تذکرہ یعنی وحی مقدّس و روٴیا و کشوف حضرت مسیح موعود علیہ الصلوٰة و السلام

حصہ 32

Urdu text of the edition of the Ahmadiyya Muslim Jamaat.

(ب) ’’ اِنِّیْ اُرِیْتُ مُبَشِّــرَۃً فِیْ لَیْلَۃِ الثُّلَثَآءِ۔اِذْ دَعَوْتُ اللّٰہَ اَنْ یَّـجْعَلَہٗ مُعْـجِزَۃً لِّلْعُلَمَآءِ۔وَ دَعَوْتُ اَنْ لَّا یَقْدِرَ عَلٰی مِثْلِہٖ اَحَدٌ مِّنَ الْاُدَبَآءِ۔وَلَا یُعْطٰی لَھُمْ قُدْرَۃٌ عَلَی الْاِنْشَآءِ۔فَاُجِیْبَ دُعَآئِیْ فِیْ تِلْکَ اللَّیْلَۃِ الْمُبَارَکَۃِ مِنْ حَضْـرَۃِ الْکِبْرِیَآءِ۔وَ بَشَّرَنِیْ رَبِّیْ وَقَالَ مَنَعَہٗ مَانِعٌ مِّنَ السَّمَآءِ۔فَفَھِمْتُ اَنَّہٗ یُشِیْرُ اِلٰی اَنَّ الْعِدَا لَا یَقْدِرُوْنَ عَلَیْہِ۔وَ لَا یَاْتُـوْنَ بِـمِثْلِہٖ وَلَا کَصِفَتَیْہِ۔وَکَانَتْ ھٰذِہِ الْبِشَارَۃُ مِنَ اللّٰہِ الْمَنَّانِ فِی الْعَشْـرِالْاٰخِرِ مِنْ رَمَضَانَ؎۱۔‘‘ (اعجاز المسیح۔روحانی خزائن جلد۱۸ صفحہ ۶۸،۶۹) (ج) ’’ جب بالمقابل تفسیر نویسی میں مخالف مولوی عاجز آگئے اور مہر علی شاہ گولڑوی نے کئی طرح کی قابل شرم کارروائیاں کیں تو اللہ تعالیٰ نے اس عاجز کو یک طرفہ طور پر تفسیر القرآن کا معجزہ عطا فرمایا اور ستر۷۰ روز کے عرصہ میں رسالہ اعجاز المسیح لکھا گیا۔اِس عرصہ میں طرح طرح کی رکاوٹیں پیش آئیں اور بہت سا وقت بیماری میں گزرا… انہیں دنوں میں اس رسالہ کے متعلق یہ الہام ہوا کہ مَنَعَہٗ مَانِعٌ مِّنَ السَمَآءِ یعنی روک دیا اس کو روکنے والے نے آسمان سے۔سو یہ الہام اس صفائی سے پورا ہوا ہےکہ اب تک میاں مہر علی اُس کا جواب نہیں دے سکا اور نہ اُن کا کوئی حامی جواب دینے پر قادر ہوسکا۔‘‘ (نزول المسیح۔روحانی خزائن جلد ۱۸ صفحہ ۶۰۲) ۱۹۰۱ء ’’ کتاب اعجاز المسیح کے بارے میں یہ الہام ہوا تھا کہ مَنْ قَامَ لِلْجَوَابِ وَ تَنَمَّرَ۔فَسَوْفَ یَـرٰی اَنَّہٗ تَنَدَّ مَ وَ تَذَ مَّرَ یعنی؎۲ جو شخص غصہ سے بھر کر اس کتاب کا جواب لکھنے کے لئے طیّار ہوگا وہ عنقریب دیکھ لے گا کہ وہ نادم ہوا اور حسرت کے ساتھ اُس کا خاتمہ ہوا۔‘‘ (نزول المسیح۔روحانی خزائن جلد ۱۸ صفحہ ۵۷۱، ۵۷۲) (ترجمہ از مرتّب) منگل کی رات کو مَیں نے ایک مبشر خواب دیکھا تھا جبکہ مَیں نے اللہ تعالیٰ کے حضور دعا کی تھی کہ اس کتاب (اعجاز المسیح) کو علماء کے لئے معجزہ بنادے اور یہ دعا کی تھی کہ کوئی ادیب اس کی مثل نہ لاسکے اور انہیں اس کے انشاء کی توفیق ہی نہ ملے۔پس میری دعا اسی مبارک رات خدا تعالیٰ کی جناب میں قبول ہوگئی اور میرے خدا نے مجھے بشارت دی اور فرمایا کہ آسمان سے منع کردیا گیا ہے کہ کوئی شخص اس کتاب کی نظیر لکھے۔تو مَیں سمجھ گیا کہ اس الہام میں خدا نے اشارہ کیا ہے کہ دشمن اس امر پر قادر نہیں ہوں گے اور اس کی مثل نہیں لاسکیں گے (نہ ہی بلاغت میں اور نہ ہی سورۂ فاتحہ کے حقائق میں) اور یہ بشارت رمضان شریف کے آخری عشرے میں ملی تھی۔۲ حضرت مسیح موعود علیہ السلام تحریر فرماتے ہیں۔(الف) ’’محمد حسن فیضی ساکن موضع بھیں تحصیل چکوال ضلع جہلم

۱۹۰۱ء ۱؎ ’’ بَلِیَّۃٌ مَّالِیَّۃٌ۔یعنی مالی ابتلاء۔‘‘ (البدر جلد ۲نمبر ۳ مورخہ ۶؍فروری ۱۹۰۳ء صفحہ ۲۴ ) ۲۲؍ فروری ۱۹۰۱ء ’’ فرمایا۔رات ایک پھنسی نے جو کئی دن سے نکلی ہوئی ہے اور ساتھ ہی خارش نے تنگ کیا۔بشریّت کی وجہ سے دھیان آیا کہ کہیں یہ ذیابیطس کا اثر اور نتیجہ نہ ہو۔اتنے میں خدا ئے رحیم و قدوس نے وحی کی کہ اِنِّیْ اَنَـا الرَّحْـمٰنُ دَافِــعُ الْاَذٰی ؎۲ اور پھر وحی ہوئی۔اِنِّیْ لَا یَـخَافُ لَدَیَّ الْمُرْسَلُوْنَ۔‘‘ ؎۳ (از چٹھی مولانا عبدالکریم صاحبؓ مندرجہ الحکم جلد۵ نمبر۸ مورخہ ۳؍مارچ ۱۹۰۱ء صفحہ ۹) ۲۳؍ فروری ۱۹۰۱ء حضرت اقدسؑ کو الہام ہوا۔’’ کَـفَیْنَاکَ الْمُسْتَـھْزِئِیْنَ۔‘‘ ؎۴ (الحکم جلد۵ نمبر ۸ مورخہ ۳؍مارچ ۱۹۰۱ء صفحہ ۱۲) بقیہ حاشیہ۔مدرس مدرسہ نعمانیہ واقعہ شاہی مسجد لاہور نے عوام میں شائع کیا کہ مَیں اس کتاب کا جواب لکھتا ہوں اور ایسی لاف مارنے کے بعد جب اس نے جواب کے لئے نوٹ تیار کرنے شروع کئے اور ہماری کتاب کے اندر بعض صداقتوں پر جو ہم نے لکھی تھیں لَعْنَۃُ اللّٰہِ عَلَی الْکَاذِبِیْنَ لکھا تو جلد ہلاک ہوگیا دیکھو مجھ پر لعنت بھیج کر ایک ہفتہ کے اندر ہی آپ لعنتی موت کے نیچے آگیا۔‘‘ (نزول المسیح۔روحانی خزائن جلد ۱۸ صفحہ ۵۷۲) (ب) ’’پیر مہر علی شاہ گولڑوی نے جب اس کتاب اعجاز المسیح کا بہت عرصہ کے بعد جواب اُردو میں لکھا تو اِس بات کے ثابت ہوجانے سے کہ یہ اُردو عبارت بھی لفظ بلفظ مولوی محمد حسن بھیں کی کتاب کا سرقہ ہے مہر علی شاہ کی بڑی ذلّت ہوئی اور مذکورہ بالا الہام اُس کے حق میں بھی پورا ہوا۔‘‘ (نزول المسیح۔روحانی خزائن جلد۱۸ صفحہ ۵۷۲) ۱ (نوٹ از مولانا جلال الدین شمسؓ) اِس الہام کو ۱۹۰۱ء کے تحت اس لئے رکھا گیا کہ البدر کے مندرجہ بالا پرچے میں یہ الفاظ ہیں۔’’یکم فروری کو ایک ۲دو سال کا الہام آپ نے اس کے متعلق سنایا‘‘ اور الحکم ۱۴؍فروری ۱۹۰۳ء صفحہ ۷ میں یہ الفاظ ہیں۔’’فرمایا ایک پُرانا الہام بَلِیَّۃٌ مَّالِیَّۃٌ ہے۔‘‘ ۲ (ترجمہ از مرتّب) مَیں رحمٰن ہوں تکلیفوں کو دُور کرنے والا۔۳ (ترجمہ از مرتّب) میرے حضور میں مُرسل نہیں ڈرتے۔۴ (ترجمہ از مرتّب) ٹھٹھا کرنے والوں کے مقابلہ میں ہم تیرے لئے کافی ہیں۔

اپریل ۱۹۰۱ء ’’ حضرت اقدس امام ہمام علیہ الصلوٰۃ والسلام نے ایک روز اپنی اور سلسلہ عالیہ کے خاص دوستوں کی زیادتی عمر کے لئے دعا کی تو یہ مبشر الہام ہوا۔رَبِّ زِدْ فِیْ عُـمُرِیْ وَ فِیْ عُـمُرِ زَوْجِیْ زِیَـادَۃً خَارِقَ الْعَادَۃِ۔۱؎ (الحکم جلد۵ نمبر ۱۴ مورخہ ۱۷؍اپریل ۱۹۰۱ء صفحہ۱۳) ۱۸؍ اپریل ۱۹۰۱ء ’’۱۸؍اپریل ۱۹۰۱ء کو آپ نے ایک الہام سنایا تھا۔سال دیگر را کہ مے داند حساب تا کجا رفت آنکہ باما بود یار‘‘ ؎۲ (الحکم جلد۵نمبر ۱۸ مورخہ ۱۷؍مئی ۱۹۰۱ء صفحہ۱۲) ۱۹۰۱ء ’’ حضور علیہ الصلوٰۃ والسلام کو ایک دفعہ بخار آیا تو الہام ہوا۔’’ اَلسَّلَامُ عَلَیْکُمْ‘‘ چنانچہ اس کے بعد بہت جلد تندرست ہوگئے۔‘‘ (الحکم جلد۵نمبر ۲۱ مورخہ ۱۰؍جون ۱۹۰۱ء صفحہ۹ حاشیہ) ۹؍مئی ۱۹۰۱ء ’’۹؍مئی ۱۹۰۱ء کو آپ نے یہ الہام سنایا۔’’آج سے یہ شرف دکھائیں گے ہم ‘‘ (الحکم جلد۵نمبر ۱۸ مورخہ ۱۷؍مئی ۱۹۰۱ء صفحہ۱۲) ۱۹۰۱ء ’’ اللہ تعالیٰ نے قرآن کریم میں ایک سورۃ بھیج کر رسول اللہ صلی اللہ علیہ وسلم کا قدر اور مرتبہ ظاہر کیا ہے اور وہ سورۃ ہے اَلَمْ تَـرَکَیْفَ فَعَلَ رَبُّکَ بِاَصْـحَابِ الْفِیْلِ… اس میں ایک عظیم الشان پیشگوئی ہے کہ کیا تُونے نہیں دیکھا کہ تیرے ربّ نے اَصْـحَابُ الْفِیْلِ کے ساتھ کیا کِیا۔یعنی اُن کا مکر اُلٹا کر اُن پر ہی مارا… یہ پیشگوئی قیامت تک جائے گی۔جب کبھی کوئی اصحاب الفیل پیدا ہوگا تب ہی اللہ تعالیٰ اُن کے تباہ کرنے کے لئے اُن کی کوششوں کو خاک میں ملادینے کے سامان کردیتا ہے… اس وقت اَصْـحَابُ الْفِیْل کی شکل میں اسلام پر حملہ کیا گیا ہے۔مسلمانوں کی حالت میں بہت کمزوریاں ہیں۔اسلام غریب ہے اور اصحابِ فیل زور میں ہیں مگر اللہ تعالیٰ وہی نمونہ پھر دکھانا چاہتا ہے… (ترجمہ) اے میرے ربّ! میری عمر میں اور میرے ساتھی کی عمر میں خارق عادت زیادت فرما۔‘‘ (الحکم مورخہ ۱۷؍اپریل ۱۹۰۱ء صفحہ۱۳) ۲ (ترجمہ از مرتّب) آئندہ سال کا حساب کون جانتا ہے۔جو دوست گذشتہ سال ہمارے ساتھ تھے وہ اَب کدھر گئے۔

مجھے بھی یہی؎۱الہام ہوا ہے جس سےصاف صاف پایا جاتا ہے کہ خدا تعالیٰ کی نصرت اور تائید اپنا کام کرکے رہے گی۔‘‘ (الحکم جلد۵نمبر۲۶مورخہ ۱۷؍جولائی ۱۹۰۱ء صفحہ۲) ۱۹۰۱ء ’’ اللہ تعالیٰ نے اس عاجز کا نام سُلْطَانُ الْقَلَم رکھا اور میرے قلم کو ذوالفقار علی فرمایا۔‘‘ (الحکم جلد ۵ نمبر ۲۲ مورخہ ۱۷؍جون ۱۹۰۱ء صفحہ۲) جولائی ۱۹۰۱ء ’’ تین دن ہوئے مجھے الہام ہوا تھا۔اِنِّیْ مَعَ الْاَفْوَاجِ اٰتِیْکَ بَغْتَۃً۔؎۲ مَیں حیران ہوں یہ الہام مجھے بہت مرتبہ ہوا ہے اور عموماً مقدّمات میں ہوا ہے۔افواج کے لفظ سے معلوم ہوتا ہے کہ مقابل میں بھی بڑے بڑے منصوبے کئے گئے ہیں اور ایک جماعت ہے۔کیونکہ خدا تعالیٰ کا جوش نفسانی نہیں ہوتا ہے اس کے تو انتقام کے ساتھ بھی رحمانیت کا جوش ہوتا ہے۔پس جب وہ افواج کے ساتھ آتا ہے تو اس سے صاف پایا جاتا ہے کہ مقابل میں بھی فوجیں ہیں جب تک مقابل کی طرف سے جوشِ انتقام کی حد نہ ہوجا وے خدا تعالیٰ کی انتقامی قوت جوش میں نہیں آتی۔‘‘ (الحکم جلد۵نمبر۲۶مورخہ ۱۷؍جولائی ۱۹۰۱ء صفحہ۹) ۱۱؍اگست ۱۹۰۱ء ’’ الہام الٰہی۔’’ اَیَّـامُ۳؎ غَضَبِ اللّٰہِ غَضِبْتُ غَضَبًا شَدِ یْدًا۔اِنَّہٗ یُنْجِیْ اَھْلَ السَّعَادَۃِ۔اِنِّیْ اُنْـجِی الصَّادِقِیْنَ۔‘‘۴؎ (تحریر حضرت مسیح موعود علیہ السلام بر رجسٹر محاورات العرب) (نوٹ از مولانا عبد اللطیف بہاولپوری) اس الہام کی تاریخ حضرت مفتی محمد صادق صاحبؓ نے ۲۲؍اگست ۱۸۹۷ء لکھی ہے۔دیکھیے ذکر حبیبؑ صفحہ ۲۲۱۔مطبوعہ دسمبر ۱۹۳۶ء ۲ (ترجمہ از مرتّب) مَیں فوجیں لے کر تیرے پاس اچانک آؤں گا۔(نوٹ از ایڈیٹر الحکم) حضرت مسیح موعود علیہ الصلوٰۃ والسلام ۱۵؍جولائی ۱۹۰۱ء کو گورداسپور اُس مقدّمہ میں جو میرزا نظام الدین وغیرہ پر مسجد مبارک کا راستہ بندکرنے کی وجہ سے کیا گیا تھا۔فریق ثانی کی درخواست پر بغرض ادائے شہادت گئے ہوئے تھے۔وہاں پر آپ نے یہ الہام بیان فرمایا۔(الحکم مورخہ ۱۷؍جولائی ۱۹۰۱ء صفحہ ۹) ۳ (ترجمہ از مرتّب) غضب ِ الٰہی کے ایام۔میں سخت غضب ناک ہوا۔وہ سعیدلوگوں کو بچالے گا۔میں راست بازوں کو نجات دوں گا۔۴ الحکم میں یوں مذکور ہے۔’’غَضِبْتُ غَضَبًا شَدِ یْـدًا‘‘ فرمایا۔جب یہ وحی ہوئی تو مَیں غضب ِ الٰہی سے ڈر گیا اور مَیں نے دُعا کی۔تب یہ وحی ہوئی۔

۱۵؍ اگست ۱۹۰۱ء ’’۱۵؍اگست ۱۹۰۱ء کی صبح کو ایک الہام ہوا۔وَ اِنِّیْ اَرٰی بَعْضَ الْمَصَآئِبِ تَنْزِلُ۔‘‘ ؎۱ (الحکم جلد۵نمبر۳۱مورخہ ۲۴؍اگست۱۹۰۱ء صفحہ۴) ۲۱؍ اگست ۱۹۰۱ء ’’الہام۔اِنَّـآ اَعْطَیْنٰکَ الْکَـوْثَرَ۔فَصَلِّ لِـرَ بِّکَ وَ انْـحَرْ۔‘‘ (تحریر حضرت مسیح موعود علیہ الصلوٰۃ والسلام بر رجسٹر محاورات العرب) (ترجمہ) ’’ہم نے تجھ کو معارفِ کثیرہ عطا فرمائے ہیں سو اُس کے شکر میں نماز پڑھ اور قربانی دے۔‘‘ (براہین احمدیہ حصّہ چہارم۔روحانی خزائن جلد اوّل صفحہ ۶۱۸ حاشیہ در حاشیہ نمبر۳) ۲۶؍ اگست ۱۹۰۱ء فرمایا۔’’ تقویٰ کے مضمون پر ہم کچھ شعر لکھ رہے تھے۔اس میں ایک مصرع الہامی درج ہوا۔وہ شعر یہ ہے ہر اِک نیکی کی جڑ یہ اِتّقا ہے اگر یہ جَڑ رہی سب کچھ رہا ہے اس میں دوسرا مصرعہ الہامی ہے۔‘‘ (الحکم جلد ۵ نمبر ۳۲ مورخہ ۳۱؍اگست ۱۹۰۱ء صفحہ ۱۳) ۱۹۰۱ء ’’۲۶ یا ۲۷؍اگست یا اس کے قریب ایک دن حضرت نے فرمایا ’’ہم نےرؤیامیں دیکھا ہے کہ ایک شخص نے قے کی ہے اور اس پر کپڑا دے کر اُسے چھپاتا ہے۔‘‘ (الحکم جلد ۵ نمبر۳۳ مورخہ۱۰؍ستمبر ۱۹۰۱ء صفحہ ۹) ۲۸؍ اگست ۱۹۰۱ء ’’ ۲۸؍اگست ۱۹۰۱ء کی صبح کو حضرت نے فرمایا کہ ’’ ہمارے مخالف دو قسم کے لوگ ہیں۔ایک تو مسلمان ملّا مولوی وغیرہ۔دوسرے عیسائی انگریز وغیرہ۔دونوں اس مخالفت میں اور اِسلام پر ناجائز حملے کرنے میں زیادتی کرتے ہیں۔آج ہمیں ان دونوں قوموں کے متعلق ایک نظارہ دکھایا گیا اور الہام کی بقیہ حاشیہ۔۱۔’’غَضِبْتُ غَضَبًا شَدِیْدًا۔پھر دعا کی تو یہ وحی نازل ہوئی۔اِنَّہٗ یُنْجِیْ اَھْلَ السَّعَادَۃِ۔۲۔اس کے بعد یہ وحی ہوئی۔اِنِّیْ اُنْـجِی الصَّادِقِیْنَ۔‘‘ (الحکم مورخہ ۱۷؍اگست۱۹۰۱ء صفحہ۱۴) ۱ (ترجمہ از مرتّب) اور مَیں دیکھتا ہوں کہ بعض مصائب نازل ہورہے ہیں۔

صورت پیدا ہوئی مگر اچھی طرح یاد نہیں رہا۔انگریزوں وغیرہ کے متعلق اس طرح سے تھا کہ ان میں بہت لوگ ہیں جو سچائی کی قدر کریں گے اور ملّا مولویوں وغیرہ کے متعلق یہ تھا کہ ان میں سے اکثر کی قوت مسلوب ہوگئی ہے۔‘‘ (الحکم جلد ۵ نمبر۳۳ مورخہ۱۰؍ستمبر ۱۹۰۱ء صفحہ ۹) ۲ ؍ستمبر ۱۹۰۱ء ’’فرمایا۔آج ہم نےرؤیامیں دیکھا کہ اللہ تعالیٰ کا دربا ر ہے اور ایک مجمع ہے اور اس میں تلواروں کا ذکر ہورہا ہے۔تو مَیں نے اللہ تعالیٰ کو مخاطب کرکے کہا کہ سب سے بہتر اور تیز تر وہ تلوار ہے جو تیری تلوار میرے پاس ہے اس کے بعد ہماری آنکھ کُھل گئی اور پھر ہم نہیں سوئے کیونکہ لکھا ہے کہ جب مبشر خواب دیکھو تو اُس کے بعد جہاں تک ہوسکے نہیں سونا چاہیے اور تلوار سے مراد یہی حربہ ہے جو کہ ہم اس وقت اپنے مخالفوں پر چلا رہے ہیں جو آسمانی حربہ ہے۔‘‘ (الحکم جلد ۵ نمبر۳۳ مورخہ۱۰؍ستمبر ۱۹۰۱ء صفحہ ۹) ۳۰؍ ستمبر۱۹۰۱ء ’’۳۰؍ستمبر ۱۹۰۱ء کی رات کو حضرت اُمّ المومنین علیہا السلام نے ۱۲ بجے کے قریب ایک رؤیا دیکھی اور آپ نے حضرت اقدس کو اُسی وقت اس رؤیاسے اطلاع دی اور وہ یوں ہے۔عیسیٰ کا مسئلہ حل ہوگیا۔خدا کہتا ہے مَیں جب عیسیٰ کو اُتارتا ہوں تو پَوڑی کھینچ لیتا ہوں۔اس کے معنے حضرت اُمّ المؤمنین کے دل میں یہ ڈالے گئے کہ عیسیٰ کی حیات و ممات میں انسان کا دخل نہیں۔یہ تورؤیاکا مضمون ہے۔حضرت امام ہمام علیہ الصلوٰۃ والسلام نے فرمایا۔اِس پر مَیں نے توجہ کی تو یہ القا ہوا کہ حقیقت میں ہزار سالہ موت کے بعد جو اَب اِحیا ہوا ہے اس میں انسانی ہاتھ کا دخل نہیں ہے۔جیسے خدا نے مسیح کو بن باپ پیدا کیا تھا یہاں مسیح موعود کو بلاواسطہ کسی اُستاد یا مُرشد روحانی زندگی عطا فرمائی۔اُستاد بھی حقیقت میں باپ ہی ہوتا ہے بلکہ حقیقی باپ استاد ہی ہوتا ہے۔افلاطون کہتا ہے کہ باپ تو روح کو زمین پر لاتا ہے اور اُستاد زمین سے آسمان پر پہنچاتا ہے۔غرض تو جیسے مسیح بِن باپ پیدا ہوا اور اُس کی اس حیات میں کسی انسان کا دخل نہ تھا ویسے ہی یہاں بدوں کسی اُستاد یا مُرشد کے خدا تعالیٰ نے محض اپنے فضل اورفیض

سے روحانی زندگی عطا کی۔پھر مَیں نے موت کے متعلق جب توجہ کی تو ذرا سی غنودگی کے بعد الہام ہوا۔فری میسن؎۱ مسلّط نہیں کئے جائیں گے کہ اس کو ہلاک کریں۔فری میسن کے متعلق میرے دل میں گزرا کہ جن کے ارادے مخفی ہوں۔پَوڑی کے متعلق یہ تفہیم ہوئی کہ ارواح کا نزول آسمان سے ہی ہوتا ہے اور صعود بھی آسمان ہی پر ہوتا ہے۔غرض یہ کیسی لطیف بات ہے کہ خدا تعالیٰ نے اس میں عظیم الشان بشارت اور پیشگوئی رکھ دی ہے۔لوگ ہمارے قتل کے ارادے کریں گے مگر خدا تعالیٰ اُن کو ہم پر مسلّط نہیں کرے گا۔‘‘ (الحکم جلد ۵ نمبر۳۷ مورخہ۱۰؍اکتوبر ۱۹۰۱ء صفحہ۷) ۱۹۰۱ء فرمایا۔’’ مَیں نے ایک مرتبہ دیکھا کہ میرے ہاتھ میں ایک کاغذ ہے۔مَیں نے ایک شخص کو دیا کہ اسے پڑھو تو اس نے کہا اس پر اواہن لکھا ہوا ہے۔مجھے اس سے کراہت آئی۔مَیں نے اُسے کہا کہ تو مجھے دکھا۔جب مَیں نے پھر ہاتھ میں لے کر دیکھا تو اس پر لکھا ہوا تھا۔اَرَدْتُّ اَنْ اَسْتَخْلِفَ فَـخَلَقْتُ اٰدَمَ۔‘‘ ؎۲ (الحکم جلد ۵ نمبر۳۹ مورخہ۲۴؍اکتوبر ۱۹۰۱ء صفحہ ۲) ۱۹۰۱ء ’’ ایک دفعہ مَیں نے عالمِ کشف میں دیکھا کہ مبارک احمد جو پسر چہارم میرا ہے چٹائی کے پاس گر پڑا ہے اور سخت چوٹ آئی ہے اور کُرتہ خون سے بھر گیا ہے۔خدا کی قدرت کہ ابھی اس کشف پر شاید تین منٹ سے زیادہ نہیں گزرے ہوں گے کہ مَیں دالان سے باہر آیا اور مبارک احمد کہ شاید اس وقت سوا دو سال کا ہوگا چٹائی کے پاس کھڑا تھا۔بچوں کی طرح کوئی حرکت کرکے پَیر پھسل گیا اور زمین پر جاپڑا اور کپڑے خون سے بھر گئے اور جس طرح عالمِ کشف میں دیکھا تھا اُسی طرح ظہور میں آگیا۔‘‘ (نزول المسیح۔روحانی خزائن جلد ۱۸ صفحہ ۵۹۷،۵۹۸) ۱ FREEMASON ۲ (ترجمہ از مرتّب) مَیں نے ارادہ کیا کہ خلیفہ بناؤں۔پس مَیں نے آدم کو پیدا کیا۔

۲۱؍ اکتوبر ۱۹۰۱ء ’’ قاضی یوسف علی صاحب نعمانی سر رشتہ دار ایگزیکٹو کمیٹی انتظامی کونسل سنگرور ریاست جیند پانچ مہینے سے سخت بیمار تھے۔بیماری کی حالت میں سنگروؔر سے بمشکل دارالامان حضرت امام کے قدموں میں حاضر ہوئے چونکہ ان کی اپنی زندگی کا بالکل بھروسہ نہیں رہا تھا اور زیست سے قطع امید کرکے اس نیت سے کہ امام کے قدموں میں جان نکلے آپڑے یہاں بھی علاج ہوتا رہا اور کوئی فائدہ کی صورت نظر نہ آئی ایک روز وہ سخت بیمار ہوئے یعنی ۲۱؍اکتوبر ۱۹۰۱ء کو ظہر کے وقت سے اُن کی حالت متغیر ہوگئی رانوں تک پیر اور مونڈھوں تک ہاتھ ٹھنڈے یخ ہوگئے بہت کچھ تدبیریں کیں کوئی کارگر نہ ہوئی عشاء کا وقت آگیا اور حالت خراب ہوتی گئی۔رات کے گیارہ بجے وہ حالت پیدا ہوئی جو مایوسی کی حالت تھی اور نصف بدن بے جان ہوگیا اور قریب تھا کہ رُوح پرواز کر جائے۔نبض ایسی کمزور ہوئی کہ گویا ایک کیڑی کی چال سے بھی کم تھی قاضی صاحب نے اپنا آخری وقت قطعی جان لیا اور یقین ہوگیا کہ اب زیست کا پیالہ لبریز ہوگیا کلمہ شہادت پڑھا اور اپنے امام کی تصدیق کی تجدید کی اور اپنے آپ کو خدا کی طرف لگایا۔یہ آخری حالت دیکھ کر صاحبزادہ پِیر سراج الحق صاحب نعمانی گھبرائے اور حضرت امام علیہ الصلوٰۃ والسلام کی خدمت میں حاضر ہوئے حضرت امام علیہ السلام کو جگا کر یہ ماجرا عرض کیا کہ اب قاضی صاحب کا آخری وقت ہے۔حضرت اقدس نے تین دوائیں اپنے پاس سے اُسی وقت طیّار کرکے صاحبزادہ صاحب کو عنایت کیں اور خود دعا کی۔کچھ منٹ ہی گزرے ہوں گے جو حضرت کو ۲دو رؤیامبشر اور ایک الہام ہوا۔وہ الہام یہ ہے۔ھٰذَا عِلَاجُ الْوَقْتِ وَ الـنِّرْبِسِیْ اس کےمعنے یہ ہوئے کہ یہ جو علاج آپ نے کِیا یہ ایسے ہی آڑے وقت کا علاج ہے اور نِـرْ۔بِسِیْ جو زہروں کو دُور کرنے والی ہے، اس کا استعمال کرو۔سو حضرت اقدس صبح کے وقت نِـرْ۔بِسِیْ اپنے ساتھ لائے اور اس کے استعمال کا حکم دیا۔یہ یقینی بات ہے کہ اِدھر حضرت اقدس نے دُعا کی اور اُدھر الہام اوررؤیاہوا اور اُسی وقت جو ایک منٹ کا فاصلہ بھی بیچ میں نہیں بتاسکتے قاضی صاحب میں رُوح داخل ہوگئی اور آناً فاناً میں تندرست ہوگئے۔‘‘ (الحکم جلد ۵ نمبر۳۹ مورخہ۲۴؍اکتوبر ۱۹۰۱ء صفحہ۱۵، ۱۶)

۱۶؍ نومبر ۱۹۰۱ء ’’فرمایا۔آج ایک مُنذِر الہام ہوا ہے اور اس کے ساتھ ایک خوفناک رؤیا بھی ہے۔وہ الہام یہ ہے۔مَــــــــــــحْــــــــــــمُــــــــــــــوْمٌ ؎۱ پھر نَـظَـرْتُ اِلَی الْــمَـــحْــمُــوْمِ ؎۲ پھر دیکھا کہ بکرے کی ران کا ٹکڑا چھت سے لٹکایا ہوا ہے۔‘‘ (الحکم جلد ۵ نمبر۴۲ مورخہ۱۷؍نومبر ۱۹۰۱ء صفحہ۴) ۱۷؍ نومبر ۱۹۰۱ء ’’رات میں نے ایک رؤیا دیکھی ہے یعنی ۱۷؍نومبر کی رات کو جس کی صبح کو ۱۸؍ نومبر تھی اور وہ رؤیا یہ ہے۔مَیں نے دیکھا کہ ایک سپاہی وارنٹ لے کر آیا ہے اور اس نے میرے ہاتھ پر ایک رسّی سی لپیٹی ہے تو مَیں اُسے کہہ رہا ہوں کہ یہ کیا ہے مجھے تو اس سے ایک لذّت اور سُرور آرہا ہے۔وہ لذت ایسی ہے کہ مَیں اسے بیان نہیں کرسکتا۔پھر اسی اثنا میں میرے ہاتھ میں معاً ایک پروانہ دیا گیا ہے۔کسی نے کہا کہ یہ اعلیٰ عدالت سے آیا ہے۔وہ پروانہ بہت ہی خوشخط لکھا ہوا تھا اور میرے بھائی مرزا غلام قادر صاحب مرحوم کا لکھا ہوا تھا۔مَیں نے اس پروانہ کو جب پڑھا تو اس میں لکھا ہوا تھا۔عدالت ِ عالیہ نے اسے بَری کیا ہے۔فرمایا۔اس سے پہلے کئی دن ہوئے یہ الہام ہوا تھا۔رَشَنَ الْـخَبَرُ ؎۳ رَشَن ناخواندہ مہمان کو کہتے ہیں۔‘‘ (الحکم جلد ۵ نمبر۴۴ مورخہ۳۰؍نومبر ۱۹۰۱ء صفحہ۲) ۱۹۰۱ء ’’مبارکہ؎۴کے متعلق ایک الہام سنایا۔نواب مبارکہ بیگم۔‘‘ (الحکم جلد ۵ نمبر۴۴ مورخہ۳۰؍نومبر ۱۹۰۱ء صفحہ۳) ۱۹۰۱ء ’’ہوا اِک خواب میں مجھ پر یہ اظہر کہ اِس؎۵کو بھی ملے گا بخت برتر لقب عزت کا پاوے وہ مقرّر یہی روزِ اَزل سے ہے مقدّر‘‘ ۱ (ترجمہ از مرتّب) یعنی ایک تپ والا۔۲ (ترجمہ از مرتّب) مَیں نے اس تپ والے کی طرف دیکھا۔۳ (ترجمہ از مرتّب) یعنی اچانک خبر آگئی۔۴ حضرت اقدس ؑ کی صاحبزادی (مرزا بشیر احمد) ۵ حضرت نواب مبارکہ بیگم صاحبہؓ۔(مرزا بشیر احمد)

(مجموعہ آمین۔بشیر احمد۔شریف احمد۔مبارکہ کی آمین۔مطبوعہ ۲۷؍نومبر ۱۹۰۱ء) ۱۹۰۱ء ’’ ایک دفعہ مَیں نے خواب میں دیکھا کہ مبارک احمد میرا چوتھا لڑکا فوت ہوگیا ہے۔اس سے چند دنوں کے بعد مُبارک احمد کو سخت تپ ہوا اور آٹھ دفعہ غش ہوکر آخری غش میں ایسا معلوم ہوا کہ جان نکل گئی ہے۔آخر دعا شروع کی اور ابھی مَیں دعا میں تھا کہ سب نے کہا کہ مبارک احمد فوت ہوگیا ہے۔تب مَیں نے اس پر اپنا ہاتھ رکھا تو نہ دَم تھا نہ نبض تھی۔آنکھیں میّت کی طرح پتھرا گئیں تھیں لیکن دعا نے ایک خارق عادت اثر دکھلایا اور میرے ہاتھ رکھنے سے ہی جان محسوس ہونے لگی یہاں تک کہ لڑکا زندہ ہوگیا اور زندگی کے علامات پیدا ہوگئے۔تب مَیں نے بلند آواز سے حاضرین کو کہا کہ اگر عیسیٰ بن مریم نے کوئی مُردہ زندہ کیا ہے تو اس سے زیادہ ہرگز نہیں یعنی اِسی طرح کا مُردہ زندہ ہوا ہوگا نہ کہ وہ جس کی جان آسمان پر پہنچ چکی ہواور ملک الموت نے اس کی رُوح کو قرار گاہ تک پہنچا دیا ہو۔‘‘ (نزول المسیح۔روحانی خزائن جلد۱۸ صفحہ۵۹۸) ۱ (ترجمہ از مرتّب) پاک ہے وہ ذات جس نے دشمنوں کو ذلیل و خوار کیا۔

۱۹۰۱ء ’’ایک دفعہ مجھے الہام ہوا۔’’ رَبِّ اَرِنِیْ کَیْفَ تُـحْیِ الْمَوْتٰی۔رَبِّ اغْفِرْ وَ ارْحَـمْ مِّنَ السَّمَآءِ‘‘ اے میرے ربّ! مجھے دکھا کہ تُو مُردہ کیوں کر زندہ کرتا ہے اور آسمان سے اپنی بخشش اور رحمت نازل فرما۔اِس الہام میں یہ خبر دی گئی کہ کبھی ایسا موقع آنے والا ہے کہ ہمیں یہ دُعا کرنی پڑے گی اور وہ قبول ہوگی چنانچہ ایسا ہوا کہ ایک دفعہ ہمارا لڑکا مبارک احمد ایسا سخت بیمار ہوا کہ سب نے کہا وہ مر گیا ہے ہم اُٹھے اور دُعا کرتے ہوئے لڑکے پر ہاتھ پھیرتے تھے تو لڑکے کو سانس آنا شروع ہوگیا تھا۔علاوہ ازیں یہ الہام اس طرح سے بھی پُورا ہوا کہ اللہ تعالیٰ نے اب تک ہمارے ہاتھ سے ہزارہا رُوحانی مُردہ زندہ کئے ہیں اور کررہا ہے۔‘‘ (نزول المسیح۔روحانی خزائن جلد۱۸ صفحہ ۶۱۳، ۶۱۴) ۹؍ جنوری ۱۹۰۲ء ’’ ابتدائے جنوری ۱۹۰۲ء کو ایک عرب صاحب آئے ہوئے تھے بعض لوگ اُن کے متعلق مختلف رائیں رکھتے تھے۔حضرت اقدس امام علیہ الصلوٰۃ والسلام کو ۹؍جنوری کی شب کو اس کے متعلق الہام ہوا۔قَدْ جَرَتْ عَادَۃُ اللّٰہِ اَنَّہٗ لَا یَنْفَعُ الْاَمْوَاتَ اِلَّا الدُّعَآءُ۔؎۱ اس وقت رات کے تین بجے ہوں گے۔حضرت اقدس فرماتے ہیں کہ اس وقت پر مَیں نے دعا کی تو یہ الہام ہوا۔فَکَلِّمْہُ مِنْ کُلِّ بَـابٍ وَّ لَنْ یَّنْفَعَہٗ اِلَّا ھٰذَا الدَّوَآءُ (اَیْ اَلدُّعَآءُ) ؎۲ اور پھر ایک اَور الہام اسی عرب کے متعلق ہوا کہ فَیَتَّبِعُ الْقُرْاٰنَ۔اِنَّ الْقُرْاٰنَ کِتَابُ اللّٰہِ کِتَابُ الصَّادِقِ۔‘‘؎۳ (الحکم جلد۷ نمبر ۱۲ مورخہ ۳۱؍مارچ ۱۹۰۳ء صفحہ۳) ۱ (ترجمہ از مرتّب) اللہ تعالیٰ کی عادت اس طرح پر جاری ہے کہ مُردوں کو دعا کے سوا اَور کوئی چیز نفع نہیں دیتی۔۲ (ترجمہ از مرتّب) پس اس سے ہر رنگ میں گفتگو کر مگر اس دوا (یعنی دعا) کے سوا کوئی چیز اس پر اثر نہیں کرے گی۔۳ (ترجمہ از مرتّب) اس کے نتیجہ میں وہ قرآن کی اتباع اختیار کرلے گا۔قرآن اللہ تعالیٰ کی کتاب ہے وہ سچے کی کتاب ہے۔نوٹ۔چنانچہ ۹؍جنوری ۱۹۰۲ء کی صبح کو جب آپ سیر کو نکلے تو حضرت اقدسؑ نے عربی زبان میں ایک تقریر فرمائی… جس کا نتیجہ یہ ہوا کہ وہ عرب صاحب جو پہلے بڑے جوش سے بولتے تھے بالکل صاف ہوگئے اور اُنہوں نے

قریباً فروری ۱۹۰۲ء ’’ ایک رات کو مجھے اِس طرح الہام ہوا کہ جیسے اخبار عَنِ الغائب ہوتا ہے اور وہ یہ الفاظ تھے۔اِنِّیْ اَفِرُّ مَعَ اَھْلِیْ اِلَیْکَ ؎۱ یہ الہام سب دوستوں کو سنایا گیا چنانچہ اُسی دن خلیفہ نورالدین؎۲ صا حب کا جـمّوںسے خط آیا کہ اس شہر میں طاعون کا زور پڑ گیا ہے اور مَیں آپ سے اجازت چاہتا ہوں کہ اپنے سب بال بچے کو ساتھ لے کر قادیان چلا آؤں۔‘‘ (نزول المسیح۔روحانی خزائن جلد۱۸ صفحہ ۵۸۹) ۲۹؍ مارچ ۱۹۰۲ء ’’ ۱۔لَوْ لَا الْاِکْرَامُ لَھَلَکَ الْمُقَامُ۔۲۔یَـاْتِیْ عَلٰی جَھَنَّمَ زَمَانٌ لَّیْسَ فِیْـھَا اَحَدٌ۔‘‘۳؎ (الحکم جلد۶ نمبر۱۲ مورخہ ۳۱؍مارچ ۱۹۰۲ء صفحہ۱۵) ترجمہ۔۱ اگر تیرا پاس مجھے نہ ہوتا اور تیرا اکرام مد نظر نہ ہوتا تو میں اس گاؤں کو ہلاک کردیتا۔۲ طاعون پر ایک ایسا وقت بھی آنے والا ہے کہ کوئی بھی اس میں گرفتار نہیں ہوگا یعنی انجام کار خیر و عافیت ہے۔(دافع البلاء۔روحانی خزائن جلد ۱۸ صفحہ ۲۲۷ و ۲۲۸) ۱۹۰۲ء ’’خدا تعالیٰ نے مجھے مخاطب کرکے فرمایا۔یَـأْتِیْ عَلٰی جَھَنَّمَ زَمَانٌ لَّیْسَ فِیْـھَا اَحَدٌ یعنی اس جہنّم پر جو طاعون اور زلزلوں کا جہنّم ہے ایک دن ایسا زمانہ آئے گا کہ اِس جہنّم میں کوئی فردِ بشر بھی نہیں ہوگا۔یعنی اِس ملک میں۔اور جیسا کہ نوحؑ کے وقت میں ہوا کہ ایک خلقِ کثیر کی موت کے بعد امن کا بقیہ حاشیہ۔صدقِ دل سے بیعت کی اور ایک اشتہار بھی شائع کیا اور بڑے جوش کے ساتھ اپنے ملک کی طرف بغرض تبلیغ چلے گئے۔‘‘ (الحکم مورخہ ۳۱؍ مارچ ۱۹۰۳ء صفحہ ۳) ۱ (ترجمہ از مرتّب) مَیں اپنے اہل کے ساتھ تیری طرف دوڑ کر آرہا ہوں۔۲ (نوٹ از حضرت مرزا بشیر احمدؓ) اِس سے مراد حضرت خلیفۃ المسیح الاوّلؓ نہیں ہیں بلکہ خلیفہ نورالدینؓ صاحب ساکن جموں ہیں جو پہلے تاجر کتب تھے۔۳ (نوٹ از مولانا جلال الدین شمسؓ) ڈائری حضرت نواب محمد علی خانؓ صاحب میں اس الہام کی تاریخ ۲۹؍مارچ لکھی ہے۔دیکھیے اصحابِ احمد جلد۲ صفحہ ۵۷۲ مطبوعہ اگست ۱۹۵۲ء مؤلّفہ ملک صلاح الدین صاحب ایم۔اے۔قادیان۔

·

آج 10 میں سے 10 باقی