تذکرہ یعنی وحی مقدّس و روٴیا و کشوف حضرت مسیح موعود علیہ الصلوٰة و السلام
حصہ 26
Urdu text of the edition of the Ahmadiyya Muslim Jamaat.
۱۹؍ ستمبر ۱۸۹۹ء ’’۱۹؍ستمبر ۱۸۹۹ء کو خدا تعالیٰ نے مجھے مخاطب کرکے اپنا کلام مجھ پر نازل کیا۔اِنَّـا اَخْرَجْنَا لَکَ زُرُوْعًا یَـا اِبْـرَاھِیْمُ۔یعنی اے ابراہیم! ہم تیرے لئے ربیع کی کھیتیاں اُگائیں گے۔زُرُوْعٌ ، زَرْعٌ کی جمع ہے اور زَرْعٌ عربی زبان میں ربیع کی کھیتی یعنی کنکؔ و جَو وغیرہ کو کہتے ہیں مگر آثار ایسے نہیں ہیں کہ یہ الہام اپنے ظاہر معنوں کے رُو سے پورا ہو کیونکہ ربیع کی تخم ریزی کے ایام گویا گزر گئے لہٰذا مجھے صرف اجتہاد سے یہ معنے معلوم ہوتے ہیں کہ تجھے کیا غم ہے۔تیری کھیتیاں تو بہت نکلیں گی۔یعنی ہم تیری تمام حاجات کے متکفّل ہیں۔‘‘ (ضمیمہ تریاق القلوب نمبر ۴۔روحانی خزائن جلد۱۵ صفحہ ۵۰۴ حاشیہ) ۴؍ اکتوبر ۱۸۹۹ء ’’ ایک اَور دوسرا الہام متشابہات میں سے ہے جو ۴؍اکتوبر ۱۸۹۹ء کو مجھے ہوا اور وہ یہ ہے کہ قیصرِ ہند کی طرف سے شکریہ اب یہ ایسا لفظ ہے کہ حیرت میں ڈالتا ہے کیونکہ مَیں ایک گوشہ نشین آدمی ہوں اور ہریک قابلِ پسند خدمت سے عاری اور قبل از موت اپنے تئیں مردہ سمجھتا ہوں۔میرا شکریہ کیسا۔سو ایسے الہام متشابہات میں سے ہوتے ہیں جب تک خود خدا ان کی حقیقت ظاہر نہ کرے۔‘‘ (ضمیمہ تریاق القلوب نمبر ۴۔روحانی خزائن جلد۱۵ صفحہ ۵۰۴ حاشیہ) ۲۰؍ اکتوبر ۱۸۹۹ء ’’۲۰؍اکتوبر ۱۸۹۹ء کو خواب میں مجھے یہ دکھایا گیا کہ ایک لڑکا؎۱ہے جس کا نام عزیزؔ ہے اور اس کے باپ کے نام کے سر پر سلطاؔن کا لفظ ہے۔وہ لڑکا پکڑ کر میرے پاس لایا گیا اور میرے سامنے بٹھایا گیا۔۱ (نوٹ از حضرت مرزا بشیر احمدؓ) حضرت شیخ یعقوب علی صاحب عرفانی رضی اللہ عنہ نے تحریر فرمایا ہے کہ ’’رؤیا مذکوراشارتاً درج ہوئی تھی ورنہ صاف طورپر آپ نے فرمایا تھا کہ ’’عزیز احمد خلف مرزاسلطان احمد کو میں نے دیکھا ہے۔‘‘ (الحکم مورخہ ۱۰؍مارچ ۱۹۰۶ء صفحہ ۱) چنانچہ یہ رؤیا اس طرح پوری ہوئی کہ اواخر فروری ۱۹۰۶ء میں اس رؤیا کے قریباً ساڑھے چھ سال بعد حضرت مرزا عزیز احمد صاحب ابن حضرت مرزا سلطان احمد صاحب حضرت مسیح موعود علیہ السلام کے دستِ مبارک پر بیعت کرکے جماعت میں داخل ہوگئے۔اس رؤیا میں حضرت مرزا عزیز احمد صاحب کو حضرت مرزا سلطان احمد صاحب کی طرف منسوب کرنے سے یہ بھی ظاہر ہوتا ہے کہ نہ صرف حضرت مرزا عزیز احمد صاحب بلکہ مرزا سلطان احمد صاحب بھی حضورؑ کی بیعت میں داخل ہوکر
گیا۔مَیں نے دیکھا کہ وہ ایک پتلا سا لڑکا گورے رنگ کا ہے۔مَیں نے اس خواب کی یہ تعبیر کی ہے کہ عزیزؔ عزت پانے والے کو کہتے ہیں اور سلطان جو خواب میں اس لڑکے کا باپ سمجھا گیا ہے۔یہ لفظ یعنی سلطان عربی زبان میں اُس دلیل کو کہتے ہیں کہ جو ایسی بیّن الظہور ہو جو بباعث اپنے نہایت درجہ کے روشن ہونے کے دلوں پر اپنا تسلّط کرلے گویا سلطان کا لفظ تسلّط سے لیا گیا ہے اور سلطان عربی زبان میں ہر ایک قسم کی دلیل کو نہیں کہتے بلکہ ایسی دلیل کو کہتے ہیں کہ جو اپنی قبولیت اور روشنی کی وجہ سے دلوں پر قبضہ کرلے اور طبائع سلیمہ پر اُس کا تسلّطِ تام ہوجائے۔پس اس لحاظ سے کہ خواب میں عزیز جو سلطان کا لڑکا معلوم ہوا اس کی یہ تعبیر ہوئی کہ ایسا نشان جو لوگوں کے دلوں پر تسلّط کرنے والا ہوگا ظہور میں آئے گا اور اس نشان کے ظہور کا نتیجہ جس کو دوسرے لفظوں میں اس نشان کا بچہ کہہ سکتے ہیں دلوں میں میرا عزیز ہونا ہوگا جس کو خواب میں عزیز کے تمثّل سے ظاہر کیا گیا۔‘‘ (ضمیمہ تریاق القلوب نمبر ۴۔روحانی خزائن جلد۱۵ صفحہ ۵۰۵،۵۰۶) ۲۱ ؍اکتوبر ۱۸۹۹ء ’’ ایک خواب …ابھی ۲۱؍اکتوبر ۱۸۹۹ء کو مَیں نے دیکھی ہے اور وہ یہ ہے کہ مَیں نے خواب میں مـحبّی اخویم مفتی محمد صادق کو دیکھا… کہ نہایت روشن اور چمکتا ہوا ان کا چہرہ ہے اور ایک لباس فاخرہ جو سفید ہے پہنے ہوئے ہیں اور ہم دونوں ایک بگھی میں سوار ہیں اور وہ لیٹے ہوئے ہیں اور ان کی کمر پر مَیں نے ہاتھ رکھا ہوا ہے۔یہ خواب ہے اور اس کی تعبیر جو خدا تعالیٰ نے میرے دل میں ڈالی ہے یہ ہے کہ صدق جس سے مَیں محبّت رکھتا ہوں ایک چمک کے ساتھ ظاہر ہوگا اور جیسا کہ مَیں نے صادق کو دیکھا ہے کہ اس کا چہرہ چمکتا ہے اسی طرح وہ وقت قریب ہے کہ مَیں صادق سمجھا جاؤں گا اور صدق کی چمک لوگوں پر پڑے گی۔‘‘ (ضمیمہ تریاق القلوب نمبر ۴۔روحانی خزائن جلد۱۵ صفحہ ۵۰۴، ۵۰۵) بقیہ حاشیہ۔جسمانی رشتہ کے علاوہ روحانی طور پر بھی فرزندی میں داخل ہوجائیں گے۔سو اَلْـحَمْدُ لِلہ کہ حضرت ممدوح بھی ۲۵؍دسمبر ۱۹۳۰ء کو اپنے چھوٹے بھائی حضرت خلیفۃ المسیح الثانی ایدہ اللہ تعالیٰ بنصرہ العزیز کے ہاتھ پر بیعت کرکے حضرت مسیح موعود علیہ الصلوٰۃ والسلام کی جماعت میں داخل ہوگئے۔
۱۸۹۹ء ’’ مبشروں کا زوال نہیں ہوتا۔گورنر؎۱ جنرل کی پیشگوئیوں کے پورا ہونے کا وقت آگیا۔‘‘ (الحکم جلد ۳ نمبر۴۰ مورخہ ۱۰؍ نومبر ۱۸۹۹ء صفحہ ۶) ۱۸۹۹ء ’’خدا نے مجھے تلوار کے ساتھ نہیں بھیجا اور نہ مجھے جہاد کا حکم دیا بلکہ مجھے خبر دی کہ تیرے ساتھ آشتی اور صلح پھیلے گی۔ایک درندہ بکری کے ساتھ صلح کرے گا اور ایک سانپ بچوں کے ساتھ کھیلے گا۔یہ خدا کا ارادہ ہے گو لوگ تعجب کی راہ سے دیکھیں۔‘‘ (اشتہار واجب الاظہار۔ضمیمہ تریاق القلوب نمبر۵۔روحانی خزائن جلد ۱۵ صفحہ ۵۲۱) ۵؍ جنوری ۱۹۰۰ء ’’ میرے چچا زاد بھائیوں میں سے امام الدین نام ایک سخت مخالف تھا۔اُس نے یہ ایک فتنہ برپا کیا کہ ہمارے گھر کے آگے ایک دیوار کھینچ دی اور ایسے موقعہ پر دیوا رکھینچی کہ مسجد میں آنے جانے کا راستہ رُک گیا اور جو مہمان میری نشست کی جگہ پر میرے پاس آتے تھے یا مسجد میں آتے تھے وہ بھی آنے سے رُک گئے اور مجھے اور میری جماعت کو سخت تکلیف پہنچی۔گویا ہم محاصرہ میں آگئے۔ناچار دیوانی میں منشی خدا بخش صاحب ڈسٹرکٹ جج کے محکمہ میں نالش کی گئی۔جب نالش ہوچکی تو بعد میں معلوم ہوا کہ یہ مقدمہ ناقابلِ فتح ہے اور اس میں یہ مشکلات ہیں کہ جس زمین پر دیوار کھینچی گئی ہے اس کی نسبت کسی پہلے وقت کی مثل کی رُو سے ثابت ہوتا ہے کہ مدّعا علیہ یعنی امام الدین قدیم سے اس کا قابض ہے اور یہ زمین دراصل کسی اَور شریک کی تھی جس کانام غلام جیلانی تھا اور اس کے قبضہ میں سے نکل گئی تھی تب اس نے امام الدین کو اس زمین کا قابض خیال کرکے گورداسپور میں بصیغہءِ دیوانی نالش کی تھی اور بوجہ ثبوت مخالفانہ قبضہ کے وہ نالش خارج ہوگئی تھی تب سے امام الدین کا اس پر قبضہ چلا آتا ہے… اس سخت مشکل کو دیکھ کر ہمارے وکیل خواجہ کمال الدین نے ہمیں یہ بھی صلاح دی تھی کہ بہتر ہوگا کہ اس مقدمہ میں صلح کی جائے۔یعنی امام الدین کو بطور خود کچھ روپیہ دے کر راضی کر لیا جائے لہٰذا مَیں نے مجبوراً اس تجویز کو پسند کرلیا تھا مگر وہ ایسا انسان نہیں تھا جو راضی ہوتا۔اس کو مجھ سے بلکہ دین اسلام سے ایک ذاتی بُغض تھا اور اس کو پتہ لگ گیا تھا کہ مقدمہ چلانے کا اِن پر قطعاً دروازہ بند ہے لہٰذا وہ اپنی شوخی میں اَور بھی بڑھ گیا۔آخر ہم نے اس بات کو خدا تعالیٰ پر چھوڑ دیا… اور امام الدین کی یہاں تک بد نیت تھی کہ ہمارے گھر کے آگے جو صحن تھا جس میں آکر ہماری جماعت کے یکّے ٹھہرتے تھے وہاں ہر وقت مزاحمت کرتا اور گالیاں ۱ حضرت مسیح موعود علیہ السلام نے فرمایا۔’’ہمارا نام حَکَمِ عَام بھی ہے جس کا ترجمہ اگر انگریزی میں کیا جائے تو گورنر جنرل ہوتا ہے۔‘‘ (الحکم مورخہ ۲۴ ؍جولائی ۱۸۹۹ء صفحہ ۶)
نکالتا تھا اور نہ صرف اِسی قدر بلکہ اُس نے یہ بھی ارادہ کیا تھا کہ ہمارا مقدمہ خارج ہونے کے بعد ایک لمبی دیوار ہمارے گھر کے دروازوں کے آگے کھینچ دے تا ہم قیدیوں کی طرح محاصرہ میں آجائیں اور گھر سے باہر نکل نہ سکیں اور نہ باہر جاسکیں۔یہ دن بڑی تشویش کے تھے یہاں تک کہ ہم ضَاقَتْ عَلَیْھِمُ الْاَرْضُ بِـمَا رَحُبَتْ۱؎ کا مصداق ہوگئے اور بیٹھے بیٹھے ایک مصیبت پیش آگئی۔اِس لئے جنابِ الٰہی میں دعا کی گئی اور اُس سے مدد مانگی گئی تب بعد دعا مندرجہ ذیل الہام ہوا۔اور یہ الہام علیحدہ علیحدہ وقت کے نہیں بلکہ ایک ہی دفعہ ایک ہی وقت میں ہوا۔مجھے یاد ہے کہ اُس وقت سیّد فضل شاہ صاحب لاہوری برادر سیّد ناصرشاہ صاحب اورسیئر متعین بارہ مولہ کشمیر میرے پیر دبا رہا تھا اور دوپہر کا وقت تھا کہ یہ سلسلہ الہام دیوار کے مقدمہ کی نسبت شروع ہوا۔مَیں نے سیّد صاحب کو کہا کہ یہ دیوار کے مقدمہ کی نسبت الہام ہے آپ جیسا جیسا یہ الہام ہوتا جائے لکھتے جائیں چنانچہ انہوں نے قلم دوات اور کاغذ لے لیا۔پس ایسا ہوا کہ ہر ایک دفعہ غنودگی کی حالت طاری ہوکر ایک ایک فقرہ وحی الٰہی کا جیسا کہ سنت اللہ ہے زبان پر نازل ہوتا تھا اور جب ایک فقرہ ختم ہوجاتا تھا اور لکھا جاتا تھا تو پھر غنودگی آتی تھی اور دوسرا فقرہ وحیِ الٰہی کا زبان پر جاری ہوتا تھا یہاں تک کہ کُل وحی الٰہی نازل ہوکر سیّد فضل شاہ صاحب لاہوری کے قلم سے لکھی گئی اوراس میں تفہیم ہوئی کہ یہ اُس دیوار کے متعلق ہے جو امام الدین نے کھینچی ہے جس کا مقدمہ عدالت میں دائر ہے اور یہ تفہیم ہوئی کہ انجام کار اِس مقدمہ میں فتح ہوگی چنانچہ مَیں نے اپنی ایک کثیر جماعت کو یہ وحی الٰہی سنادی اور اس کے معنے اور شانِ نزول سے اطلاع دے دی اور اخبار الحکم؎۲ میں چھپوا دیا اور سب کو کہہ دیا کہ اگرچہ مقدمہ اَب خطرناک اور صورت نَومیدی کی ہے مگر آخر خدا تعالیٰ کچھ ایسے اسباب پیدا کردے گا جس میں ہماری فتح ہوگی کیونکہ وحیِ الٰہی کا خلاصہ مضمون یہی تھا۔اب ہم اس وحی الٰہی کو مع ترجمہ ذیل میں لکھتے ہیں اور وہ یہ ہے۔۱۔اَلرَّحٰی تَدُوْرُ وَیَنْزِلُ الْقَضَآءُ۔۲۔اِنَّ فَضْلَ؎۳ اللّٰہِ لَاٰتٍ وَّ لَیْسَ لِاَحَدٍ اَنْ یَّـرُدَّ مَا اَتٰی۔۳۔قُلْ ۱ (ترجمہ از ناشر) زمین اپنی فراخی کے باوجود ان پر تنگ ہوگئی۔۲ دیکھیے الحکم مورخہ ۲۴؍جنوری ۱۹۰۰ء صفحہ ۱۰۔(شمس) ۳ حضرت مسیح موعود علیہ السلام تحریر فرماتے ہیں’’ عجب بات ہے کہ اِس الہام میں بشارت فضل کے لفظ سے شروع ہوتی ہے اور جس کے ہاتھ سے بروقت نزول یہ وحی قلمبند کرائی گئی اس کا نام بھی فضل ہے۔‘‘ (حقیقۃ الوحی۔روحانی خزائن جلد۲۲ صفحہ ۲۸۰ حاشیہ)
اِیْ وَ رَبِّـیْ اِنَّہٗ لَـحَقٌّ لَّا یَتَبَدَّ۔لُ وَ لَا یَـخْفٰی۔۴۔وَ یَنْزِلُ مَا تَعْـجَبُ مِنْہُ۔۵۔وَحْیٌ مِّنْ رَّبِّ السَّمٰوَاتِ الْعُلٰی۔۶۔اِنَّ رَبِّیْ لَا یَضِلُّ وَلَا یَنْسٰی۔۷۔ظَفَرٌ مُّبِیْنٌ۔۸۔وَ اِنَّـمَا یُؤَخِّرُھُمْ اِلٰی اَجَلٍ مُّسَمًّی۔۹۔اَنْتَ مَعِیْ وَ اَنَـا مَعَکَ۔۱۰۔قُلِ اللّٰہُ ثُمَّ ذَرْہُ فِیْ غَیِّہٖ یَتَمَطّٰی۔۱۱۔اِنَّہٗ مَعَکَ وَ اِنَّہٗ یَعْلَمُ السِّـرَّ وَمَا اَخْفٰی۔۱۲۔لَا اِلٰہَ اِلَّا ھُوَ یَعْلَمُ کُلَّ شَیْءٍ وَّ یَـرٰی۔۱۳۔اِنَّ اللّٰہَ مَعَ الَّذِیْنَ اتَّقَوْا وَّالَّذِیْنَ ھُمْ یُـحْسِنُوْنَ الْـحُسْنٰی۔۱۴۔اِنَّا اَرْسَلْنَا اَحْـمَدَ اِلٰی قَوْمِہٖ فَاَعْرَضُوْا وَقَالُوْا کَذَّابٌ اَشِـرٌ۔وَجَعَلُوْا یَشْھَدُ وْنَ عَلَیْہِ وَیَسِیْلُوْنَ اِلَیْہِ کَمَآءٍ مُّنْـھَمِرٍ۔۱۵۔اِنَّ حِبِّیْ قَرِیْبٌ اِنَّہٗ قَرِیْبٌ مُّسْتَتِرٌ۔(ترجمہ) ۱۔چکی پھرے گی اور قضاو قدر نازل ہو گی یعنی مقدمہ کی صورت بدل جائے گی جیسا کہ چکی جب گردش کرتی ہے تو وہ حصہ چکی کا جو سامنے ہوتا ہے بباعث گردش کے پردہ میں آجاتا ہے اور وہ حصہ جو پردہ میں ہوتا ہے وہ سامنے آجاتاہے مطلب یہ کہ مقدمہ کی موجودہ حالت میں جو صورتِ مقدمہ حاکم کی نظر کے سامنے ہے جو ہمارے لئے مضراور نقصان رسان ہے یہ صورت قائم نہیں رہے گی اور ایک دوسری صورت پیدا ہو جائے گی جو ہمارے لئے مفید ہے اور جیسا کہ چکی کو گردش دینے سے جو مُنہ کے سامنے حصہ چکی کا ہوتا ہے وہ پیچھے کو چلا جاتا ہے۔اور جو پیچھے کا حصہ ہوتا ہے وہ مُنہ کے سامنے آجاتا ہے اسی طرح جو مخفی اور درپردہ باتیں ہیں وہ منہ کے سامنے آجائیں گی اور ظاہر ہو جائیں گی اور جو ظاہر ہیں وہ ناقابلِ التفات اور مخفی ہو جائیں گی اور پھر بعد اس کے فرمایا کہ ۲۔یہ خدا کا فضل ہے جس کا وعدہ دیا گیا ہے یہ ضرور آئے گا اور کسی کی مجال نہیں جو اُس کو رد کر سکے یعنی آسمان پر یہ فیصلہ یافتہ امر ہے کہ یہ صورت موجودہ مقدمہ کی جس سے یاس اور نومیدی ٹپکتی ہے یک دفعہ اُٹھا دی جائے گی اور ایک اور صورت ظاہر ہو جائے گی جو ہماری کامیابی کے لئے مفید ہے جس کا ہنوز کسی کو علم نہیں۔اور پھر فرمایا کہ ۳۔کہہ مجھے میرے خدا کی قسم ہے کہ یہی بات سچ ہے اِس امر میں نہ کچھ فرق آئے گا اور نہ یہ امر پوشیدہ رہے گا ۴۔اور ایک بات پیدا ہو جائے گی جو تجھے تعجب میں ڈالے گی۔۵۔یہ اُس خدا کی وحی ہے جو بلند آسمانوں کا خدا ہے ۶۔میرا ربّ اس صراط مستقیم کو نہیں چھوڑتا جو اپنے برگزیدہ بندوں سے عادت رکھتا ہے اور وہ اپنے ان بندوں کو بھولتا نہیں جو مدد کرنے کے لائق ہیں۔۷۔سو تمہیں اِس مقدمہ میں کھلی کھلی فتح ہوگی ۸۔مگر اس فیصلہ میں اُ س وقت تک تاخیر ہے جو خدا نے مقررکر رکھا ہے۔۹۔تُو میرے ساتھ ہے اور میں تیرے ساتھ ہوں۔۱۰۔تو کہہ ہر ایک امر میرے خدا کے اختیار میں ہے پھر اس مخالف کو اس کی گمراہی اورناز اور تکبر میں چھوڑ دے (یہ فقرہ وحی الٰہی کا ایک تسلی دینے کا فقرہ ہے کیونکہ جب ہماری نالش کے بعد اکثر قانون دان سمجھ گئے تھے کہ یہ دعویٰ بے بنیاد ہے
ضرور خارج ہو جائے گا اور امام الدین مدعا علیہ کو ہر ایک پہلو سے یہ خبریں مل گئی تھیں کہ قانون کے رُو سے ہماری کامیابی کی سبیل بند ہے تو اِس وجہ سے اُس کا تکبر بہت بڑھ گیا تھا اوروہ دعوے سے کہتا تھا کہ وہ مقدمہ عنقریب خارج ہو جائے گا بلکہ یہی سمجھو کہ خارج ہو گیا اور شریر لوگوں نے اُس کا ساتھ دیا۔چنانچہ یہ بات قریباً تمام گاؤں میں مشہور ہو گئی تھی کہ اس مقدمہ کو ہمارے مخالفوں نے ایسا سمجھ لیا ہے کہ گویا مقدمہ اُن کے حق میں فیصلہ ہو گیا ہے سو اِس جگہ خدا تعالیٰ فرماتا ہے کہ کیوں اِس قدر ناز اورر عونت دکھلا رہے ہو ہر ایک امر خدا تعالیٰ کے اختیار میں ہے اور وہ ہر ایک چیز پر قادر ہے جو چاہے کر سکتا ہے اور پھر مجھے مخاطب کرکے فرمایا کہ ۱۱۔وہ قادر تیرے ساتھ ہے اُس کو پوشیدہ باتوں کا علم ہے بلکہ جو نہایت پوشیدہ باتیں ہیں جو انسان کے فہم سے بھی بر تر ہیں وہ بھی اُس کو معلوم ہیں ماحصل اس فقرہ وحی الٰہی کا یہ ہے کہ اس جگہ بھی ایک پوشیدہ امر ہے کہ جو اب تک نہ تجھے معلوم ہے اور نہ تمہارے وکیل کو اور نہ اُس حاکم کو جس کی عدالت میں یہ مقدمہ ہے اور پھر فرمایا کہ ۱۲۔وہی خدا حقیقی معبود ہے اُس کے سوا کوئی معبود نہیں انسان کو نہیں چاہیے کہ کسی دوسرے پر توکل کرے کہ گویا وہ اُس کا معبود ہے ایک خدا ہی ہے جو یہ صفت اپنے اندر رکھتا ہے وہی ہے جس کو ہر ایک چیز کا علم ہے اورجو ہر ایک چیز کو دیکھ رہا ہے ۱۳۔اور وہ خدا اُن لوگوں کے ساتھ ہوتا ہے جو تقویٰ اختیار کرتے ہیں اور اُس سے ڈرتے ہیں اور جب کوئی نیکی کرتے ہیں تو نیکی کے تمام باریک لوازم کو ادا کرتے ہیں سطحی طور پر نیکی نہیں کرتے اور نہ ناقص طور پر بلکہ اُس کی عمیق در عمیق شاخوں کو بجا لاتے ہیں اور کمال خوبی سے اُس کا انجام دیتے ہیں سو اُنہیں کی خدا مدد کرتا ہے کیونکہ وہ اس کی پسندیدہ راہوں کے خادم ہوتے ہیں اور اُن پر چلتے ہیں اور چلاتے ہیں۔اور پھر فرمایا کہ ۱۴۔ہم نے احمد کو یعنی اِس عاجز کو اُس کی قوم کی طرف بھیجا۔پس قوم اُس سے رُو گردان ہو گئی اور انہوں نے کہا کہ یہ تو کذاب ہے دنیا کے لالچ میں پڑا ہوا ہے یعنی ایسے ایسے حیلوں سے دنیا کمانا چاہتا ہے اور انہوں نے عدالتوں میں اُس پر گواہیاں دیں تا اُس کو گرفتار کرا ویں اور وہ ایک تُندسیلاب کی طرح جو اوپر سے نیچے کی طرف آتا ہے اُس پر اپنے حملوں کے ساتھ گر رہے ہیں۔مگر وہ کہتا ہے کہ ۱۵۔میرا پیارا مجھ سے بہت قریب ہے وہ قریب تو ہے مگر مخالفوں کی آنکھوں سے پوشیدہ ہے۔‘‘؎۱ (حقیقۃ الوحی۔روحانی خزائن جلد۲۲ صفحہ ۲۷۸ تا ۲۸۳ ) ۱ حضرت مسیح موعود علیہ السلام تحریر فرماتے ہیں۔’’یہ پیشگوئی قبل از وقت بلکہ کئی مہینے فیصلہ سے پہلے عام طور پر شائع ہوچکی تھی اور الحکم اخبار۲؎ میں درج ہوکر دور دراز مُلک کے لوگوں تک اس کی خبر پہنچ چکی تھی پھر فیصلہ کا دن آیا… سو ایسا ۲ یعنی الحکم مورخہ ۲۴؍ جنوری ۱۹۰۰ء صفحہ ۱۰ پر (ناشر)
۲۸؍ فروری ۱۹۰۰ء ’’ فَلَمَّا تَـجَلّٰی رَبُّہٗ لِلْجَبَلِ۔‘‘ (تحریر حضرت مسیح موعود علیہ السلام بر اوراق ملحقہ کتاب تعطیر الانام) (ترجمہ) پس جبکہ خدا نے پہاڑ پر تجلّی کی۔(براہین احمدیہ حصّہ چہارم۔روحانی خزائن جلد ۱ صفحہ ۶۱۶ حاشیہ در حاشیہ نمبر ۳) ۲ ؍مارچ؎۱ ۱۹۰۰ء ’’ چند ماہ کا عرصہ گزرتا ہے کہ حضرت اقدس علیہ السلام کو الہام ہوا تھا۔بقیہ حاشیہ۔اتفاق ہوا کہ اس دن ہمارے وکیل خواجہ کمال الدین کو خیال آیا کہ پُرانی مثل کا انڈکس دیکھنا چاہیےیعنی ضمیمہ جس میں ضروری احکام کا خلاصہ ہوتا ہے۔جب وہ دیکھا گیا تو اُس میں وہ بات نکلی جس کے نکلنے کی توقع نہ تھی۔یعنی حاکم کا تصدیق شدہ یہ حکم نکلا کہ اس زمین پر قابض نہ صرف امام الدین ہے بلکہ میرزا غلام مرتضیٰ یعنی میرے والد صاحب بھی قابض ہیں۔تب یہ دیکھنے سے میرے وکیل نے سمجھ لیا کہ ہمارا مقدمہ فتح ہوگیا۔حاکم کے پاس یہ بیان کیا گیا۔اس نے فی الفور وہ انڈکس طلب کیا اور چونکہ دیکھتے ہی اس پر حقیقت کُھل گئی اس لئے اس نے بلاتوقف امام الدین پر ڈگری زمین کی بمعہ خرچہ کردی۔اگر وہ کاغذ پیش نہ ہوتا تو حاکم مـجوّز بجز اس کے کیا کرسکتا تھا کہ مقدمہ کو خارج کرتا اور دشمن بدخواہ کے ہاتھ سے ہمیں تکلیفیں اُٹھانی پڑتیں۔یہ خدا کے کام ہیں وہ جو چاہتا ہے کرتا ہے۔اور یہ پیشگوئی درحقیقت ایک پیشگوئی نہیں بلکہ ۲دو پیشگوئیاں ہیں کیونکہ ایک تو اس میں فتح کا وعدہ ہے اور دوسرے ایک امر مخفی کے ظاہر کرنے کا وعدہ ہے جو سب کی نظر سے پوشیدہ تھا۔‘‘ (حقیقۃ الوحی۔روحانی خزائن جلد ۲۲ صفحہ ۲۸۳، ۲۸۴) (نوٹ از حضرت مرزا بشیر احمدؓ) مذکورہ بالا فیصلہ جیسا کہ الحکم مورخہ ۱۷؍اگست ۱۹۰۱ء صفحہ ۱۴ سے معلوم ہوتا ہے۔۱۲؍اگست ۱۹۰۱ء کو ہوا جس میں ڈسٹرکٹ جج گورداسپور نے دیوار گرانے اور سفید میدان میں کسی جدید تعمیر نہ کرنے کا دوامی حکم دیا اور ایک سو روپیہ بطور حرجانہ مدعی کو علاوہ اخراجات مقدمہ کے دیئے جانے کا حکم صادر فرمایا جسے حضرت اقدس نے کمال فیاضی سے مرزا امام الدین کی درخواست پر اسے معاف کردیا۔۱ (نوٹ از مولانا جلال الدین شمسؓ) میاں امام الدین صاحبؓ سکنہ سیکھواں ضلع گورداسپور نے الہام اَ۔لْاَمْرَاضُ تُشَاعُ وَالنُّفُوْسُ تُضَاعُ کی تاریخ ۲؍مارچ ۱۹۰۰ء لکھی ہے۔دیکھیے رجسٹر روایات صحابہ نمبر ۵ صفحہ ۶۲۔
اَلْاَمْرَ؎۱اضُ تُشَاعُ وَالنُّفُوْسُ تُضَاعُ… ایسا ہی اِنَّا لِلہِ وَ اِنَّـا اِلَیْہِ رَاجِعُوْنَ؎۲کا بھی الہام ہوا۔‘‘ (الحکم جلد ۴ نمبر ۲۹ مورخہ ۱۶؍اگست ۱۹۰۰ء صفحہ ۱۰) ۱۱؍اپریل ۱۹۰۰ء (الف)’’عید اَضحی؎۳ کی صبح کو مجھے الہام ہوا کہ کچھ عربی میں بولو۔چنانچہ بہت احباب کو اِس بات سے اطلاع دی گئی اور اِس سے پہلے مَیں نے کبھی عربی زبان میں کوئی تقریر نہیں کی تھی لیکن اُس دن مَیں عید کا خطبہ عربی زبان میں پڑھنے کے لئے کھڑا ہوا تو اللہ تعالیٰ نے ایک بلیغ فصیح پُر معانی کلام عربی میں میری زبان میں جاری کی جو کتاب خطبہ الہامیہ میں درج ہے۔وہ کئی جُز کی تقریر ہے جو ایک ہی وقت میں کھڑے ہوکر زبانی فی البدیہہ کہی گئی اور خدا نے اپنے الہام میں اس کا نام نشاؔن رکھا کیونکہ وہ زبانی تقریر محض خدائی قوت سے ظہور میں آئی۔مَیں ہرگز یقین نہیں مانتا کہ کوئی فصیح اور اہلِ علم اور ادیب عربی بھی زبانی طور پر ایسی تقریر کھڑا ہوکر کرسکے۔‘‘ (نزول المسیح۔روحانی خزائن جلد ۱۸ صفحہ ۵۸۸) ۱ (ترجمہ) یعنی بیماریاں پھیلیں گی اور جانیں ضائع ہوں گی… اِنَّـا لِلّٰہِ وَ اِنَّـا اِلَیْہِ رَاجِعُوْنَ۔۲ (نوٹ از مولانا جلال الدین شمسؓ) ’’اِس الہامی پیشگوئی کے مطابق ملک میں وَبا ہیضہ وغیرہ جس شدّت کے ساتھ پھیلے ہیں اور جس قدر جانیں ان کی نذر ہوئی ہیں وہ کوئی مخفی امر نہیں… یہ الہام ایسے وقت میں ہوا تھا جبکہ ابھی ہیضہ وغیرہ امراض کا پنجاب میں نام و نشان نہ تھا… ایسا ہی اِنَّـا لِلّٰہِ وَ اِنَّـا اِلَیْہِ رَاجِعُوْنَ کا الہام بھی ہوا تھا جس سے حضرت اقدس کے کسی مخلص دوست کی موت کا پتہ ملتا ہے آخر یہ ساری باتیں (جوخدائے علیم کا کلام تھا) اپنے وقت پر پوری ہوئیں اور ان الہامات کے موافق ہماری جماعت کے بعض نہایت مخلص اور پُرجوش دوست ہم سے علیحدہ ہوئے۔ازاں جملہ میاں محمد اکبر صاحب ٹھیکیدار ساکن بٹالہ ہیں جو اس الہام کے موافق فوت ہوئے۔‘‘ (الحکم مورخہ ۱۶؍اگست ۱۹۰۰ء صفحہ۱۰) ۳ (نوٹ از حضرت مرزا بشیر احمدؓ) الحکم جلد ۴ نمبر ۱۴ مورخہ ۱۷؍اپریل ۱۹۰۰ء صفحہ ۲ میں لکھا ہے۔’’ آج عید کی صبح کو مولانا موصوف (یعنی مولانا عبدالکریم صاحبؓ سیالکوٹی) اندر تشریف لے گئے اور عرض کیا کہ ’’مَیں آج خصوصیت کے ساتھ عرض کرنے کو آیا ہوں کہ آپ تقریر ضرور کریں خواہ چند فقرے ہی ہوں۔‘‘ آپ نے فرمایا کہ ’’خدا نے ہی حکم دیا ہے۔‘‘ اور فرمایا کہ رات کو الہام ہوا ہے کہ’’ مجمع میں کچھ عربی فقرے پڑھو۔مَیں کوئی اَور مجمع سمجھتا تھا شاید یہی مجمع ہو۔‘‘
(ب) ’’۱۱؍اپریل ۱۹۰۰ء کو عیداضحی کے دن صبح کے وقت مجھے الہام ہوا کہ آج تم عربی میں تقریر کرو۔تمہیں قوت دی گئی اور نیز یہ الہام ہوا۔کَلَامٌ اُفْصِحَتْ؎۱ مِنْ لَّدُ نْ رَبٍّ کَرِیْمٍ یعنی اس کلام میں خدا کی طرف سے فصاحت بخشی گئی ہے… تب مَیں عید کی نماز کے بعد عید کا خطبہ عربی زبان میں پڑھنے کے لئے کھڑا ہوگیا اور خدا تعالیٰ جانتا ہے کہ غیب سے مجھے ایک قوت دی گئی اور وہ فصیح تقریر عربی میں فی البدیہہ میرے منہ سے نکل رہی تھی کہ میری طاقت سے بالکل باہر تھی اور مَیں نہیں خیال کرسکتا کہ ایسی تقریر جس کی ضخامت کئی جُزوتک تھی‘ ایسی فصاحت اور بلاغت کے ساتھ بغیر اس کے کہ اوّل کسی کاغذ میں قلمبند کی جائے کوئی شخص دنیا میں بغیر خاص الہام الٰہی کے بیان کرسکے۔جس وقت یہ عربی تقریر جس کا نام خطبہ؎۲ الہامیہ رکھا ۱ (نوٹ از مولانا جلال الدین شمسؓ) اُفْصِحَتْ میں ضمیر کلام کی طرف جاتی ہے جو باعتبار معنی جمع قرار دیتے ہوئے ضمیر مؤنث لائی گئی۔چنانچہ کلام بمعنی مجموعہ کلمات استعمال ہو کر اس کی صفت جمع لانا بھی ثابت ہے جیسا کہ مُزَاحـم عُقَیْلِی کا قول ہے لَظَلَّ رَھِیْنًا خَـاشِعَ الطَّرْفِ حَــطَّہٗ تَـحَلُّبُ جَدْ وٰی وَالْکَلَامُ الطَّرَائِفِ (لسان العرب حرف المیم زیر لفظ کلم) ۲ (نوٹ از مولانا جلال الدین شمسؓ) اسی خطبہ الہامیہ کے متعلق ۲دو خوابیں حضرت مسیح موعود علیہ الصلوٰۃ والسلام کے قلمِ مبارک سے لکھی ہوئی ملی ہیں۔۱۹؍اپریل ۱۹۰۰ء کی تاریخ دے کر حضور ؑ نے میاں عبداللہ صاحب سنوری کی مندرجہ ذیل خواب لکھی ہے کہ میاں عبداللہ سنوری کہتے ہیں کہ ’’منشی غلام قادر مرحوم سنور والے یہاں آئے ہیں ان سے انہوں نے پوچھا کہ اِس جلسہ کی بابت اُس طرف کی خبر دو۔کیا کہتے ہیں۔تو اُس نے جواب دیا کہ اُوپر بڑی دُھوم مچ رہی ہے۔یہ خواب بعینہٖ سیّد امیر علی شاہ صاحب کے خواب سے مشابہ ہے کیونکہ انہوں نے دیکھا تھا کہ جس وقت عربی خطبہ بروز عید پڑھا جاتا تھا اس وقت جناب رسول اللہ صلی اللہ علیہ وسلم اور حضرت عیسیٰ علیہ السلام اور حضرت موسیٰ علیہ السلام اور حضرت خضر علیہ السلام جلسہ میں موجود ہیں اور اس خطبہ کو سن رہے ہیں۔یہ خواب عین خطبہ پڑھنے کے وقت ہی بطور کشف اسی جگہ بیٹھے ہوئے ان کو معلوم ہوگیا تھا۔‘‘ (تحریر حضرت مسیح موعود علیہ السلام بر اوراق ملحقہ کتاب تعطیر الانام )
رکھا گیا لوگوں میں سنائی گئی اُس وقت حاضرین کی تعداد شاید دو۲۰۰ سو کے قریب ہوگی۔سبحان اللہ اس وقت ایک غیبی چشمہ کُھل رہا تھا مجھے معلوم نہیں کہ مَیں بول رہا تھا یا میری زبان سے کوئی فرشتہ کلام کررہا تھا کیونکہ مَیں جانتا تھا کہ اس کلام میں میرا دخل نہ تھا خود بخود بنے بنائے فقرے میرے منہ سے نکلتے جاتے تھے اور ہر ایک فقرہ میرے لئے ایک نشان تھا… یہ ایک علمی معجزہ ہے جو خدا نے دکھلایا اور کوئی اس کی نظیر پیش نہیں کرسکتا۔‘‘ (حقیقۃ الوحی۔روحانی خزائن جلد ۲۲ صفحہ ۳۷۵، ۳۷۶) (ج) ’’ھٰذَا ھُوَالْکِتَابُ الَّذِیْ اُلْھِمْتُ حِصَّۃً مِّنْہُ مِنْ رَّبِّ الْعِبَادِ فِیْ یَـوْمِ عِیْدٍ مِّنَ الْاَعْیَادِ فَقَرَاْتُہٗ عَلَی الْـحَاضِـرِیْنَ بِـاِنْطَاقِ الرُّوْحِ الْاَمِیْنِ مِنْ غَیْرِ مَدَدِ التَّرْقِیْمِ وَالتَّدْوِیْنِ۔فَلَاشَکَّ اَنَّہٗ اٰیَۃٌ مِّنَ الْاٰیَـاتِ۔وَ مَا کَانَ لِبَشَـرٍ اَنْ یَّنْطِقَ کَمِثْلِیْ مُرْتَـجِلًا مُّسْتَحْضِـرًا فِیْ مِثْلِ ھٰذِہِ الْعِبَارَاتِ…… وَاِنَّہٗ صَنِیْعَۃُ اِحْسَانِ الْـحَضْـرَۃِ وَ مَطِیَّۃُ تَبْلِیْغِ النَّاسِ اِلَی السَّعَادَۃِ وَ اِنَّہٗ غَیْثٌ مِّنَ اللّٰہِ بَعْدَ مَا اَمْـحَلَتِ الْبِلَادُ وَ عَمَّ الْفَسَادُ۔وَ لَنْ تَـجِدَ ھٰذِہِ الْمَعَارِفَ فِی الْاٰثَـارِ الْمُنْتَقَاۃِ الْمُدَوَّنَۃِ مِنَ الثِّقَاتِ۔بَلْ ھِیَ حَقَآئِقُ اُوْحِیَتْ اِلَیَّ مِنْ رَّبِّ الْکَآئِنَاتِ۔‘‘ (سرورق خطبہ الہامیہ۔روحانی خزائن جلد ۱۶ صفحہ۱) ۱ (ترجمہ از مرتّب) یہ (خطبہ الہامیہ) وہ کتاب ہے جس کا ایک حصّہ مجھے خدا تعالیٰ کی طرف سے ایک عید (عید الاضحی ۱۳۱۷ھ جو بتاریخ ۱۱؍اپریل ۱۹۰۰ء تھی) کے دن الہام ہوا تھا اور پہلے سے لکھوانے اور تحریر میں لانے کے بغیر مَیں نے محض روح امین کے بلوانے پر حاضرین کے سامنے پڑھا تھا۔اس لئے اس بات میں کچھ بھی شک نہیں کہ یہ ایک بڑا بھاری نشانِ الٰہی ہے۔اور اس طرح فی البدیہہ زبانی ایسی عبارت میں بولنا جیسا کہ مَیں نے یہ خطبہ پڑھا تھا کسی بشر کی طاقت میں نہیں ہے… یہ بارگاہِ الٰہی کا ایک عظیم الشان احسان ہے اور لوگوں کو سعادت تک پہنچانے کے لئے ایک سواری ہے اور اُس قحط کے بعد جو تمام بلاد پر محیط ہوگیا تھا اور جب کہ دنیا پر تباہی چھاگئی تھی یہ نشان خدا تعالیٰ کی طرف سے بارانِ رحمت بن کر آیا اور ایسے حقائق و معارف چیدہ سے چیدہ تصانیف سلف و خلف ثقات میں بھی قطعاً نہیں مل سکتے بلکہ یہ وہ حقائق ہیں جو ربّ العالمین کی طرف سے بذریعہ وحی مجھے بتائے گئے ہیں۔
۱۱؍اپریل ۱۹۰۰ء بمقام مسجد اقصٰی قادیان ’’ یَا عِبَادَ اللّٰہِ فَکِّرُوْا فِیْ یَـوْمِکُمْ ھٰذَا یَوْمِ الْاَضْـحٰی۔فَاِنَّہٗ اُوْدِعَ اَسْـرَارًا لِاُولِی النُّـھٰی۔وَ تَعْلَمُوْنَ اَنَّ فِیْ ھٰذَا الْیَوْمِ یُضَحّٰی بِکَثِیْرٍ مِّنَ الْعَـجْمَاوَاتِ۔وَ تُنْحَرُ اٰبَالٌ مِّنَ الْـجِمَالِ وَ خَنَاطِیْلُ مِنَ الْبَقَرَاتِ۔وَ تُذْ بَـحُ اَقَاطِیْعُ مِنَ الْغَنَمِ ابْتِغَاءَ مَرْضَاۃِ رَبِّ الْکَائِنَاتِ۔وَ کَذَالِکَ یُفْعَلُ مِنْ اِبْتِدَآءِ زَمَانِ الْاِسْلَامِ۔اِلٰی ھٰذِہِ الْاَیَّـامِ۔وَ ظَنِّیْ اَنَّ الْاَضَاحِیَ فِیْ شَـرِیْعَتِنَا الْغَرَّاءِ۔قَدْ خَرَجَتْ مِنْ حَدِّ الْاِحْصَاءِ۔وَ فَاقَتْ ضَـحَایَا الَّذِیْنَ خَلَوْا مِنْ قَبْلُ مِنْ اُ۔مَمِ الْاَنْبِیَآءِ۔وَ بَلَغَتْ کَثْرَۃُ الذَّبَائِـحِ اِلٰی حَدٍّ غُـطِّـیَ بِہٖ وَجْـہُ الْاَرْضِ مِنَ الدِّ مَاءِ۔حَتّٰی لَوْ جُـمِعَتْ دِمَاءُھَا وَ اُرِیْدَ اِجْرَاءُھَا لَـجَرَتْ مِنْـھَا الْاَنْـھَارُ۔وَسَالَتِ الْبِحَارُ وَ فَاضَتِ الْغُدْ۔رُ وَ الْاَوْدِیَۃُ الْکِبَارُ۔وَ قَدْ عُدَّ ھٰذَا الْعَمَلُ فِیْ مِلَّتِنَا مِـمَّا یُقَـرِّبُ اِلَی اللّٰہِ سُـبْحَانَہٗ۔وَ حُسِبَ کَمَطِیْئَۃٍ تُـحَاکِی الْبَرْقَ فِی السَّیْرِ وَ لُمْعَانَہٗ۔فَلِاَجْلِ ذَالِکَ (ترجمہ) اے خدا کے بندو! اپنے اس دن میں کہ جو بقر عید کا دن ہے غور کرو اور سوچو کیونکہ اِن قربانیوں میں عقل مندوں کے لئے بھید پوشیدہ رکھے گئے ہیں۔اور آپ لوگوں کو معلوم ہے کہ اس دن بہت سے جانور ذبح کئے جاتے ہیں اور کئی گلے اونٹوں کے اور کئی گلے گائیوں کے ذبح کرتے ہیں۔اور کئی ریوڑ بکریوں کے قربانی کرتے ہیں اور یہ سب کچھ خدا تعالیٰ کی رضا جوئی کے لئے کیا جاتا ہے۔اور اسی طرح زمانۂ اسلام کے ابتدا سے ان دنوں تک کیا جاتا ہے۔اور میرا گمان ہے کہ یہ قربانیاں جو ہماری اس روشن شریعت میں ہوتی ہیں احاطہ شمار سے باہر ہیں۔اور ان کو اُن قربانیوں پر سبقت ہے کہ جو نبیوں کی پہلی امتوں کے لوگ کیاکرتے تھے۔اور قربانیوں کی کثرت اس حد تک پہنچ گئی ہے کہ ان کے خونوں سے زمین کا منہ چھپ گیا ہے۔یہاں تک کہ اگر اُن کے خون جمع کئے جائیں اور اُن کے جاری کرنے کا ارادہ کیا جائے تو البتہ ان سے نہریں جاری ہو جائیں اور دریا بہ نکلیں اور زمین کے تمام نشیبوں اور وادیوں میں خون رواں ہونے لگے۔اور یہ کام ہمارے دین میں ان کاموں میں سے شمار کیا گیا ہے کہ جو اللہ تعالیٰ کے قرب کا موجب ہوتے ہیں اور اُس سواری کی طرح یہ سمجھے گئے ہیں کہ جو اپنی سیر میں بجلی سے مشابہ ہو جس کو بجلی کی چمک سے مماثلت حاصل ہو اور اِسی وجہ سے ان ذبح
ذَالِکَ سُـمِّیَ الضَّحَایَا قُرْبَانًا۔بِـمَا وَرَدَ اِنَّـھَا تَزِیْدُ قُرْبًا وَ لُقْیَانًا۔کُلَّ مَنْ قَرَّبَ اِخْلَاصًا وَتَعَبُّدًا وَ اِیْـمَانًا۔وَ اِنَّـھَا مِنْ اَعْظَمِ نُسُکِ الشَّـرِیْعَۃِ۔وَ لِذَالِکَ سُـمِّیَتْ بِالنَّسِیْکَۃِ۔وَالنُّسُکُ اَلطَّاعَۃُ وَ الْعِبَادَۃُ فِی اللِّسَانِ الْعَرَبِیَّۃِ۔وَ کَذَالِکَ جَآءَ لَفْظُ النُّسُکِ بِـمَعْـنَی ذَبْـحِ الذَّ بِیْحَۃِ۔فَھٰذَا الْاِشْتِـرَاکُ یَدُلُّ قَـطْعًا عَلٰی اَنَّ الْعَابِدَ فِی الْـحَقِیْقَۃِ ھُوَ الَّذِیْ ذَبَـحَ نَفْسَہٗ وَ قُوَاہُ۔وَ کُلَّ مَنْ اَصْبَاہُ لِرِضٰی رَبِّ الْـخَلِیْقَۃِ وَ ذَبَّ الْھَوٰی۔حَـتّٰی تَـھَافَتَ وَانْـمَحٰی۔وَ ذَابَ وَ غَابَ وَ اخْتَفٰی۔وَ ھَبَّتْ عَلَیْہِ عَـوَاصِفُ الفَنَاءِ۔وَ سَفَتْ ذَرَّاتِہٖ شَدَائِدُ ھٰذِہِ الْھَـوْجَاءِ۔وَ مَنْ فَکَّرَ فِیْ ھٰذَیْنِ الْـمَـفْھُـوْمَیْنِ الْمُشْتَـرِکَیْنِ۔وَ تَدَ۔بَّـرَ الْمَقَامَ بِتَیَقُّظِ الْقَلْبِ وَ فَتْحِ الْعَیْنَیْنِ۔فَلَا یَبْقٰی لَہٗ خَفَاءٌ وَلَا مِرَآءٌ۔فِیْ اَنَّ ھٰذَا اِیْمَآءٌ۔اِلٰی اَنَّ الْعِبَادَۃَ بقیہ ترجمہ۔ہونے والے جانوروں کا نام قربانی رکھا گیا کیونکہ حدیثوں میں آیا ہے کہ یہ قربانیاں خدا تعالیٰ کے قرب اور ملاقات کا موجب ہیں اس شخص کے لئے کہ جو قربانی کو اخلاص اور خدا پرستی اور ایمان داری سے ادا کرتا ہے اور یہ قربانیاں شریعت کی بزرگ تر عبادتوں میں سے ہیں اور اسی لئے قربانی کا نام عربی میں نَسِیْکَہ ہے اور نُـسُک کا لفظ عربی زبان میں فرمانبرداری اور بندگی کے معنوں میں آتا ہے اور ایسا ہی یہ لفظ یعنی نُـسُک اُن جانوروں کے ذبح کرنے پر بھی زبان مذکور میں استعمال پاتا ہے جن کا ذبح کرنا مشروع ہے۔پس یہ اشتراک کہ جو نُـسُککے معنوں میں پایا جاتا ہے قطعی طور پر اس بات پر دلالت کرتا ہے کہ حقیقی پرستاراور سچا عابد وہی شخص ہے جس نے اپنے نفس کو مع اس کی تمام قوتوں اور مع اس کے اُن محبوبوں کے جن کی طرف اُس کا دِل کھینچا گیا ہے اپنے رب کی رضا جوئی کے لئے ذبح کر ڈالا ہے اور خواہش نفسانی کو دفع کیا یہاں تک کہ تمام خواہشیں پارہ پارہ ہو کر گِر پڑیں اور نابود ہوگئیں اور وہ خود بھی گداز ہوگیا اور اس کے وجود کا کچھ نمود نہ رہا اور چھپ گیا اور فنا کی تند ہوائیں اس پر چلیں اور اس کے وجود کے ذرّات کو اس ہوا کے سخت دھکّے اُڑا کر لے گئے۔اور جس شخص نے ان دونوں مفہوموں میں کہ جو باہم نسک کے لفظ میںمشارکت رکھتے ہیں غور کی ہوگی اور اس مقام کو تدبّر کی نگاہ سے دیکھا ہوگا اور اپنے دل کی بیداری اور دونوں آنکھوں کے کھولنے سے پیش وپس کو زیر نظر رکھا ہوگا پس اُس پر پوشیدہ نہیں رہے گا اور اس امر میں کسی قسم کی نزاع اس کے دامن کو نہیں پکڑے گی کہ یہ دو معنوں کا اشتراک کہ جو نسک کے لفظ میں پایا جاتاہے اس بھید کی طرف اشارہ ہے کہ