تذکرہ یعنی وحی مقدّس و روٴیا و کشوف حضرت مسیح موعود علیہ الصلوٰة و السلام

حصہ 34

Urdu text of the edition of the Ahmadiyya Muslim Jamaat.

مئی ۱۹۰۲ء ’’ دَوران ا یام؎۱ دورہ مرض میں ۱۔اَلْیَوْمَ یَـوْمُ عِیْدٍ۔۲۔کُلَّ یَوْمٍ ھُوَ فِیْ شَاْنٍ۔؎۲ ۳۔اے میرے قادر خدا اس پیالہ کو ٹال دے۔۴۔خدا غمگین ہے۔۵۔یُعَظِّمُکَ الْمَلَآ ئِکَۃُ۔؎۳ خدا تعالیٰ کی وحی حضور علیہ الصلوٰۃ والسلام پر نازل ہوئی۔‘‘ (الحکم جلد۶ نمبر ۱۹ مورخہ ۲۴؍مئی ۱۹۰۲ء صفحہ ۱) مئی ۱۹۰۲ء ’’فرمایا۔بیماری کی شدّت میں جبکہ یہ گمان ہوتا تھا کہ رُوح پرواز کر جائے گی مجھے بھی الہام ہوا۔اَللّٰھُمَّ اِنْ اَھْلَکْتَ ھٰذِ ہِ الْعِصَا بَۃَ فَلَنْ تُعْبَدَ فِی الْاَرْضِ اَ بَدًا۔‘‘؎۴ (الحکم جلد۶ نمبر ۲۰ مورخہ ۳۱؍مئی ۱۹۰۲ء صفحہ ۵) جون ۱۹۰۲ء ’’ سَیُـھْزَمُ فَلَا یُرٰی۔نَبَأٌ مِّنَ اللّٰہِ الَّذِیْ یَعْلَمُ السِّـرَّ وَ اَخْفٰی۔ترجمہ۔عنقریب وہ گریز کر جائے گا اور پھر نظرنہ آئے گا۔یہ پیشگوئی ؎۵ہے خدا کی طرف سے جو نہاں در نہاں کو جاننے والا ہے۔‘‘ (الہُدیٰ والتبصرۃ لمن یّرٰی۔روحانی خزائن جلد۱۸ صفحہ ۲۵۴) ۱۹۰۲ء ’’ مَیں ایک اَوررؤیالکھتا ہوں جو طاعون کی نسبت مجھے ہوئی اور وہ یہ کہ مَیں نے ایک جانور دیکھا جس کا قد ہاتھی کے قد کے برابر تھا مگر مونہہ آدمی کے مونہہ سے ملتا تھا اور بعض اعضاء دوسرے جانوروں سے مشابہ تھے اور مَیں نے دیکھا کہ وہ یوں ہی قدرت کے ہاتھ سے پیدا ہوگیا اور مَیں ایک ایسی جگہ پر بیٹھا ہوں جہاں چاروں طرف بَن ہیں جن میں بَیل، گدھے، گھوڑے، کتے، سُؤر، بھیڑئیے، اُونٹ وغیرہ ہر ایک قسم کے موجود ہیں اور میرے دل میں ڈالا گیا کہ یہ سب انسان ہیں جو بد عملوں سے ان صورتوں میں ہیں۔۱ (نوٹ از حضرت مرزا بشیر احمدؓ) ۹، ۱۰؍مئی ۱۹۰۲ء کو حضرت اقدس علیہ السلام کو دردِ صُلب کا دورہ ہوا تھا اس کی طرف اشارہ ہے۔۲ (ترجمہ از مرتّب) ۱۔آج کادن عید کا دن ہے۔۲۔ہر دن وہ ایک نئی شان میں ہوتا ہے۔۳ (ترجمہ از مرتّب) ۵۔فرشتے تیری تعظیم کرتے ہیں۔۴ (ترجمہ) اے خدا! اگر تو نے اس جماعت کو ہلاک کردیا تو پھر اس کے بعد اس زمین میں تیری پرستش کبھی نہ ہوگی۔(الحکم مورخہ ۳۱؍مئی ۱۹۰۲ء صفحہ ۵) ۵ (نوٹ از مولانا جلال الدین شمسؓ) یہ پیشگوئی علّامہ رشید رضا ایڈیٹر المناؔر مصر کے متعلق ہے۔

اور پھر مَیں نے دیکھا کہ وہ ہاتھی کی ضخامت کا جانور جو مختلف شکلوں کا مجموعہ ہے جو محض قدرت سے زمین میں سے پیدا ہوگیا ہے وہ میرے پاس آبیٹھا ہے اور قُطب کی طرف اُس کا مونہہ ہے۔خاموش صورت ہے، آنکھوں میں بہت حیا ہے اور باربار چند منٹ کے بعد اُن بَنوں میں سے کسی بَن کی طرف دوڑتا ہے اور جب بَن میں داخل ہوتا ہے تو اس کے داخل ہونے کے ساتھ ہی شورِ قیامت اٹھتا ہے اور ان جانوروں کو کھانا شروع کرتا ہے اور ہڈیوں کے چابنے کی آواز آتی ہے۔تب وہ فراغت کرکے پھر میرے پاس آبیٹھتا ہے اور شاید دس۱۰ منٹ کے قریب بیٹھا رہتا ہے۔اور پھر دوسرے بَن کی طرف جاتا ہے اور وہی صورت پیش آتی ہے جو پہلے آئی تھی اور پھر میرے پاس آبیٹھتا ہے۔آنکھیں اُس کی بہت لمبی ہیں اور مَیں اس کو ہر ایک دفعہ جو میرے پاس آتا ہے خوب نظر لگا کر دیکھتا ہوں اور وہ اپنے چہرہ کے اندازہ سے مجھے یہ بتلاتا ہے کہ میرا اس میں کیا قصور ہے مَیں مامور ہوں۔اور نہایت شریف اور پرہیزگار جانور معلوم ہوتا ہے اور کچھ اپنی طرف سے نہیں کرتا بلکہ وہی کرتا ہے جو اس کو حکم ہوتا ہے۔تب میرے دل میں ڈالا گیا کہ یہی طاعون ہے اور یہی وہ دَآ۔بَّۃُ الْاَرْض ہے جس کی نسبت قرآن شریف میں وعدہ تھا کہ آخری زمانہ میں ہم اس کو نکالیں گے اور وہ لوگوں کو اس لئے کاٹے گا کہ وہ ہمارے نشانوں پر ایمان نہیں لاتے تھے… یہی دَآ۔بَّۃُ الْاَرْض جو اِن آیات میں مذکور ہے جس کا مسیح موعود کے زمانہ میں ظاہر ہونا ابتداء سے مقرر ہے۔یہی وہ مختلف صورتوں کا جانور ہے جو مجھے عالمِ کشف میں نظر آیا اور دل میں ڈالا گیا کہ یہ طاعون کا کیڑا ہے اور خدا تعالیٰ نے اس کا نام دَآ۔بَّۃُ الْاَرْض رکھا کیونکہ زمین کے کیڑوں میں سے ہی یہ بیماری پیدا ہوتی ہے اِسی لئے پہلے چوہوں پر اِس کا اثر ہوتا ہے اور مختلف صورتوں میں ظاہر ہوتی ہے اور جیسا کہ انسان کو ایسا ہی ہر ایک جانور کو یہ بیماری ہوسکتی ہے اِسی لئے کشفی عالم میں اس کی مختلف شکلیں نظر آئیں۔‘‘ (نزول المسیح۔روحانی خزائن جلد۱۸ صفحہ ۴۱۵ تا ۴۱۷) اگست ۱۹۰۲ء ’’ نزول المسیح جو آج کل لکھ رہے ہیں اور پِیر گولڑوی کی کتاب سیفؔ چشتیائی بھی زیرِ نظر ہے اس پر کسی قدر توجہ کرنے سے یہ الہام ہوا۔اِنِّیْ اَنَـا رَبُّکَ الْقَدِ یْرُلَا مُبَدِّ لَ لِکَلِمَاتِیْ۔‘‘ ؎۱ (الحکم جلد ۶ نمبر ۲۸ مورخہ ۱۰؍اگست ۱۹۰۲ء صفحہ۴) ۱ (ترجمہ از مرتّب) مَیں ہی ہوں تیرا ربّ کامل قدرت والا۔میری باتوں کو کوئی ٹلا نہیں سکتا۔

۱۵؍ اگست ۱۹۰۲ء؎۱ ’’ تُـخْرَجُ الصُّدُ وْرُ اِلَی الْقُبُوْرِ۔؎۲ یہ بھی ایک الہام ہے۔اِس الہام کے بعد نذیر حسین دہلوی اور فتح علی اور اللہ بخش تَونسوی وغیرہ اِس جہان سے رخصت ہوئے۔‘‘ (الحکم جلد ۶ نمبر۳۹مورخہ۳۱؍اکتوبر ۱۹۰۲ء صفحہ۱۰) اگست ۱۹۰۲ء (الف) ’’ شاید تین ماہ کا عرصہ ہوگیا ہے کہ مَیں نے خواب میں دیکھا تھا کہ قادیان کی اُس گلی میں جس میں ہم اکثر سَیر کو جاتے ہیں آپ؎۳ مصافحہ کے لئے میری طرف آرہے ہیں۔سو وہ بات پوری ہوگئی۔‘‘ (الحکم جلد ۶ نمبر ۳۷مورخہ ۱۷؍اکتوبر ۱۹۰۲ء صفحہ۱۶) (ب) ’’ مَیں نے ایک بار اُس کے متعلق دیکھا کہ گویا اُسی راستہ ہم سَیر کو نکلے ہیں تو اُس بَڑ؎۴کے درخت کے نیچے جو میراں بخش حجام کی حویلی کے پاس ہے نبی بخش سامنے سے آکر ملا ہے اور اُس نے مصافحہ کیا ہے۔یہ رؤیااُن دنوں کی ہے جب وہ مخالفت کے اشتہار چھپواتا پھرتا تھا۔‘‘ (الحکم جلد ۶ نمبر ۳۸ مورخہ ۲۴؍اکتوبر ۱۹۰۲ء صفحہ۱۰) ۱۹۰۲ء ’’ خدا تعالیٰ کی میرے ساتھ یہ عادت ہے کہ جب دعا انتہا کو پہنچ جاتی ہے تو آخر ایک فرشتہ نازل ہوتا ہے وہ اپنے ہاتھ سے اس روک کو توڑتا ہے۔تب بعد اس کے بلا توقف رحمت ِ الٰہی ظاہر ہوجاتی ہے بلکہ قبل اس کے جو صبح ہو آثارِ رحمت نمودار ہونے لگتے ہیں۔‘‘ (از مکتوب بنام سیٹھ عبدالرحمٰن صاحبؓ مدراسی۔مکتوبات احمد جلد ۲ صفحہ ۴۱۶،۴۱۷ مطبوعہ ۲۰۰۸ء) ۱۹۰۲ء ۱ (نوٹ از مولانا جلال الدین شمسؓ) یہ تاریخ حضرت مفتی محمد صادق صاحبؓ نے اپنی پُرانی نوٹ بک میں لکھی ہے۔دیکھیے ذکر ِ حبیب صفحہ ۲۱۶۔مطبوعہ دسمبر ۱۹۳۶ء۔۲ (ترجمہ از مرتّب) مخالفین کے سر گروہ قبروں کی طرف منتقل کئے جائیں گے۔۳ (نوٹ از مولانا جلال الدین شمسؓ) اس سے مراد مہر نبی بخش صاحب ہیں جو کسی وقت لغزش کھاکر مرتد ہوگئے تھے بعد میں توبہ کی توفیق پائی اور حضرت اقدسؑ کی خدمت میں تجدید بیعت کے لئے خط لکھا۔اس کے جواب میں حضورؑ نے یہ تحریر فرمایا۔۴ (نوٹ از حضرت مرزا بشیر احمدؓ) یہ بَڑ اُس چوک کے جنوب کی طرف (کوچہ کے غربی جانب) پندرہ بیس گز کے فاصلہ پر تھا جو قصرِ خلافت کی طرف سے محلہ دارالانوار کی طرف جانے والے راستہ اور احمدیہ چوک سے محلہ دارالعلوم وغیرہ کی طرف جانے والے راستہ کا مقام اتصال ہے اور جس راستے کا یہاں ذکر ہے اس سے یہی مؤخر الذکر راستہ مراد ہے۔

۱۹۰۲ء ’’حدیثوں میں جو آیا ہے کہ مسیح موعود کے وقت عمریں بڑھادی جاویں گی اس کے معنے یہی مجھے سمجھائے گئے ہیں کہ جو لوگ خادمِ دین ہوں گے اُن کی عمریں بڑھائی جاویں گی۔جو خادم نہیں ہوسکتا وہ بُڈھے بیل کی مانند ہے کہ مالک جب چاہے اُسے ذبح کر ڈالے۔‘‘ (الحکم جلد ۶ نمبر۳۱مورخہ۳۱؍اگست ۱۹۰۲ء صفحہ۸) ۱۹۰۲ء ’’خدا نے مجھے خبر دی ہے کہ مسیح محمدی مسیح موسوی سے افضل ہے۔‘‘ (کشتی نوح۔روحانی خزائن جلد۱۹ صفحہ۱۷) ۱۹۰۲ء ’’مَیں نے اپنے والد صاحب کو خواب میں دیکھا (دراصل ملائکہ کا تمثّل تھا مگر آپ کی صورت میں) آپ کے ہاتھ میں ایک چھوٹی سی چھڑی ہے۔گویا مجھے مارنے کے لئے ہے۔مَیں نے کہا کوئی اپنی اولاد کو بھی مارتا ہے۔جب مَیں یہ کہتا ہوں تو اُن کی آنکھیں پُر آب ہوجاتی ہیں۔پھر وہ ایسا ہی کرتے ہیں تو مَیں یہی کہتا ہوں۔آخر دو تین بار جب اسی طرح ہوا پھر میری آنکھ کُھل گئی۔‘‘ (الحکم جلد ۶ نمبر ۳۹ مورخہ ۳۱؍اکتوبر ۱۹۰۲ء صفحہ۶) ۱۹۰۲ء حضرت مولانا مولوی نورالدین صاحب کی طبیعت کل ناساز تھی۔آج الحمد للہ اچھی تھی حال دریافت فرمایا اور پھر فرمایا کہ ہم نے جو تصرفات اللہ کے دیکھے ہیں اس سے تو بعض وقت دواؤں کا بھی خیال نہیں آتا۔بعض وقت ہم کو دوا سے شفا ہوئی اور بعض وقت محض دعا سے۔فرمایا مَیں نے دعا کی کہ بدوں دوا کے شفا دے تو پھر اِذن ہوا کہ ہم نے شفا دی اور شفا ہوگئی۔‘‘ (الحکم جلد ۶ نمبر ۳۹ مورخہ ۳۱؍اکتوبر ۱۹۰۲ء صفحہ۶) ۱۹۰۲ء ’’ مولوی نذیر حسین دہلوی مر گیا۔اُس کے مرنے کی خبر آئی تو آپ کی زبان پر اس کے لئے جاری ہوا۔مَــاتَ؎۱ ضَـآلٌّ ھَآئِـمًا۔؎۲ ‘‘ (الحکم جلد ۶ نمبر ۳۹ مورخہ ۳۱؍اکتوبر ۱۹۰۲ء صفحہ۷) ۱۷؍ اکتوبر۱۹۰۲ء ’’ فرمایا۔آج میری زبان پر پھر یہ الہام جاری تھا۔اِنِّیْ اُحَافِظُ کُلَّ مَنْ فِی الدَّارِ اِلَّاالَّذِیْنَ عَلَوْا مِنِ اسْتِکْبَارٍ۔؎۳ ۱ (ترجمہ از مرتّب) ایک گمراہ شخص سرگردانی کی حالت میں مر گیا۔۲ (نوٹ از حضرت مرزا بشیر احمدؓ) ’’اس الہام سے اس کی تاریخ (۱۳۲۰ھ) بھی نکلتی ہے۔‘‘ (الحکم مورخہ ۳۱؍اکتوبر ۱۹۰۲ء صفحہ۷حاشیہ نمبر۱) ۳ (ترجمہ از مرتّب) مَیں ان تمام کی جو دَار میں ہیں حفاظت کروں گا سوائے ان لوگوں کے جو تکبر سے بڑے بنتے ہیں۔

اِلَّاالَّذِیْنَ عَلَوْا ہمیشہ ساتھ ہی ہوتا ہے۔خدا معلوم اس کے کیا معنے ہیں۔اس لئے بھی کہا جاتا ہے کہ یہ لوگ متنبہ رہیں۔تقویٰ پر قائم رہیں۔ایک علو تو اس رنگ میں ہوتا ہے جیسے کہ اَمَّا بِنِعْمَۃِ رَبِّکَ فَـحَدِّ ثْ۱؎ اور ایک علو شیطان کا ہوتا ہے جیسے اَبٰی وَاسْتَکْبَرَ۲؎ اور اس کے بارے میں ہے۔اَمْ کُنْتَ مِنَ الْعَالِیْنَ۔۳؎ یہ اُس سے سوال ہے کہ تیرا علو تکبر کے رنگ میں ہے یا واقعی ہے خدا تعالیٰ کے بندوں کے واسطے بھی اَعْلٰی کا لفظ آیا اور ہمیشہ آتا ہے۔جیسے اِنَّکَ اَنْتَ الْاَعْلٰی۴؎ مگریہ تو انکسار سے ہوتا ہے اور وہ تکبر سے ملا ہوا ہوتاہے۔‘‘ (البدر جلد ۱ نمبر۱ مورخہ ۳۱؍اکتوبر ۱۹۰۲ء صفحہ۴) ۱۸ ؍اکتوبر۱۹۰۲ء بروز شنبہ (الف) ’’فرمایا کہ آج کوئی پہر رات باقی ہوگی کہ الہام ہوا۔اِنِّیْ ؎۵ اُحَافِظُ کُلَّ مَنْ فِی الدَّارِ وَ لِنَجْعَلَہٗ اٰیَۃً لِّلنَّاسِ وَ رَحْـمَۃً مِّنَّا۔وَ کَانَ اَمْرًا مَّقْضِیًّا۔عِنْدِیْ مُعَالَـجَاتٌ‘‘؎۶ (البدر جلد ۱ نمبر۱ مورخہ ۳۱؍اکتوبر ۱۹۰۲ء صفحہ۵) (ب) ’’مَیں نے اِس الہام کو معمول کے موافق کتاب میں لکھ لیا اور پھر گھر۷؎ میں دریافت کیا کہ آج تم نے کوئی خواب دیکھا ہے ؟ تو انہوں نے کہا کہ مَیں نے ابھی ایک خواب دیکھا ہے کہ ایک صندوق بذریعہ بلٹی آیا ہے جس کو شیخ رحمت اللہ نے بھیجا ہے اور وہ دوائیوں کا صندوق ہے۔حکیم فضل الدین کی بیوی اور ہَرُوؔ دائی پاس کھڑی ہیں۔جب اُس کو کھولا گیا تو وہ لبالب دوائیوں سے بھرا ہوا تھا۔ڈبیاں ہیں، شیشیاں ہیں، غرض پورے طور پر بھرا ہوا ہے گھاس پھُوس کی جگہ بھی دوائیاں ہیں۔مَیں نے اس لحاظ سے کہ اُن کے ایمان میں اَور بھی ترقی ہو کہا کہ مجھے آج یہ الہام ہوا ہے اور مَیں نے وہ لکھا ہوا الہام ان کو دکھا دیا۔خدا کی قدرت ہے کہ کیسا عجیب توارد ہے اِدھر الہام میں رَحْـمَۃً مِّنَّا ہے اُدھررؤیامیں دکھایا گیا ہے کہ رحمت اللہ نے بھیجا ہے۔اور پھر حکیم فضل الدین کی بیوی مریم کاپاس ہونا۔چرا؎۱غ ۱ (ترجمہ از ناشر) اور جہاں تک تیرے ربّ کی نعمت کا تعلق ہے تو (اسے) بکثرت بیان کیا کر۔(الضُّحٰی: ۱۲) ۲ (ترجمہ از ناشر) اس نے انکار کیا اور استکبار سے کام لیا۔(البقرۃ: ۳۵) ۳ (ترجمہ از ناشر) یا تو بہت اونچے لوگوں میں سے ہے۔(صٓ: ۷۶) ۴ (ترجمہ از ناشر) ىیقیناً تو ہی غالب آنے والا ہے۔(طٰہٰ: ۶۹) ۵ (ترجمہ از ناشر) مَیں ہر ایک کو جو اس گھرکی چاردیوارکے اندرہےطاعون سے بچاؤں گا تا کہ ہم اسے لوگوں کے لئے اپنی رحمت کا نشان بنائیں اور یہ امر پہلے ہی سے قرار پایا ہوا تھا۔میرے پاس کئی علاج ہیں۔۶ (نوٹ از ناشر) الحکم مورخہ ۳۱؍اکتوبر ۱۹۰۲ء صفحہ۱۰ پر اس الہام میں وَ لِنَجْعَلَہٗ کی بجائے وَ لِنَجْعَلَ کے الفاظ درج ہیں۔۷ مراد حضرت اُمّ المؤمنین علیہا السلام۔(ایڈیٹر)

چرا؎۱غ کا لانا، یہ سب مبشرات ہیں۔لِنَجْعَلَہٗ اٰیَۃً لِّلنَّاسِ سے مراد یہ ہے کہ یہ وعدہ حفاظت جو ہے اس حفظ کو لوگوں کے لئے ایک نشان ٹھہراؤں گا۔اِس سے معلوم ہوتا ہے کہ اللہ تعالیٰ اب کھلے کھلے طور پر کچھ کرنا چاہتا ہے۔جیسے اِنَّـا تَـجَالَدْ۔نَـا میں ہوا تھا۔اس وقت ایک قوم تمنّا کے ساتھ ٹیکا کرارہی ہے اور ہم اس نشان کے ساتھ ناز کرتے ہیں۔‘‘ ( الحکم جلد ۶ نمبر ۳۹ مورخہ ۳۱؍اکتوبر ۱۹۰۲ء صفحہ۱۰) ۱۸؍ اکتوبر۱۹۰۲ء ’’اِس الہام کے ساتھ ایک اردو الہام بھی تھا مگر وہ بہت لمبا تھا یاد نہیں رہا اس کا خلاصہ اور مغز یاد رہا ہے کہ ایمان کے ساتھ نجات ہے۔‘‘ ( الحکم۲؎ جلد ۶ نمبر ۳۹ مورخہ ۳۱؍اکتوبر ۱۹۰۲ء صفحہ۱۰) ۱۸؍ اکتوبر۱۹۰۲ء ’’ فرمایا کہ رات کو مجھے ایک اَور فقرہ الہام ہوا تھا، بھول گیا تھا اَب یاد آیا ہے وہ یہ ہے۔اَحَسِبَ النَّاسُ اَنْ یُّتْرَکُوْا اَنْ۳؎ یَّقُوْلُوْا اٰمَنَّا وَ ھُمْ لَا یُفْتَنُوْنَ۔‘‘ (البدر جلد ۱ نمبر۱ مورخہ ۳۱؍اکتوبر ۱۹۰۲ء صفحہ۷ ) ترجمہ۔کیا یہ لوگ یہ سمجھتے ہیں کہ بے امتحان کئے صرف زبانی ایمان کے دعویٰ سے چھوٹ جاویں گے۔(براہین احمدیہ حصہ چہارم۔روحانی خزائن جلد ۱ صفحہ۶۰۸) ۱۹؍ اکتوبر۱۹۰۲ء ’’ یُرِیْدُ۔وْنَ اَن یُّطْفِئُوْا نُـوْرَکَ۔یُرِیْدُوْنَ اَنْ یَّتَخَطَّفُوْا عِرْضَکَ۔اِنِّیْ مَعَکَ وَ مَعَ اَھْلِکَ‘‘؎۴ (بدر جلد ۱ نمبر۲ مورخہ ۷؍نومبر ۱۹۰۲ء صفحہ۱۰ ) ۲۰؍اکتوبر۱۹۰۲ء ’’ رات تین بجے کے قریب مجھے الہام ہوا۔۱ (نوٹ از مولانا جلال الدین شمسؓ) چرؔاغ حضرت مسیح موعود علیہ السلام کے ایک ملازم تھے۔بعد میں مدرسہ احمدیہ میں چپڑاسی ہوتے تھے۔ریٹائرہوکر ربوہ دارالہجرت میں وفات پائی۔۲ (نوٹ از ناشر) البدر مورخہ ۳۱؍اکتوبر ۱۹۰۲ء صفحہ۵ میں درج ہے کہ ’’ یہ بھی الہام ہوا مگر اصل لفظ یاد نہیں کہ ایمان کے ساتھ نجات ہے۔‘‘ ۳ (نوٹ از ناشر) الحکم مورخہ ۳۱؍اکتوبر ۱۹۰۲ء صفحہ۱۱ پر اس الہام میں اَنْ یَّقُوْلُوْا کی بجائے وَیَقُوْلُوْا کے الفاظ درج ہیں۔۴ (ترجمہ از مرتّب) دشمن ارادہ کریں گے کہ تیرے نور کو بجھادیں۔وہ تیری ہتک عزت کرنا چاہیں گے مگر مَیں تیرے ساتھ اور تیرے اہل کے ساتھ ہوں گا۔(نوٹ از حضرت مرزا بشیر احمدؓ) الحکم مورخہ ۱۰؍نومبر ۱۹۰۲ء صفحہ۱ میں ’’۔یُرِیْدُ۔وْنَ اَنْ یَّـتَـخَـطَّفُوْا عِرْضَکَ‘‘ کی بجائے اس کی یہ قراءت بیان ہوئی ہے۔’’ وَ اَنْ یَّــتَـخَـطَّفُوْا عِـرْضَکَ۔‘‘

وَ اِمَّا نُرِیَنَّکَ بَعْضَ الَّذِیْ نَعِدُ۔ھُمْ لِلسِّلْسِلَۃِ السَّمَاوِیَّۃِ اَوْ نَتَوَفَّیَنَّکَ۔جَفَّ الْقَلَمُ بِـمَا ھُوَ کَآ۔ئِنٌ۔قُلْ اِنَّـمَا اَنَـا بَشَـرٌ مِّثْلُکُمْ یُـوْحٰی اِلَیَّ اَنَّـمَا اِلٰھُکُمْ اِلٰہُ وَّاحِدٌ۔وَ الْـخَیْرُ کُلُّہٗ فِی الْقُرْاٰنِ۔فَاتَّقُوا النَّارَ الَّتِیْ وَ قُوْدُ ھَاالنَّاسُ وَ الْـحِــجَارَۃُ اُعِدَّ تْ لِلْکَا فِرِیْنَ۔؎۱ معلوم ہوتا ہے کہ آدمی دو قسم ہیں۔ایک وہ کہ جانتے تو نہیں مگر اُن میں ابھی انسانیت ہے۔دوسرے وہ جن کے آنکھ، کان، فہم وغیرہ سب جاتے رہتے ہیں اور حـجارہ میں داخل ہیں۔وہ بھی جہنّم میں داخل ہوں گے جو کہ سمجھے ہوئے تو ہیں مگر بعض تعلّقاتِ دُنیاوی کی وجہ سے وہ قبول نہیں کرتے۔معلوم ہوتا ہے اس میں کوئی تجویز ہے اور اس کو ابھی مخفی رکھا ہے۔یہ بھی معلوم ہوتا ہے کہ ترقی ہونے والی ہے اور اللہ کریم کچھ چشم نمائی کرنے والے ہیں۔اور یہ بھی فرمایا کہ جو کچھ ہمارے ارادہ میں ہے وہ ہوچکا۔اب ٹل نہیں سکتا۔‘‘ (البدر جلد ۱ نمبر۲ مورخہ ۷؍نومبر ۱۹۰۲ء صفحہ۱۰،۱۱ ) ۱۹۰۲ء ’’طاعون کا ہو پڑا۔فرمایا۔ایک بار مجھے یہ الہام ہوا تھا کہ خدا قادیان میں نازل ہوگا اپنے وعدہ کے موافق۔اور پھر یہ بھی تھا۔اِلَّا الَّذِیْنَ اٰمَنُوْا وَ عَـمِلُوا الصَّالِـحَاتِ۔‘‘ ؎۲ (البدر جلد ۱ نمبر۲ مورخہ ۷؍نومبر ۱۹۰۲ء صفحہ۱۱۔الحکم جلد۶نمبر۴۰ مورخہ ۱۰؍نومبر ۱۹۰۲ء صفحہ ۱) ۳۰؍ اکتوبر ۱۹۰۲ء (الف) ’’ نتیجہ خلافِ مُراد ہوا یانِکلا آخر کا لفظ ٹھیک یاد نہیں اور یہ بھی پختہ پتہ نہیں کہ یہ الہام کس امر کے متعلق ہے۔‘‘ (البدر جلد ۱ نمبر۲ مورخہ ۷؍نومبر ۱۹۰۲ء صفحہ۱۶ ) (ب) ’’ نتیجہ خلاف ِاُمید ہے۔‘‘ (الحکم جلد۶نمبر۴۰ مورخہ ۱۰؍نومبر ۱۹۰۲ء صفحہ۱۱) ۱ (ترجمہ از مرتّب) اور یا تو ہم تجھے وہ بعض وعدے دکھا دیں گے جو ہم نے سلسلہ سماویہ کے لئے کئے ہیں اور یا تجھے وفات دے دیں گے۔جو کچھ ہمارے ارادہ میں ہے وہ ہوکر رہے گا۔تُو کہہ دے کہ مَیں تمہاری طرح ایک بشر ہوں جس پر وحی کی گئی ہے کہ تمہارا معبود ایک ہی ہے۔اور تمام خیر قرآن میں ہے۔پس اس آگ سے ڈرو جس کا ایندھن انسان اور پتھر ہیں اور جو کفار کے لئے تیار کی گئی ہے۔۲ (ترجمہ از مرتّب) سوائے مومنوں اور نیک عمل کرنے والوں کے۔

۶ ؍نومبر ۱۹۰۲ء ’’ ۶؍نومبر ۱۹۰۲ء کی شام کو میرے دل میں ڈالا گیا کہ ایک قصیدہ مقام مُدؔ کے مباحثہ کے متعلق بناؤں۔‘‘ (اعجاز احمدی۔روحانی خزائن جلد۱۹ صفحہ ۲۰۳) ۱۹۰۲ء (الف) ’’ فَقَدْ سَـرَّنِیْ فِیْ ھٰذِہِ الصُّوْرِ صُوْرَۃٌ لِیَدْ فَعَ رَبِّیْ کُلَّمَا کَانَ یَـحْشُـرٗ ؎۱ ترجمہ۔پس اِن صورتوں میں مجھے ایک طریق اچھا معلوم ہوا تا میرا خدا اس طوفان کو دُور کردے جو اُس؎۲نے اُٹھایا ہے۔‘‘ (اعجاز احمدی۔روحانی خزائن جلد۱۹ صفحہ ۱۵۶) (ب) ’’ ایک قصیدہ مَیں نے عربی میں تالیف کیا تھا جس کا نام اعجاز احمدی رکھا تھا اور الہامی طور پر بتلایا گیا تھا کہ اس کا کوئی مقابلہ نہیں کرسکے گا اور اگر طاقت بھی رکھتا ہوگا تو خدا کوئی روک ڈال دے گا۔پس قاضی ظفرالدین جو نہایت درجہ اپنی طینت میں خمیر انکار اور تعصّب اور خودبینی رکھتا تھا اس نے اس قصیدہ کا جواب لکھنا شروع کیا تا خدا کے فرمودہ کی تکذیب کرے۔پس ابھی وہ لکھ ہی رہا تھا کہ ملک الموت نے اس کا کام تمام کردیا۔‘‘ (تتمہ حقیقۃ الوحی۔روحانی خزائن جلد۲۲ صفحہ ۶۰۴ حاشیہ) (ج) ’’ میرے مکان کے ملحق ۲دو مکان تھے جو میرے قبضہ میں نہیں تھے اور بباعث تنگی مکان توسیع مکان؎۳ کی ضرورت تھی۔ایک دفعہ مجھے کشفی طور پر دکھلایا گیا جو اُس زمین پر ایک بڑا چبوترہ ہے اور مجھے خواب میں دکھایا گیا کہ اس جگہ ایک لمبا دالان بن جائے۔اور مجھے دکھایا گیا کہ اس زمین کے مشرقی حصّہ نے ہماری عمارت کے بننے کے لئے دعا کی ہے اور مغربی حصّہ کی زمین اُفتادہ نے آمین کہی ہے۔‘‘ (حقیقۃ الوحی۔روحانی خزائن جلد۲۲ صفحہ ۳۹۳) ۱ حضرت مسیح موعود علیہ السلام تحریر فرماتے ہیں۔ھٰذَا الشِّعْرُ مِنْ وَّحْیِ اللّٰہِ تَعَالٰی جَلَّ شَاْنُہٗ۔(اعجاز احمدی۔روحانی خزائن جلد ۱۹ صفحہ۱۵۶ حاشیہ) (ترجمہ از ناشر) یہ شعر اللہ جَلَّ شَاْنُہٗ کی وحی سے ہے۔۲ مولوی ثناء اللہ صاحب نے۔(مرزا بشیر احمد) ۳ (نوٹ از مولانا جلال الدین شمسؓ) معلوم ہوتا ہے کہ یہ وہی مکان ہے جس کا اشتہار کشتی نوح کے آخر میں حضرت اقدس ؑ نے دیا تھا اور جس میں حضرت مرزا بشیر احمد صاحبؓ رہتے تھے اور اِس لحاظ سے یہ کشف ۱۹۰۲ء یا اس سے قدرے قبل کا بنتا ہے مگر چونکہ صحیح تاریخ کا پتہ نہیں لگ سکا اِس لئے اِسے کشتی نوح کے سنِ تصنیف میں درج کردیا ہے۔وَاللہُ اَعْلَمُ۔

۱۵؍ نومبر۱۹۰۲ء (قریباً) ’’۲۹؍نومبر ۱۹۰۲ء روز شنبہ کو ایک خواب بیان کیا جسے دیکھے ہوئے قریب ۲دو ہفتے گزرے تھے۔وہ خواب یہ ہے کہ ایک مقام پر مَیں کھڑا ہوں تو ایک شخص آکر چیل کی طرح جھپٹا مار کر میرے سر سے ٹوپی لے گیا۔پھر دوسری بار حملہ کرکے آیا کہ میرا عمامہ لے جاوے مگر مَیں اپنے دل میں مطمئن ہوں کہ یہ نہیں لے جاسکتا۔اتنے میں ایک نحیف الوجود شخص نے اسے پکڑلیا مگر میرا قلب شہادت دیتا تھا کہ یہ شخص دل کا صاف نہیں ہے۔اتنے میں ایک اَور شخص آگیا جو قادیان کا رہنے والا تھا اُس نے بھی اُسے پکڑلیا۔مَیں جانتا تھا کہ مؤخر الذکر ایک مومن متقی ہے۔پھر اُسے عدالت میں لے گئے تو حاکم نے اُسے جاتے ہی ۴ یا ۶ یا ۹ ماہ کی قید کا حکم دے دیا۔‘‘ ( البدر جلد ۱نمبر ۵،۶ مورخہ ۲۸؍نومبرو ۵؍دسمبر ۱۹۰۲ء صفحہ ۳۷) ۱۹۰۲ء ’’ فرمایا کہ مجھےرؤیاہوا ہے کیا دیکھتا ہوں کہ ایک آدمی سر سے ننگا مَیلے کُچیلے کپڑے پہنے ہوئے میرے پاس آیا ہے۔اُس سے مجھے سخت بدبُو آتی ہے۔میرے پاس آکر کہتا ہے کہ میرے کان کے نیچے طاعون کی گلٹی نکلی ہوئی ہے۔مَیں اُسے کہتا ہوں پیچھے ہٹ جا، پیچھے ہٹ جا۔آپ نے فرمایا کہ اس کے ساتھ تفہیم الٰہی کوئی نہیں۔‘‘ ( البدر جلد ۱نمبر ۵،۶ مورخہ ۲۸؍نومبرو ۵؍دسمبر ۱۹۰۲ء صفحہ ۳۴) ۱۷؍ نومبر۱۹۰۲ء ’’ فرمایا۔رات مَیں نے خواب میں کچھ بارش ہوتی دیکھی ہے۔یُونہی ترشُّح سا ہے اور قطرات پڑ رہے ہیں مگر بڑے آرام اور سکون سے۔‘‘ (البدر۱؎ جلد ۱نمبر ۵،۶ مورخہ ۲۸؍نومبرو ۵؍دسمبر ۱۹۰۲ء صفحہ ۳۵) ۱۸؍ نومبر۱۹۰۲ء ’’ فرمایا کہ نماز (فجر) سے کوئی ۲۰ یا ۲۵ منٹ پیشتر مَیں نے خواب دیکھا کہ گویا ایک زمین خریدی ہے کہ اپنی جماعت کی میّتیں وہاں دفن کیا کریں تو کہا گیا کہ اس کا نام مقبرہ بہشتی ہے یعنی جو اس میں دفن ہوگا وہ بہشتی ہوگا۔پھر اِس کے بعد کیا دیکھتا ہوں کہ کشمیر میں کسرِ صلیب کے لئے یہ سامان ہوا ہے کہ کچھ پُرانی انجیلیں وہاں سے نِکلی ہیں۔مَیں نے تجویز کی کہ کچھ آدمی وہاں جاویں تو وہ انجیلیں لاویں تو ایک کتاب اُن پر لکھی جاوے۔یہ سن کر مولوی مبارک علی صاحب تیار ہوئے کہ مَیں جاتا ہوں مگر اِس مقبرہ بہشتی میں میرے لئے جگہ رکھی جاوے۔مَیں نے کہا کہ خلیفہ نورالدین کو بھی ساتھ بھیج دو یہ خواب ہے جو میں نے سنایا۔۱ (نوٹ از ناشر) الحکم مورخہ ۲۴؍نومبر ۱۹۰۲ء صفحہ ۴ میں خواب کے الفاظ یوں ہیں۔’’فرمایا رات کو خواب میں دیکھا کہ خفیف سا ترشح ہورہا ہےمگر بڑے آرام و سکون سے۔‘‘

اور فرمایا کہ اس سے پیشتر مَیں نے تجویز کی تھی کہ ہماری جماعت کی میّتوں کے لئے ایک الگ قبرستان یہاں ہو سو خدا نے آج اس کی تائید کردی۔اور انجیل کے معنے بشارت کے ہیں۔معلوم ہوتا ہے کہ خدا نے ارادہ کیا ہے کہ وہاں سے کوئی بڑی بشارت ظاہر کرے اور جو شخص وہ کام کرکے لائے گا وہ قطعی بہشتی ہے۔‘‘ ( البدر؎۱ جلد ۱نمبر ۵،۶ مورخہ ۲۸؍نومبرو ۵؍دسمبر ۱۹۰۲ء صفحہ ۳۵ ) ۲۰؍نومبر ۱۹۰۲ء بروز پنج شنبہ ’’فرمایا رات کو میں نے پگٹ۲؎ کے متعلق دعا کی اور صبح بھی کی مجھے یہ دکھایا گیا کہ کسی نے مجھے چار پانچ کتابیں دی ہیں جن پر لکھا ہوا تھا تسبیح تسبیح تسبیح بعد اس کے الہام ہوا۔اَللّٰہُ شَدِ۔یْدُ الْعِقَابِ۔اِنَّـھُمْ لَا یُـحْسِنُوْنَ۔؎۳ اس الہام سے معلوم ہوتا ہے کہ اس کی موجودہ حالت خراب ہے اور یا آئندہ توبہ نہ کریں گے۔اور یہ معنی بھی اس کے ہیں لَا یُـؤْمِنُوْنَ بِاللّٰہِ اور یہ مطلب بھی اس سے ہے کہ اس نے یہ کام اچھا نہیں کیا۔اللہ تعالیٰ پر یہ افترا اور منصوبہ باندھا اور اَللّٰہُ شَدِیْدُ الْعِقَابِ ظاہر کرتا ہے کہ اس کا انجام اچھا نہ ہوگا اور عذابِ الٰہی میں گرفتار ہوگا۔حقیقت میں یہ بڑی شوخی ہے کہ خدائی کا دعویٰ کیا جاوے۔‘‘ ( البدر؎۴ جلد۱ نمبر ۵، ۶ مورخہ ۲۸؍نومبرو ۵؍دسمبر ۱۹۰۲ء صفحہ۴۶) ۱ (نوٹ از ناشر) الحکم مورخہ ۲۴؍نومبر ۱۹۰۲ء صفحہ ۴ میں یہی خواب باختلاف الفاظ درج ہے۔۲ (نوٹ از مولانا جلال الدین شمسؓ) پگٹ (Piggott) لنڈن کا ایک پادری تھا جس نے دعویٰ کیا کہ وہ مسیح موعود ہے۔چند آدمی اس کے ساتھ ہوگئے۔اس کا ایک ٹائپ شدہ اشتہار مفتی محمد صادق صاحب کے نام آیا تھا۔مفتی صاحب نے وہ حضرت مسیح موعود علیہ السلام کی خدمت میں پیش کیا تب حضور نے ایک چھوٹا سا اشتہار صرف ایک صفحہ کا لکھ کر مولوی محمد علی صاحب کو دیا کہ اس کا انگریزی میں ترجمہ کرکے اور چھپوا کر ولایت بھیج دیں۔اس اشتہار میں حضور نے لکھا تھا کہ تمہارے دعویٰ کا اشتہار ہمارے سیکرٹری کے پاس پہنچا ہے۔تم اس دعویٰ میں جھوٹے ہو اور اگر تم طاقت رکھتے ہو تو میرا مقابلہ کرو۔خدا نے مجھ کو یہ بتایا ہے کہ مَیں مسیح موعود ہوں اوراسلام سچا دین ہے۔یہ اشتہار جب اس کو پہنچا تو اس نے خاموشی اختیار کی۔اس اشتہار کو ولایت کے اخباروں نے بھی چھاپا اور ان کے Cuttings (تراشے) قادیان آئے تھے۔اُن دنوں میں ایک عورت اس کے پاس رہتی تھی اس کے ساتھ اس کا تعلق ہوگیا جس کے متعلق اخباروں میں اس کے حق میں بدنامی کی خبریں شائع ہوئیں مگر حضرت مسیح موعود علیہ السلام کے اس اشتہار کے پہنچنے کے بعد وہ خاموش ہوگیا۔اس نے نہ پھر کبھی کوئی دعویٰ کیا اور نہ ہی اپنی کوئی جماعت بنائی اور نہ کوئی سلسلہ قائم کیا اور اسی خاموشی میں وہ فوت ہوگیا۔۳ (ترجمہ از مرتّب) اللہ کی سزا سخت ہوتی ہے یہ لوگ نیک اعمال بجا نہیں لاتے۔۴ (نوٹ از ناشر) اس الہام کے الفاظ البدر ۲۱؍ نومبر ۱۹۰۲ء صفحہ۲۵ میں بھی درج ہیں اور الحکم مورخہ ۲۴؍نومبر ۱۹۰۲ء صفحہ ۶ میں قدرے اختلافِ الفاظ سے اس رؤیا کی تفصیل درج ہے۔

۲۱؍ نومبر۱۹۰۲ء ’’ مَیں جب اشتہار؎۱ کو ختم کرچکا۔شاید دو تین سطریں باقی تھیں تو خواب نے میرے پر زور کیا یہاں تک کہ مَیں بمجبوری کاغذ کو ہاتھ سے چھوڑ کر سو گیا۔تو خواب میں مولوی محمد حسین صاحب بٹالوی اور مولوی عبداللہ صاحب چکڑالوی نظر کے سامنے آگئے۔مَیں نے ان دونو کو مخاطب کرکے یہ کہا۔خُسِفَ الْقَـمَرُ وَ الشَّمْسُ فِیْ رَمَضَانَ۔فَبِاَیِّ اٰلَآءِ رَبِّکُمَا تُکَذِّ۔بَـانِ۔یعنی چاند اور سورج کو تو رمضان میں گرہن لگ چکا۔پس تم اے دونوں صاحبو! کیوں خدا کی نعمت کی تکذیب کر رہے ہو ؟ پھر مَیں خواب میں اخویم مولوی عبدالکریم صاحب کو کہتا ہوں کہ اٰلَآءِ سے مُراد اِس جگہ مَیں ہوں اور پھر مَیں نے ایک دالان کی طرف نظر اُٹھا کر دیکھا کہ اس میں چراغ روشن ہے۔گویا رات کا وقت ہے اور اُسی الہام مندرجہ بالا کو چند آدمی چراغ کے سامنے قرآن شریف کھول کر اس سے یہ دونوں فقرے نقل کررہے ہیں۔گویا اسی ترتیب سے قرآن شریف میں موجود ہے اور ان میں سے ایک شخص کو مَیں نے شناخت کیا کہ میاں نبی بخش صاحب رفو گر امرت سری ہیں۔‘‘ (ریویو بر مباحثہ بٹالوی و چکڑالوی۔روحانی خزائن جلد۱۹صفحہ ۲۰۹حاشیہ) ۲۲؍ نومبر۱۹۰۲ء ’’ آج رات مجھےرؤیامیں دکھایا گیا کہ ایک درخت باردار اور نہایت لطیف اور خوبصورت پھلوں سے لدا ہوا ہے اور کچھ جماعت تکلّف اور زور سے ایک بُوٹی کو اُس پر چڑھانا چاہتی ہے جس کی جڑ نہیں بلکہ چڑھا رکھی ہے۔وہ بُوٹی افتیمون کی مانند ہے اور جیسے جیسے وہ بُوٹی اس درخت پر چڑھتی ہے اس کے پھلوں کو نقصان پہنچاتی ہے اور اس لطیف درخت میں ایک کھجواہٹ اور بد شکلی پیدا ہورہی ہے اورجن پھلوں کی اس درخت سے توقع کی جاتی ہے اُن کے ضائع ہونے کا سخت اندیشہ ہے بلکہ کچھ ضائع ہوچکے ہیں۔تب میرا دل اس بات کو دیکھ کر گھبرایا اور پگھل گیا اور مَیں نے ایک شخص کو جو ایک نیک اور پاک انسان کی صورت پر کھڑا تھا ، پُوچھا کہ یہ درخت کیا ہے اور یہ بُوٹی کیسی ہے جس نے ایسے لطیف درخت کو شکنجہ میں دبا رکھا ہے۔تب اُس نے جواب میں مجھے یہ کہا کہ یہ درخت قرآن خدا کا کلام ہے اور یہ بُوٹی وہ احادیث اور اقوال وغیرہ ہیں جو قرآن کے مخالف ہیں یا مخالف ٹھہرائی جاتی ہیں اور اُن کی کثرت نے اس درخت کو دبا لیا ہے اور اس کو نقصان پہنچا رہی ہیں۔تب میری آنکھ کھل گئی۔‘‘ (ریویو برمباحثہ بٹالوی و چکڑالوی۔روحانی خزائن جلد۱۹ صفحہ۲۱۲ حاشیہ) ۱ (نوٹ از حضرت مرزا بشیر احمدؓ) یعنی ریویو بر مباحثہ بٹالوی و چکڑالوی۔روحانی خزائن جلد۱۹ صفحہ ۲۰۶تا۲۱۶۔

۲۲؍ نومبر۱۹۰۲ء ’’اسی رات میں ایک الہام ہوا۔بوقت ۳ بجے ۲ منٹ اُوپر اور وہ یہ ہے۔مَنْ اَعْرَضَ عَنْ ذِکْرِیْ نَبْتَلِیْہِ بِذُ رِّیَّۃٍ فَاسِقَۃٍ مُلْـحِدَ ۃٍ یَّـمِیْلُوْنَ اِلَی الدُّنْیَا وَ لَا یَعْبُدُ۔ونَنِیْ شَیْئًا۔جو شخص قرآن سے کنارہ کرے گا ہم اُس کو ایک خبیث اولاد کے ساتھ مبتلا کریں گے جن کی ملحدانہ زندگی ہوگی۔وہ دنیا پر گریں گے اور میری پرستش سے ان کو کچھ بھی حصّہ نہ ہوگا یعنی ایسی اولاد کا انجام بد ہوگا اور توبہ اور تقویٰ نصیب نہیں ہوگا۔‘‘ (ریویو بر مباحثہ بٹالوی و چکڑالوی۔روحانی خزائن جلد۱۹ صفحہ ۲۱۳ حاشیہ) ۵؍ دسمبر۱۹۰۲ء (الف) ’’ جمعہ کے دن جب مَیں بیمار تھا تو مجھے یہ الہام ہوا تھا۔یَـمُوْتُ قَبْلَ یَــوْمِیْ ھٰذَا یعنی یہ میرے اس دن سے پیشتر مرے گا۔یومؔ سے مراد جمعہ کا دن ہے جو کہ اصل میں خدا کا دن ہے۔‘‘ (البدر جلد۱نمبر۷مورخہ ۱۲؍دسمبر ۱۹۰۲ء صفحہ ۵۵) (ب) ’’ مولوی رسل بابا امرتسری… طاعون سے پکڑا گیا اور اُس کے عین طاعون کے دنوں میں جمعہ کے روز مجھ کو الہام ہوا کہ یَـمُوْتُ قَبْلَ یَــوْمِیْ ھٰذَا یعنی آئندہ جمعہ سے پہلے مرجائے گا چنانچہ وہ آئندہ جمعہ سے پہلے ۸؍دسمبر ۱۹۰۲ء کو ڑ۵ بجے صبح کے اس جہان فانی سے رخصت ہوا۔‘‘ (حقیقۃ الوحی۔روحانی خزائن جلد ۲۲ صفحہ ۳۱۲،۳۱۳) ۶ ؍دسمبر۱۹۰۲ء (الف) ’’رات کو میری ایسی حالت تھی کہ اگر خدا کی وحی نہ ہوتی تو میرے اِس خیال میں کوئی شک نہ تھا کہ میرا آخری وقت ہے۔اسی حالت میں میری آنکھ لگ گئی تو کیا دیکھتا ہوں کہ ایک جگہ پر مَیں ہوں اور وہ کوچہ سربستہ سا معلوم ہوتا ہے کہ۳ بھینسے؎۱ آئے ہیں۔ایک اُن میں سے میری طرف آیا تو مَیں نے اُسے مار کر ہٹا دیا پھر دوسرا آیا تو اُسے بھی ہٹادیا۔پھر تیسرا آیا اور وہ ایسا پُرزور معلوم ہوتا تھا کہ مَیں نے خیال کیا ۱ حضرت مسیح موعود علیہ السلام تحریر فرماتے ہیں۔’’ اس واقعہ کے دیکھنے کے ساتھ ہی مجھ کو تفہیم ہوئی کہ کوئی دشمن مقدمہ برپا کرے گا اور اس کے تین وکیل ہوں گے… بعد میں کرم دین نے جہلم میں میرے پر مقدمہ کیا اور میری طلبی ہوئی اور وہ مقدمہ فوجداری اور سخت مقدمہ تھا اور جیسا کہ کشفی حالت میں ظاہر کیا گیا تین وکیل اُس کے تھے۔آخر بموجب وعدۂ الٰہی وہ مقدمہ اس کا خارج ہوا۔‘‘ (حقیقۃ الوحی۔روحانی خزائن جلد ۲۲ صفحہ ۳۹۵)

·

آج 10 میں سے 10 باقی