تذکرہ یعنی وحی مقدّس و روٴیا و کشوف حضرت مسیح موعود علیہ الصلوٰة و السلام
حصہ 43
Urdu text of the edition of the Ahmadiyya Muslim Jamaat.
نہ ہوتی مگر حضرت صاحب کی دعا کا سبب ہے کہ اَب تُو اچھی ہوجائے گی۔‘‘ (حقیقۃ الوحی۔روحانی خزائن جلد ۲۲ صفحہ ۳۷۸، ۳۷۹) یکم مئی۱۹۰۵ء ۱۔’’عالم کشف میں ایک اشتہار دکھایا گیا۔اس کے سر پر لکھا ہوا ہے۔اَلْــــمُــبَارَکُ پھر بطور وحی کے زبان پر جاری ہوا۔بَـرَکَۃٌ زَائِدَ ۃٌ عَلٰی ھٰذَا الرَّجُلِِ ؎۱ اِس کے بعد ایک رؤیاہوا کہ مَیں رات کو اُٹھا ہوں۔پہلے بشیر احمد، شریف احمد ملے۔پھر مَیں آگے جاتا ہوں کہ پہرے والوں کو دیکھوں تو مَیں کہتا ہوں یا کوئی کہتا ہے کہ اس کے آگے فرشتے پہرہ دے رہے ہیں۔‘‘ ( بدر۲؎ جلد ۱ نمبر ۴ مورخہ ۲۷ ؍اپریل ۱۹۰۵ء صفحہ۱) ۲۔رؤیا۔’’دیکھا کہ زلزلہ آیا ہے۔‘‘ ( بدر جلد ۱ نمبر ۴ مورخہ ۲۷ ؍اپریل ۱۹۰۵ء صفحہ ۱۔الحکم جلد ۹ نمبر ۱۶ مورخہ ۱۰؍مئی ۱۹۰۵ء صفحہ ۱) ۳؍ مئی۱۹۰۵ء ۱۔’’ مَا رَمَیْتَ اِذْ رَمَیْتَ وَلٰکِنَّ اللّٰہَ رَمٰی۔؎۳ فرمایا۔اِ س سے اشارہ اُن اشتہارات کی طرف معلوم ہوتا ہے جو حال میں شائع ہورہے ہیں۔‘‘ ۲۔رؤیا۔صبح کے وقت لکھا ہوا دکھایا گیا۔’’ آہ نادر شاہ کہاں گیا۔‘‘؎۴ ( بدر جلد ۱ نمبر ۴ مورخہ ۲۷ ؍اپریل ۱۹۰۵ء صفحہ۱ و الحکم جلد ۹ نمبر ۱۶ مورخہ۱۰ ؍مئی ۱۹۰۵ء صفحہ۱) ۱ (ترجمہ) یعنی ایک سے زیادہ برکت ہے اس مرد پر۔( بدر مورخہ ۲۷ ؍اپریل ۱۹۰۵ء صفحہ۱) ۲ (نوٹ از ناشر) الحکم مورخہ ۳۰؍اپریل ۱۹۰۵ء صفحہ ۱ میں بدر میں درج کشف باختلاف الفاظ موجود ہے جب کہ بعد والی رؤیا الحکم مورخہ ۱۰؍مئی ۱۹۰۵ء صفحہ ۱ میں درج ہے۔۳ (ترجمہ از مرتّب) جو تیر تُو نے چلایا وہ تُو نے نہیں چلایا بلکہ خدا نے چلایا۔۴ (نوٹ از حضرت مرزا بشیر احمدؓ) یہ پیشگوئی اِس طور پر پوری ہوئی کہ ۱۹۲۹ء میں جب امیر امان اللہ خاں والیء تخت افغانستان کی حکومت کا تختہ اللہ تعالیٰ نے حبیب اللہ خاں المعروف بچہ سقّہ کے ہاتھ سے اُلٹوایا تو افغانوں نے جلد ہی نادر خاں کو جو اُس وقت فرانس میں تھا، اپنی مدد کے لئے بلایا چنانچہ نادر خاں آیا اور ا س کے ہاتھ سے بچہ سقّہ گرفتار ہوکر مارا گیا اور نادر خاں افغانستان کا بادشاہ بن گیا۔اس وقت ا س نے اپنے خاندانی اور ملکی لقب ’’خان‘‘ کو چھوڑ کر
۱۹۰۵ء ’’مجھے خدا نے اپنے الہام سے یہ بھی خبر دی ہے کہ جو شخص تیری طرف تِیر چلائے گا مَیں اُسی تِیر سے اس کا کام تمام کروں گا۔‘‘ ( براہین احمدیہ حصّہ پنجم۔روحانی خزائن جلد ۲۱ صفحہ ۱۰۲) ۵ ؍ مئی۱۹۰۵ء (کشف) فرمایا۔’’آج باغ میں سے ایک جامن کا پتّہ مَیں نے غور سے دیکھا تو اس پر جدھر سے پڑھیں یہی لکھا ہوا نظر آتا تھا۔لَا اِلٰہَ اِلَّا اللّٰہُ۔‘‘ ( بدر جلد ۱ نمبر۵مورخہ ۴ ؍مئی ۱۹۰۵ء صفحہ۷) ۹؍مئی۱۹۰۵ء ’’۱۔یَسْتَنْبِئُوْنَکَ اَحَقٌّ ھُوَ۔قُلْ اِیْ وَ رَبِّیْ اِنَّہٗ لَـحَقٌّ۔۱؎ ۲۔پھر بہار آئی خدا کی بات پھر پوری ہوئی۔۲؎ اس کے یہ معنے معلوم ہوتے ہیں کہ بہار کے دنوں میں زلزلہ ظاہرہوگا۔۳۔فتح نمایاں۔‘‘ ( کاپی الہامات۳؎ حضرت مسیح موعود علیہ السلام صفحہ ۴۳) بقیہ حاشیہ۔اُس کی بجائے ’’شاہ‘‘ کا لقب اختیار کیا اور ’’نادر شاہ‘‘ کہلانے لگا۔اس کے بعد ۸ ؍ نومبر ۱۹۳۳ء کو عین دن کے وقت نادر شاہ کو ایک شخص عبدالخالق نے ایک بڑے مجمع میں قتل کردیا اور اس طرح پر نادر شاہ کی بے وقت اور اچانک موت نے نہ صرف افغانستان بلکہ تمام دُنیا کی زبان سے بے ساختہ یہ الفاظ کہلوائے کہ ’’آہ نادر شاہ کہاں گیا۔‘‘ ۱ (ترجمہ از مرتّب) ۱۔اور تجھ سے اس اہم واقعہ کے متعلق پُوچھتے ہیں کہ کیا وہ واقعی ہونے والا ہے۔کہو ہاں۔مجھے اپنے ربّ کی قَسم ہے وہ یقیناً واقع ہوگا۔۲ حضرت مسیح موعود علیہ السلام تحریر فرماتے ہیں۔’’پھر خدا نے مجھے خبر دی کہ بہار کے زمانہ میں ایک اَور سخت زلزلہ آنے والا ہے۔وہ بہار کے دن ہوں گے۔نہ معلوم کہ وہ ابتداء بہار کا ہوگا جبکہ درختوں میں پتہ نکلتا ہے یا درمیان اُس کا یا اَخیر کے دن۔جیسا کہ الفاظ وحی کے یہ ہیں ’’پھر بہار آئی خدا کی بات پھر پوری ہوئی۔‘‘ چونکہ پہلا زلزلہ بھی بہار کے ایام میں آیا تھا اِس لئے خدا نے خبر دی کہ وہ دوسرا زلزلہ بھی بہار میں ہی آئے گا اور چونکہ آخر جنوری میں بعض درختوں کا پتہ نکلنا شروع ہوجاتا ہے اِس لئے اِسی مہینہ سے خوف کے دن شروع ہوں گے اور غالباً مئی کے اَخیر تک وہ دن رہیں گے۔‘‘ (الوصیّت۔روحانی خزائن جلد ۲۰ صفحہ ۳۱۴) ۳ (نوٹ از ناشر) بدر مورخہ ۱۱؍مئی ۱۹۰۵ء صفحہ ۱ اور الحکم مورخہ ۱۰؍ مئی ۱۹۰۵ء صفحہ ۱ میں یہ الہامات ترتیب کے اختلاف سے مندرج ہیں۔
۱۰؍مئی۱۹۰۵ء ’’ کیا عذاب کا معاملہ درست ہے۔اگر درست ہے تو کس حد تک۔‘‘ ( بدر جلد ۱ نمبر۶ مورخہ ۱۱ ؍مئی ۱۹۰۵ء صفحہ۱۔الحکم جلد ۹ نمبر ۱۷ مورخہ۱۷ ؍مئی ۱۹۰۵ء صفحہ۱) ۱۳؍ مئی۱۹۰۵ء ’’خواب میں دیکھا کہ جیسا ہم ایک عدالت میں ہیں اور ایک مقدمہ ہے۔شبہ گزرتا ہے کہ مجسٹریٹ ایک شخص ڈپٹی قائم علی ہے اور اس کا سر رشتہ دار ہمارے بھائی غلام قادر صاحب مرحوم ہیں اور ہم تینوں ایک ہی جگہ بیٹھے ہیں۔ایسا معلوم ہوتا ہے کہ گویا ہم مدعی ہیں اور مدعا علیہ کو بلوانا ہے۔مجسٹریٹ نے سررشتہ دار کے کان میں کچھ کہا جس کو ہم نے بھی سن لیا ہے۔وہ کہتا ہے کہ یہ روپے طلبانہ داخل کردیں اور فریق ثانی کو بلایا جاوے۔ہم نے جیب سے پچیس روپے دے دیئے اور فریق مخالف کو طلب کیا گیا۔۱؎ فرمایا۔قائم علی میں ’’علی‘‘ خدا کا نام ہے اور اس سے مراد علو مرتبہ اور غلام قادر سے مراد یہ ہے کہ اللہ تعالیٰ اپنی قدرت سے کچھ کام کرنا چاہتا ہے اور طلبانہ سے مراد کچھ ابتلاء اور تکلیف ہے۔یعنی قدرت ِ خداوندی سے کامیابی ضرور ہماری ہے لیکن اُس میں کچھ درمیانی تکلیف مقدر ہے جیسا کہ ہمیشہ انبیاء اور اولیاء اللہ کے ساتھ ہوا کرتا ہے۔‘‘ (بدر جلد ۱ نمبر۶ مورخہ ۱۱؍مئی ۱۹۰۵ء صفحہ۱) ۱۴؍ مئی۱۹۰۵ء ’’میاں محمد اسحٰق،۲؎حضرت میر ناصر نواب صاحب کا چھوٹا صاحبزادہ بیمار تھا۔ڈاکٹر صاحب کی رائے میں حالت اچھی نہ تھی۔فرمایا۔مَیں نے دعا کی اور دعا کی اصل وجہ تو شماتت ِ اعدا تھی۔ورنہ اولاد ہو یا کوئی اَور عزیز۔موت فوت تو ساتھ ہی ہے۔غرض جب مَیں دعا کررہا تھا تو یہ الہام ہوا۔۱۔سَلَامٌ قَوْلًا مِّنْ رَّبٍّ رَّحِیْمٍ۔؎۳ ۲۔پر خدا کا رحم ہے، کوئی بھی اس سے ڈر نہیں۔‘‘ (الحکم جلد ۹ نمبر ۱۷ مورخہ۱۷ ؍مئی ۱۹۰۵ء صفحہ۱) مئی۱۹۰۵ء ’’۲۴مئی کو بیان کیا کہ کئی روز ہوئے جب اسحٰق بیمار تھا، تو کیا دیکھتا ہوں کہ بہت (نوٹ از ناشر) الحکم مورخہ ۱۷؍مئی ۱۹۰۵ء صفحہ ۱ میں معمولی لفظی تبدیلی سے خواب تو درج ہے مگر تعبیر درج نہیں۔۲ (نوٹ از ناشر) بدر مورخہ ۱۱؍مئی ۱۹۰۵ء صفحہ ۱ میں ۱۷؍مئی ۱۹۰۵ء کے تحت اس الہام کے بارہ میں یہ الفاظ ہیں۔’’فرمایا چند روز ہوئے ہم نے خواب میں دیکھا کہ میاں محمود احمد اور میاں محمد اسحٰق بیمار ہیں ان کے واسطے دعا کرتے تھے۔الہام ہوا۔‘‘ ۳ (ترجمہ) سلامتی ہے یہ ربّ رحیم نے فرمایا۔(حقیقۃ المہدی۔روحانی خزائن جلد ۱۴ صفحہ ۴۴۶)
سے مُردار خوار جانور لَم ڈھینگ ہیں اور پاس ہی ایک مُردار پڑا ہوا ہے۔اِس رؤیاکے بعد اس جگہ کو بدل دیا۔وہ معاً اچھا ہوگیا۔پہلے اس کے متعلق الہام ہوا تھا۔سَلَامٌ قَوْلًا مِّنْ رَّبٍّ رَّحِیْمٍ۔‘‘ ؎۱ (الحکم ۲؎جلد ۹ نمبر۱۸ مورخہ۲۴؍ مئی ۱۹۰۵ء صفحہ۱) ۱۶؍مئی ۱۹۰۵ء ’’ ایک عورت کو دیکھا کہ میرے دروازہ کے آگے باہر آکر بیٹھ گئی ہے مِقراض سے تمام سر کے بال کٹے ہوئے ہیں اور ایک میلی سی پگڑی سر پر لپیٹی ہوئی ہے میں نے اس کے دیکھنے سے بہت کراہت کی اور میں اس مکان سے باہر کو بھاگا اور پگڑی ساتھ لے لی کہ نیچے جا کر پہن لوں گا اور جب میں اس کے مقابل پر ہو کر گزرنے لگا تو میں نے کہا۔لَعْنَۃُ اللّٰہِ عَلَی الْکَاذِبِیْنَ۔؎۳ اور نیچے جا کر پگڑی لپیٹتا تھا اور ڈرتا تھا کہ وہ آ نہ جاوے۔‘‘ (کاپی الہامات حضرت مسیح موعود علیہ السلام صفحہ۴۴) ۲۰؍ مئی۱۹۰۵ء صَدَّ قْنَا الرُّؤْیَـا اِنَّـا کَذَالِکَ نَـجْزِی الْمُتَصَدِّ قِیْنَ۔‘‘ ۴؎ (الحکم جلد ۹ نمبر ۱۱۸ مورخہ ۲۴؍مئی ۱۹۰۵ء صفحہ ۱) ۲۲؍ مئی۱۹۰۵ء ’’ اسی پیشگوئی کے متعلق جو زلزلہ ثانیہ کی نسبت شائع ہوچکی ہے۔آج ۲۲؍مئی ۱۹۰۵ء کو بوقت پانچ بجے صبح خدا تعالیٰ کی طرف سے یہ وحی ہوئی۔۱ (نوٹ از مولانا عبد اللطیف بہاولپوری) حضرت میر صاحب ؓ نے اس کے بعد ۳۹ سال حیات پاکر بتاریخ ۱۷ ؍ مارچ ۱۹۴۴ء وفات پائی اور عجیب قدرت ِ الٰہی ہے کہ آخری وقت میں جبکہ سُورۂ یٰسٓ آپ پر پڑھی جارہی تھی جب پڑھنے والے نے آیت’’سَلَامٌ قَوْلًا مِّنْ رَّبِّ رَّحِیْمٍ‘‘ کی تلاوت کی تو آپ کی رُوح قفسِ عنصری سے پرواز کر گئی گویا آخری لمحاتِ حیات میں اِس الہامِ رَبّانی کے سننے کی منتظر تھی۔۲ (نوٹ از ناشر) بدر مورخہ ۱۸؍مئی ۱۹۰۶ء میں اس رؤیا کے درج ذیل الفاظ ہیں۔’’ ایک جگہ مردار پڑے ہیں اور لم ڈھینگ مردار خور جانور بھی جمع ہیں۔ہم وہاں سے چلے آئے۔‘‘ ۳ (ترجمہ از مرتّب) جھوٹوں پر اللہ تعالیٰ کی لعنت ہے۔۴ (ترجمہ) یعنی زلزلہ کی نسبت تیرے دیکھے ہوئے کو سچا کرکے دکھلا دیا اور اسی طرح ہم صدقہ دینے والوں کو جزا دیتے ہیں۔(بدر مورخہ ۱۸؍مئی ۱۹۰۵ء صفحہ ۵)
صَدَّ قْنَا الرُّؤْیَـا اِنَّـا کَذَالِکَ نَـجْزِی الْمُتَصَدِّقِیْنَ۔‘‘ (بدر جلد ۱ نمبر۷ مورخہ۱۸؍ مئی ۱۹۰۵ء صفحہ۵) ۲۳؍ مئی۱۹۰۵ء ’’ ۱۔زمین تہ و بالا کردی۔۲۔لنگر اُٹھا دو۔۳۔اِنِّیْ مَعَ الْاَفْوَاجِ اٰتِیْکَ بَغْتَۃً۔اُرِیْدُ مَا تُـرِیْدُ وْنَ۔‘‘۱؎ (کاپی الہامات۲؎ حضرت مسیح موعود علیہ السلام صفحہ۴۳) ۲۴؍ مئی۱۹۰۵ء ’’رؤیامیں دیکھا کہ زینب نام ایک خادمہ لڑکی ساتھ ہے اور اس کنوئیں؎۳ کی طرف جو باغ کے جنوبی مغربی کونے پر ہے، میں گیا ہوں تو کہتا ہوں کہ ایسے کنوئیں سے دُور رہنا چاہیے۔زلزلہ کے وقت ایسے کنوئیں خطرناک ہوتے ہیں۔ایسا نہ ہو کہ زمین کے اندر یہ کنواں گر پڑے۔گویا زلزلہ کے سبب کنوئیں کے زیروبالا ہونے کا بھی اندیشہ ہے۔‘‘ (الحکم۴؎ جلد ۹ نمبر ۱۸ مورخہ۲۴ ؍مئی ۱۹۰۵ء صفحہ۱) ۲۶؍مئی ۱۹۰۵ء (الف) ’’الہام۔۱۔شَـرُّ الَّذِ یْنَ اَنْعَمْتَ عَلَیْـھِمْ۔۵؎ ۲۔میں ان کو سزا دوں گا۔۳۔میں اس عورت کو سزا دوں گا۔‘‘ (کاپی الہامات۶؎ حضرت مسیح موعود علیہ السلام صفحہ ۴۴) ۱ (ترجمہ از مرتّب) ۳۔مَیں اپنی فوجوں کے ساتھ تیرے پاس اچانک آؤں گا۔میں وہی چاہتا ہوں جو تم چاہتے ہو۔(نوٹ از ناشر) الحکم مورخہ ۲۴؍ مئی ۱۹۰۵ء صفحہ ۱ اور بدر مورخہ ۲۵؍ مئی ۱۹۰۵ء صفحہ ۲ پر الہام ’’ اُرِیْدُ مَا تُـرِیْدُ وْنَ‘‘ مورخہ ۲۵؍مئی ۱۹۰۵ء کے تحت مندرج ہے۔۲ (نوٹ از ناشر) بدر مورخہ ۱۸؍مئی ۱۹۰۵ء صفحہ ۵ والحکم مورخہ ۲۴ ؍مئی ۱۹۰۵ء صفحہ ۱ میں یہ الہامات ترتیب کے اختلاف سے درج ہیں۔نیز الہام ’’ اُرِیْدُ مَا تُـرِیْدُ وْنَ‘‘ درج نہیں۔۳ یہ کنواں اب مٹی بھر کر بند کردیا گیا ہے۔(شمس) ۴ (نوٹ از ناشر) بدر مورخہ ۱۸؍مئی ۱۹۰۵ء صفحہ ۱ میں یہی رؤیا الفاظ کی معمولی تبدیلی سے درج ہے۔۵ (ترجمہ) ۱۔شرارت ان لوگوں کی جن پر تُو نے انعام کیا۔( بدر مورخہ۲۵؍ مئی ۱۹۰۵ء صفحہ۲) ۶ (نوٹ از ناشر) بدر مورخہ ۲۵ مئی ۱۹۰۵ء صفحہ ۲ میں ان الہامات سے متعلق تحریر ہے کہ ’’فرمایا۔گھر میں طبیعت علیل تھی۔بہت سر درد، بخار اور کھانسی بھی تھی۔لوگوں کے لئے ابتلاء کا خوف ہوتا ہے۔مَیں نے رات بہت دعا کی (شیخ رحمت اللہ صاحب کو مخاطب کرکے) آپ کے لئے بھی دعا کی تھی۔پہلے تو ایک مشتبہ سا الہام ہوا۔
(ب) ’’ گھر والوں کے متعلق یہ الہام ہوا۔۱۔رَدَّ اِلَیْـھَا رَوْحَھَا وَ رَیْـحَانَـھَا۔۲۔اِنِّیْ رَدَ دْ تُّ اِلَیْـھَا رَوْحَھَا وَ رَیْـحَانَـھَا۔‘‘؎۱ (بدر۲؎ جلد ۱ نمبر۸ مورخہ۲۵؍ مئی ۱۹۰۵ء صفحہ۲) ۲۷؍ مئی۱۹۰۵ء (الف) ’’ ۱۔عَبْدُ؎۳ الْقَادِ رِ رَضِیَ اللّٰہُ عَنْہُ۔۲۔اَرٰی رِضْوَانَہٗ۔۳۔اَللّٰہُ اَکْبَرُ۔؎۴ (ب) خواب میں مَیں نے سنا کہ آنے والے زلزلہ کی یہ نشانی ہے۔پھر میں نے دیکھاکہ خیمہ نصب کردہ بقیہ حاشیہ۔معلوم نہیں کس کے متعلق ہے اور وہ یہ ہے۔شَـرُّالَّذِیْنَ اَنْعَمْتَ عَلَیْھِمْ۔مَیں ان کو سزا دوں گا۔مَیں اس عورت کو سزا دوں گا۔معلوم نہیں یہ کس کے متعلق ہے۔‘‘ ۱ (ترجمہ از مرتّب) ۱۔اللہ تعالیٰ نے اس کی طرف اس کی راحت اور خوش زندگی کو لَوٹایا۔۲۔مَیں نے اس کی راحت اور خوش زندگی کو لوٹادیا۔۲ (نوٹ از ناشر) الحکم مورخہ ۲۴؍ مئی ۱۹۰۵ء صفحہ ۱ میں بھی یہ الہامات درج ہیں۔۳ (نوٹ از ناشر) بدر و الحکم میں الہامات ’’ عَبْدُ الْقَادِرِ رَضِیَ اللّٰہُ عَنْہُ۔اَرٰی رِضْوَانَہٗ۔اَللّٰہُ اَکْبَرُ۔کے بارہ میں تحریر ہے کہ ’’پہلی وحی کے متعلق فرمایا کہ خدا اپنی کچھ قدرتیں میرے واسطے ظاہر کرنے والا ہے اِس واسطے میرا نام عبدالقادر رکھا۔رضوان کا لفظ دلالت کرتا ہے کہ کوئی فعل دنیا میں خدا کی طرف سے ایسا ظاہر ہونے والا ہے جس سے ثابت ہوجائے اور دُنیا پر روشن ہوجائے کہ خدا مجھ پر راضی ہے۔دُنیا میں بھی جب بادشاہ کسی پر راضی ہوتا ہے تو فعلی رنگ میں بھی اس رضامندی کا کچھ اظہار ہوتا ہے۔اِس کے معنے یہ ہیں کہ اس کی رضا پر دلالت کرنے والے افعال دیکھتا ہوں۔مومن کو اللہ تعالیٰ کی رضا بہت پیاری ہے۔ایک حدیث میں آیا ہے کہ مؤمنین جب بہشت میں داخل کئے جائیں گے تو اُن سے کہا جائے گا کہ اَب مانگو جو کچھ مانگنا چاہتے ہو۔تو وہ عرض کریں گے کہ اَے رَبّ ! تُو ہم پر راضی ہوجا۔جواب ملے گا اگر مَیں راضی نہ ہوتا تو تم کو بہشت میں کس طرح داخل کرتا۔‘‘ ( بدر مورخہ۲۵ ؍مئی ۱۹۰۵ء صفحہ۲۔الحکم مورخہ۳۱؍ مئی ۱۹۰۵ء صفحہ۱) ۴ (ترجمہ از مرتّب) ۱۔قادر خدا کا بندہ۔اللہ تعالیٰ اس پر راضی ہوا۔۲۔مَیں اس کی خوشنودی دیکھتا ہوں۔۳۔اللہ تعالیٰ سب سے بڑا ہے۔
میدان میں سے جو درحقیقت باغ کے قریب نصب کیا ہوا ہے ایک چیز گری ہے میں نے اس کو اُٹھا لیا جب غور سے دیکھا تو وہ ایک زیور ہے یعنی لونگ طلائی ہے گویا میری بیوی کا لونگ کھویا گیا تھا جو مل گیا۔‘‘ (کاپی الہامات۱؎ حضرت مسیح موعود علیہ السلام صفحہ۴۳) ۲۸؍ مئی۱۹۰۵ء رؤیا۔’’ شیخ رحمت اللہ صاحب کی ایک گھڑی میرے پاس ہے اور ایک ایسی چیز جیسے ترازو کے دو پلڑے ہوتے ہیں۔مثل جھیوروں کی بینگھی کے۔مَیں ایک ڈولی میں بیٹھا ہوا ہوں۔پھر کسی نے میاں شریف احمد کو اس میں بٹھادیا اور اس کو چکر دینا شروع کیا۔اِتنے میں گھڑی گِر گئی اور اس جگہ قریب ہی گری ہے۔مَیں کہتا ہوں کہ اس کو تلاش کرو۔ایسا نہ ہو کہ محمد حسین نالش کردے۔فرمایا کہ خیال گزرتا ہے کہ شاید گھڑی سے مراد وہ ساعت ہے جو زلزلہ کی ساعت ہے جو معلوم نہیں۔وَاللہُ اَعْلَمُ۔اور وہ رحمت کی ساعت ہے یعنی یہ ساعت ہمارے واسطے رحمت ِ الٰہی کا موجب ہوگی۔‘‘ ( بدر جلد ۱ نمبر۸ مورخہ۲۵؍ مئی ۱۹۰۵ء صفحہ۲۔الحکم جلد ۹ نمبر ۱۹ مورخہ۳۱؍ مئی ۱۹۰۵ء صفحہ۱) ۲۹؍ مئی۱۹۰۵ء ’’ یَـاْتُوْنَ مِنْ کُلِّ فَـجٍّ عَـمِیْقٍ وَیَـاْتِیْکَ مِنْ کُلِّ فَـجٍّ عَـمِیْقٍ۔‘‘۲؎ (فرمایا) یہ الہام کوئی پچیس۲۵ سال کے بعد پھر ہوا ہے جس سے معلوم ہوتا ہے کہ اس کے کسی زبردست ۱ (نوٹ از ناشر) بدر مورخہ۲۵؍ مئی ۱۹۰۵ء صفحہ۲ اور الحکم مورخہ۳۱؍ مئی ۱۹۰۵ء صفحہ۱ میں یہ خواب ان الفاظ میں درج ہے۔’’دیکھا کہ کسی نے کہا کہ آنے والے زلزلے کی یہ نشانی ہے۔جب مَیں نے نظر اُٹھائی تو دیکھا کہ اس ہمارے خیمہ کے سر پر سے جو باغ کے قریب نصب کیا ہوا ہے، ایک چیز گِری ہے۔خیمہ کی چوب کا اُوپر کا سِرا وہ چیز ہے۔جب مَیں نے اُٹھایا تو وہ ایک لَونگ ہے جو عورتوں کے ناک میں ڈالنے کا ایک زیور ہے اور ایک کاغذ کے اندر لپٹا ہوا ہے۔میرے دل میں خیال گذرا کہ یہ ہمارے ہی گھر کا مدت سے کھویا ہوا تھا اور اَب ملا ہے اور زمین کی بلندی سے ملا ہے اور یہی نشانی زلزلہ کی ہے۔‘‘ ۲ (ترجمہ) اِس کثرت سے لوگ تیری طرف آئیں گے کہ جن راہوں پر وہ چلیں گے وہ عمیق ہوجائیں گے اور وہ مدد ہر ایک دُور کی راہ سے تجھے پہنچے گی اور ایسی راہوں سے پہنچے گی کہ وہ راہ لوگوں کے بہت چلنے سے جو تیری طرف آئیں گے گہرے ہوجائیں گے۔(حقیقۃ الوحی۔روحانی خزائن جلد ۲۲ صفحہ ۷۷)
اظہار کا پھر کوئی وقت قریب ہے۔‘‘ ( بدر۱؎ جلد ۱ نمبر۹ مورخہ یکم جون ۱۹۰۵ء صفحہ۲) ۳۰ ؍مئی۱۹۰۵ء ’’ صَلٰوۃُ الْعَرْشِ اِلَی الْفَرْشِ‘‘۲؎ (کاپی الہامات حضرت مسیح موعود علیہ السلام صفحہ۴۳) ۳۱؍ مئی۱۹۰۵ء (الف) ’’والدہ محمود کی مرض جو سخت تھی مشتبہ تھی۔الہام ہوا۔اِنَّ۳؎ مَعِیَ رَبِّیْ سَیَـھْدِیْنِ‘‘۴؎ (کاپی الہامات حضرت مسیح موعود علیہ السلام صفحہ۴۳) ۱ (نوٹ از ناشر) الحکم مورخہ۳۱؍ مئی ۱۹۰۵ء صفحہ۱ میں بھی یہ الہام درج ہے۔تفصیل یوں ہے۔’’یہ پرانا الہام ہے جو براہین میں درج ہے مگر کل پھر اس کی تجدید ہوئی ہے۔معلوم ہوتا ہے نئے رنگ میں اس کا ظہور ہونے والا ہے۔‘‘ ۲ (نوٹ از ناشر) بدر مورخہ یکم جون ۱۹۰۵ء صفحہ۲ میں الہام ’’ صَلٰوۃُ الْعَرْشِ اِلَی الْفَرْشِ۔‘‘ کے بارہ میں تحریر ہے۔’’ یعنی رحمت ِ الٰہی جو تم پر ہے اس کی کیفیت یہ ہے کہ وہ عرش سے لے کر فرش تک ہے۔فرمایا۔اس میں کمّی کیفی مبالغہ ہے۔گویا اللہ تعالیٰ کی رحمت نے فضا کو بھر دیا۔یہ الہام آئندہ بشارت پر دلالت کرتا ہے۔یہ لفظی ہی نہیں بلکہ عملی رنگ میں ظاہر ہونے والا ہے۔اللہ تعالیٰ کی سُنّت ہے کہ جب وہ کسی پر خوش ہوتا ہے تو عملی رنگ میں اُس کا اظہار دُنیا پر کرتا ہے۔‘‘ بدر کی اس تفصیل کے علاوہ الحکم مورخہ۳۱ مئی ۱۹۰۵ء صفحہ۱ میں اس الہام کے بارہ میں مزید تحریر ہے کہ ’’اللہ تعالیٰ کی سنت اور ہے کہ جب وہ کسی پر خوش ہوتا ہے تو پھر انعام و اکرام بھی کرتا ہے برخلاف اہل دنیا کے کہ وہ جب کسی سے کوئی عطیہ نذرانہ وغیرہ لے لیتے تو صرف لفظوں میں کہہ دیتے ہیںہم تم پر بہت خوش ہیں۔غرض یہ بڑا مبشر الہام ہے۔عرش تو تجلّی گاہِ الٰہی ہے۔اس سے معلوم ہوتا ہے کہ وہ زمین میں قبولیت پیدا کردے گا جیسا کہ ایک حدیث میں آیا ہے کہ ایک شخص گمنامی کی حالت میں ہوتا ہے۔اللہ تعالیٰ جب اس سے راضی ہوتا ہے تو جبرئیل کو حکم دیتا ہے کہ ملائکہ کو اس کی خبر کردو اسی طرح پر وہ دوسرے ملائکہ کو اور زمین میں اس کی قبولیت ڈالی جاتی ہے۔‘‘ ۳ (ترجمہ) تحقیق میرے ساتھ میرا ربّ ہے مجھے راہ دکھائے گا اور کامیاب کرے گا۔(بدر مورخہ یکم جون ۱۹۰۵ء صفحہ ۲) ۴ (نوٹ از ناشر) بدر مورخہ یکم جون ۱۹۰۵ء صفحہ۲ اور الحکم مورخہ ۱۰؍جون ۱۹۰۵ءصفحہ ۱ میں اس الہام کے بارہ میں تحریر ہے کہ ’’حضرت کے گھر میں بیمار تھیں اور سخت تکلیف تھی۔کئی دوائیاں کیں کچھ فائدہ نہ ہوا آخر آپؑ دعا میں
(ب) ’’اِس الہام سے چند منٹ بعد ہی میرے دل میں ڈالا گیا کہ یہ بیماری بباعث حرارت ِ جگر ہے اور دل میں ڈالا گیا کہ کتاب شَفَاءُ الْاَسْقَام کا نسخہ اس کے لئے مفید ہوگا۔سو وہ نسخہ بنایا گیا اور وہ قرص تھے۔جب تین چار قُرص کھائے گئے تو ایک دن صبح کے وقت مَیں نے خواب میں دیکھا کہ عبدالرحمٰن نام ایک شخص ہمارے مکان میں آیا ہے اور وہ کھڑا ہوکر کہتا ہے کہ بخار ٹوٹ گیا اور یہ عجیب قدرتِ الٰہی ہے کہ ایک طرف یہ خواب دیکھی گئی اور دوسری طرف جب مَیں نے نبض دیکھی تو بخار کا نام و نشان نہ تھا۔پھر یہ الہام ہوا۔تو در منزلِ ماچو بار بار آئی خدا ابرِ رحمت ببار ید یانے۔‘‘؎۱ (حقیقۃ الوحی۔روحانی خزائن جلد۲۲صفحہ ۲۸۹، ۲۹۰ ) ۳؍ جون۱۹۰۵ء ’’ یُنَجِّی النَّاسَ مِنَ الْاَمْرَاضِ۔؎۲ فرمایا۔یہ میری طرف اشارہ تھا کہ بہتوں کو میرے ذریعہ سے امراضِ خطرناک سے نجات ہوگی۔‘‘ ( بدر جلد ۱ نمبر۹ مورخہ یکم جون ۱۹۰۵ء صفحہ۲۔الحکم جلد ۹ نمبر۲۰ مورخہ۱۰؍ جون ۱۹۰۵ء صفحہ۱) ۷؍ جون۱۹۰۵ء ’’والدہ محمود کو سخت موذی بخار تھا۔رات مَیں نے دعا کی صبح ایک شخص خواب (میں) بقیہ حاشیہ۔مشغول ہوئے۔الہام ہوا۔اِنَّ مَعِیَ رَبِّیْ سَیَھْدِیْنِ۔چنانچہ دو منٹ ابھی گذرے تھے کہ خدا نے مرض کی حقیقت کھول دی۔مرض نہایت تکلیف دِہ تپ تھا۔ساتھ اس کے اَور عوارض تھے۔‘‘ علاوہ ازیں بدر مورخہ ۸؍جون ۱۹۰۵ء صفحہ ۳ پر اس الہام کے بارہ میں مزید تحریر ہے کہ ’’اِس الہام کے ہوتے ہی میرے دل میں پڑا کہ اَب تک علاج کا راستہ درست نہ تھا۔اب اللہ تعالیٰ علاج کے واسطے صحیح راہ بتلادے گا۔چنانچہ اسی وقت دل میں یہ بات ڈالی گئی کہ جگر میں کچھ نقص معلوم ہوتا ہے اس طرف توجہ کرنی چاہیے۔اس سے پہلے تشخیص درست نہیں ہوئی۔چنانچہ مولوی صاحب (حضرت مولوی نورالدین صاحب خلیفہ اوّل ؓ) کے ساتھ ذکر کیا گیا انہوں نے اسی وقت ایک نسخہ تجویز کیا۔جگر پر ضماد کیا تو خدا تعالیٰ نے فوراً آرام دیا اور ایسی راحت ہوئی کہ پہلے کسی دوائی سے نہ ہوئی تھی۔‘‘ ۱ (ترجمہ) اِس کے معنی دونوں طرح ہوسکتے ہیں۔ایک تو یہ کہ کیا خدا نے ابر ِ رحمت برسایا یا نہ برسایا۔یعنی ضرور برسایا اور دوسرا یہ لفظ ابر ِ رحمت خدا کا بدل ہو اور اِس طرح یہ معنے ہوں گے کہ خدا ہی خود ابر ِ رحمت ہے۔کیا وہ برسا یا نہ برسا۔اِس سے معلوم ہوتا ہے کہ جو انسان بار بار دعا کرتا ہے گویا خدا کے گھر میں جاتا ہے اور آخر کار خدا اُس کی سنتا ہے۔( بدرمورخہ ۸؍جون ۱۹۰۵ء صفحہ ۲) ۲ (ترجمہ از بدر) امراض سے لوگوں کو نجات دیتا ہے اور دے گا۔(بدر مورخہ یکم جون ۱۹۰۵ء صفحہ۲)
آیا۔گویا وہ کہتا ہے بخار ٹوٹ گیا۔اسی دن بخار ٹوٹ گیا۔‘‘ (کاپی الہامات حضرت مسیح موعود علیہ السلام صفحہ ۴۴) جون۱۹۰۵ء ’’۱۰؍ جون ۱۹۰۵ء کو قبل ظہر بیان کیا کہ دو تین دن ہوئے الہام ہوا تھا۔مُضِرِّ صحت۔‘‘ ( الحکم جلد ۹ نمبر۲۱ مورخہ۱۷؍ جون ۱۹۰۵ء صفحہ۱) ۹؍ جون۱۹۰۵ء ’’ ۱۔اِنِّیْ مَعَکَ وَ مَعَ اَھْلِکَ وَ مَعَ کُلِّ مَنْ اَحَبَّکَ۔۱؎ ۲۔رَدَ دْتُّ اِلَیْـھَا رَوْحَھَا وَ رَیْـحَانَـھَا۔۳۔اِنَّ مَعِیَ رَبِّیْ سَیَـھْدِیْنِ۔۴۔امن است در مقامِ محبّت سرائے ما۔‘‘۲؎ (کاپی الہامات حضرت مسیح موعود علیہ السلام صفحہ۴۳) ۱۳؍ جون۱۹۰۵ء ’’خواب میں خدا تعالیٰ کی طرف سے پانچ شعر دکھلائے (گئے) جو بھول گئے۔پانچواں شعر یاد رہا اور وہ یہ تھا تو در منزل ماچو بار بار آئی خدا اَبرِ رحمت ببارِ ید یانے ‘‘ (کاپی الہامات۳؎ حضرت مسیح موعود علیہ السلام صفحہ۴۴) ۱۵؍ جون۱۹۰۵ء ’’ اس کا غوث محمد نام رکھا گیا ‘‘ (کاپی الہامات حضرت مسیح موعود علیہ السلام صفحہ۴۴) ۱۶؍ جون۱۹۰۵ء ’’رؤیا۔قبل از نماز صبح۔مَیں اپنے مکان میں کمرے کے اندر کھڑا ہوں۔اس وقت ۱ (نوٹ از ناشر) الحکم مورخہ ۱۰؍جون ۱۹۰۵ء صفحہ ۱ اور بدر مورخہ یکم جون ۱۹۰۵ء صفحہ ۲ میں بھی یہ الہام درج ہے۔۲ (ترجمہ از مرتّب) ۱۔مَیں تیرے ساتھ ہوں اور تیرے اہل کے ساتھ ہوں اور ان تمام کے ساتھ جو تجھ سے محبّت رکھتے ہیں یا رکھیں گے۔۲۔مَیں نے اس کی طرف اس کی راحت اور خوش زندگی کو لَوٹا دیا۔۳۔یقیناً میرے ساتھ میرا رَبّ ہے جو میری رہنمائی کرے گا۔۴۔ہمارے محبّت بھرے مکان میں ہر طرح سے امن ہے۔۳ (نوٹ از ناشر) بدر مورخہ ۸؍ جون ۱۹۰۵ء صفحہ۲ اور الحکم مورخہ۱۷؍ جون ۱۹۰۵ء صفحہ۱ میں یہ خواب باختلاف الفاظ درج ہے۔بدر میں موجود تفصیل کے الفاظ یہ ہیں۔’’ایک کاغذ دکھایا گیا جس پر پانچ سطریں لکھی ہوئی تھیں۔ان کو نظم کہہ سکتے ہیں نہ نثر۔کچھ مِلا جُلا سا تھا۔وہ کاغذ میرے ہاتھ میں دیا گیا۔مَیں نے پانچوں سطروں کو پڑھا مگر اُٹھتے اُٹھتے ایک سطر یاد رہی اور وہ اِس طرح تھی۔تو در منزل ماچو بار بار آئی خدا اَبرِ رحمت ببارِ ید یانے ‘‘
دیکھا کہ باہر ایک عورت۱؎ زمین پر بیٹھی ہے جو مخالفانہ رنگ میں ہے۔وہ بہت بُری حالت میں ہے اور اُس کے سر کے بال مقراض سے کٹے ہوئے ہیں۔کوئی زیور نہیں اور نہایت ردّی اور مکروہ حالت میں ہے اور اُس کے سر پر ایک مَیلا سا کپڑا پگڑی کی طرح لپیٹا ہوا ہے۔اُس کے ساتھ بات کرنے سے مجھے کراہت آتی ہے۔نمازِ عصر کا وقت ہے مَیں جلدی سے اُٹھا ہوں کہ نماز کیلئے چلا جاؤں۔کچھ کپڑے مَیں نے ساتھ لئے ہیں کہ نیچے جا کر پہن لُوں گا۔یہ جلدی اِس لئے کی کہ اس عورت کو میرے ساتھ بات کرنے کا موقعہ نہ ملے۔پس مَیں نے جلدی کے سبب پگڑی کو ہاتھ میں لیا اور پشمینہ کی سُرخ چادر اُوپر لے لی اور کمرے سے نکلا۔جب مَیں اس کے برابر گذرا تو میرے منہ سے یا آسمان سے آواز آئی کہ لَعْنَۃُ اللّٰہِ عَلَی الْکَاذِبِیْنَ۔ساتھ ہی یہ الہام ہوا کہ اس پر آفت پڑی، آفت پڑی اور دیکھا کہ وہ عورت ایک نہایت ذلیل شکل میں کوڑھیوں کی طرح بیٹھی ہے۔‘‘ (بدر جلد ۱ نمبر ۱۰ مورخہ ۸؍جون ۱۹۰۵ء صفحہ ۷۔الحکم جلد ۹ نمبر ۲۲ مورخہ ۲۴؍ جون ۱۹۰۵ء صفحہ ۲) ۱۹؍ جون۱۹۰۵ء ۱۔’’خواب میں کسی کی نسبت اپنے دوستوں میں سے الہام ہوا۔اس کو اچھا کرنا ہی نہیں۲؎ تھا۔بے نیازی کے کام ہیں۔اعجاز المسیح یعنی اُس شخص کی تقدیر میں شفا نہیں تھی۔خدا تعالیٰ کی بے نیازی نے ایسا ہی چاہا تھا پر یہ معجزہ مسیح ہے کہ وہ اچھا ہوگیا۔‘‘ ۲۔’’ یُنَجِّی النَّاسَ مِنَ الْاَمْرَاضِ۔‘‘۳؎ (کاپی الہامات حضرت مسیح موعود علیہ السلام صفحہ۴۵ ۱ (نوٹ از ایڈیٹر الحکم) ’’یہ وہی عورت معلوم ہوتی ہے جس کے متعلق اسی اخبار میں درج ہوا تھا کہ میں ان کو سزا دوں گا۔مَیں اس عورت کو سزا دوں گا۔‘‘ (الحکم مورخہ ۲۴؍ جون ۱۹۰۵ء صفحہ ۲) ۲ (نوٹ از ناشر) بدر مورخہ ۱۵؍جون ۱۹۰۵ء صفحہ ۲ اور الحکم مورخہ ۲۴؍جون ۱۹۰۵ء صفحہ ۲ میں اس الہام کے بارہ میں تحریر ہے کہ ’’ ہماری جماعت کے چار آدمیوں میں سے جو سخت بیمار ہوئے تھے اس جگہ باغ میں ان میں سے ایک۴؎ کے متعلق یہ الہام ہوا۔خدا نے اس کو اچھا کرنا ہی نہیں تھا۔بے نیازی کے کام ہیں۔اعجاز المسیح۔‘‘ ۳ (ترجمہ) (وہ) امراض سے لوگوں کو نجات دیتا ہے اور دے گا۔(بدر مورخہ یکم جون ۱۹۰۵ء صفحہ ۲) ۴ چار بیماروں میں سے ایک میاں محمد اسحاق صاحبزادہ جناب میر ناصر نواب صاحب تھے جن کی مرض کی حالت ظاہری نظر میں واقعی مایوسی کی حد تک پہنچ چکی تھی۔(ریویو آف ریلیجنز بابت ماہ جولائی ۱۹۰۵ء صفحہ ۲۹۰)
۲۰؍ جون۱۹۰۵ء ’’۱۔عَـجِّلْ۔عَـجِّلْ ۲۔اَنْتَ مِنِّیْ بِـمَنْزِلَۃِ عَرْشِیْ۔۳۔اَنْتَ مِنِّیْ بِـمَنْزِلَۃٍ لَّا یَعْلَمُھَا الْـخَلْقُ۔۴۔صَلٰوۃُ الْعَرْشِ اِلَی الْفَرْشِ۔۵۔اَنْتَ مِنِّیْ وَ اَنَـا مِنْکَ۔‘‘؎۱ (کاپی الہامات حضرت مسیح موعود علیہ السلام صفحہ۴۵) ۲۶؍ جون۱۹۰۵ء ’’اِنِّیْ مَعَ الرَّحْـمٰنِ فِیْ کُلِّ حَالَۃٍ۔حَالَۃِ الْمَوْتِ وَحَالَۃِ الْبَقَآءِ۔‘‘؎۲ (کاپی الہامات حضرت مسیح موعود علیہ السلام صفحہ۴۵) ۲؍ جولائی۱۹۰۵ء ’’رؤیا۔دیکھا کہ ایک بڑا دریا ہے۔اُس میں سے کوئی چیز نکلی جس میں سے شعلے نکلتے ہیں اور ہمارے سامنے ہوئی جیسا کہ دریا بطور تحفہ کے کوئی چیز ہمارے آگے پیش کش کرتا ہے۔وہ چیز ہم نے لے لی۔تو وہ ایک ٹوپی تھی جس کو ہم نے سر پر رکھ لیا۔اُس کے بعد دریا نے ایک اَور چیز پیش کی جو ایک چغہ کی شکل میں تھی۔وہ بھی ہم نے لے لی۔فرمایا۔دریا سے مراد کوئی بڑا بادشاہ یا اسی کی مانند کوئی اَور ذی شان آدمی یا کوئی بڑا اہلِ علم و فضل و کمال ہوتا ہے اور اُس کے تحفہ دینے سے مراد حلقہ خادموں میں داخل ہونا یا مُعتقد ہونا یا مالی خدمت کرنا۔یا کسی غرض کے لئے رجوع لانا ہے۔وَاللہُ تَعَالٰی اَعْلَمُ۔‘‘ ( بدر جلد ۱ نمبر۱۳ مورخہ۲۹؍ جون ۱۹۰۵ء صفحہ۲۔الحکم جلد ۹ نمبر۲۴ مورخہ۱۰؍ جولائی ۱۹۰۵ء صفحہ۱۱) ۳؍جولائی ۱۹۰۵ء ’’تیرے لئے میرا نام چمکا اسی دن دیکھا ایک لفافہ میں سے کئی پیسے نکلے ہیں پھر دیکھا کہ پیسے میرے آگے رکھے ہیں۔‘‘ (کاپی الہامات حضرت مسیح موعود علیہ السلام صفحہ۴۵) ۱۳؍۳؎جولائی ۱۹۰۵ء ’’روحانی عالم تیرے پر کھولا گیا۔فَبَصَـرُکَ الْیَوْمَ حَدِ یْدٌ۔۴؎ ۱ (ترجمہ از مرتّب) ۱۔جلدی کر۔جلدی کر۔۲۔تُو مجھ سے بمنزلہ میرے عرش کے ہے۔۳۔تُو مجھ سے اس مرتبہ پر ہے جس کو دنیا نہیں جانتی۔۴۔رحمت ِ الٰہی عرش سے فرش تک ہے۔۵۔تُو مجھ سے ہے اور مَیں تجھ سے ہوں۔۲ (ترجمہ از مرتّب) مَیں ہر حالت میں رحمٰن خدا کے ساتھ ہوں خواہ موت کی حالت ہو خواہ بقاء کی۔۳ (نوٹ از ناشر) بدر مورخہ ۱۳؍جولائی ۱۹۰۵ء صفحہ ۲ میں ان الہامات کی تاریخ ۱۲؍جولائی ۱۹۰۵ء مندرج ہے۔نیز ’’روحانی عالم تیرے پر کھولا گیا‘‘ کی بجائے ’’روحانی عالم کا دروازہ تیرے پر کھولا گیا۔‘‘ مرقوم ہے۔۴ (ترجمہ از مرتّب) پس آج تیری نگاہ تیز ہے۔