ساتھ کوئی نصرتِ الٰہی شامل ہوئی چاہتی ہے۔‘‘؎۱ (از خط مولانا عبدالکریم صاحب ؓ مندرجہ الحکم جلد ۳ نمبر ۲۴ مورخہ ۱۰؍جولائی ۱۸۹۹ء صفحہ۳) ۱ (نوٹ از مولانا عبد اللطیف بہاولپوری) اس ہفتہ میں سب سے عجیب اور دلچسپ بات جو واقع ہوئی …وہ ایک چٹھی کا حضرت کے نام آنا تھا۔اس میں پختہ ثبوت اور تفصیل سے لکھا ہے کہ جلال آباد (علاقہ کابل) کے علاقہ میں یوزآسف نبی کا چبوترہ موجود ہے اور وہاں مشہور ہے کہ دو۲ ہزار برس ہوئے کہ یہ نبی شام سے یہاں آیا تھا اور سرکار کابل کی طرف سے کچھ جاگیر بھی اس چبوترہ کے نام ہے… اس خط سے حضرت اقدس اِس قدر خوش ہوئے کہ فرمایا ’’اللہ تعالیٰ گواہ اور علیم ہے کہ اگر مجھے کوئی کروڑوں روپئے لادیتا تو مَیں کبھی اتنا خوش نہ ہوتا جیسا اس خط نے مجھے خوشی بخشی ہے۔‘‘ …خدا کا علم اور قدرت دیکھیے ظہر کے وقت اس رؤیا کی صحیح تاویل پوری ہوگئی۔‘‘ (از خط حضرت مولانا عبدالکریم صاحب ؓمندرجہ الحکم مورخہ ۱۰؍جولائی ۱۸۹۹ء صفحہ۳)

۱۸۹۹ء (الف) ’’ ایک دفعہ مجھے دانت میں سخت دَرد ہوئی۔ایک دَم قرار نہ تھا۔کسی شخص سے مَیں نے دریافت کیا کہ اس کا کوئی علاج ہے۔اس نے کہا کہ علاجِ دندان اخراجِ دندان اور دانت نکالنے سے میرا دل ڈرا۔تب اُس وقت مجھے غنودگی آگئی اور مَیں زمین پر بے تابی کی حالت میں بیٹھا ہوا تھا اور چارپائی پاس بچھی تھی مَیں نے بے تابی کی حالت میں اُس چارپائی کی پائینتی پر اپنا سر رکھ دیا اور تھوڑی سی نیند آگئی۔جب مَیں بیدار ہوا تو دَرد کا نام و نشان نہ تھا اور زبان پر یہ الہام جاری تھا۔اِذَا مَرِضْتَ فَھُوَ یَشْفِیْ یعنی جب تُو بیمار ہوتا ہے تو وہ تجھے شفا دیتا ہے۔فَالْـحَمْدُ لِلہِ عَلٰی ذَالِکَ۔‘‘ (حقیقۃ الوحی۔روحانی خزائن جلد۲۲ صفحہ ۲۴۶؎۱، ۲۴۷) (ب) ’’ (حضرت )مولوی نورالدین صاحب کو ایک مہینہ سے زیادہ عرصہ ہوا لگاتار دانت کا سخت درد رہا اور سوائے اُکھڑوانے کے کسی علاج سے فائدہ نہ ہوا۔فرمایا؎۲: مجھے بھی ایک دفعہ خطرناک درد ہوا۔یہاں تک کہ مارے درد کے غشی ہوگئی۔اس میں الہام ہوا۔وَ اِذَا مَرِضْتَ فَھُوَ یَشْفِیْ جب اُٹھا تو درد جاتا رہا۔‘‘ (از خط مولوی عبدالکریم صاحب ؓ مندرجہ الحکم جلد ۳ نمبر ۲۴ مورخہ ۱۰؍جولائی ۱۸۹۹ء صفحہ۴) ۶ ؍جولائی ۱۸۹۹ء ’’۶؍جولائی کی رات کو خدا تعالیٰ نے بہشت و دوزخ کا نظارہ آپ کو دکھایا اوّل بہشت دکھائی گئی اور اس کے ہر قسم کے ثمرات و نعماء دکھائی گئیں اتنے میں الہام ہوا۔یَاْتِیْکَ مِنْ کُلِّ فَـجٍّ عَـمِیْقٍ۔؎۳ پھر دوزخ دکھایا گیا۔وہ سخت مکروہ اور پاخانہ کی شکل تھا۔اتنے میں الہاماً زبان پر جاری ہوا۔۱ (نوٹ از مولانا جلال الدین شمسؓ) یہ الہام یہاں اس لئے لایا گیا ہے کہ حضرت مولوی عبدالکریم صاحب رضی اللہ تعالیٰ عنہ کی روایت سے (جو جز ب میں درج ہے ) معلوم ہوتا ہے کہ ۱۰؍جولائی ۱۸۹۹ء سے یہ پہلے کا الہام ہے۔۲ یعنی حضرت اقدسؑ نے فرمایا۔(مرزا بشیر احمد) ۳ (ترجمہ ) اس کی مدد ہر ایک دور کی راہ سے تجھے پہنچے گی۔(اربعین نمبر ۲۔روحانی خزائن جلد ۱۷ صفحہ ۳۶۲)

لَوْ؎۱ لَا فَضْلُ اللّٰہِ وَ رَحْـمَتُہٗ عَلَیَّ لَاُلْقِیَ رَاْسِیْ فِیْ ھٰذَا الْکَنِیْفِ۔‘‘؎۲ (از خط مولانا عبدالکریم صاحب ؓ مندرجہ الحکم جلد ۳ نمبر ۲۴ مورخہ ۱۰؍جولائی ۱۸۹۹ء صفحہ ۴) ۲۷؍ اگست ۱۸۹۹ء ’’ مجھ کو اپنی نسبت یہ الہام ہوا۔’’خدا نے ارادہ کیا ہے کہ تیرا نام بڑھاوے اور آفاق میں تیرے نام کی خوب چمک دکھاوے۔آسمان سے کئی تخت اُترے مگر سب سے اونچا تیرا تخت بچھایا گیا۔دشمنوں سے ملاقات کرتے وقت ملائکہ؎۳ نے تیری مدد کی۔‘‘ (از مکتوب بنام سیٹھ عبدالرحمٰن صاحبؓ مدراسی۔مکتوبات احمد جلد ۲ صفحہ ۴۰۵ مطبوعہ ۲۰۰۸ء) ۳۰؍ اگست ۱۸۹۹ء ’’ ۳۰؍اگست کو خدا نے اپنے برگزیدہ کو یوں بشارت دی ہے۔رحمت ِ الٰہی کے چُپکے سامان۔‘‘ (منقول از خط مولانا عبدالکریم صاحب ؓ مندرجہ الحکم جلد ۳ نمبر ۳۲ مورخہ ۹؍ستمبر ۱۸۹۹ء صفحہ ۵) ۳۰؍ اگست ۱۸۹۹ء ’’ اِسی تاریخ کورؤیامیں حضرت اقدس نے نبض پر ہاتھ رکھ کر کہا کہ اِس سے ذلّت کی آواز آتی ہے یا نصرت کی۔تو نبض سے نصرت کی آواز آئی۔‘‘ (خط مولوی عبدالکریم صاحب ؓ مندرجہ الحکم جلد ۳ نمبر ۳۲ مورخہ ۹؍ستمبر ۱۸۹۹ء صفحہ ۵) ۲ ؍ستمبر۱۸۹۹ء ’’ اِس قدر فقرہ کہ رَبَّنَا اٰمَنَّا فَاکْتُبْنَا مَعَ الشَّاھِدِیْنَ۔۱ (ترجمہ) ’’اگر خدا کا فضل و رحمت مجھ پر نہ ہوتی تو میرا سر اس پاخانہ میں ڈالا جاتا۔یہ ایک انعامِ الٰہی کی طرز ہے کہ خدا نے آپ کو ایسے مکان کے لئے بنایا ہی نہیں اس سے پیشتر مدّت ہوئی حضرت کچھ لوگوں کو اس تاریک غار میں دیکھ چکے تھے۔‘‘ (از خط مولوی عبدالکریم صاحبؓ مندرجہ الحکم مورخہ ۱۰؍جولائی ۱۸۹۹ء صفحہ ۴) ۲ (نوٹ از حضرت مرزا بشیر احمدؓ) احادیث نبویّہ میں دنیا کو ایک روڑی کی صورت میں بتایا گیا ہے پس وحی الٰہی ان احادیث کی تصدیق کرتی ہے اور معنے اس کے یہ ہیں کہ اللہ تعالیٰ کے فضل و رحمت نے ہی مجھے دنیا سے بے رغبت کیا ہے ورنہ مَیں بھی اِسی مزبلہ کا ایک کیڑا ہوتا۔۳ (نوٹ از حضرت مرزا بشیر احمدؓ) اربعین نمبر ۳ روحانی خزائن جلد ۱۷ صفحہ ۴۲۸ و ضمیمہ تحفہ گولڑویہ روحانی خزائن جلد۱۷ صفحہ ۷۵سے معلوم ہوتا ہے کہ وحی الٰہی ’’ملائکہ نے تیری مدد کی‘‘ کی دوسری قراءت ’’فرشتوں نے تیری مدد کی‘‘ہے۔

اس وقت جو مَیں یہی مقام لکھ رہا تھا، الہام ہوا اور آج دوسری ستمبر ۱۸۹۹ء روز شنبہ اور ایک بجے کا عمل، وقت نماز ظہر ہے۔‘‘ (تریاق القلوب۔روحانی خزائن جلد۱۵ صفحہ ۲۶۲ حاشیہ) ۱۴؍ ستمبر ۱۸۹۹ء ’’۱۴؍ستمبر ۱۸۹۹ء کو یہ الہام ہوا۔ایک عزت؎۱ کا خطاب۔ایک عزت کا خطاب۔لَکَ خِطَابُ الْعِزَّۃِ۔ایک بڑا نشان اس کے ساتھ ہوگا۔یہ تمام خدائے پاک قدیر کا کلام ہے…مَیں اپنے اجتہاد سے اس کے یہ معنے سمجھتا ہوں کہ خدا تعالیٰ اس جھگڑے کے فیصلہ کرنے کے لئے جو کسی حد تک پُرانا ہوگیا ہے اور حد سے زیادہ تکذیب اور تکفیر ہوچکی ہے۔کوئی ایسا برکت اور رحمت اور فضل اور صلح کاری کا نشان ظاہر کرے گا کہ وہ انسانی ہاتھوں سے برتر اور پاک تر ہوگا۔تب ایسی کھلی کھلی سچائی کو دیکھ کر لوگوں کے خیالات میں ایک تبدیلی واقع ہوگی اور نیک طینت آدمیوں کے کینے یک دفعہ رفع ہوجائیں گے۔‘‘ (ضمیمہ تریاق القلوب نمبر ۴۔روحانی خزائن جلد ۱۵ صفحہ ۵۰۱ تا ۵۰۴) ۱۸؍ستمبر ۱۸۹۹ء ’’ آج مَیں نے ۱۸؍ستمبر ۱۸۹۹ء کو بروز دوشنبہ خواب میں دیکھا کہ بارش ہورہی ہے۔آہستہ آہستہ مینہ برس رہا ہے۔مَیں نے شاید خواب میں یہ کہا کہ ہم تو ابھی دُعا کرنے کو تھے کہ بارش ہو، سو ہو ہی گئی۔مَیں نہیں جانتا کہ عنقریب بارش ہوجائے یا ہمارے الہام ۱۳؍ستمبر؎۲ ۱۸۹۹ء ’’ایک عزت کا خطاب۔ایک عزت کا خطاب۔لَکَ خِطَابُ الْعِزَّۃِ۔ایک بڑا نشان اس کے ساتھ ہوگا‘‘ کے متعلق خدا کی رحمت اور فتح و نصرت کی بارش ہماری جماعت پر ہوگی یا دونو ہی ہوجاویں۔ہماری خواب سچی ہے۔اس کا ظہور ضرور ہوگا۔دونو میں سے ایک بات ضرور ہوگی یعنی یا تو خدا تعالیٰ کی مخلوق کے لئے بارانِ رحمت کا دروازہ آسمان سے کھلے گا یا غیر معمولی کوئی نشان روحانی فتح اور نصرت کا ظاہر ہوگا مگر نشان ہوگا نہ معمولی بات۔‘‘ (الحکم جلد ۳نمبر ۳۶ مورخہ ۱۰؍اکتوبر ۱۸۹۹ء صفحہ ۷) ۱ حضرت مسیح موعود علیہ السلام تحریر فرماتے ہیں۔’’مجھے امتیازی مرتبہ بخشنے کے لئے خدا نے میرا نام نبی رکھ دیا ہے اور مجھے یہ ایک عزت کا خطاب دیا گیا ہے۔‘‘ (از مکتوب بنام ایڈیٹر صاحب اخبار عام۔مکتوبات احمد جلد ۵صفحہ ۵۴۴ مطبوعہ ۲۰۱۵ء) ۲ (نوٹ از ناشر) حضرت مسیح موعود علیہ السلام نے اس الہام کی تاریخ نزول تریاق القلوب روحانی خزائن جلد ۱۵ صفحہ ۵۰۱ میں ۱۴؍ستمبر ۱۸۹۹ء تحریر فرمائی ہے۔

·

آج 10 میں سے 10 باقی