تذکرہ یعنی وحی مقدّس و روٴیا و کشوف حضرت مسیح موعود علیہ الصلوٰة و السلام
حصہ 38
Urdu text of the edition of the Ahmadiyya Muslim Jamaat.
۲۰ ؍اگست۱۹۰۳ء ’’کَـتَبَ اللّٰہُ لَاَغْلِبَنَّ اَنَـا وَ رُسُلِیْ۔‘‘ (البدر جلد۲ نمبر۳۲ مورخہ۲۸؍ اگست ۱۹۰۳ء صفحہ۲۵۳۔الحکم جلد ۷نمبر۳۱ مورخہ۲۴ ؍ اگست ۱۹۰۳ء صفحہ۶) (ترجمہ) ’’خدا نے لکھ چھوڑا ہے کہ مَیں اور میرے رسول غالب رہیں گے۔‘‘ (حقیقۃ الوحی۔روحانی خزائن جلد ۲۲ صفحہ۷۵، ۷۶) ۲۲ ؍اگست۱۹۰۳ء الہام۔’’خدا کی پناہ میں عمر گذارو۔‘‘ (کاپی الہامات حضرت مسیح موعود علیہ السلام صفحہ ۱۵ البدر جلد ۲ نمبر ۳۲ مورخہ ۲۸؍ اگست ۱۹۰۳ء صفحہ ۲۵۳۔الحکم جلد ۷ نمبر ۳۱ مورخہ ۲۴؍ اگست ۱۹۰۳ء صفحہ ۶) ۲۳؍ اگست۱۹۰۳ء ’’۲۳؍ اگست ۱۹۰۳ء کو بزبان انگریزی مَیں نے ڈوئی؎۱کے مقابل پر ایک اشتہار شائع کیا تھا اور خدا تعالیٰ سے الہام پاکر اس میں لکھا تھا کہ خواہ ڈوئی میرے ساتھ مباہلہ کرے یا نہ کرے وہ خدا کے عذاب سے نہیں بچے گا اور خدا جھوٹے اور سچے میں فیصلہ کرکے دکھلائے گا۔‘‘ (تتمہ حقیقۃالوحی۔روحانی خزائن جلد ۲۲ صفحہ۵۰۹ حاشیہ) ۲۴؍ اگست۱۹۰۳ء ’’۲۴؍اگست ۱۹۰۳ء کو میں نے خواب میں دیکھا کہ ایک بلّی ہے گویا وہ میرے ایک کبوتر پر حملہ کرتی ہے۔میں نے اس کی ناک کاٹ دی تب بھی وہ حملہ سے باز نہیں آئی تب میں نے گلے سے ۱ (نوٹ از حضرت مرزا بشیر احمدؓ) ’’یہ شخص امریکہ کا باشندہ تھا۔اِسلام کا سخت دشمن اور عیسائیت کا پکا حامی تھا۔اس نے نبوت کا دعویٰ کیا اور حضرت اقدس کے بار بار سمجھانے کے باوجود اس کے رویہ میں ذرا تغیر پیدا نہ ہوا بلکہ دن بدن تکبر، شوخی اور شرارت میں بڑھتا گیا۔آخر حضرت اقدس اور اس کے درمیان مباہلہ ہوا جس کے مضمون کو یورپ و امریکہ کے متعدد اخباروں نے شائع کیا۔(تفصیل کے لئے دیکھیے تتمہ حقیقۃ الوحی۔روحانی خزائن جلد ۲۲ صفحہ ۵۰۶، ۵۰۷) پھر اس کا جو حشر ہوا اسے میں حضور ہی کے الفاظ میں بیان کرتا ہوں۔’’اس (ڈوئی) کی زندگی کے ہر ایک پہلو پر آفت پڑی۔اس کا خائن ہونا ثابت ہوا اور وہ شراب کو اپنی تعلیم میں حرام قرار دیتا تھا مگر اُس کا شراب خوار ہونا ثابت ہوگیا اور وہ اُس اپنے آباد کردہ شہر صیحون سے بڑی حسرت کے ساتھ نکالا گیا جس کو اُس نے کئی لاکھ روپیہ خرچ کرکے آباد کیا تھا اور نیز سات کروڑ نقد روپیہ سے جو اُس کے قبضہ میں تھا اس کو جواب دیا گیا اور اس کی بیوی اور اُس کا بیٹا اُس کے دشمن ہوگئے اور اُس کے باپ نے اشتہار دیا کہ وہ ولدالزنا ہے… آخر کار اُس پر فالج گِرا اور ایک تختہ کی طرح چند آدمی اُس کو اُٹھا کر لے جاتے رہے اور پھر بہت غموں کے باعث پاگل ہوگیا اور حواس بجا نہ رہے… آخر کار مارچ ۱۹۰۷ء کے پہلے ہفتہ میں ہی بڑی حسرت اور دَرد اور دُکھ کے ساتھ مر گیا۔‘‘ (تتمہ حقیقۃالوحی۔روحانی خزائن جلد ۲۲ صفحہ۵۱۲، ۵۱۳)
اس کو پکڑا اور زمین سے اس کو رگڑنا چاہا لیکن جب میں زمین سے اس کو لگانا چاہتا ہوں تو وہ زور کرکے اوپر کو آجاتی ہے مگر بہر حال اس کا گلا میرے ہاتھ میں ہے جب کسی طرح وہ زمین پر لگ سکے جیسا کہ میرا منشاء تھا تب میں نے کہا آؤ اس بلّی کو پھانسی دے دیں۔اور پھر میں نے آئینہ خواب میں دیکھا اور رعب ناک اور چمکتا ہوا چہرہ نظر آیا۔‘‘ (کاپی الہامات۱؎ حضرت مسیح موعود علیہ السلام صفحہ ۱۵) یکم ستمبر۱۹۰۳ء ’’ فرمایا کہ آج خواب میں ایک فقرہ منہ سے یہ نکلا۔فیر مین ‘‘؎۲ (البدر جلد۲ نمبر۲۴ مورخہ۱۱؍ستمبر ۱۹۰۳ء صفحہ۳۶۶) ۴ ؍ستمبر۱۹۰۳ء ’’دیکھا کہ دو فرشتے یا دو آدمی میرے پاس آتے ہیں ایک دہنے طرف ایک بائیں طرف اور دونوں کے پاس پستول ہیں اور میں لیٹا ہوا تھا۔بعد اس کے الہام ہوا۔فِیْ حِفَاظَۃِ اللّٰہِ۔‘‘ ؎۳ (کاپی الہامات حضرت مسیح موعود علیہ السلام صفحہ ۱۶) ۵؍ستمبر۱۹۰۳ء ’’مَیں نے ایک کشفی نظر میں دیکھا کہ ایک درخت سرو کی ایک بڑی لمبی شاخ جو نہایت خوبصورت اور سرسبز تھی ہمارے باغ میں سے کاٹی گئی ہے اور وہ ایک شخص کے ہاتھ میں ہے تو کسی نے کہا کہ اِس شاخ کو اس زمین میں جو میرے مکان کے قریب ہے اس بیری؎۴ کے پاس لگا دو جو اس سے پہلے کاٹی گئی ۱ (نوٹ از ناشر) البدر مورخہ ۱۱؍ستمبر ۱۹۰۳ء صفحہ ۳۶۵ میں یہی رؤیا باختلاف الفاظ درج ہے۔۲ (ترجمہ از مرتّب) اچھا آدمی (Fairman) ۳ (ترجمہ از مرتّب) اللہ تعالیٰ کی حفاظت میں۔(نوٹ از ناشر) البدر مورخہ ۱۸؍ستمبر۱۹۰۳ء صفحہ ۳۸۰ اور الحکم مورخہ ۳۰؍ستمبر ۱۹۰۳ء صفحہ ۱۵ میں یہ رؤیا باختلاف تاریخ و الفاظ درج ہے۔۴ (نوٹ از مولانا عبد اللطیف بہاولپوری)حضرت امیر المؤمنین خلیفۃ المسیح الثانی ایدہ اللہ تعالیٰ بنصرہِ العزیز نے اِس کشف کو ۲دو شہید وں (صاحبزادہ سیّد عبداللطیف صاحب اور مولوی نعمت اللہ صاحب ) پر چسپاں فرماتے ہوئے فرمایا۔’’ بیری جو پہلے کاٹی گئی تھی اس سے مراد سیّد عبداللطیف صاحب تھے۔انہیں بیری قرار دے کر اس طرف اشارہ کیا گیا کہ وہ پھل دار یعنی صاحب ِ اولاد تھے اور سرو کی شاخ سے یہ مراد تھی کہ بیری کے بعد جو شاخ کاٹی جائے گی وہ پھلدار نہیں ہوگی چنانچہ مولوی نعمت اللہ خان صاحب کی ابھی تک شادی بھی نہ ہوئی تھی کہ شہید کردیئے گئے۔‘‘ (الفضل مورخہ ۱۱؍ دسمبر ۱۹۲۴ء صفحہ ۵)
تھی اور پھر دوبارہ اُگے گی اور ساتھ ہی مجھے یہ وحیِ الٰہی ہوئی کہ ’’کابل سے کاٹا گیا اور سیدھا ہماری طرف آیا‘‘ اس کی مَیں نے یہ تعبیر کی کہ تخم کی طرح شہید مرحوم کا خون زمین پر پڑا ہے اور وہ بہت بارور ہو کر ہماری جماعت کو بڑھاوے گا۔‘‘ (تذکرۃ الشہادتین۔روحانی خزائن جلد ۲۰ صفحہ ۵۷) ۷ ؍ ستمبر۱؎۱۹۰۳ء ’’الہام۔سَلَامٌ ؎۲عَلَیْکُمْ طِبْتُمْ۔یَـا حَفِیْظُ۔یَـاعَـزِیْزُ۔یَـا رَفِیْقُ۔‘‘؎۳ (کاپی الہامات حضرت مسیح موعود علیہ السلام صفحہ۱۶) ۱۰؍ ستمبر۱۹۰۳ء ’’خواب۔مَیں نے دیکھا میرے ہاتھ میں ایک کتاب ہے کسی مخالف کی۔مَیں اس کو پانی میں دھو رہا ہوں اور ایک شخص پانی ڈالتا ہے۔جب مَیں نے نظر اُٹھا کر دیکھا تو وہ ساری کتاب دھوئی گئی ہے اور سفید کاغذ نکل کر آیا ہے صرف ٹائٹل پیج پر ایک نام یا اس کے مشابہ رہ گیا ہے۔‘‘ ؎۴ (کاپی الہامات حضرت مسیح موعود علیہ السلام صفحہ ۱۷) ۲۱؍ ستمبر۱۹۰۳ء ’’رسول صلی اللہ علیہ وسلم پناہ گزیں ہوئے قلعۂ ہند میں۔‘‘؎۵ (کاپی الہامات حضرت مسیح موعود علیہ السلام صفحہ۱۷ و الحکم جلد ۷ نمبر ۴۶، ۴۷ مورخہ ۱۷و ۲۴؍دسمبر ۱۹۰۳ء صفحہ ۱۵) ۱ (نوٹ از ناشر) الحکم مورخہ ۳۰؍ستمبر ۱۹۰۳ء صفحہ ۱۵ اورالبدر مورخہ ۱۸؍ستمبر ۱۹۰۳ء صفحہ ۳۸۰ میں ان الہامات کی تاریخ ۹؍ستمبر ۱۹۰۳ء مرقوم ہے۔۲ (ترجمہ از مرتّب) تمہارے لئے سلامتی ہے خوش رہو۔اے حفاظت کرنے والے۔اے غالب۔اے رفیق۔۳ (نوٹ از البدر) فرمایا۔’’ مجھے الہام ہوا۔سَلَامٌ عَلَیْکُمْ طِبْتُمْ۔پھر چونکہ بیماری وبائی کا بھی خیال تھا۔اس کا علاج خدا تعالیٰ نے یہ بتلایا کہ اس کے ان ناموں کا ورد کیا جاوے۔یَـا حَفِیْظُ۔یَـاعَـزِیْزُ۔یَـا رَفِیْقُ۔رفیق خدا تعالیٰ کا نیا نام ہے جو کہ اس سے پیشتر اسمائے باری تعالیٰ میں کبھی نہیں آیا۔‘‘ (البدر مورخہ ۱۸؍ ستمبر ۱۹۰۳ء صفحہ ۳۸۰۔الحکم مورخہ ۳۰؍ستمبر ۱۹۰۳ء صفحہ ۱۵ ) ۴ (نوٹ از ناشر) سیدنا حضرت خلیفۃ المسیح الرابع رحمہ اللہ تعالیٰ نے اس خواب کو اپنے ان خطبات پر منطبق کیا جو آپ نے ان افتراءات کے ردّ میں ارشاد فرمائے تھے جو جنرل ضیاء الحق کے زمانہ میں حکومت نے اپنے ’’وائٹ پیپر‘‘ میں جماعت احمدیہ پر لگائے تھے۔دیکھیے ’’ زَھَقَ الْبَاطِل‘‘ صفحہ ۵۸۱ تا ۵۸۳ طبع اوّل۔۵ (نوٹ از ناشر) البدر مورخہ یکم جنوری ۱۹۰۴ء صفحہ ۶ میں یہ الہام یوں درج ہے۔’’رسول اللہ صلی اللہ علیہ وسلم پناہ گزیں ہوئے قلعۂ ہند میں۔‘‘
۲۳؍ ستمبر۱۹۰۳ء ’’حضرت اقدس ؑ نے صبح کو اُٹھ کر ذیل کا رؤیا سنایا۔مَیں نے ایک قلم لکھنے کے واسطے اُٹھائی ہے۔دیکھنے سے معلوم ہوا کہ اس کی زبان ٹوٹی ہوئی ہے۔تو مَیں نے کہا کہ محمد افضل نے جو پَر (نِب) بھیجے ہیں اُن میں (سے) ایک لگادو۔وہ پَر تلاش کئے جارہے ہیں کہ اس اثنائے میں میری آنکھ کُھل گئی… فرمایا کہ کوئی دنیا کا کاروبار چھوڑ کر ہمارے پاس بیٹھے تو ایک دریا پیشگوئیوں کا بہتا ہوا دیکھے جیسے کہ کل کی قلم والی پیشگوئی پوری ؎۱ہوئی ہے۔‘‘ (البدر جلد۲ نمبر۳۷ مورخہ۲؍اکتوبر ۱۹۰۳ء صفحہ۳۹۰) ۲۳؍ ستمبر۱۹۰۳ء ’’خوش و خورم باش‘‘؎۲ (البدر جلد۲ نمبر۳۷ مورخہ۲ ؍اکتوبر ۱۹۰۳ء صفحہ۳۹۰) ۱۹۰۳ء ’’ ایک وحی میں خدا تعالیٰ نے مجھ کو مخاطب کرکے فرمایا تھا۔یَـا اَحْـمَدُ جُعِلْتَ مُرْسَلًا اے احمد تُو مرسل بنایا گیا۔یعنی جیسے کہ تُو بروزی رنگ میں احـمد کے نام کا مستحق ہوا حالانکہ تیرا نام غلام احـمدتھا۔سو اسی طرح بروز کے رنگ میں نبی کے نام کا مستحق ہے کیونکہ احـمد نبی ہے نبوت اس سے مُنفک نہیں ہوسکتی۔‘‘ (تذکرۃ الشہادتین۔روحانی خزائن جلد ۲۰ صفحہ۴۵، ۴۶) ۱ (نوٹ از ایڈیٹر البدر) ’’ ۱۰بجے کے بعد مقدّمہ کرم دین صاحب بنام حضرت اقدس و حکیم فضل دین صاحب پیش ہوا۔خوا جہ صاحب نے حکیم فضل دین صاحب کی طرف سے درخواست پیش کی کہ مولوی کرم دین صاحب نے جو استغاثہ کیا ہے وہ وہی امر ہے جس کی تحقیق کے لئے خود میری طرف سے کرم دین صاحب پر استغاثہ دائر ہوئے ہیں اِس لئے جب تک وہ مقدمات فیصل نہ ہوں اس وقت تک اس مقدّمہ کو ملتوی کیا جاوے۔اس پر فریقین کے وکلاء کی بحث رہی اور عدالت نے دوسرے دن فیصلہ دینے کا حکم صادر فرمایا۔شام کے وقت حضرت اقدس ؑ کو الہام ہوا۔خوش و خورم باش۔۲۴؍ کو مقدمہ شیخ یعقوب علی صاحب ایڈیٹر الحکم بنام مولوی کرم دین صاحب و ایڈیٹر سراج الاخبار جہلم تھا مگر چونکہ مستغیث کی شہادت موجود نہ تھی اِس لئے اس کی تاریخ ۲۱؍اکتوبر ۱۹۰۳ء پڑی۔کل کی بحث پر چونکہ ابھی عدالت نے فیصلہ تحریر نہیں کیا تھا اِس لئے خواجہ صاحب نے کچھ اَور قانونی بحث کرنی چاہی جس کو سن کر عدالت نے ایک بجے کے بعد اسی دن یہ فیصلہ دیا کہ درخواست التواء ِ مقدمہ نامنظور ہے اور اِس طرح سے خدا کی وہ بات پوری ہوئی جو کہ اس نے ۲۲؍ کی رات کو اپنے فرستادہ کو دکھائی اور ۲۳؍ کی صبح کو اُس نے سنائی۔‘‘ (البدر مورخہ۲ ؍اکتوبر ۱۹۰۳ء صفحہ۳۹۰) ۲ (ترجمہ از مرتّب) خوش و خرم ہو۔(نوٹ از مرتّب) یہ الہام مقدّمہ کرم دین کے دوران میں ہوا۔
۱۹۰۳ء ’’طاعون کے دنوں میں جبکہ قادیان میں طاعون زور پر تھا۔میرا لڑکا شریف احمد بیمار ہوا اور ایک سخت تپ محرقہ کے رنگ میں چڑھا جس سے لڑکا بالکل بیہوش ہوگیا اور بیہوشی میں دونوں ہاتھ مارتا تھا۔مجھے خیال آیا کہ اگرچہ انسان کو موت سے گریز نہیں مگر اگر لڑکا اِن دنوں میں جو طاعون کا زور ہے فوت ہوگیا تو تمام دشمن اس تپ کو طاعون ٹھیرائیں گے اور خدا تعالیٰ کی اُس پاک وحی کی تکذیب کریں گے کہ جو اُس نے فرمایا ہے اِنِّیْ اُحَافِظُ کُلَّ مَنْ فِی الدَّارِ یعنی مَیں ہر ایک کو جو تیرے گھر کی چار دیوار کے اندر ہے طاعون سے بچاؤں گا۔اِس خیال سے میرے دل پر وہ صدمہ وارد ہوا کہ مَیں بیان نہیں کرسکتا۔قریباً رات کے بارہ بجے کا وقت تھا کہ جب لڑکے کی حالت اَبتر ہوگئی اور دل میں خوف پیدا ہوا کہ یہ معمولی تپ نہیں یہ اَور ہی بَلا ہے۔تب مَیں کیا بیان کروں کہ میرے دل کی کیا حالت تھی کہ خدانخواستہ اگر لڑکا فوت ہوگیا تو ظالم طبع لوگوں کو حق پوشی کے لئے بہت کچھ سامان ہاتھ آجائے گا۔اسی حالت میں مَیں نے وضو کیا اور نماز کے لئے کھڑا ہوگیا اور معاً کھڑا ہونے کے ساتھ ہی مجھے وہ حالت میسر آگئی جو استجابت ِ دعا کے لئے ایک کھلی کھلی نشانی ہے اور مَیں اُس خدا کی قسم کھاکر کہتا ہوں جس کے قبضہ میں میری جان ہے کہ ابھی مَیں شاید تین رکعت پڑھ چکا تھا کہ میرے پر کشفی حالت طاری ہوگئی اور مَیں نے کشفی نظر سے دیکھا کہ لڑکا بالکل تندرست ہے۔تب وہ کشفی حالت جاتی رہی اور مَیں نے دیکھا کہ لڑکا ہوش کے ساتھ چارپائی پر بیٹھا ہے اور پانی مانگتا ہے اور مَیں چار رکعت پوری کر چکا تھا۔فی الفور اُس کو پانی دیا اور بدن پر ہاتھ لگا کر دیکھا کہ تپ کا نام و نشان نہیں اور ہذیان اور بیتا بی اور بیہوشی بالکل دُور ہوچکی تھی اور لڑکے کی حالت بالکل تندرستی کی تھی۔مجھے اُس خدا کی قدرت کے نظارہ نے الٰہی طاقتوں اور دُعا قبول ہونے پر ایک تازہ ایمان بخشا۔‘‘ (حقیقۃ الوحی۔روحانی خزائن جلد ۲۲ صفحہ ۸۷، ۸۸ حاشیہ) ۱۹۰۳ء فرمایا۔’’چند سا ل؎۱ہوئے ایک دفعہ ہم نے عالمِ کشف میں اسی لڑکے شریف احمد کے متعلق کہا تھا کہ اَب تُو ہماری جگہ بیٹھ اور ہم چلتے ہیں۔‘‘ (بدر جلد ۶ نمبر ۱، ۲ مورخہ ۱۰ ؍جنوری ۱۹۰۷ء صفحہ ۳۔الحکم جلد ۱۱ نمبر ۱ مورخہ ۱۰ جنوری ۱۹۰۷ صفحہ ۱) ۱ (نوٹ از مولانا عبد اللطیف بہاولپوری) چونکہ سال کی تعیین نہیں ہوسکی اِس لئے پہلے کشف کی مناسبت سے اِسے یہاں درج کیا گیا۔
۱۹۰۳ء ’’ ۱۔اَتٰی اَمْرُ اللّٰہِ فَلَا تَسْتَعْــجِلُوْہُ۔۲۔بِشَارَۃٌ تَلَقَّاھَا النَّبِیُّونَ۔۳۔اِنَّ اللّٰہَ مَعَ الَّذِیْنَ اتَّقَوْا وَّالَّذِیْنَ ھُمْ مُّـحْسِنُوْنَ۔۴۔اِنَّہٗ قَوِیٌّ عَزِیْزٌ۔۵۔وَ اِنَّہٗ غَالِبٌ عَلٰی اَمْرِہٖ وَلٰکِنَّ اَکْثَرَ النَّاسِ لَا یَعْلَمُوْنَ۔۶۔اِنَّـمَا اَمْرُہٗ اِذَا اَرَادَ شَیْئًا اَنْ یَّقُوْلَ لَہٗ کُنْ فَیَکُوْنُ۔۷۔اَتَفِرُّوْنَ مِنِّیْ وَ اِنَّـا مِنَ الْمُجْرِمِیْنَ مُنْتَقِمُوْنَ۔۸۔یَقُوْلُوْنَ اِنْ ھٰذَا اِلَّا قَـوْلُ الْبَشَـرِ وَ اَعَانَہٗ عَلَیْہِ قَوْمٌ اٰخَرُوْنَ۔۹۔جَاھِلٌ اَوْ مَـجْنُوْنٌ۔۱۰۔قُلْ اِنْ کُنْتُمْ تُـحِبُّوْنَ اللّٰہَ فَاتَّبِعُوْنِیْ یُـحْبِبْکُمُ اللّٰہُ۔۱۱۔اِنَّـا کَـفَیْنَاکَ الْمُسْتَـھْزِئِیْنَ۔۱۲۔اِنِّیْ مُھِیْنٌ مَّنْ اَرَادَ اِھَانَتَکَ۔۱۳۔وَ اِنِّیْ مُعِیْنٌ مَّنْ اَرَادَ اِعَانَتَکَ۔۱۴۔وَ اِنِّیْ لَا یَـخَافُ لَدَیَّ الْمُرْسَلُوْنَ۔۱۵۔اِذَا جَآءَ نَصْـرُاللّٰہِ وَ الْفَتْحُ وَ تَـمَّتْ کَلِمَۃُ رَبِّکَ،ھٰذَا الَّذِیْ کُنْتُمْ بِہٖ تَسْتَعْــجِلُوْنَ۔۱۶۔وَ اِذَا قِیْلَ لَھُمْ لَا تُفْسِدُ۔وْا فِی الْاَرْضِ قَالُوْا اِنَّـمَا نَـحْنُ مُصْلِحُوْنَ۔۱۷۔اَلَا اِنَّـھُمْ ھُمُ الْمُفْسِدُ۔وْنَ۔۱۸۔وَ اِنْ یَّـتَّخِذُ۔وْنَکَ ترجمہ۔۱۔خدا کا اَمر آرہا ہے، پس تم جلدی مت کرو۔۲۔یہ خوشخبری ہے جو قدیم سے نبیوں کو ملتی رہی ہے۔۳۔خدا اُن کے ساتھ ہے جو تقویٰ اختیار کرتے ہیں۔یعنی اَدب اور حیا اور خوفِ الٰہی کی پابندی سے اُن ظنّی راہوں کو بھی چھوڑتے ہیں جن میں معصیت اور نافرمانی کا گمان ہوسکتا ہے اور دلیری سے کوئی قدم نہیں اُٹھاتے بلکہ ڈرتے ڈرتے کسی فعل یا قول کے بجالانے کا قصد کرتے ہیں اور خدا اُن کے ساتھ ہے جو اُس کے ساتھ اخلاص اور اُس کے بندوں سے نیکی بجالاتے ہیں۔۴۔وہ قوی اور غالب ہے۔۵۔وہ ہر ایک امر پر غالب ہے، مگر اکثر لوگ نہیں جانتے۔۶۔جب وہ ایک بات کو چاہتاہے تو کہتا ہے کہ ہو۔پس وہ بات ہوجاتی ہے۔۷۔کیا تم مجھ سے بھاگ سکتے ہو اور ہم مجرموں سے انتقام لیں گے۔۸۔کہتے ہیں کہ یہ تو صرف انسان کا قول ہے اور ان باتوں میں دوسروں نے اس شخص کی مدد کی ہے۔۹۔یہ توجاہل ہے یا مجنون ہے۔۱۰۔ان کو کہہ دے کہ اگر تم خدا کو دوست رکھتے ہو تو آؤ میری پَیروی کرو تا خدا بھی تمہیں دوست رکھے۔۱۱۔اور جو لوگ تجھے ٹھٹھا کرتے ہیں ہم ان کے لئے کافی ہیں۔۱۲۔مَیں اُس شخص کی اہانت کروں گا جو تیری اہانت کے در پے ہے۔۱۳۔اور مَیں اُس شخص کی مدد کروں گا جو تیری مدد کرنا چاہتا ہے۔۱۴۔مَیں ہوں جو میرے پاس ہو کر میرے رسول ڈرا نہیں کرتے۔۱۵۔جب خدا کی مدد اور فتح آئے گی، اور تیرے رَبّ کا کلمہ پورا ہوجائے گا تو کہا جائے گا کہ یہ وہی ہے جس کے لئے تم جلدی کرتے تھے۔۱۶۔اور جب اُن کو کہا جاتا ہے کہ زمین پر فساد مت کرو تو کہتے ہیں کہ ہم تو اصلاح کرتے ہیں۔۱۷۔خبردار رہو کہ وہی مفسد ہیں اور تجھے انہوں نے ہنسی اور ٹھٹھے کی جگہ بنا رکھا ہے۔۱۸۔اور ٹھٹھا مار کر کہتے ہیں کہ
اِلَّا ھُزُوًا۔اَھٰذَا الَّذِیْ بَعَثَ اللّٰہُ۔بَلْ اٰتَیْنَاھُمْ بِالْـحَقِّ فَھُمْ لِلْـحَقِّ کَارِھُوْنَ۔۱۹۔وَسَیَعْلَمُ الَّذِیْنَ ظَلَمُوْا اَیَّ مُنْقَلَبٍ یَّنْقَلِبُوْنَ۔۲۰۔سُـبْحَانَہٗ وَ تَعَالٰی عَـمَّا یَصِفُوْنَ۔۲۱۔وَ یَقُوْلُوْنَ لَسْتَ مُرْسَلًا۔۲۲۔قُلْ عِنْدِیْ شَھَادَۃٌ مِّنَ اللّٰہِ فَھَلْ اَنْتُمْ تُـؤْمِنُوْنَ۔۲۳۔اَنْتَ وَجِیْہٌ فِیْ حَضْـرَتِیْ۔اِخْتَرْتُکَ لِنَفْسِیْ۔۲۴۔اِذَا غَضِبْتَ غَضِبْتُ۔وَ کُلَّمَا اَحْبَبْتَ اَحْبَبْتُ۔۲۵۔یَـحْمَدُ۔کَ اللّٰہُ مِنْ عَرْشِہٖ۔۲۶۔یَــحْمَدُ۔کَ اللّٰہَ وَیَـمْشِیْٓ اِلَیْکَ۔۲۷۔اَنْتَ مِنِّیْ بِـمَنْزِلَۃٍ لَّا یَعْلَمُھَا الْـخَلْقُ۔۲۸۔اَنْتَ مِنِّیْ بِـمَنْزِلَۃِ تَوْحِیْدِیْ وَتَفْرِیْدیْ۔۲۹۔اَنْتَ مِنْ مَّآءِنَا وَ ھُمْ مِّنْ فَشَلٍ۔۳۰۔اَلْـحَمْدُ لِلّٰہِ الَّذِیْ جَعَلَکَ الْمَسِیْحَ ابْنَ مَرْیَمَ۔۳۱۔وَ عَلَّمَکَ مَالَمْ تَعْلَمْ۔۳۲۔قَالُوْا اَنّٰی لَک ھٰذَا۔۳۳۔قُلْ ھُوَ اللّٰہُ عَـجِیْبٌ لَا رَآ دَّ لِفَضْلِہٖ۔۳۴۔لَا یُسْئَلُ عَـمَّا یَفْعَلُ وَ ھُمْ یُسْئَلُوْنَ۔اِنَّ رَبَّکَ فَعَّالٌ لِّمَا یُرِیْدُ۔۳۵۔خَلَقَ اٰدَمَ فَاَکْـرَمَہٗ۔۳۶۔اَرَدْتُّ اَنْ اَسْتَخْلِفَ فَـخَلَقْتُ بقیہ ترجمہ۔کیا یہ وہی شخص ہے کہ جو خدا نے مبعوث فرمایا۔یہ تو اُن کی باتیں ہیں اور اصل بات یہ ہے کہ ہم نے اُن کے سامنے حق پیش کیا، پس وہ حق کے قبول کرنے سے کراہت کررہے ہیں۔۱۹۔اور جن لوگوں نے ظلم کیا ہے وہ عنقریب جان لیں گے کہ وہ کس طرف پھیرے جائیں گے۔۲۰۔خدا ان تہمتوں سے پاک اور برتر ہے جو اُس پر لگارہے ہیں۔۲۱۔اور کہتے ہیں کہ تُو خدا کی طرف سے بھیجا ہوا نہیں۔۲۲۔ان کو کہہ دے کہ خدا کی میرے پاس گواہی موجود ہے۔پس کیا تم ایمان لاتے ہو۔۲۳۔تُو میری درگاہ میں وجیہ ہے۔مَیں نے اپنے لئے تجھے چُن لیا۔۲۴۔جب تُو کِسی پر ناراض ہوتو مَیں اُس پر ناراض ہوتا ہوں اور ہر ایک چیز جس سے تُو پیار کرتا ہے مَیں بھی اُس سے پیار کرتا ہوں۔۲۵۔خدا اپنے عرش سے تیری تعریف کرتا ہے۔۲۶۔خدا تیری تعریف کرتا ہے اور تیری طرف چلا آتا ہے۔۲۷۔تُو مجھ سے اُس مرتبہ پر ہے جس کو دنیا نہیں جانتی۔۲۸۔تُو مجھ سے ایسا ہے جیسا کہ میری توحید اور تفرید۔۲۹۔تُو ہمارے پانی سے ہے اور وہ لوگ فشل سے۔۳۰۔اُس خدا کو حمد ہے جس نے تجھے مسیح ابن ِ مریم بنایا ۳۱۔اور تجھے وہ باتیں سکھلائیں جن کی تجھے خبر نہ تھی۔۳۲۔لوگوں نے کہا کہ یہ مرتبہ تجھے کہاں سے اور کیوں کر مل سکتا ہے۔۳۳۔ان کو کہہ دے کہ میرا خدا عجیب ہے۔اُس کے فضل کو کوئی رَدّ نہیں کرسکتا۔۳۴۔جو کام وہ کرتا ہے اُس سے پوچھا نہیں جاتا کہ ایسا کیوں کیا مگر لوگ اپنے اپنے کاموں سے پوچھے جاتے ہیں۔تیرا رَبّ جو چاہتا ہے کرتا ہے۔۳۵۔اُس نے اس آدم کو پیدا کرکے اس کو بزرگی دی۔۳۶۔مَیں نے اس زمانہ میں ارادہ کیا کہ اپنا ایک خلیفہ زمین پر قائم کروں، پس مَیں نے اس
اٰدَمَ۔۳۷۔وَ قَالُوْا اَتَـجْعَلُ فِیْـھَا مَنْ یُّفْسِدُ فِیْـھَا، قَالَ اِنِّیْ اَعْلَمُ مَا لَا تَعْلَمُوْنَ۔۳۸۔یَقُوْلُوْنَ اِنْ ھٰذَا اِلَّا اخْتِلَاقٌ۔۳۹۔قُلِ اللّٰہُ ثُمَّ ذَرْھُمْ فِیْ خَوْضِھِمْ یَلْعَبُوْنَ۔۴۰۔وَ بِالْـحَقِّ اَنْـزَلْنَاہُ وَ بِالْـحَقِّ نَـزَلَ۔۴۱۔وَ مَا اَرْسَلْنَاکَ اِلَّا رَحْـمَۃً لِّلْعَالَمِیْنَ۔۴۲۔یَـا اَحْـمَدِیْٓ اَنْتَ مُرَادِیْ وَ مَعِیْ۔۴۳۔سِـرُّکَ سِـرِّیْ۔۴۴۔شَاْنُکَ عَـجِیْبٌ وَّ اَجْرُکَ قَرِیْبٌ۔۴۵۔اِنِّیْ اَنَـرْتُکَ وَاخْتَرْتُکَ۔۴۶۔یَـاْتِیْ عَلَیْکَ زَمَنٌ کَمِثْلِ زَمَنِ مُوْسٰی۔۴۷۔وَلَا تُـخَاطِبْنِیْ فِی الَّذِیْنَ ظَلَمُوْا اِنَّـھُمْ مُّغْرَقُوْنَ۔۴۸۔وَ یَـمْکُرُوْنَ وَ یَـمْکُرُاللّٰہُ وَ اللّٰہُ خَیْرُ الْمَاکِرِیْنَ۔۴۹۔اِنَّہٗ کَرِیْمٌ تَـمَشّٰی اَمَامَکَ وَ عَادٰی لَکَ مَنْ عَادٰی، وَ سَوْفَ یُعْطِیْکَ رَبُّکَ فَتَرْضٰی۔۵۰۔اِنَّـا نَـرِثُ الْاَرْضَ نَـاْکُلُھَا مِنْ اَطْرَافِھَا۔لِتُنْذِرَ قَوْمًا مَّا اُنْذِرَ اٰبَآ۔ؤُھُمْ وَ لِتَسْتَبِیْنَ سَبِیْلُ الْمُجْرِمِیْنَ۔۵۱۔قُلْ اِنِّیْ اُمِرْتُ وَ اَنَـا اَوَّلُ الْمُؤْمِنِیْنَ۔۵۲۔قُلْ یُـوْحٰی اِلَیَّ اَنَّـمَا اِلٰھُکُمْ اِلٰہٌ وَّاحِدٌ۔۵۳۔وَالْـخَیْرُ کُلُّہٗ فِی الْقُرْاٰنِ۔بقیہ ترجمہ۔آدم کو پیدا کیا۔۳۷۔اور لوگوں نے کہا کہ کیا تُو ایسا شخص اپنا خلیفہ بناتا ہے جو زمین پر فساد کرتا ہے یعنی پھوٹ ڈالتا ہے۔تو خدا نے اُنہیں کہا کہ جن باتوں کا مجھے علم ہے تمہیں وہ باتیں معلوم نہیں۔۳۸۔اور کہتے ہیں کہ یہ ایک بناوٹ ہے۔کہہ خدا ہے جس نے یہ سلسلہ قائم کیا، ۳۹۔پھر یہ کہہ کر اُن کو اپنے لہو ولعب میں چھوڑدے۔۴۰۔اور ہم نے حق کے ساتھ اس کو اُتارا اور ضرورتِ حقّہ کے موافق وہ اُترا۔۴۱۔اور ہم نے تجھے تمام دنیا کے لئے ایک عام رحمت کرکے بھیجا ہے۔۴۲۔اے میرے احمد ! تُو میری مراد ہے اور میرے ساتھ ہے۔۴۳۔تیرا بھید میرا بھید ہے۔۴۴۔تیری شان عجیب ہے اور اجر قریب ہے۔۴۵۔مَیں نے تجھے روشن کیا اور مَیں نے تجھے چُنا۔۴۶۔تیرے پر ایک ایسا زمانہ آئے گا جیسا کہ موسیٰ پر زمانہ آیا تھا۔۴۷۔اور تُو اُن لوگوں کے بارے میں میری جناب میں شفاعت مت کر جو ظالم ہیں کیونکہ وہ غرق کئے جائیں گے۔۴۸۔اور یہ لوگ مَکر کریں گے اور خدا بھی اُن سے مَکر کرے گا اور خدا تعالیٰ بہتر مَکر کرنے والا ہے۔۴۹۔وہ کریم ہے جو تیرے آگے آگے چلتا ہے اور اُس کو وہ اپنا دشمن قرار دیتا ہے جوتجھ سے دشمنی کرتا ہے اور وہ عنقریب تجھے وہ چیزیں دے گا جن سے تُو راضی ہوجائے گا۔۵۰۔ہم زمین کے وارث ہوں گے اور ہم اُس کو اُس کے طرفوں سے کھاتے جاتے ہیں تاکہ تُو اس قوم کو ڈراوے جن کے باپ دادے ڈرائے نہیں گئے اور تاکہ مجرموں کی راہ کُھل جائے۔۵۱۔کہہ مَیں مامور ہوں اور مَیں سب سے پہلے مومن ہوں۔۵۲۔کہہ میرے پر یہ وحی نازل ہوتی ہے کہ تمہارا خدا ایک خدا ہے۔۵۳۔اور تمام خیر قرآن میں ہے۔
۵۴۔لَا یَـمَسُّہٗ اِلَّا الْمُطَھَّرُوْنَ۔۵۵۔فَبِاَیِّ حَدِیْثٍ بَعْدَہٗ تُـؤْمِنُوْنَ۔۵۶۔یُرِیْدُوْنَ اَنْ لَّا یَتِمَّ اَمْرُکَ، وَاللّٰہُ یَـاْبٰی اِلَّا اَنْ یُّتِمَّ اَمْرَکَ۔۵۷۔وَ مَا کَانَ اللّٰہُ لِیَتْرُکَکَ حَتّٰی یَـمِیْزَ الْـخَبِیْثَ مِنَ الطَّیِّبِ۔۵۸۔ھُوَ الَّذِیْ اَرْسَلَ رَسُوْلَہٗ بِالْھُدٰی وَ دِیْنِ الْـحَقِّ لِیُظْھِرَہٗ عَلَی الدِّیْنِ کُلِّہٖ۔وَکَانَ وَعْدُاللّٰہِ مَفْعُوْلًا۔۵۹۔اِنَّ وَعْدَ اللّٰہِ اَتٰی۔۶۰۔وَ رَکَلَ وَ رَکٰی۔۶۱۔یَعْصِمُکَ اللّٰہُ مِنَ الْعِدَا، وَ یَسْطُوْ بِکُلِّ مَنْ سَطَا۔حَلَّ غَضَبُہٗ عَلَی الْاَرْضِ۔۶۲۔ذَالِکَ بِـمَاعَصَوْا وَّ کَانُوْا یَعْتَدُوْنَ۔۶۳۔اَلْاَمْرَاضُ تُشَاعُ وَالنُّفُوْسُ تُضَاعُ۔۶۴۔اَمْرٌ مِّنَ السَّمَآءِ۔۶۵۔اَمْرٌ مِّنَ اللّٰہِ الْعَزِیْزِ الْاَکْـرَمِ۔۶۶۔اِنَّ اللّٰہَ لَا یُغَیِّـرُ مَا بِقَوْمٍ حَتّٰی یُغَیِّرُوْا مَا بِاَنْفُسِھِمْ۔۶۷۔اِنَّہٗ اٰوَی الْقَرْیَۃَ۔۶۸۔لَا عَاصِـمَ الْیَوْمَ اِلَّا اللّٰہُ۔۶۹۔اِصْنَعِ الْفُلْکَ بِاَعْیُنِنَا وَ وَحْیِنَا۔۷۰۔اِنَّہٗ مَعَکَ وَمَعَ اَھْلِکَ۔۷۱۔اِنِّیْ اُحَافِظُ کُلَّ مَنْ فِی الدَّارِ اِلَّا الَّذِیْنَ عَلَوْا مِنِ اسْتِکْبَارٍ۔۷۲۔وَ اُحَافِظُکَ خَآصَّۃً۔بقیہ ترجمہ۔۵۴۔اس کے حقائق معارف تک وہی لوگ پہنچتے ہیں جو پاک کئے جاتے ہیں۔۵۵۔پس تم اُس کے بعد یعنی اس کو چھوڑ کر کس حدیث پر ایمان لاؤ گے۔۵۶۔یہ لوگ ارادہ کرتے ہیں کہ کچھ ایسی کوشش کریں کہ تیرا اَمر ناتمام رہ جائے لیکن خدا تو یہی چاہتا ہے کہ تیری بات کو کمال تک پہنچاوے۔۵۷۔اور خدا ایسا نہیں ہے کہ قبل اس کے جو پاک اور پلید میں فرق کرکے دکھلاوے۔تجھے چھوڑ دے۔۵۸۔خدا وہ خدا ہے جس نے اپنے رسول کو (یعنی اِس عاجز کو )ہدایت اور دین ِ حق دے کر اِس غرض سے بھیجا ہے تا وہ اِس دین کو تمام دینوں پر غالب کرے اور خدا کا وعدہ ایک دن ہونا ہی تھا۔۵۹۔خدا کا وعدہ آگیا اور ایک پَیر اس نے زمین پر مارا اور خلل کی اصلاح کی۔۶۰۔خدا تجھے دشمنوں سے بچائے گا اور اُس شخص پر حملہ کرے گا کہ جو ظلم کی راہ سے تیرے پر حملہ کرے گا۔۶۱۔اُس کا غضب زمین پر اُتر آیا ۶۲۔کیونکہ لوگوں نے معصیت پر کمر باندھی اور وہ حد سے گزر گئے۔۶۳۔بیماریاں مُلک میں پھیلائی جائیں گی اور طرح طرح کے اسباب سے جانیں تلف کی جائیں گی۔۶۴۔یہ امر آسمان پر قرار پاچکا ہے۔۶۵۔یہ اُس خدا کا امر ہے جو غالب اور بزرگ ہے۔۶۶۔جو کچھ قوم پر نازل ہوا خدا اُس کو نہیں بدلائے گا جب تک کہ وہ لوگ اپنے دلوں کی حالتیں نہ بدلالیں۔۶۷۔وہ اُس گاؤں کو جو قادیان ہے کسی قدر ابتلا کے بعد اپنی پناہ میں لے لے گا۔۶۸۔آج خدا کے سوا کوئی بچانے والا نہیں۔۶۹۔ہماری آنکھوں کے سامنے اور ہماری وحی سے کشتی بنا۔۷۰۔وہ قادر خدا تیرے ساتھ اور تیرے لوگوں کے ساتھ ہے۔۷۱۔مَیں ہر ایک کو جو تیرے گھر کے اندر ہے بچاؤں گا۔مگر وہ لوگ جو میرے مقابل پر تکبر سے اپنے تئیں نافرمان اور اُونچا رکھتے ہیں۔یعنی پورے طور پر اطاعت نہیں کرتے۔۷۲۔اور خاص کر میری حفاظت تیرے شاملِ حال رہے گی۔
۷۳۔سَلَامٌ قَوْلًا مِّنْ رَّبِّ رَّحِیْمٍ۔۷۴۔سَلَامٌ عَلَیْکُمْ طِبْتُمْ ۷۵۔وَامْتَازُوا الْیَوْمَ اَیُّـھَا الْمُجْرِمُوْنَ۔۷۶۔اِنِّیْ مَعَ الرَّسُوْلِ اَقُوْمُ وَاُفْطِرُ وَاَصُوْمُ۔۷۷۔وَ اَلُوْمُ مَنْ یَّلُوْمُ۔۷۸۔وَاُعْطِیْکَ مَا یَدُوْمُ۔۷۹۔وَاَجْعَلُ لَکَ اَنْـوَارَ الْقُدُوْمِ۔۸۰۔وَلَنْ اَبْـرَحَ الْاَرْضَ اِلَی الْوَقْتِ الْمَعْلُوْمِ۔۸۱۔اِنِّیْ اَنَـا الصَّاعِقَۃُ وَاِنِّیْ اَنَـا الرَّحْـمٰنُ ذُو اللُّطْفِ وَ النَّدٰی۔بقیہ ترجمہ۔۷۳۔خدائے رحیم کی طرف سے سلامتی ہے۔۷۴۔تم پر سلامتی ہے۔تم پاک نفس ہو۔۷۵۔اور اے مجرمو! آج تم الگ ہوجاؤ۔۷۶۔مَیں اس رسول کے ساتھ کھڑا ہوں اور افطار کروں گا اور روزہ بھی رکھوں گا۔۷۷۔اور اُس کو ملامت کروں گا جو ملامت کرتا ہے۔۷۸۔اور تجھے وہ نعمت دوں گا جو ہمیشہ رہے گی۔۷۹۔اور اپنی تجلّی کے نور تجھ میں رکھ دوں گا۔۸۰۔اور مَیں اس زمین سے وقت ِ مقدّر تک علیحدہ نہیں ہوں گا۔یعنی میری قہری تجلّی میں فرق نہ آئے گا۔۸۱۔مَیں صاعقہ ہوں اور مَیں رحمٰن ہوں صاحب ِ لُطف اور بخشش۔‘‘ (تذکرۃ الشہادتین۔روحانی خزائن جلد ۲۰ صفحہ۴ تا ۹) ۱۹۰۳ء ’’ اے تمام لوگو! سن رکھو کہ یہ اس کی پیشگوئی ہے جس نے زمین و آسمان بنایا۔وہ اپنی اس جماعت کو تمام ملکوں میں پھیلاوے گا اور حجّت اور بُرہان کے رُو سے سب پر ان کو غلبہ بخشے گا۔وہ دن آتے ہیں بلکہ قریب ہیں کہ دنیا میں صرف یہی ایک مذہب ہوگا جو عزت کے ساتھ یاد کیا جائے گا۔خدا ا س مذہب اور اس سلسلہ میں نہایت درجہ اور فوق العادت برکت ڈالے گا اور ہر ایک کو جو اس کے معدوم کرنے کا فکر رکھتا ہے نامراد رکھے گا اور یہ غلبہ ہمیشہ رہے گا یہاں تک کہ قیامت آجائے گی اور کوئی ان میں سے عیسیٰ بن مریم کو آسمان سے اترتے نہیں دیکھے گا۔یاد رکھو کہ کوئی آسمان سے نہیں اُترے گا۔ہمارے سب مخالف جو اَب زندہ موجود ہیں وہ تمام مریں گے … اور پھر ان کی اولاد جو باقی رہے گی وہ بھی مرے گی اور ان میں سے بھی کوئی آدمی عیسیٰ بن مریم کو آسمان سے اترتے نہیں دیکھے گا اور پھر اولاد کی اولاد مرے گی اور وہ بھی مریمؑ کے بیٹے کو آسمان سے اُترتے نہیں دیکھے گی۔تب خدا اُن کے دلوں میں گھبراہٹ ڈالے گا کہ زمانہ صلیب کے غلبہ کا بھی گزر گیا اور دنیا دوسرے رنگ میں آگئی مگر مریم کا بیٹا عیسیٰ اب تک آسمان سے نہ اُترا۔تب دانشمند یک دفعہ اس عقیدہ سے بیزار ہوجائیں گے اور ابھی تیسری صدی آج کے دن سے پوری نہیں ہوگی کہ عیسیٰ کے انتظار کرنے والے کیا مسلمان اور کیا عیسائی سخت نومید اور بد ظن ہوکر اس جھوٹے عقیدہ کو چھوڑیں گے اور دُنیا میں ایک ہی مذہب ہوگا اور ایک
ہی پیشوا۔مَیں تو ایک تخم ریزی کرنے آیا ہوں سو میرے ہاتھ سے وہ تخم بویا گیا اور اب وہ بڑھے گا اور پھولے گا اور کوئی نہیں جو اس کو روک سکے۔‘‘ (تذکرۃ الشہادتین۔روحانی خزائن جلد ۲۰ صفحہ۶۶،۶۷) ۱۹۰۳ء ’’ اور یہ خیال مت کرو کہ آریہ یعنی ہندو دیا نندی والے کچھ چیز ہیں وہ صرف اس زنبور کی طرح ہیں جس میں بجز نیش زنی کے اور کچھ نہیں۔وہ نہیں جانتے کہ توحید کیا چیز ہے اور روحانیت سے سراسر بے نصیب ہیں۔عیب چینی کرنا اور خدا کے پاک رسولوں کو گالیاں دینا ان کا کام ہے اور بڑا کمال ان کا یہی ہے کہ شیطانی وساوس سے اعتراضات کے ذخیرے جمع کررہے ہیں اور تقویٰ اور طہارت کی روح ان میں نہیں۔یاد رکھو کہ بغیر روحانیت کے کوئی مذہب چل نہیں سکتا اور مذہب بغیر روحانیت کے کچھ بھی چیز نہیں۔جس مذہب میں روحانیت نہیں اور جس مذہب میں خدا کے ساتھ مکالمہ کا تعلق نہیں اور صدق و صفا کی روح نہیں اور آسمانی کشش اُس کے ساتھ نہیں اور فوق العادت تبدیلی کا نمونہ اس کے پاس نہیں وہ مذہب مردہ ہے۔اس سے مت ڈرو۔ابھی تم میں سے لاکھوں اور کروڑوں انسان زندہ ہوں گے کہ اس مذہب کو نابود ہوتے دیکھ لو گے۔‘‘ (تذکرۃ الشہادتین۔روحانی خزائن جلد ۲۰ صفحہ۶۷، ۶۸) ۱۹۰۳ء ’’ میرا ارادہ تھا کہ قبل اس کے جو ۱۶؍ اکتوبر ۱۹۰۳ء کو بمقام گورداسپور ایک مقدّمہ پر جاؤں… یہ رسالہ تالیف کرلوں اور اس کو ساتھ لے جاؤں۔تو ایسا اِتفاق ہوا کہ مجھے دردِ گُردہ سخت پیدا ہوا۔مَیں نے خیال کیا کہ یہ کام ناتمام رہ گیا۔صرف دو چار دن ہیں اگر مَیں اِسی طرح دردِ گردہ میں مبتلا رہا جو ایک مُہلک بیماری ہے تو یہ تالیف نہیں ہوسکے گا۔تب خدا تعالیٰ نے مجھے دعا کی طرف توجہ دلائی۔مَیں نے رات کے وقت میں جبکہ تین گھنٹے کے قریب بارہ بجے کے بعد رات گزر چکی تھی۔اپنے گھر کے لوگوں سے کہا کہ اَب مَیں دُعا کرتا ہوں تم آمین کہو۔سو مَیں نے اسی درد ناک حالت میں صاحبزادہ مولوی عبداللطیف کے تصورسے دعا کی کہ یا الٰہی اس مرحوم کے لئے مَیں اس کو لکھنا چاہتا تھا۔تو ساتھ ہی مجھے غنودگی ہوئی اور الہام ہوا۔سَلَامٌ قَوْلًا مِّنْ رَّبٍّ رَّحِیْمٍ۔یعنی سلامتی اور عافیت ہے، یہ خدائے رحیم کا کلام ہے۔پس قسم ہے مجھے اُس ذات کی جس کے ہاتھ میں میری جان ہے کہ ابھی صبح کے چھ نہیں بجے تھے کہ مَیں بالکل تندرست ہوگیا اور اسی روز نصف کے قریب کتاب کو لکھ لیا۔فَالْـحَمْدُ لِلّٰہِ عَلٰی ذٰلِک۔‘‘ (تذکرۃ الشہادتین۔روحانی خزائن جلد ۲۰ صفحہ۷۴،۷۵)
۱۳ ؍اکتوبر۱۹۰۳ء ’’سَـبَّحَکَ اللّٰہُ وَ رَافَاکَ۔خدا ترا از عیوب منزّہ کرد و با تو موافقت کرد۔‘‘ (کاپی الہامات حضرت مسیح موعود علیہ السلام صفحہ ۱۸) (ترجمہ) خدا نے ہر ایک عیب سے تجھے پاک کیا اور تجھ سے موافقت کی۔(حقیقۃ الوحی۔روحانی خزائن جلد ۲۲ صفحہ ۹۹) ۲۲؍ اکتوبر ۱۹۰۳ء ۱۔یُسَبِّحُ۱؎ لِلہِ مَنْ فِی السَّمٰوَاتِ وَ مَنْ فِی الْاَرْضِ۔مَنْ ذَا الَّذِیْ یَشْفَعُ عِنْدَہٗ اِلَّا بِاِذْنِہٖ۔۲۔وَاِنَّکَ اَنْتَ الْمُجَازُ۔۲؎ ۳۔اِنِّیْ مَلَکْتُ الشَّـرْقَ وَ الْغَـرْبَ۔یہ الہام مذکورہ بالا نواب محمد علی صاحب کے پسر عبد الرحیم کے حق میں ہوا کہ پہلے مایوسی کی حالت ہوئی پھر شفاعت کی۔خدا تعالیٰ نے چند یوم میں شفا بخشی… پھر بعد اس کے ۲۷؍اکتوبر ۱۹۰۳ء تک آثار صحت ۱ (ترجمہ از ناشر) ۱۔آسمانوں اور زمین میں جو کچھ ہے سب اللہ تعالیٰ کی تسبیح کرتا ہے۔کون ہے جو اس کے اذن کے بغیر اس کے حضور شفاعت کرے۔۲۔اور تجھے شفاعت کی اجازت دی جاتی ہے۔۳۔مَیں مشرق اور مغرب کا مالک ہوا۔۲ ’’ہمارے مکرم خان صاحب محمد علی خان صاحب کا چھوٹا لڑکا عبدالرحیم سخت بیمار ہوگیا۔چودہ روز ایک ہی تپ لازمِ حال (رہا) اور اس پر حواس میں فتور اور بیہوشی رہی آخر نوبت احتراق تک پہنچ گئی… حضرت خلیفۃ اللہ علیہ السلام کو ہر روز دعا کے لئے توجہ دلائی جاتی تھی اور وہ کرتے تھے۔۲۵؍ اکتوبر کو حضرت اقدس علیہ الصلوٰۃ والسلام کی خدمت میں بڑی بے تابی سے عرض کی گئی کہ عبدالرحیم کی زندگی کے آثار اچھے نظر نہیں آتے۔حضرت رؤف الرحیم تہجد میں اس کے لئے دعا کررہے تھے کہ اتنے میں خدا کی وحی سے آپ پر کھلا کہ تقدیر مبرم ہے اور ہلاکت مقدّر …فرمایا۔جب خدا تعالیٰ کی یہ قہری وحی نازل ہوئی تو مجھ پر حد سے زیادہ حزن طاری ہوا۔اُس وقت بے اختیار میرے منہ سے نکل گیا کہ یا الٰہی اگر یہ دعا کا موقع نہیں تو مَیں شفاعت کرتا ہوں۔اس کا موقع تو ہے۔اس پر معاً وحی نازل ہوئی۔یُسَبِّحُ لَہٗ مَنْ فِی السَّمٰوَاتِ وَ مَنْ فِی الْاَرْضِ۔مَنْ ذَ الَّذِیْ یَشْفَعُ عِنْدَہٗ اِلَّا بِاِذْنِہٖ اس جلالی وحی سے میرا بدن کانپ گیا اور مجھ پر سخت خوف اور ہیبت وارد ہوئی کہ مَیں نے بلا اِذن شفاعت کی ہے ایک دو منٹ کے بعد پھر وحی ہوئی۔اِنَّکَ اَنْتَ الْمُجَازُ یعنی تجھے اجازت ہے۔اس کے بعد حالاً بعد حالٍ عبدالرحیم کی صحت ترقی کرنے لگی اور اَب ہر ایک جو دیکھتا اور پہچانتا تھا اسے دیکھ کر خدا تعالیٰ کے شکر سے بھر جاتا اور اعتراف کرتا ہے کہ لارَیب مُردہ زندہ ہوا ہے۔‘‘ (مکتوب محررہ حضرت مولانا عبدالکریم صاحب ؓسیالکوٹی مطبوعہ البدر مورخہ ۲۹؍ اکتوبر، ۱۸؍ نومبر ۱۹۰۳ء صفحہ ۳۲۱)