تذکرہ یعنی وحی مقدّس و روٴیا و کشوف حضرت مسیح موعود علیہ الصلوٰة و السلام
حصہ 41
Urdu text of the edition of the Ahmadiyya Muslim Jamaat.
کے کذّاب ہونے پر مُہر لگ گئی۔‘‘ (حقیقۃ الوحی۔روحانی خزائن جلد ۲۲ صفحہ ۱۲۴، ۱۲۵) اگست ۱۹۰۴ء ’’ یَـا جِـبَالُ اسْـجُدِیْ مَعَہٗ وَ الطَّیْـرَ۔‘‘؎۱ (البدر جلد ۳ نمبر۲۹مورخہ یکم اگست ۱۹۰۴ء صفحہ۴) ستمبر۱۹۰۴ء ’’۱۔خواب میں دیکھا کہ کسی نے کھجوریں اور بیر پکے ہوئے پیش کئے ہیں۔۲۔نہایت خوشنما برفی ایک ڈَبّے میں دیکھی۔۳۔ایک اَسیر کے نظارہ کے بعد الہام ہوا۔یُطْعِمُوْنَ الطَّعَامَ عَلٰی حُبِّہٖ مِسْکِیْنًا وَّ یَتِیْـمًا وَّاَسِیْـرًا۔؎۲ ۴۔کوئی کہتا ہے۔ہماری قِسمت آیت وار۔‘‘ (الحکم جلد ۸ نمبر۳۱ مورخہ۱۷؍ستمبر ۱۹۰۴ء صفحہ۸) ستمبر۱۹۰۴ء ’’اِنِّیْ مَعَ الرَّسُوْلِ فَقَطْ۔‘‘؎۳ (الحکم جلد ۸ نمبر۳۳ مورخہ۳۰؍ ستمبر ۱۹۰۴ء صفحہ۷) ۳ ؍اکتوبر ۱۹۰۴ء ’’ مورخہ ۳؍اکتوبر کو بوقت ساڑھے بارہ بجے الہام ہوا۔قَدْ جَآءَ الدِّیْنُ مِنَ النُّصْـرَۃِ ثُمَّ سَیَعُوْدُ مِنَ النُّصْـرَۃِ۔‘‘؎۴ (الحکم جلد ۸ نمبر۳۳ مورخہ۳۰؍ ستمبر ۱۹۰۴ء صفحہ ۶ حاشیہ) ۱۹۰۴ء ’’بہت سے حادثات اور عجیب کاموں کے بعد تیرا حادثہ ہوگا۔‘‘ (البدر جلد ۳ نمبر۳۹ مورخہ۱۶؍ اکتوبر۱۹۰۴ء صفحہ۸) ۲۰؍ اکتوبر ۱۹۰۴ء ۱۔’’ مَیں نے خواب میں سراج الحق کو دیکھا اور مَیں انہیں کہتا ہوں کہ اِتنی مدّت تم کہاں رہے۔پھر مَیں نے ارادہ کیا ہے کہ ایک الہام لکھوں اور وہ یہ ہے۔اِشْـرَاقُ الْعَارِضِ بَعْدَ اِصْلَاحِ الْعَارِضِ۔‘‘؎۵ ۲۔’’ اور خواب آئی کہ ایک مُرغ میرے بستر (پر ) بیٹھاہے۔مَیں نے اُس کی ٹانگ (پر)سوٹی ۱ (ترجمہ از مرتّب) اے پہاڑو! تم بھی اس کی معیّت اختیار کرکے سجدہ میں گِر جاؤ اور پرندے بھی گِرجائیں۔۲ (ترجمہ از مرتّب) وہ خدا کی محبّت میں مسکینوں، یتیموں اور اَسیروں کو کھانا کھلاتے ہیں۔۳ (ترجمہ از مرتّب) مَیں اپنے رسول کے ساتھ ہوں اور بس۔۴ (ترجمہ از مرتّب) دین پہلے بھی نصرت ہی سے غالب آیا تھا اور اب دوبارہ بھی وہ نصرت ہی کے ذریعہ سے غالب آئے گا۔۵ (ترجمہ از مرتّب) بیماری سے شفا پانے کے بعد رخسار کا چمکنا۔
ماری اور پھر پکڑ کر اپنی زوجہ کو دیا جس سے مراد لڑکا؎۱ کہتے ہیں۔‘‘ (کاپی الہامات حضرت مسیح موعود علیہ السلام صفحہ ۳۰) ۴؍ نومبر۱۹۰۴ء ’’ ۲۵؍ شعبان ۱۳۲۲ھ ۴؍نومبر ۱۹۰۴ء بروز جمعہ مقام سرائے بٹالہ بوقت واپسی اَز سیالکوٹ۔خواب میں مَیں نے دیکھا کہ راجہ گلاب سنگھ راجہ وفات (یافتہ) کشمیر میرے پَیر دبا رہا ہے اور پھر دیکھا کہ بہت سے زیورات سونے کے جمع ہورہے ہیں اور مولوی نور دین صاحب نے پوچھا ہے یہ کیسے زیورات ہیں۔مَیں نے کہا گوالیار کے راجہ نے خیرات کے لئے بھیجے ہیں اور گوالیار کا راجہ بھی ملنے کے لئے آتا ہے۔‘‘ (کاپی الہامات حضرت مسیح موعود علیہ السلام صفحہ۳۱) ۲۲؍ نومبر ۱۹۰۴ء ’’مطابق ۱۲؍رمضان ۱۳۲۲ھ۔۱۔روز نقصان بر تو نیاید۔۲۔کَمِثْلِکَ دُ۔رٌّ لَّا یُضَاعُ۔۳۔لَا یَـاْتِیْ عَلَیْکَ یَــوْمُ الْـخُسْـرَانِ۔‘‘؎۲ (کاپی الہامات حضرت مسیح موعود علیہ السلام صفحہ۳۱) ۲۳ ؍نومبر۱۹۰۴ء (الف) ’’ آج خواب میں دیکھا کہ بہت سی کنجیاں میرے سامنے پڑی ہیں شاید ہزار دو ہزار کنجی ہے۔یعنی مِفْتَاح۔‘‘ (کاپی الہامات۳؎ حضرت مسیح موعود علیہ السلام صفحہ۳۱ ) (ب) ۲۳؍نومبر ۱۹۰۴ءوقت ۹ بجے شام۔’’ مَیں نے دیکھا کہ میں ایک عورت کی چادر لے کر باہر نکلا ہوں اور ایک جگہ آتا ہوں جو مسجد سے مشابہہ ہے۔شاید وقت شام ہے اور میں اندر سے ننگا ہوں یعنی کرتہ نہیں ہے زنانہ چادر اوپر ہے اور ایک رکعت پڑھ کر آیا ہوں کسی سبب سے باہر آگیا ہوں آگے مولوی نور دین صاحب نماز شام پڑھنے لگے ہیں۔مَیں نے کہا آپ نماز پڑھاویں انہوں نے نماز میں اوّل اَلْـحَمْد پڑھا ہے۔بعد اس کے یہ چند کلمے پڑھے ہیں جو اس وقت سمجھتا ہوں جو قرآن شریف میں سے ہیں اور وہ یہ ہیں۔۱ (نوٹ از مولانا عبد اللطیف بہاولپوری) اِس خواب کو لکھنے سے پہلے حضرت مسیح موعود علیہ السلام نے یہ دعا لکھی ہے۔بِسْمِ اللّٰہِ الرَّحْـمٰنِ الرَّحِیْمِ۔اَللّٰھُمَّ ارْزُقْنِیْ وَلَـدًا ذَکَـرًا خَامِسًا مَّعَ حَیَاۃِ نَفْسِیْ وَ زَوْجَتِیْ وَوُلْدِیْ اَجْـمَعِیْنَ۔اٰمین۔بسم اللہ الرحمن الرحیم۔اے اللہ ! مجھے میری بیوی اور میری ساری اولاد کی زندگی کے ساتھ ایک پانچواں فرزند نرینہ عطا فرما۔آمین ۲ (ترجمہ از مرتّب) ۱۔نقصان کا دن تجھ پر نہ آئے۔۲۔تیرے جیسا موتی ضائع نہیں کیا جاتا۔۳۔تجھ پر گھاٹے کا دن نہیں آئے گا۔(نوٹ از مولانا عبد اللطیف بہاولپوری) الہام ’’روز نقصان بر تو نیاید‘‘ الحکم مورخہ ۲۴؍ نومبر ۱۹۰۴ء صفحہ ۶ اور البدر مورخہ ۲۴ ؍ نومبر و یکم دسمبر ۱۹۰۴ء صفحہ ۳ پر بھی شائع ہوا ہے۔۳ (نوٹ از ناشر) الحکم مورخہ ۲۴؍نومبر ۱۹۰۴ء صفحہ ۶ میں یہ خواب ان الفاظ میں درج ہے۔’’اپنے آگے بہت سی کنجیاں دیکھیں جو شاید دو ہزار کے قریب ہیں یا زیادہ۔‘‘
اَلْفَارِقُ۔وَ مَا اَدْ رَاکَ مَا الْفَارِقُ۔؎۱ بعد اس کے آنکھ کھل گئی۔‘‘ (کاپی الہامات۲؎ حضرت مسیح موعود علیہ السلام صفحہ ۳۲) (ج) ’’بیوی پھر گئی۔اس کو مرتد ہونا کہتے ہیں۔ہماری آخری گھڑی۔‘‘ (کاپی الہامات حضرت مسیح موعود علیہ السلام صفحہ۳۳) نومبر ۱۹۰۴ء ’’رؤیا۔حضرت صاحبزادہ مبارک احمد سَلَّمَہُ اللہُ الْاَحَد حضرت کو کچھ دیر تک نہیں ملا۔حضرت کو تشویش اور فکر ہوئی۔اس کی تلاش کررہے ہیں۔تب حضرت اُمّ المؤمنین نے فرمایا کہ یہ مبارک موجود تو ہے۔پھر حضرت نے تین سجدہ شکر کے کئے زمین پر۔‘‘ (الحکم جلد ۸ نمبر ۴۰ مورخہ ۲۴ ؍ نومبر ۱۹۰۴ء صفحہ ۶) ۲۵ ؍نومبر ۱۹۰۴ء ’’ الہام۔غلام قادر؎۳ آگئے۔گھر نُور اور برکت سے بھر گیا۔رَدَّ اللّٰہُ اِلَـیَّ۔‘‘؎۴ (کاپی الہامات حضرت مسیح موعود علیہ السلام صفحہ۳۳ ) ۱ (ترجمہ از مرتّب) وہ عظیم الشان اَمر فارق آرہا ہے اور تم کیا سمجھتے ہو کہ وہ اَمر فارق کس شان کا ہوگا۔۲ (نوٹ از ناشر) البدر مورخہ ۲۴؍نومبر و یکم دسمبر ۱۹۰۴ء صفحہ ۳ و الحکم مورخہ ۲۴؍نومبر ۱۹۰۴ء صفحہ ۶ میں یہ رؤیا ۲۴؍نومبر ۱۹۰۴ء کے حوالہ سے باختلافِ الفاظ درج ہے۔البدر میں اس رؤیا کے الفاظ یوں ہیں۔’’ مَیں نے ایک سفید تہ بند باندھا ہوا ہے مگر وہ بالکل سفید نہیں ہے کچھ کچھ میلا ہے کہ اس اثناء میں مولوی صاحب نماز پڑھانے لگے ہیں اور انہوں نے سورۂ الحمد جَہر سے پڑھی ہے اور اُس کے بعد انہوں نے یہ پڑھا۔اَلْفَارِقُ وَمَا اَدْ رَاکَ مَا الْفَارِقُ۔اس وقت مجھے یہی معلوم ہوا کہ یہ قرآن شریف میں سے ہی ہے۔‘‘ ۳ (نوٹ از ناشر) الحکم مورخہ ۲۴؍نومبر ۱۹۰۴ء صفحہ ۶ میں یہ الہام یوں درج ہے۔’’غلام قادر آئے گھر نُور اور برکت سے بھر گیا۔رَدَّ اللّٰہُ اِلَـیَّ۔‘‘ حضرت خلیفۃ المسیح الرابع رحمہ اللہ تعالیٰ نے خطبہ جمعہ فرمودہ مورخہ ۲۳؍اپریل ۱۹۹۹ء میں اس الہام کا اطلاق صاحبزادہ مرزا غلام قادر صاحب کی شہادت پر ان الفاظ میں کیا۔’’اب میں آپ کے سامنے حضرت مسیح موعود علیہ السلام کا ایک الہام پڑھ کر سناتا ہوں جس کا اطلاق لازماً مرزا غلام قادر شہید کے اوپرہوتا ہے۔اس کے سوا ہو نہیں سکتا۔۱۹۰۴ء میں ۲۵؍ نومبر کو حضرت مسیح موعود علیہ السلام کو الہام ہوا۔’’غلام قادر آگئے، گھر نور اور برکت سے بھر گیا۔رَدَّ اللّٰہُ اِلَـیَّ۔نیچے ترجمہ ہےاللہ تعالیٰ نے اسے میرے پاس پھر بھیج دیا۔رَدَّ اللّٰہُ اِلَـیَّ۔کا ترجمہ ہے اللہ تعالیٰ نے اسے میرے پاس بھیج دیا۔اب غلطی سے اس سے پہلے اس الہام کو حضرت مرزا غلام قادر کے اوپر چسپاں کرنے کی کوشش کی گئی ہےحالانکہ حضرت مرزا غلام قادر تو اس الہام سے بہت پہلے وفات پاچکے تھے اور ان کے آنے سے مسیح موعود کا گھر کیسے برکت سے بھر گیا۔’’گھر نور اور برکت سے بھر گیا۔‘‘ ظاہر ہے کہ یہ ایک پیشگوئی تھی۔ایک ایسا غلام قادر آنے والا ہے میری اولاد میں جس کے آنے سے جس گھر میں آئے گا وہ گھر برکت اور نور سے بھر جائے گا۔‘‘ (شہدائے احمدیت صفحہ ۱۶۔شائع کردہ طاہر فاؤنڈیشن ربوہ۔مطبوعہ ۲۰۰۸ء) ۴ (ترجمہ از مرتّب) اللہ تعالیٰ نے اسے میرے پاس پھر بھیج دیا۔
۸؍ دسمبر ۱۹۰۴ء (الف) ’’ رسید مُژدہ کہ ایّامِ نَو بہار آمد ؎۱ (کاپی الہامات حضرت مسیح موعود علیہ السلام صفحہ۳۳۔البدر جلد ۳ نمبر ۴۴، ۴۵ مورخہ ۲۴؍ نومبر و یکم دسمبر ۱۹۰۴ء صفحہ ۸۔ب) (ب) ۸؍دسمبر ۱۹۰۴ء روز عید روز جمعہ ’’اِنَّـا اَعْطَیْنَاکَ الْکَـوْثَـرَ۔‘‘؎۲ (کاپی الہامات حضرت مسیح موعود علیہ السلام صفحہ۳۳) ۱۲؍دسمبر۱۹۰۴ء ’’ ۱۔لَا تَیْئَسُوْا مِنْ خَزَآئِنِ رَحْـمَۃِ رَبِّیْ۔۲۔اِنَّـا اَعْطَیْنَاکَ الْکَـوْثَرَ۔‘‘۳؎ (کاپی الہامات حضرت مسیح موعود علیہ السلام صفحہ ۳۳) ۶ ؍جنوری۱۹۰۵ء ’’ حضرت حکیم نورالدین صاحب کی طبیعت بہت علیل رہی چنانچہ اسی وجہ سے آپ کو درسِ قرآن ملتوی رکھنا پڑا۔آپ کی طبیعت کی ناسازی دیکھ کر حضرت مسیح موعود علیہ السلام نے آپ کی صحت کے لئے کثرت سے دعا شروع کی تو ۶؍جنوری کو آپ نے تشریف لاکر فرمایا کہ مَیں دعا کررہا تھا کہ یہ الہام ہوا۔اِنْ کُنْتُمْ فِیْ رَیْبٍ مِّـمَّا نَـزَّلْنَا عَلٰی عَبْدِ نَا فَاْتُوْا بِشِفَآءٍ مِّنْ مِّثْلِہٖ۔‘‘؎۴ (البدر جلد ۴ نمبر۲ مورخہ ۱۰؍ جنوری ۱۹۰۵صفحہ ۵) ۱۸؍ جنوری۱۹۰۵ء (الف) ’’۱۸؍ جنوری ۱۹۰۵ء روز چار شنبہ مطابق ۱۱ ذی قعد ۱۳۲۲ھ پہلے قریب صبح دیکھا کہ کسی نے بہت سے پیسے جس قدر ہاتھ میں آسکتے ہیں میرے ہاتھ میں دے دیئے۔بعد اس کے الہام ہوا۔اِنِّیْ مَعَ الرَّسُوْلِ اَقُـوْمُ ؎۵بعداس کے آنکھ کھل گئی۔پھر غنودگی ہو کر دیکھا کہ دو لفافے بند جن میں خط ہیں یا کوئی خبر ہے کسی کے ہاتھ میں ہیں۔اس نے ان دونوں میں سے ایک لفافہ مجھے دے دیا۔بعد اس کے الہام ہوا۔چَونکا دینے والی خبر یہ وقت ِ صبح تھا۔پانچ صبح کے بج چکے تھے کچھ منٹ اُوپر بھی۔(۱۸؍ جنوری ۱۹۰۵ء روز چار شنبہ)‘‘ (کاپی الہامات۶؎ حضرت مسیح موعود علیہ السلام صفحہ ۳۴) ۱ (ترجمہ از مرتّب) خوشخبری آئی ہے کہ نئی بہار کے دن آگئے ہیں۔۲ (ترجمہ از مرتّب) ہم نے تجھے خیرِ کثیر دیا۔۳ (ترجمہ از مرتّب) ۱۔میرے ربّ کی رحمت کے خزانوں سے تم نا امید مت ہو۔۲۔ہم نے تجھے خیرِ کثیر دیا۔۴ (ترجمہ از مرتّب) جو کچھ ہم نے اپنے بندے پر نازل کیا ہے اگر تمہیں اس میں کوئی شک ہو تو اس شفا کی مثل کوئی شفا پیش کرو۔۵ (ترجمہ از مرتّب) مَیں اپنے رسول کے ساتھ کھڑاہوں گا۔۶ نیز دیکھئے البدر مورخہ یکم فروری ۱۹۰۵ء صفحہ ۳ و الحکم مورخہ ۳۱؍جنوری ۱۹۰۵ء صفحہ ۸ (عبد اللطیف بہاولپوری)
(ب) ’’بِسْمِ اللّٰهِ الرَّحْمٰنِ الرَّحِيْمِ ۱۔غُلِبَتِ؎۱ الرُّوْمُ فِیْٓ اَدْنَی الْاَرْضِ وَ ھُمْ مِنْۢ بَعْدِ غَلَبِـھِمْ سَیَغْلِبُوْنَ۔۲۔اِنَّ اللّٰہَ مَعَ الَّذِیْنَ اتَّقَوْا وَّالَّذِیْنَ ھُمْ مُّـحْسِنُوْنَ۔۳۔اَتٰی اَمْرُ اللّٰہِ فَلَا تَسْتَعْـجِلُوْہُ۔۴۔بِشَارَۃٌ تَلَقَّاھَا النَّبِیُّوْنَ۔۵۔تَرٰی نَصْـرًا مِّنْ عِنْدِ اللّٰہِ وَ اِنَّـھُمْ یَعْمَھُوْنَ۔۶۔اِنَّہٗ کَرِیْمٌ تَـمَشّٰی اَمَامَکَ وَعَادٰی لَکَ مَنْ عَادٰی۔۷۔ذٰلِکَ بِـمَا عَصَوْا وَّ کَانُوْا یَعْتَدُ وْنَ۔۸۔اِنِّیْ مُھِیْنٌ مَّنْ اَرَادَ اِھَانَتَکَ وَاِنِّیْ مُعِیْنٌ مَّنْ اَرَادَ اِعَانَتَکَ۔۹۔اِذَا غَضِبْتَ غَضِبْتُ وَ کُلَّمَا اَحْبَبْتَ اَحْبَبْتُ۔۱۰۔اَنْتَ وَجِیْہٌ فِیْ حَضْـرَتِیْ۔۱۱۔اِخْتَرْتُکَ لِنَفْسِیْ۔۱۲۔یَـحْمَدُ کَ مِنْ عَرْشِہٖ۔۱۳۔یَـحْمَدُ۔کَ اللّٰہُ وَ یَـمْشِیْ اِلَیْکَ۔۱۴۔اٰثَـرَکَ اللّٰہُ عَلٰی کُلِّ شَیْءٍ۔۱۵۔سَنُنْجِیْکَ۔سَنُعْلِیْکَ۔۱۶۔سَاُکْرِمُکَ اِکْـرَامًا عَـجَبًا۔۱۷۔اِنِّیْ مَعَ الْاَفْوَاجِ اٰتِیْکَ بَغْتَۃً۔۱۸۔اٰیَـاتٌ لِّلسَّآ۔ئِـلِیْنَ۔۱۹۔ظَفَرٌ مِّنَ اللّٰہِ وَفَتْحٌ مُّبِیْنٌ۔۲۰۔اَنْتَ مَعِیْ وَ اَنَـا مَعَکَ۔۲۱۔اُرِیْـحُکَ وَلَا اُجِیْحُکَ۔۲۲۔اَطَالَ اللّٰہُ بَقَآءَکَ وَکَمَّلَ اللّٰہُ اِعْزَازَکَ۔وَ طَوَّلَ اللّٰہُ عُـمُرَکَ۔۲۳۔نصرت و فتح و ظفر تا بست سال۔۲۴۔میدان میں فتح۔۲۵۔اَنْتَ مِنِّیْ بِـمَنْزِلَۃِ عَرْشِیْ۔۲۶۔اَنْتَ مِنِّیْ بِـمَنْزِلَۃِ تَوْحِیْدِیْ وَتَفْرِیْدِیْ۔۱ (ترجمہ از مرتّب) بسم اللہ الرحمٰن الرحیم۔۱۔رومی قریب کی زمین میں مغلوب ہوگئے اور وہ مغلوب ہوجانے کے بعد ہی غالب آئیں گے۔۲۔یقیناً اللہ ان لوگوں کے ساتھ ہے جو تقویٰ اختیار کرتے ہیں اور ان لوگوں کے ساتھ ہے جو نیکو کار ہیں۔۳۔اللہ کا حکم آگیا پس جلدی نہ چاہو۔۴۔یہ وہ خوشخبری ہے جو نبیوں کو ملی۔۵۔تُو اللہ کی طرف سے نصرت کو دیکھے گا اور وہ بہکتے رہیں گے۔۶۔وہ کریم ہے تیرے آگے آگے چلتا ہے اور اس کو اپنا دشمن قرار دیتا ہے جو تجھ سے دشمنی کرتا ہے۔۷۔یہ اِس وجہ سے کہ انہوں نے نافرمانی کی اور حد سے بڑھتے تھے۔۸۔مَیں اس کو ذلیل کروں گا جو تیری ذِلّت کا ارادہ کرے اور مَیں اس کا مدد گار ہوں گا جو تیری مدد کرے۔۹۔جب تُو غضبناک ہوتا ہے تو مَیں غضبناک ہوتا ہوں اور ہر وہ جس سے تُو محبّت کرتا ہے اس سے مَیں بھی محبّت کرتا ہوں۔۱۰۔تُو میری بارگاہ میں وجیہ ہے۔۱۱۔مَیں نے تجھ کو اپنے لئے چن لیا۔۱۲۔وہ اپنے عرش سے تیری تعریف کرتا ہے۔۱۳۔اللہ تیری تعریف کرتا ہے اور تیری طرف چل کر آتا ہے۔۱۴۔اللہ تعالیٰ نے تجھے ہر چیز پر ترجیح دی۔۱۵۔ہم جلد ہی تجھے نجات دیں گے۔ہم تجھے جلد ہی غالب کریں گے۔۱۶۔عنقریب مَیں تجھے بزرگی دوں گا جس سے لوگ تعجب کریں گے۔۱۷۔مَیں اچانک فوجوں کے ساتھ تیرے پاس آؤں گا۔۱۸۔پوچھنے والوں کے لئے نشان ہیں۔۱۹۔اللہ تعالیٰ کی طرف سے ظفر اور کھلی کھلی فتح۔۲۰۔تُو میرے ساتھ ہے اور مَیں تیرے ساتھ ہوں۔۲۱۔مَیں تجھے آرام دوں گا اور تیرا نام نہیں مٹاؤں گا۔۲۲۔اللہ تجھے دیر تک باقی رکھے اور تیرے اعزاز کو مکمل کرے اور تیری عمر کو لمبا کرے۔۲۳۔نصرت اور فتح اور ظفر بیس سال تک… ۲۵۔تُو مجھ سے بمنزلہ میرے عرش کے ہے۔۲۶۔تُو مجھ سے بمنزلہ میری توحید اور تفرید کے ہے۔
۲۷۔اَنْتَ مِنِّیْ بِـمَنْزِلَۃٍ لَّا یَعْلَمُھَا الْـخَلْقُ۔۲۸۔یَعْصِمُکَ اللّٰہُ وَ لَوْ لَمْ یَعْصِمْکَ النَّاسُ۔۲۹۔اَلَیْسَ اللّٰہُ بِکَافٍ عَبْدَ ہٗ۔۳۰۔یَـا جِبَالُ اَوِّبِیْ مَعَہٗ وَالطَّیْرَ۔۳۱۔اَلَمْ تَـرَکَیْفَ فَعَلَ رَبُّکَ بِـاَصْـحٰبِ الْفِیْلِ۔۳۲۔اَلَمْ یَـجْعَلْ کَیدَ ھُمْ فِیْ تَضْلِیْلٍ۔‘‘ (کاپی الہامات حضرت مسیح موعود علیہ السلام صفحہ ۳۴، ۳۵) ۲۸؍ جنوری۱۹۰۵ء ’’الہام۔۱۔بِسْمِ الْکَافِیْ۔۲۔بِسْمِ اللّٰہِ الشَّافِیْ۔۳۔بِسْمِ اللّٰہِ الْغَفُوْرِ الرَّحِیْمِ۔۴۔بِسْمِ اللّٰہِ الْبَرِّ الرَّحِیْمِ۔۵۔یَـاحَفِیْظُ۔یَـا عَزِیْزُ۔یَـا رَفِیْقُ۔۶۔یَـا وَلِیُّ اشْفِنِیْ۔‘‘۱؎ (کاپی الہامات۲؎ حضرت مسیح موعود علیہ السلام صفحہ۳۵) یکم فروری۱۹۰۵ء (الف) ’’ ۱۔اِنِّیْ مَعَ الرُّوْحِ مَعَکَ وَمَعَ اَھْلِکَ۔۲۔اِنِّیْ لَاَجِدُ رِیْـحَ یُوْسُفَ لَوْ لَا اَنْ تُفَنِّدُ وْنِ۔‘‘ ۳؎ (کاپی الہامات۴؎ حضرت مسیح موعود علیہ السلام صفحہ ۳۵) بقیہ ترجمہ۔۲۷۔تُو مجھ سے اس مرتبہ پر ہے جس کو مخلوق نہیں جانتی۔۲۸۔اللہ تجھے بچائے گا خواہ لوگ تجھے نہ بچائیں۔۲۹۔کیا اللہ اپنے بندے کے لئے کافی نہیں۔۳۰۔اے پہاڑو! اس کے ساتھ جھک جاؤ اور اے پرندو تم بھی۔۳۱۔کیا تُو نے نہیں دیکھاکہ تیرے رَبّ نے ہاتھی والوں کے ساتھ کیسا سلوک کِیا۔۳۲۔کیا اُن کی تدبیر کو ناکام نہ بنادیا۔۱ (ترجمہ از مرتّب) ۱۔مَیں اللہ کے نام سے مدد چاہتا ہوں جو کافی ہے۔۲۔مَیں اللہ کے نام سے مدد چاہتا ہوں جو شافی ہے۔۳۔مَیں اللہ کے نام سے مدد چاہتا ہوں جو غفور و رحیم ہے۔۴۔مَیں اللہ کے نام کے ساتھ مدد چاہتا ہوں جو احسان کرنے والا رحم کرنے والا ہے۔۵۔اے حفاظت کرنے والے۔اے غالب۔اے رفیق۔اے ولی مجھے شفا دے۔۲ (نوٹ از ناشر) البدر مورخہ یکم فروری ۱۹۰۵صفحہ ۳ اور الحکم مورخہ ۳۱؍ جنوری ۱۹۰۵ء صفحہ ۸ پر یہ الہامات یوں درج ہیں۔’’۲۷؍ جنوری ۱۹۰۵ء کو حضرت اقدسؑ کے دائیں رخسارہ مبارک پر ایک آماس سا نمودار ہوا جس سے بہت تکلیف ہوئی۔حضورؑ نے دعا فرمائی تو ذیل کے فقرات الہام ہوئے۔دَم کرنے سے فوراً صحت حاصل ہوگئی۔بِسْمِ اللّٰہِ الْکَافِیْ۔بِسْمِ اللّٰہِ الشَّافِیْ۔بِسْمِ اللّٰہِ الْغَفُوْرِ الرَّحِیْمِ۔بِسْمِ اللّٰہِ الْبَرِّ الْکَرِیْمِ۔یَـا حَفِیْظُ یَـا عَزِیْزُ۔یَـا رَفِیْقُ۔یَـا وَلِیُّ اشْفِنِیْ۔‘‘ ۳ (ترجمہ از مرتّب) ۱۔مَیں مع جبریل کے تیرے ساتھ اور تیرے اہل کے ساتھ ہوں۔۲۔اگر ایسا نہ ہو کہ تم همجھے جھٹلانے لگو تو مَیں ضرور کہوں گا کہ مجھے یقیناً یوسف کی خوشبو آرہی ہے۔۴ (نوٹ از ناشر) البدر مورخہ ۸؍فروری ۱۹۰۵ء صفحہ ۲ اورالحکم مورخہ ۱۰؍فروری ۱۹۰۵ء صفحہ ۱۲ میں یہ الہامات ترتیب کے اختلاف سے درج ہیں۔
(ب) ۱۔۔اَنْتَ مِنِّیْ بِـمَنْزِلَۃِ تَوْحِیْدِیْ وَ تَفْرِیْدِیْ۔۲۔اَنْتَ مِنِّیْ بِـمَنْزِلَۃِ عَرْشِیْ۔۳۔اَنْتَ مِنِّیْ بِـمَنْزِلَۃِ وَلَدِیْ۔۴۔اَنْتَ مِنِّیْ بِـمَنْزِلَۃٍ لَّا یَعْلَمُھَا الْـخَلْقُ۔۵۔اِنِّیْ مَعَ الرُّوْحِ مَعَکَ وَمَعَ اَھْلِکَ ۶۔اٰثَـرْتُکَ وَاخْتَرْتُکَ۔۷۔اَنْتَ وَجِیْہٌ فِیْ حَضْـرَتِیْ۔۸۔اِخْتَرْتُکَ لِنَفْسِیْ۔‘‘۱؎ (کاپی الہامات حضرت مسیح موعود علیہ السلام صفحہ۳۵) (ج) ’’رؤیا۔ایک کاغذ دکھایا گیا جس میں کچھ سطور فارسی خط میں ہیں اور سب انگریزی لکھا ہوا ہے۔مطلب جن کا یہ سمجھ میں آیا کہ جس قدر روپیہ نکلتا ہے سب دے دیا جاوے گا۔‘‘ (البدر جلد ۴ نمبر۵مورخہ ۸؍ فروری ۱۹۰۵صفحہ ۲۔الحکم جلد ۹ نمبر۵ مورخہ ۱۰؍ فروری ۱۹۰۵ء صفحہ ۱۲) (د) ’’ایک رؤیادیکھی کہ ایک کاغذ ہے جس کے اُوپر کی دو تین سطریں فارسی خط میں ہیں باقی سب انگریزی ہے۔اس کا مطلب یہ سمجھ میں آیا کہ گویا کوئی میرا نام لے کر کہتا ہے کہ دو سو پچاس روپیہ انہیں دیا جائے۔‘‘ (ریویو آف ریلیجنز جلد ۴ نمبر ۲؍ فروری ۱۹۰۵ء ٹائٹل صفحہ آخر) ۴ ؍فروری۱۹۰۵ء ’’ ۱۔سَلَامٌ قَــوْلًا مِّنْ رَّبٍّ رَّحِیْمٍ۔۲۔وَ امْتَازُوا الْیَوْمَ اَیُّـھَا الْمُجْرِمُوْنَ۔۳۔سَلَامٌ قَـوْلًا مِّنْ رَّبٍّ رَّحِیْمٍ۔۴۔وَ امْتَازُوا الْیَوْمَ اَیُّـھَا الْمُجْرِمُوْنَ۔‘‘؎۲ (کاپی الہامات حضرت مسیح موعود علیہ السلام صفحہ۳۵) ۲۰؍ فروری۱۹۰۵ء (الف) ’’اِنَّـمَا اَمْرُکَ اِذَا اَرَدْتَّ شَیْئًا اَنْ تَقُوْلَ لَہٗ کُنْ فَیَکُوْنُ۔‘‘ (البدر جلد ۴ نمبر ۷ مورخہ ۵؍ مارچ۱۹۰۵ء صفحہ ۲۔الحکم جلد ۹ نمبر ۷ مورخہ۲۴؍ فروری ۱۹۰۵ء صفحہ ۱۲۔ریویو آف ریلیجنز ماہ مارچ ۱۹۰۵ء صفحہ ۱۳۰) (ترجمہ) تُو جس بات کا ارادہ کرتا ہے وہ تیرے حکم سے فی الفور ہوجاتی ہے۔(حقیقۃ الوحی۔روحانی خزائن جلد ۲۲ صفحہ ۱۰۸) (ب) ’’حضور ؑ کی طبیعت ناساز تھی۔حالتِ کشفی میں ایک شیشی دکھائی گئی جس پر لکھا ہوا تھا۔خاکسار پیپر منٹ۔‘‘ ( الحکم جلد ۹ نمبر ۷ مورخہ۲۴؍ فروری ۱۹۰۵ء صفحہ ۱۲۔ریویو آف ریلیجنز ماہ مارچ ۱۹۰۵ء صفحہ ۱۳۰) ۱ (ترجمہ از مرتّب) ۱۔تُو مجھ سے ایسا ہے جیسا کہ میری توحید اور تفرید۔۲۔تُو مجھ سے بمنزلہ عرش کے ہے۔۳۔تُو مجھ سے بمنزلہ بیٹے کے ہے۔۴۔تُو مجھ سے اس مرتبہ پر ہے جس کو دُنیا نہیں جانتی۔۵۔مَیں مع جبریل کے تیرے ساتھ ہوں اور تیرے اہل کے ساتھ۔۶۔مَیں نے تجھے ترجیح دی اور تجھ کو چن لیا۔۷۔تُو میری دَر گاہ میں وجیہ ہے۔۸۔مَیں نے تجھ کو اپنے لئے چن لیا۔۲ (ترجمہ از مرتّب) ۱۔سلامتی ہو ربّ ِ رحیم کی طرف سے یہ بات ہے۔۲۔اور اے مجرمو! آج تم علیحدہ ہوجاؤ۔۳۔سلامتی ہو ربّ ِ رحیم کی طرف سے یہ بات ہے۔۴۔اور اے مجرمو! آج تم علیحدہ ہوجاؤ۔۔
۲۷ ؍فروری۱۹۰۵ء ’’میں نے بطور کشف دیکھا کہ درد ناک موتوں سے عجیب طرح پر شورِ قیامت؎۱ برپا ہے۔میرے منہ پر یہ الہامِ الٰہی تھا کہ مَوتا مَوتی لگ رہی ہے اور مجھے دکھایا گیا کہ ملک عذاب ِ الٰہی سے مِٹ جانے کو ہے۔نہ مستقل سکونت امن کی جگہ رہے گی نہ عارضی سکونت۔مقاموں پر اور عارضی سکونت گاہوں پر آفت آئے گی اور پھر مارچ کے مہینہ میں خدا تعالیٰ نے اپنی پاک وحی سے میرے پر ظاہر کیا کہ مکذبوں کو ایک نشان دکھایا جائے گا۔‘‘ (اشتہار الدعوت ۵ ؍اپریل ۱۹۰۵ء۔مجموعہ اشتہارات۲؎ جلد ۳ صفحہ ۳۴۸، ۳۴۹ مطبوعہ ۲۰۱۸ء) ۱ (نوٹ از مولانا جلال الدین شمسؓ) یہ شورِ قیامت برپا کرنے والا نشان وہ زلزلہ تھا جو ۴ ؍ اپریل ۱۹۰۵ء کی صبح کو مختلف مقامات پر آیا اور متعدد اخباروں میں اسے نمونہء قیامت قرار دیا گیا۔اخبار وکیل امرتسر نے لکھا۔’’یہ زلزلہ اِس درجہ ہولناک اور مہیب تھا کہ اِسے قیامت ِ صغریٰ کہنا کچھ مبالغہ نہ ہوگا بلکہ جس وقت وہ اپنی پوری شدت پر خدائے قہار کا جلال ظاہر کررہا تھا۔اُس وقت تو لوگوں کو عموماً یہی یقین آگیا تھا کہ بس قیامت آہی گئی ہے۔‘‘ یہ تصدیق ہے حضرت مسیح موعود علیہ السلام کے اس ارشاد کی جو حضور ؑ نے فرمایا کہ ’’ یہ ایک قیامت ہے۔جو لوگ قیامت کے منکر ہیں وہ اب دیکھ لیں کہ کس طرح ایک ہی سیکنڈ میں ساری دنیا فنا ہوسکتی ہے …اور فرمایا۔یہ قیامت ہمارے لئے نصرت الحق ہے۔ہم صبح یہی مضمون لکھ رہے تھے اور اِس الہام پر پہنچے تھے جو براہین احمدیہ میں درج تھا کہ دنیا میں ایک نذیر آیا پر دنیا نے اُس کو قبول نہ کیا لیکن خدا اُسے قبول کرے گا اور بڑے زور آور حملوں سے اُس کی سچائی کو ظاہر کردے گا۔‘‘ ہم یہ الفاظ لکھ ہی رہے تھے اور اس کے پورا ہونے کے ثبوت آگے درج کرنے کو تھے کہ یک دفعہ زلزلہ ہوا۔یہ ایک زور آور حملہ ہے اور پیشگوئی میں حملوں کا لفظ جمع ہے جو عربی میں تین پر اطلاق پاتا ہے اِس واسطے خوف ہے کہ طاعون اور زلزلہ کے سوائے خدا جانے تیسرا حملہ کون سا ہے جو ہماری سچائی کے ثبوت کے واسطے خدا تعالیٰ نے ظاہر فرمانا ہے۔‘‘ (بدر سلسلہ جدید۳؎ جلد ۱ نمبر ۱ مورخہ ۶؍اپریل ۱۹۰۵ء صفحہ ۶) ۲ (نوٹ از ناشر) البدر مورخہ ۵؍مارچ ۱۹۰۵ء صفحہ ۳ اور الحکم مورخہ ۲۴؍مارچ ۱۹۰۵ء صفحہ ۲ کے تحت بھی یہ الہام مع کشف درج ہے۔۳ (نوٹ از ناشر) البدر کے ایڈیٹر مکرم بابو محمد افضل صاحب ۲۱؍مارچ ۱۹۰۵ء کو وفات پاگئے تو حضرت مسیح موعود علیہ السلام نے بطور ایڈیٹر مکرم مفتی محمد صادقؓ کے تقرر کی توثیق فرمائی اور یہ خبر الحکم میں بڑے نمایاں طور پر شائع ہوئی۔حضرت مفتی محمد صادق صاحبؓ کے ایڈیٹر بننے کے بعد اپریل ۱۹۰۵ء کے پہلے دو پرچے ’’البدر‘‘ کے ٹائٹل پر ہی شائع ہوئے۔پھر ۲۰؍اپریل ۱۹۰۵ء کے پرچہ سے ’’البدر‘‘ کی بجائے ’’بدر‘‘ نمایاں طور پر اخبار کی پیشانی پر شائع ہوتا رہا۔بعض احباب خود سے ایک عرصہ تک اسے ’’بدر سلسلہ جدید‘‘ لکھتے رہے۔
۲ ؍مارچ۱۹۰۵ء ’’خدائے عزّوجلّ اس کی عزت رکھے۔‘‘ ( کاپی الہامات حضرت مسیح موعود علیہ السلام صفحہ ۳۹) ۳ ؍مارچ۱۹۰۵ء ’’وہ رات جس کے بعد جمعہ ۳؍مارچ ۱۹۰۵ء ہے ایک بجنے کے بعد پینتیس ۳۵منٹ پر اس رات میں مَیں نے خواب دیکھا کہ کچھ روپیہ کی کمی اور سخت مشکلات پیش ہیں اور بہت فکر دامن گیر ہے۔مَیں کسی کو کہتا ہوں کہ ایک کاغذ بناؤ جس میں لکھا ہو کہ جمع یہ تھا اور خرچ یہ ہوا۔کوئی میری بات کی طرف توجہ نہیں کرتا اور سامنے ایک شخص کچھ حساب کے کاغذات لکھ رہا ہے۔مَیں نے شناخت کیا کہ یہ تو لچھمنؔ داس جمع خرچ نویس ہے جو کِسی زمانہ میں خزانہ سیالکوٹ میں اسی عہدہ پر نوکر تھا۔مَیں نے اس کو بلانا چاہا۔وہ بھی نہ آیا۔لاپروا رہا۔اور مَیں نے دیکھا کہ روپیہ کی بہت کمی ہے۔کسی طرح بات نہیں بنتی۔اسی اثناء میں ایک صالح مرد سادہ طبع سادہ پوش آیا۔اُس نے اپنی بھری ہوئی مٹھی روپیہ کی میری جھولی میں ڈال دی اور ایسے جلدی چلا گیا کہ مَیں اس کا نام بھی نہ پوچھ سکا مگر پھر بھی روپیہ کی کمی رہی۔پھر ایک اَور صالح مرد آیا جو محض نورانی شکل سادہ طبع کوٹلہ کے ایک صوفی کی شکل کے مشابہ تھا جس کا نام غالباً کرم الٰہی یا فضل الٰہی ہے جس نے کُرتہ بیچ کر ہمیں روپیہ دیا تھا صورت انسان کی ہے مگر علیحدہ خلقت کا آدمی معلوم ہوتا ہے۔اس نے د ونوں ہاتھ روپیہ سے بھر کر میری جھولی میں وہ روپیہ ڈال دیا اور وہ بہت سا روپیہ ہوگیا۔مَیں نے پوچھا کہ آپ کا نام کیا ہے۔اس نے کہا۔نام کیا ہوتا ہے نام کچھ نہیں۔مَیں نے کہا کچھ بتلاؤ۔نام کیا ہے۔اس نے کہا ٹیچی؎۱۔اور مَیں اُس وقت چشم پُر آب ہوگیا کہ ہماری جماعت میں ایسے بھی ہیں جو اِس قدر روپیہ دیتے اور نام نہیں بتلاتے اور ساتھ ہی کہتا ہوں کہ یہ تو آدمی نہیں ہے یہ تو فرشتہ ہے۔اور جب بہت سے مال کا نظارہ میرے سامنے آیا مَیں نے کہا مَیں اس میں سے منظور محمد کی بیوی کو دوں گا کہ وہ حاجت مند ہے اور جب مَیں نے یہ خواب دیکھا اس وقت رات کا ایک بج کر اس پر پینتیس۳۵ منٹ زیادہ گزر چکے تھے۔‘‘ (کاپی الہامات۲؎ حضرت مسیح موعود علیہ السلام صفحہ ۳۹ ) ۱ ’’ٹیچی پنجابی زبان میں وقت ِ مقررہ کو کہتے ہیں۔یعنی عین ضرورت کے وقت پر آنے والا۔‘‘ (حقیقۃ الوحی۔روحانی خزائن جلد ۲۲ صفحہ ۳۴۶) ۲ (نوٹ از ناشر) الحکم مورخہ ۲۴؍ مارچ ۱۹۰۵ء صفحہ ۲ اور ریویو آف ریلیجنز ماہ مارچ ۱۹۰۵ء ٹائٹل صفحہ آخر پر یہ خواب یوں درج ہے۔’’کوئی شخص ہے اس سے میں کہتا ہوں کہ تم حساب کرلو مگر وہ نہیں کرتا اتنے میں ایک شخص آیا اور اس نے ایک مٹھی
۶ ؍مارچ۱۹۰۵ء ’’تھوڑی سی غنودگی ہوئی تو دیکھتا ہوں کہ یہ مکان؎۱جو اَب بن رہا ہے (جس کا اشتہار کشتی نوح میں دیا تھا) سامنے آگیا ہے۔اس پر ایک معمار بیٹھاہے۔اس نے کہا۔مبارک۔مَیں نے کہا خیر مبارک۔‘‘ (الحکم جلد ۹ نمبر ۱۰ مورخہ ۲۴؍مارچ ۱۹۰۵ء صفحہ ۲۔ریویو آف ریلیجنز جلد ۴ نمبر۳ بابت ماہ مارچ ۱۹۰۵ء ٹائٹل صفحہ آخر) تخمیناً ۱۷؍ مارچ۱۹۰۵ء ’’مَیں نے خواب میں دیکھا کہ کوئی مجھے کہتا۔سزائے موت۔یعنی چالیس دن کے بعد موت کا حکم ہے۔مَیں نے مولوی محمد علی صاحب سے پوچھا ہے اس حکم کا اپیل بھی ہوسکتا ہے؟ انہوں نے کہا اپیل ہوسکتا ہے بلکہ اپیل در اپیل بھی۔پھر بعد اس کے مجھے ۱۸؍مارچ ۱۹۰۵ء کو بخار ہوا۔پیشاب نہایت شدید درد سے آتا تھا اور پیشاب کی راہ خون آنا شروع ہوا یہاں تک کہ بہت سا خون نکلا۔پھر خدا تعالیٰ کی طرف سے ۱۸؍ مارچ ۱۹۰۵ء کے بعد شام کو الہام ہوا۔سنتا ہے۔دیکھتا ہے پھر الہام ہوا۔لَا تَیْئَسُوْا مِنْ رَّوْحِ اللّٰہِ ؎۲ پھر ایک الہام عربی میں تھا جس کے یہ معنی تھے کہ مکذّبین کو نشان دکھلائے جائیں گے۔پھر بعد اس کے مرض سے اس قدر تخفیف کہ مرض دُور ہوگئی صرف کسی قدر سوزش باقی ہے۔‘‘ (کاپی الہامات۳؎ حضرت مسیح موعود علیہ السلام صفحہ ۴۰) ۲۰ ؍مارچ۱۹۰۵ء ’’آج ۲۰ ؍مارچ ۱۹۰۵ء کو مرض طاعون میں محمد افضل۴؎ بیمار ہوا اور اسی وقت کسی کی نسبت جو معلوم نہیں الہام ’’شکارِمرگ۔‘‘ وَ اللہُ اَعْلَمُ کس کی نسبت ہے۔(کاپی الہامات حضرت مسیح موعود علیہ السلام صفحہ ۴۰) بقیہ حاشیہ۔بھر کر روپے مجھے دیئے ہیں اس کے بعد ایک اور شخص آیا جو الٰہی بخش کی طرح ہے مگر انسان نہیں بلکہ فرشتہ معلوم ہوتا ہے اس نے دونوں ہاتھ روپیوں کے بھر کر میری جھولی میں ڈال دیئے ہیں تو وہ اس قدر ہوگئے ہیں کہ میں ان کو گن نہیں سکتا پھر میں نے اس کا نام پوچھا تو اس نے کہا میرا کوئی نام نہیں دوبارہ دریافت کرنے پر کہا کہ میرا نام ہے ٹیچی۔میں نے بہت سا مال دیکھ کر دل میں کہا کہ فلاں حاجت مند کو کچھ دے دوں گا اور ایک حاجت مند دکھایا گیا خستہ حال قابل رحم۔‘‘ ۱ (نوٹ از حضرت مولانا جلال الدین شمسؓ) اِس سے وہ مکان مراد ہے جس میں حضرت صاحبزادہ مرزا بشیر احمد صاحبؓ رہتے تھے۔۲ (ترجمہ از مرتّب) اللہ تعالیٰ کی رحمت سے نا امید مت ہو۔۳ (نوٹ از ناشر) الحکم مورخہ ۲۴؍مارچ ۱۹۰۵ء صفحہ ۲ میں ۱۸ و ۱۹؍ مارچ ۱۹۰۵ء کے تحت یہ الہامات یوں درج ہیں۔’’وہ سنتا ہے اور دیکھتا ہے۔لَا تَیْئَسُوْا مِنْ رَّوْحِ اللّٰہِ۔ایک عربی الہام تھا الفاظ مجھے یاد نہیں رہے حاصل مطلب یہ ہے (مکذبوں کو نشان دکھایا جاوے گا۔)‘‘ ۴ حضرت مسیح موعود علیہ السلام تحریر فرماتے ہیں۔’’محمد افضل مرحوم ۲۱ ؍مارچ ۱۹۰۵ء کو فوت ہوگیا۔‘‘ (کاپی الہامات حضرت مسیح موعود علیہ السلام صفحہ ۴۰)
مارچ ۱۹۰۵ء ’’اُنْـزِلَ الرَّحْـمَۃُ عَلٰی ثَلَاثٍ۔اَلْعَیْنِ وَ عَلَی الْاُخْرَیَیْنِ‘‘؎۱ (کاپی الہامات حضرت مسیح موعود علیہ السلام صفحہ ۴۱) ۲۳ ؍مارچ۱۹۰۵ء (الف) ’’آج مَیں نے ایک لمبی خواب میں دیکھا کہ ایک جگہ مَیں ہوں اور آتما مجسٹریٹ گورداسپور میرے پاس ہے۔ہم زمین پر بیٹھے ہیں اور بہت سی گفتگو مقدمہ کی بابت اس سے ہوئی ہے۔مَیں کچھ ایسا ذکر کرتا ہوں کہ تُو نے تو مجھے ستایا، خدا نے مجھے بَری کیا۔تو نے مجھے تکلیف دی۔پھر مَیں کہتا ہوں کہ دراصل اس مقدمہ میں انصاف کرنا تیرے پر مشکل تھا کہ دو فریق کے ایک ہی وقت میں تیرے پاس مقدمے پیش ہوئے اور تیری انصافی قوت طعنِ خَلق یا حکام کی بد ظنی کا خیال کرکے اسی خیال کی مغلوب ہوگئی۔تو نے خدا کا خوف نہیں کیا مگر افسوس ہے کہ ایک بدمعاش کے لئے تو نے مجھے بہت تکلیف دی اور مَیں نے تیری اولاد کی نسبت کچھ نہیں کہا صرف ایک خواب ان کی موت کی نسبت دیکھا تھا جو پورا ہوگیا۔شاید اُسی خواب کی وجہ سے تجھ میں مخالفت کا جوش پیدا ہوا۔اس نے آہ مار کر کہا کہ مجھ سے غلطی ہوئی اور دراصل اس دھوکہ دینے کا بانی چند ولعل ہے۔پھر بعد اس کے نہایت غمناک دِل سے گویا اس پر کوئی مصیبت ہے عذر خواہ ہوکر اس نے اپنا سر میرے بازو پر رکھ دیا گویا سجدہ کرتا ہے اور میری پناہ مانگتا ہے؎۲۔مَیں نے کہا اچھا۔مَیں نے خدا کے لئے تیرا گناہ بخشا۔یہ بات کہتے ہی آنکھ کھل گئی اور جب مَیں نے اس کے بیٹے کا ذکر کیا تو مَیں زمین پر الگ جا بیٹھا اور اس کو دکھایا کہ خواب میں جب تیرے بیٹے کی موت مجھ کو دکھائی گئی تو تم اس طرح زمین پر بیٹھے تھے۔‘‘ (ب) ’’الہام۔فَأَجَآءَہُ الْمَخَاضُ اِلٰی جِذْعِ النَّخْلَۃِ۔قَالَ یٰلَیْتَنِیْ مِتُّ قَبْلَ ھٰذَا وَکُنْتُ نَسْیًا مَّنْسِیًّا۔ھُزِّ اِلَیْکَ بِـجِذْعِ النَّخْلَۃِ تُسَاقِطْ عَلَیْکَ رُطَبًا جَنِیًّا۔‘‘؎۳ (کاپی الہامات حضرت مسیح موعود علیہ السلام صفحہ ۴۱، ۴۲) ۱ (ترجمہ از ناشر) تین اعضاء پر رحمت نازل کی گئی ایک آنکھ اور دو اور عضو۔۲ (نوٹ از مولانا عبد اللطیف بہاولپوری) یہ رؤیا حضرت امیر المؤ منین خلیفۃ المسیح الثانی رضی اللہ تعالیٰ عنہ کے عہد میں پوری ہوئی۔حضور فرماتے ہیں۔’’ بعد میں اسی مجسٹریٹ کو ایسی سزا ملی کہ وہ ایک دفعہ لدھیانہ کے سٹیشن پر مجھے ملنے کے لئے آیا اور اُس نے روتے ہوئے مجھ سے معافی مانگی اور کہا مَیں سخت دُکھ میں ہوں۔مَیں نے مرزا صاحب کے پاس معافی مانگنے کے لئے جانا تھا لیکن وہ تو اَب فوت ہوچکے ہیں اِس لئے مَیں آپ کے پاس آیا ہوں۔آپ میرے لئے دعا کریں کہ خدا تعالیٰ مجھے اس عذاب سے نکال لے۔اگر یہ عذاب کچھ اَور عرصہ تک قائم رہا تو مَیں پاگل ہوجاؤں گا۔‘‘ (الفضل مورخہ ۲۹ ؍نومبر ۱۹۵۷ء صفحہ ۵) ۳ (ترجمہ از مرتّب) پھر اس کو دردِ زِہ کھجور کے تنے کی طرف لے گئی۔تب اس نے کہا کاش مَیں اس سے پہلے مرجاتا اور بھولا بسرا ہوجاتا۔کھجور کے تنے کو ہلا تجھ پر تازہ بتازہ کھجوریں گِریں گی۔
(ج) ’’حضرت مسیح موعود علیہ السلام جناب ِ باری میں دعا کررہے تھے کہ نزولِ وحی ہوا۔’’سَلَامًا سَلَامًا۔‘‘؎۱ (بدر جلد ۱ نمبر ۱ مورخہ ۶ ؍اپریل ۱۹۰۵ء صفحہ ۳) ۲۶ ؍مارچ۱۹۰۵ء ’’چودھری رستم علی ‘‘ (الحکم جلد ۹ نمبر۱۲مورخہ۱۰ ؍ اپریل ۱۹۰۵ء صفحہ۲ ۱) ۲۹ ؍مارچ۱۹۰۵ء ’’۲۹؍ مارچ ۱۹۰۵ء کو اعلیٰ حضرت کو جب کہ آپ دعا کررہے تھے الہام ہوا۔سَلَامًا سَلَامًا۔‘‘ (الحکم جلد ۹ نمبر ۱۱مورخہ۳۱ ؍مارچ ۱۹۰۵ء صفحہ ۱) یکم اپریل۱۹۰۵ء ’’رات کے وقت نزولِ وحی ہوا۔مَـحَوْنَـا نَـارَ جَھَنَّمَ؎۲ فرمایا۔اجتہادی طور پر ایسا خیال آتا ہے کہ شاید اللہ تعالیٰ اَب قریباً طاعون کو دُنیا سے اُٹھانے والا ہے۔وَاللہُ اَعْلَمُ۔یا یہ کہ اِس گاؤں سے اُٹھانے والا ہے۔‘‘ (بدر جلد ۱ نمبر ۱ مورخہ ۶ ؍اپریل ۱۹۰۵ء صفحہ ۳۔الحکم جلد ۹ نمبر ۱۲ مورخہ ۱۰؍ اپریل ۱۹۰۵ء صفحہ۲ ۱) ۳ ؍اپریل۱۹۰۵ء ۱۔’’موت دروازے پر کھڑی ہے۔‘‘ ۲۔’’رؤیا۔دیکھا کہ مرزا نظام الدین کے مکان پر مرزا سلطان احمد کھڑا ہے اور سب لباس سرتاپا سیاہ ہے۔ایسی گاڑھی سیاہی کہ دیکھی نہیں جاتی۔اسی وقت معلوم ہوا کہ یہ ایک فرشتہ ہے جو سلطان احمد کا لباس پہن کر کھڑا ہے۔اُس وقت مَیں نے گھر میں مخاطب ہوکر کہا کہ یہ میرا بیٹا ہے۔تب دو فرشتے اور ظاہر ہوگئے اور تین کرسیاں معلوم ہوئیں اور تینوں پر وہ تین فرشتے بیٹھ گئے اور بہت تیز قلم سے کچھ لکھنا شروع کیا جس کی تیز آواز سنائی دیتی تھی۔ان کے اس طرز کے لکھنے میں ایک رُعب تھا۔مَیں پاس کھڑا ہوں ( کہ بیداری ہوگئی)۔اُسی وقت حضرت اقدس ؑ نے یہ خواب سنایا اور فرمایا کہ کوئی ہیبت ناک نشان ہونے والا ہے۔اِس کی تعبیر یُوں ہے کہ سلطان احمد سے مراد ایسے دلائل اور براہین ہیں جو دلوں پر تسلط کرتے اور دلوں کو پکڑلیتے ہیں اور نظام الدین سے مراد ایسا نشان ہے جس سے دین اسلام کی صلاحیت ہوگی اور اُس کا نظام درست ہوجائے گا۔۱ (ترجمہ از مرتّب) سلامتی سلامتی۔۲ (ترجمہ) ہم نے جہنم کی آگ کو محو کیا۔(بدر مورخہ ۶ ؍اپریل ۱۹۰۵ء صفحہ ۳۔الحکم مورخہ ۱۰؍ اپریل ۱۹۰۵ء صفحہ۲ ۱)