تذکرہ یعنی وحی مقدّس و روٴیا و کشوف حضرت مسیح موعود علیہ الصلوٰة و السلام

حصہ 5

Urdu text of the edition of the Ahmadiyya Muslim Jamaat.

سو اُس رات اِس مطلب کے لئے قادرِ مطلق کی جناب میں دعا کی گئی۔علی الصباح بہ نظر کشفی ایک خط دکھلایا گیا جو ایک شخص نے ڈاک میں بھیجا ہے۔اس خط پر انگریزی زبان میں لکھا ہوا ہے۔آئی ایم کو ٔرلر؎۱ اور عربی میں یہ لکھا ہوا ہے۔ھٰذَا شَا ھِدٌ نَـزَّاغٌ اور یہی الہام حِکَا یَۃً عَنِ الْکَاتِب القا کیا گیا اور پھر وہ حالت جاتی رہی۔چونکہ یہ خاکسار انگریزی زبان سے کچھ واقفیت نہیں رکھتا۔اس جہت سے پہلےعلی الصباح میاں نور احمد صاحب کو اس کشف اور الہام کی اطلاع دے کر اور اُس آنے والے خط سے مطّلع کرکے پھر اُسی وقت ایک انگریزی خوان سے اُس انگریزی فقرہ کے معنے دریافت کئے گئے تو معلوم ہوا کہ اُس کے یہ معنے ہیں کہ میں جھگڑنے والا ہوں۔سو اِس مختصر فقرہ سے یقیناً یہ معلوم ہوگیا کہ کسی جھگڑے کے متعلق کوئی خط آنے والا ہے اور ھٰذَا شَاھِدٌ نَزَّاغٌ کہ جو کاتب کی طرف سے دوسرا فقرہ لکھا ہوا دیکھا تھا اُس کے یہ معنی کھلے کہ کاتب ِ خط نے کسی مقدّمہ کی شہادت کے بارہ میں وہ خط لکھا ہے۔اُس دن حافظ نور احمد صاحب بباعث ِ بارش باران امرتسر جانے سے روکے گئے اور درحقیقت ایک سماوی سبب سے اُن کا روکا جانا بھی قبولیت ِ دعا کے ایک خبر تھی تا وہ جیسا کہ اُن کے لئے خدائے تعالیٰ سے درخواست کی گئی تھی پیش گوئی کے ظہور کو بچشمِ خود دیکھ لیں۔غرض اُس تمام پیش گوئی کا مضمون ان کو سنا دیا گیا۔شام کو اُن کے روبرو پادری رجب علی صاحب مہتمم و مالک مطبع سفیر ہند کا ایک خط رجسٹری شدہ امرتسر سے آیا۔جس سے معلوم ہوا کہ پادری صاحب نے اپنے کاتب پر جو اِسی کتاب کا کاتب ہے عدالت ِ خفیفہ میں نالش کی ہے اور اِس عاجز کو ایک واقعہ کا گواہ ٹھہرایا ہے اور ساتھ اُس کے ایک سرکاری سمن بھی آیا اور اس خط کے آنے کے بعد وہ فقرہ الہامی یعنی ھٰذَا شَاھِدٌ نَزَّاغٌ جس کے یہ معنی ہیں کہ یہ گواہ تباہی ڈالنے والا ہے، ان معنوں پر محمول معلوم ہوا کہ مہتمم مطبع سفیر ہند کے دل میں بہ یقین کامل یہ مرکوز تھا کہ اس عاجز کی شہادت جو ٹھیک ٹھیک اور مطابق واقعہ ہوگی بباعث و ثاقت اور صداقت اور نیز بااعتبار اور قابل قدر ہونے کی و جہ سے سے فریق ثانی پر تباہی ڈالے گی اور اسی نیت سے مہتمم مذکور نے اس عاجز کو ادائے شہادت کے لئے تکلیف بھی دی اور سمن جاری کرایا اور اتفاق ایسا ہوا کہ ۱ I am quarreler۔

جس دن یہ پیش گوئی پوری ہوئی اور امرتسرجانے کا سفر پیش آیا وہی دن پہلی پیشگوئی کے پورے ہونے کا دن تھا۔سو وہ پہلی پیشگوئی بھی میاں نور احمد صاحب کے رُوبرو پوری ہوگئی یعنی اُسی دن جو دس دن کے بعد کا دن تھا روپیہ آگیا اور امرتسر بھی جانا پڑا۔فَالْـحَمْدُ لِلّٰہِ عَلٰی ذَالِکَ۔‘‘ (براہین احمدیہ حصہ چہارم۔روحانی خزائن جلد ۱ صفحہ ۵۶۲تا ۵۶۵ حاشیہ در حاشیہ نمبر۳) ۱۸۸۲ء ’’ایک دفعہ فجر کے وقت الہام ہوا کہ آج حاجی ارباب محمد لشکر خان کے قرابتی کا روپیہ آتا ہے یہ پیش گوئی بھی بدستورِ معمول اُسی وقت چند آریوں کو بتلائی گئی اور یہ قرار پایا کہ اُنہیں میں سے ڈاک کے وقت کوئی ڈاک خانہ میں جاوے چنانچہ ایک آریہ ملاوامَل نامی اُس وقت ڈاک خانہ میں گیا اور یہ خبر لایا کہ ہوتی مردان سے دس روپیہ آئے ہیں اور ایک خط لایا جس میں لکھا تھا کہ یہ دس روپیہ ارباب سرور خان نے بھیجے ہیں۔چونکہ ارباب کے لفظ سے اتحادِ قومی مفہوم ہوتا تھا اس لئے اُن آریوں کو کہا گیاکہ ارباب کے لفظ میںدونوں صاحبوں کی شراکت ہونا پیش گوئی کی صداقت کے لئے کافی ہے۔مگر بعض نے اُن میں سے اس بات کو قبول نہ کیا اور کہا کہ اتحادِ قومی شے دیگر ہے اور قرابت شے دیگر اور اس انکار پر بہت ضد کی۔ناچار ان کے اصرار پر خط لکھنا پڑا اور وہاں سے یعنی ہوتی مردان سے کئی روز کے بعد ایک دوست منشی الٰہی بخش نامی نے جو اُن دنوں میں ہوتی مردان میں اکونٹنٹ تھے خط کے جواب میں لکھا کہ ارباب سرور خان ارباب محمد لشکر خان کا بیٹا ہے چنانچہ اُس خط کے آنے پر سب مخالفین لاجواب اور عاجز رہ گئے۔فَالْـحَمْدُ لِلّٰہِ عَلٰی ذَالِکَ۔‘‘ (براہین احمدیہ حصہ چہارم۔روحانی خزائن جلد۱ صفحہ ۵۶۵،۵۶۶ حاشیہ در حاشیہ نمبر ۳) ۳۰؍دسمبر ۱۸۸۲ء (الف) ’’ایک عجیب کشف سے جو مجھ کو۳۰ ؍دسمبر ۱۸۸۲ء بروز شنبہ کو یک دفعہ ہوا۔آپ کے شہر؎۱کی طرف نظر لگی ہوئی تھی اور ایک شخص؎۲نامعلوم الاسم کی ارادت صادقہ خدا نے میرے پر ظاہر کی جو ۱ لدھیانہ (ناشر) ۲ حضرت مسیح موعود علیہ السلام تحریر فرماتے ہیں۔’’لودہانہ میں ایک صاحب میر عباس علی نام تھے جو بیعت کرنے والوں میں داخل تھے۔چند سال تک انہوں نے اخلاص میں ایسی ترقی کی کہ ان کی موجودہ حالت کے لحاظ سے ایک دفعہ الہام ہوا۔اَصْلُھَا ثَابِتٌ وَّ فَرْعُھَا فِی السَّمَآءِ۔اس الہام سے صرف اس قدر مطلب تھا کہ اُس زمانہ میں وہ راسخ الاعتقاد

باشندۂ لودہیانہ ہے۔اس عالمِ کشف میں اس کا تمام پتہ و نشان سکونت بتلادیا جو اَب مجھ کو یاد نہیں رہا۔صرف اتنا یاد رہا کہ سکونت خاص لودہیانہ اور اُس کے بعد اُس کی صفت میں یہ لکھا ہوا پیش کیا گیا۔سچا ارادت مند۔اَصْلُھَا ثَابِتٌ وَّفَرْعُھَافِی السَّمَآءِ؎۱ یعنی اس کی ارادت ایسی قوی اور کامل ہے کہ جس میں نہ کچھ تزلزل ہے نہ نقصان ہے۔‘‘ (از مکتوب بنام میر عباس علی صاحب۔مکتوبات احمد جلد ۱ صفحہ ۵۱۰ مطبوعہ ۲۰۰۸ء) (ب) ’’ میں نے قریب صبح کے کشف کے عالم میں دیکھا کہ ایک کاغذ میرے سامنے پیش کیا گیا اس پر لکھا ہے کہ ’’ایک ارادت مند لدھیانہ میں ہے۔‘‘ پھر اس کے مکان کا پتہ مجھے بتایا گیا اور نام بھی بتایا گیا جو مجھے یاد نہیں اور پھر اس کی ارادت اور قوتِ ایمانی کی یہ تعریف اسی کاغذ میں لکھی ہوئی دکھائی۔اَصْلُھَا ثَا بِتٌ وَّ فَرْعُھَا فِی السَّمَآءِ‘‘ مجھے معلوم نہیں کہ وہ کون شخص ہے مگر مجھے شک پڑتا ہے کہ شاید خداوند ِ کریم آپ ہی میں وہ حالت پیدا کرے یا کسی اور میں۔وَاللہُ اَعْلَمُ بِالصَّوَابِ۔‘‘ (از مکتوب بنام نواب علی محمد خان صاحبؓ جھجر۔مکتوبات احمد جلد ۳ صفحہ ۳۹ مطبوعہ ۲۰۱۳ء) ۱۸۸۳ء بقیہ حاشیہ۔تھے اور ایسے ہی انہوں نے اس زمانہ میں آثار ظاہر کئے کہ ان کے لئے بجز میرے ذکر کے اور کوئی ورد نہ تھااور ہر ایک میرے خط کو نہایت درجہ متبرک سمجھ کر اپنے ہاتھ سے اس کی نقل کرتے تھے اور لوگوں کو وعظ و نصیحت کرتے تھے اور اگر ایک خشک ٹکڑا بھی دستر خوان کا ہو تو متبرک سمجھ کر کھاجاتے تھے اور سب سے پہلے لدھیانہ سے وہی قادیان میں آئے تھے۔ایک مرتبہ مجھ کو خدا تعالیٰ کی طرف سے دکھایا گیا کہ عبّاس علی ٹھوکر کھائے گا اور برگشتہ ہوجائے گا۔وہ میرا خط بھی اُنہوں نے میرے ملفوظات میں درج کرلیا۔بعد اس کے جب اُن کی ملاقات ہوئی تو اُنہوں نے مجھ کو کہا کہ مجھ کو اس کشف سے جو میری نسبت ہوا بڑا تعجب ہوا کیونکہ میں تو آپ کے لئے مرنے کو تیار ہوں۔میں نے جواب دیا کہ جو کچھ آپ کے لئے مقدر ہے وہ پورا ہوگا۔بعد اس کے جب وہ زمانہ آیا کہ میں نے مسیح موعود ہونے کا دعویٰ کیا تو وہ دعویٰ اُن کو ناگوار گذرا۔اوّل دل ہی دل میں پیچ و تاب کھاتے رہے بعد اس کےاس مباحثہ کے وقت جو مولوی ابو سعید محمد حسین صاحب سے لدھیانہ میں میری طرف سے ہوا تھا اور اس تقریب سے چند دن اُن کو مخالفوں کی صحبت بھی میسر آگئی تو نوشتہءِ تقدیر ظاہر ہوگیا اور وہ صریح طور پر بگڑ گئے۔‘‘ (حقیقۃ الوحی۔روحانی خزائن جلد ۲۲ صفحہ ۳۰۷) ۱ (ترجمہ از مرتّب) اس کی جڑ زمین میں محکم ہے اور اس کی شاخیں آسمان تک پہنچی ہیں۔

۱۸۸۳ء ’’ آنمخدوم کی تحریرات کے پڑھنے سے بہت کچھ حالِ صداقت و نجابت ِ آنمخدوم ظاہر ہوتا ہے اور ایک مرتبہ بنظرِ کشفی بھی کچھ ظاہر ہوا تھا۔شاید کسی زمانہ میں خداوند کریم اس سے زیادہ اور کچھ ظاہر کرے۔‘‘ (از مکتوب بنام میر عباس علی صاحب۔مکتوبات احمد جلد اوّل صفحہ۵۱۴ مطبوعہ ۲۰۰۸ء) ۱۸۸۳ء ’’ جس روز آپ کا خط آیا اسی روز بعض عبارتیں آپ کے خط کی کسی قدر کمی بیشی سے بصورت کشفی ظاہر کی گئیں اور وہ فقرات زیادہ آپ کے دل میں ہوں گے۔یہ خداوند کریم کی طرف سے ایک رابطہ بخشی ہے۔‘‘ (از مکتوب بنام میر عباس علی صاحب۔مکتوبات احمد جلد اوّل صفحہ۵۱۵ مطبوعہ ۲۰۰۸ء) ۱۸۸۳ء ؎۱ ’’وقت ملاقات ایک گفتگو کے اثناء میں بنظر کشفی آپ کی حالت ایسی معلوم ہوئی کہ کچھ دل میں انقباض؎۲ ہے۔اور نیز آپ کے بعض خیالات جو آپ بعض اشخاص کی نسبت رکھتے تھے۔حضرت احدیت کی نظر میں درست نہیں تو اس پر یہ الہام ہوا۔قُلْ ھَا تُوْا بُرْھَا نَکُمْ اِنْ کُنْتُمْ صَادِقِیْنَ ؎۳ …اس وقت یہ بیان کرنا مناسب نہیں سمجھا گیا مگر بہت ہی سعی کی گئی کہ خداوند کریم اس کو دور کرے مگر تعجب نہیں کہ آئندہ بھی کوئی ایسا انقباض پیش آوے۔جب انسان ایک نئے گھر میں داخل ہوتا ہے تو اس کے لئے ضرور ہے کہ اس گھر کی وضع قطع میں بعض اُمور اُس کو حسب مرضی اور بعض خلاف مرضی معلوم ہوں اس لئےمناسب ہے کہ آپ اس محبت کو خدا سے بھی چاہیں اور کسی نئے امر کے پیش آنے میں مضطرب نہ ہوں تا یہ محبت کمال کے درجہ تک پہنچ جائے۔یہ عاجز خدا تعالیٰ کی طرف سے ایک حالت رکھتا ہے جو زمانہ کی رسمیات سے ۱ (نوٹ از مولانا جلال الدین شمسؓ) کتاب حیات احمد جلد ۲ حصہ دوم صفحہ ۲۱۶،۲۱۷ مطبوعہ ۲۰۱۳ء سے معلوم ہوتا ہے کہ یہ اوائل۱۸۸۳ء کا مکاشفہ ہے۔وَاللہُ اَعْلَمُ۔۲ (نوٹ از مولانا جلال الدین شمسؓ) اس کشف کے مطابق میر عباس علی صاحب حضرت مسیح موعود علیہ السلام کے دعویٰ مسیحیت و مہدویت کے وقت برگشتہ ہوگئے اور اس حالت پر اُن کا انجام ہوا۔اس مکتوب کے علاوہ حضرت مسیح موعود علیہ السلام نے ۲۲؍ستمبر۱۸۸۳ء کے مکتوب میں بھی اُنہیں اس آنے والے ابتلاء سے آگاہ کیا تھاجس کے الفاظ یہ ہیں۔’’خدا وند کریم آپ کی تائید میں رہے اور مکر وہاتِ زمانہ سے بچاوے۔اس عاجز سے تعلق اور ارتباط کرنا کسی قدر ابتلاء کو چاہتا ہے سو اس ابتلاء سے آپ بچ نہیں سکتے۔‘‘ (از مکتوب بنام میر عباس علی صاحب مکتوبات احمد جلد ۱ صفحہ ۵۷۱ مطبوعہ ۲۰۰۸ء) ۳ (ترجمہ از مرتّب) کہہ اگر تم سچے ہو تو اپنی دلیل لاؤ۔

بہت ہی دُور پڑی ہوئی ہے اور ابھی تک ہر ایک رفیق کو یہی جواب روح کی طرف سے ہے۔اِنَّکَ لَنْ تَسْتَطِیْعَ مَعِیَ صَبْرًا۔وَکَیْفَ تَصْبِرُ عَلٰی مَالَمْ تُـحِطْ بِہٖ خُبْرًا۔؎۱ (ازمکتوب بنام میر عباس علی صاحب لدھیانوی۔مکتوبات احمد جلد ۱ صفحہ ۵۲۴،۵۲۵ مطبوعہ ۲۰۰۸ء) ۱۸۸۳ء ’’ پنڈت شیو نارائن نے جو برہمو سماج کا ایک منتخب معلّم ہے لاہور سے میری طرف ایک خط لکھا کہ میں حصّہ سوم؎۲ کا ردّ لکھنا چاہتا ہوں۔ابھی وہ خط اس جگہ نہیں پہنچا تھا کہ خدا نے بطور مکاشفات مضمون اس خط کا ظاہر کردیا چنانچہ کئی ہندوؤں کو بتلایا گیا اور شام کو ایک ہندو کو ہی جو آریہ ہے ڈاک خانہ میں بھیجا گیا تا گواہ رہے۔وہی ہندو اُس خط کو ڈاک خانہ سے لایا۔پھر میں نے پنڈت شیونارائن کو لکھا کہ جس الہام کا تم ردّ لکھنا چاہتے ہو خدا نے اُسی کے ذریعہ سے تمہارے خط کی اطلاع دی اور اُس کے مضمون سے مطّلع کیا۔اگر تم کو شک ہے تو خود قادیان میں آکر اُس کی تصدیق کرلو کیونکہ تمہارے ہندو بھائی اس کے گواہ ہیں ردّ لکھنے میں بہت سی تکلیف ہوگی اور اس طرح جلدی فیصلہ ہوجائے گا۔میں نے یہ بھی لکھا کہ اگر تم صدق دل سے بحث کرتے ہو تو تمہیں اس جگہ ضرور آنا چاہیے کہ اس جگہ اپنے بھائیوں کی شہادت سے حق الامر کھل جائے گا لیکن باوجود ان سب تاکیدوں کے پنڈت صاحب نے کچھ جواب نہ لکھا اور اس بارہ میں دم بھی نہ مارا اور وہ الہام پورا ہوا جو حصہ سوم میں چھپ چکا ہے۔سَنُلْقِیْ فِیْ قُلُوْ بِـھِمُ الرُّعْبَ۳؎۔‘‘ ( از مکتوب بنام میر عباس علی صاحب۔مکتوبات احمد جلد اوّل صفحہ ۵۱۵، ۵۱۶ مطبوعہ ۲۰۰۸ء) اپریل ۱۸۸۳ء ’’ ایک دفعہ اپریل۱۸۸۳ء میں صبح کے وقت بیداری ہی میں جہلم سے روپیہ روانہ ہونے کی اطلاع دی گئی اور… اُس روپیہ کے روانہ ہونے کے بارہ میں جہلم سے کوئی خط نہیں آیا تھا… اور ابھی پانچ روز نہیں گذرے تھے جو پینتالیس۴۵ روپیہ کا منی آرڈر جہلم سے آگیا اور جب حساب کیا گیا تو ٹھیک ٹھیک اُسی دن منی آرڈر روانہ ہوا تھا جس دن خداوند عالم الغیب نے اُس کے روانہ ہونے کی خبر دی تھی۔‘‘ (براہین احمدیہ حصہ چہارم۔روحانی خزائن جلد۱ صفحہ ۵۶۷، ۵۶۸ حاشیہ در حاشیہ نمبر۳) ۱۸۸۳ء ’’ ایک مرتبہ اس عاجز نے خواب میں دیکھا کہ ایک عالی شان حاکم یا بادشاہ کاایک جگہ خیمہ لگا ہوا ہے ۱ (ترجمہ از ناشر) یقیناً تو ہرگز میرے ساتھ صبر کی استطاعت نہیں رکھے گا اور تو کیسے اس پر صبر کرسکے گا جس کا تو تجربہ کے ذریعہ احاطہ نہیں کرسکا۔(الکھف: ۶۸،۶۹ ) ۲ مراد براہین احمدیہ کا حصّہ سوم (مرزا بشیر احمد) ۳ (ترجمہ) سو عنقریب ہم ان کے دلوں میں رعب ڈال دیں گے۔(براہین احمدیہ حصہ سوم روحانی خزائن جلد ۱ صفحہ ۶۷۰ حاشیہ در حاشیہ نمبر ۴)

اور لوگوں کے مقدمات فیصل ہورہے ہیں اور ایسا معلوم ہوا کہ بادشاہ کی طرف سے یہ عاجز محافظ د فتر کا عہدہ رکھتا ہے اور جیسے د فتروں میں مثلیں ہوتی ہیں بہت سی مثلیں پڑی ہوئی ہیں اور اس عاجز کے تحت میں ایک شخص نائب محافظ د فتر کی طرح ہے۔اتنے میں ایک اردلی دوڑتا آیا کہ مسلمانوں کی مثل پیش ہونے کا حکم ہے وہ جلد نکالو۔پس یہ رؤیابھی دلالت کررہی ہے کہ عنایاتِ الٰہیہ مسلمانوں کی اصلاح اور ترقی کی طرف متوجہ ہیں اور یقین کامل ہے کہ اس قوتِ ایمان اور اخلاص اور توکل کو جو مسلمانوں کو فراموش ہوگئے ہیں پھر خداوند کریم یاد دلائے گا اور بہتوں کو اپنے خاص برکات سے متمتّع کرے گا کہ ہر یک برکت ظاہری اور باطنی اُسی کے ہاتھ میں ہے۔‘‘ (از مکتوب بنام میر عباس علی صاحب مکتوبات احمد جلد ۱صفحہ ۵۲۸ مطبوعہ ۲۰۰۸ء) ۱۸۸۳ء چند روز ہوئے کہ خداوند کریم کی طرف سے ایک اور الہام ہوا تھا… ’’۱۔قُلْ اِنْ کُنْتُمْ تُـحِبُّوْنَ اللّٰہَ فَاتَّبِعُوْنِیْ یُـحْبِبْکُمُ اللّٰہُ۔۲۔اِنِّیْ مُتَوَفِّیْکَ وَرَافِعُکَ اِلَیَّ وَجَاعِلُ الَّذِیْنَ اتَّبَعُوْکَ فَوْقَ الَّذِیْنَ کَفَرُوْٓا اِلٰی یَـوْمِ الْقِیَامَۃِ۔۳۔وَقَالُوْا اَنّٰی لَکَ ھٰذَا۔۴۔قُلْ ھُوَاللّٰہُ عَـجِیْبٌ۔۵۔یَـجْتَبِیْ مَنْ یَّشَآءُ مِنْ عِبَادِہٖ۔۶۔وَتِلْکَ الْاَ۔یَّـامُ نُدَاوِلُھَا بَیْنَ النَّاسِ۔؎۱ اور یہ آیت کہ وَجَاعِلُ الَّذِیْنَ اتَّبَعُوْکَ فَوْقَ الَّذِیْنَ کَفَرُوْٓا اِلٰی یُوْمِ الْقِیَامَۃِ بار بار الہام ہوئی اور اس قدر متواتر ہوئی کہ جس کا شمار خدا ہی کو معلوم ہے اور اس قدر زور سے ہوئی کہ میخ فولادی کی طرح دل کے اندر داخل ہے اس سے یقیناً معلوم ہواکہ خداوند کریم اُن سب دوستوں کو جو اس عاجز کے طریق پر قدم ماریں بہت سی برکتیں دے گا اوران کو دوسرے طریقوں کے لوگوں پر غلبہ بخشے گا اور یہ غلبہ قیامت تک رہے گا اور اس عاجز کے بعد کوئی ایسا مقبول آنے والا نہیں جو اس طریق کے مخالف قدم مارے اور جو مخالف قدم مارے گا اُس کو خدا تباہ کرے گا اور اُس کے سلسلہ کو پائیداری نہیں ہوگی۔یہ خدا کی طرف سے وعدہ ہے جو ہرگز تخلّف نہیں کرے گا۔‘‘ (از مکتوب بنام میر عباس علی صاحب۔مکتوبات احمد جلد اوّل صفحہ۵۳۴ مطبوعہ ۲۰۰۸ء) ۱ (ترجمہ از مرتّب) ۱کہہ اگر تم خدا سے محبت رکھتے ہو تو آؤ میری پیروی کرو تا خدا بھی تم سے محبت رکھے۔۲میں تجھے وفات دوں گا اور تجھے اپنی طرف اُٹھاؤں گا اور میں تیرے تابعین کو تیرے منکروں پر قیامت تک غالب رکھوں گا۔۳لوگ کہیں گے کہ یہ مقام تجھے کہاں سے حاصل ہوا۔۴کہہ وہ خدا عجیب ہے۔۵جس کو چاہتا ہے اپنے بندوں میں سے چُن لیتا ہے۔۶ اور یہ دن ہم لوگوں میں پھیرتے رہتے ہیں۔

۱۲؍جون ۱۸۸۳ء ’’آج قبل تحریر اس خط کے یہ الہام ہوا۔۱ کَذَ۔بَ عَلَیْکُمُ الْـخَبِیْثُ۔۲کَذَ۔بَ عَلَیْکُمُ الْـخِنْزِیْـرُ۔۳۔عِنَایَتُ اللّٰہِ حَافِظُکَ۔۴۔اِنِّیْ مَعَکَ اَسْـمَعُ وَاَریٰ۔۵۔اَلَیْسَ اللّٰہُ بِکَافٍ عَبْدَہٗ۔۶۔فَبَرَّأَہُ اللّٰہُ مِـمَّا قَالُوْا ۷۔وَکَانَ عِنْدَ اللّٰہِ وَجِیْـھًا۔؎۱ ان الہامات میں یہ ظاہر کیا گیا ہے کہ کوئی ناپاک طبع آدمی؎۲اِس عاجز پر کچھ جھوٹ بولے گا یا جھوٹ بولا ہو مگر عنایت الٰہی حافظ ہے۔‘‘ (از مکتوب بنام میر عباس علی صاحب۔مکتوباتِ احمد جلد ۱صفحہ ۵۳۴ مطبوعہ ۲۰۰۸ء) ۱۸۸۳ء یا اس سے قبل ’’کئی دفعہ اس عاجز کو نہایت صراحت سے الہام ہوا ہے کہ وید گمراہی سے بھرا ہوا ہے۔‘‘ (از مکتوب بنام میر عباس علی صاحب۔مکتوباتِ احمد جلد ۱ صفحہ ۵۳۸ مطبوعہ ۲۰۰۸ء) ۱ (ترجمہ از مرتّب) ۱ تم پر اس ناپاک نے جھوٹ باندھا ہے۔۲تم پر اس خنزیر نے جھوٹ باندھا ہے۔۳۔اللہ تعالیٰ کی عنایت تیری نگہبان ہے۔۴میں تیرے ساتھ ہوں۔میں سنتا ہوں اور دیکھتا ہوں۔۵کیا خدا اپنے بندہ کے لئے کافی نہیں ہے۔۶سو خدا نے ان کے الزاموں سے اس کو بَری ثابت کیا۔۷۔اور وہ خدا کے نزدیک وجیہ ہے۔۲ (نوٹ از مولانا جلال الدین شمسؓ) یہ اس مقدّمہ کی طرف اشارہ ہے جو مارٹن کلارک نے اگست ۱۸۹۷ء میں حضرت مسیح موعود علیہ السلام پر کھڑا کیا تھا۔چنانچہ حضور اقدس تحریر فرماتے ہیں۔’’اسی مقدمہ کے ذریعہ سے جو خون کے الزام کا مقدمہ تھا وہ الہامی پیش گوئی پوری ہوئی جو براہین احمدیہ میں اس مقدمہ سے ۲۰ برس پہلے درج تھی اور وہ الہام یہ ہے۔فَبَرَّاَ ہُ اللّٰہُ مِـمَّا قَالُوْا وَکَانَ عِنْدَ اللّٰہِ وَجِیْـھًا۔یعنی خدا اس شخص کو اس الزام سے جو اس پر لگایا جائے گا بَری کردے گا کیونکہ وہ خدا کے نزدیک وجیہہ ہے۔سو یہ خدا تعالیٰ کا ایک بھاری نشان ہے کہ باوجود یکہ قوموں نے میرے ذلیل کرنے کے لئے اتفاق کرلیا تھا مسلمانوں کی طرف سے مولوی محمد حسین صاحب تھے، ہندوؤں کی طرف سے لالہ رام بھجدت وکیل تھے اور عیسائیوں کی طرف سے ڈاکٹر ہنری مارٹن کلارک صاحب مع اپنی تمام جماعت آئے اور جنگ احزاب کی طرح ان قوموں نے بالاتفاق میرے پر چڑھائی کی تھی لیکن خدا تعالیٰ نے سب کو ذلیل کیا اور مجھے بَری کیا…تا وہ بات پُوری ہو جس کی طرف اس الہامی پیش گوئی میں اشارہ تھا کہ بَرَّأَہُ اللّٰہُ مِـمَّا قَالُوْا۔‘‘ (نزول المسیح۔روحانی خزائن جلد ۱۸ صفحہ ۵۷۸،۵۷۹)

۱۸۸۳ء یا اس سے قبل ’’کچھ عرصہ ہوا ہے کہ خواب میں دیکھا تھا کہ حیدر آباد سے نواب اقبال الدولہ صاحب کی طرف سے خط آیا ہے اور اس میں کسی قدر روپیہ دینے کا وعدہ لکھا ہے…پھر تھوڑے دنوں کے بعد حیدر آباد سے خط آگیا اور نواب صاحب موصوف نے سو روپیہ بھیجا۔فَالْـحَمْدُ لِلہِ عَلٰی ذٰلِکَ ‘ ‘ (براہین احمدیہ حصہ چہارم۔روحانی خزائن جلد ۱ صفحہ ۵۶۸، ۵۶۹ حاشیہ در حاشیہ نمبر۳) ۱۸۸۳ء یا اس سے قبل ’’ایک دفعہ کی حالت یاد آئی ہے کہ انگریزی میں اوّل یہ الہام ہوا۔آئی لَوْ یُو؎۱ یعنی میں تم سے محبت رکھتا ہوں۔پھر یہ الہام ہوا۔آئی ایم وِد یُو؎۲ یعنی میں تمہارے ساتھ ہوں۔پھرالہام ہوا۔آئی شیل ہیلپ یُو؎۳ یعنی میں تمہاری مدد کروں گا۔پھر الہام ہوا۔آئی کین وَیٹ آئی وِل ڈُو؎۴ یعنی میں کرسکتا ہوں جو چاہوں گا۔پھر اس کے بعد بہت ہی زور سے جس سے بدن کانپ گیا یہ الہام ہوا۔وِی کین وَیٹ وِی وِل ڈُو ؎۵ یعنی ہم کرسکتے ہیں جو چاہیں گے۔اور اُس وقت ایک ایسا لہجہ اور تلفظ معلوم ہوا کہ گویا ایک انگریز ہے جو سر پر کھڑا ہوا بول رہا ہے اور باوجود پُر دہشت ہونے کے پھر اُس میں ایک لذت تھی جس سے رُوح کو معنے معلوم کرنے سے پہلے ہی ایک تسلی اور تشفی ملتی تھی اور یہ انگریز ی زبان کا الہام اکثر ہوتا رہا ہے۔‘‘ (براہین احمدیہ حصہ چہارم۔روحانی خزائن جلد ۱ صفحہ ۵۷۱، ۵۷۲ حاشیہ در حاشیہ نمبر۳ ) ۱ I love you۔۲ I am with you۔۳ I shall help you۔۴ I can what I will do۔۵ We can what we will do۔

۱۸۸۳ء یا اس سے قبل ’’ایک دفعہ صبح کے وقت بہ نظر کشفی چند ورق چھپے ہوئے دکھائے گئے کہ جو ڈاک خانہ سے آئے ہیں اور اخیر پر اُن کے لکھا تھا۔آئی ایم بائی عیسیٰ ؎۱ یعنی میں عیسیٰ کے ساتھ ہوں چنانچہ وہ مضمون کسی انگریزی خوان سے دریافت کرکے دو ہندو آریہ کو بتلایا گیا جس سے یہ سمجھا گیا تھا کہ کوئی شخص عیسائی یا عیسائیوں کی طرز پر دینِ اسلام کی نسبت کچھ اعتراض چھپواکر بھیجے گا چنانچہ اُسی روز ایک آریہ کو ڈاک آنے کے وقت ڈاک خانہ میں بھیجا گیا تو وہ چند چھپے ہوئے ورق لایا جس میں عیسائیوں کی طرز پر ایک صاحب خام خیال نے اعتراضات لکھے تھے۔‘‘ (براہین احمدیہ حصہ چہارم۔روحانی خزائن جلد ۱ صفحہ ۵۷۳، ۵۷۴ حاشیہ در حاشیہ نمبر۳ ) ۱۸۸۳ء یا اس سے قبل ’’ایک دفعہ کسی امر میں جو دریافت طلب تھا خواب میں ایک درم نُقرہ جو بشکل بادامی تھا اِس عاجز کے ہاتھ میں دیا گیا۔اُس میں دو سطریں تھیں۔اوّل سطر میں یہ فقرہ لکھا تھا۔یَس آئی ایم ہَیپی؎۲ اور دوسری سطر جو خطِ فارق ڈال کر نیچے لکھی ہوئی تھی وہ اُسی پہلی سطر کا ترجمہ تھا۔یعنی یہ لکھا تھا کہ ہاں میں خوش ہوں۔‘‘ (براہین احمدیہ حصہ چہارم۔روحانی خزائن جلد ۱ صفحہ ۵۷۴،۵۷۵ حاشیہ در حاشیہ نمبر۳) ۱۸۸۳ء یا اس سے قبل ’’ایک دفعہ کچھ حزن اور غم کے دن آنے والے تھے کہ ایک کاغذ پر بہ نظر کشفی یہ فقرہ انگریزی میں لکھا ہوا دکھایا گیا۔لائف آف پین ؎۳ یعنی زندگی دُکھ کی۔‘‘ (براہین احمدیہ حصہ چہارم۔روحانی خزائن جلد ۱ صفحہ ۵۷۵ حاشیہ در حاشیہ نمبر۳ ) ۱۸۸۳ء یا اس سے قبل ’’ایک دفعہ بعض مخالفوں کے بارہ میں جنہوں نے عنادِ دلی سے خواہ نخواہ ۱ I am by Isa۔۲ Yes, I am happy۔۳ Life of pain۔

قرآن شریف کی توہین کی تھی اور عداوتِ ذاتی سے جس کا کچھ چارہ نہیں دینِ متین اسلام پر بے جا اعتراضات اور بیہودہ تعرضات کئے تھے۔یہ دو فقرے انگریزی میں الہام ہوئے۔گوڈ اِز کمنگ بائی ہز آرمی؎۱۔ہی اِز وِد یُو ٹو کِل اینیمی؎۲ یعنی خدا ئے تعالیٰ دلائل اور براہین کا لشکر لے کر چلا آتا ہے۔وہ دشمن کو مغلوب اور ہلاک کرنے کے لئے تمہارے ساتھ ہے۔‘‘ (براہین احمدیہ حصہ چہارم۔روحانی خزائن جلد ۱ صفحہ ۵۷۶، ۵۷۷ حاشیہ در حاشیہ نمبر ۳) ۱۸۸۳ء ’’ بُـوْرِکْتَ یَـا اَحْـمَدُ وَکَانَ مَا بَـارَکَ اللّٰہُ فِیْکَ حَقًّا فِیْکَ۔اے احمد تو مبارک کیا گیا ہے اور خدا نے جو تجھ میں برکت رکھی ہے وہ حقّانی طور پر رکھی ہے۔شَاْنُکَ عَـجِیْبٌ وَّ اَجْرُکَ قَرِیْبٌ۔تیری شان عجیب ہے اور تیرا بدلہ نزدیک ہے۔اِنِّیْ رَاضٍ مِّنْکَ۔اِنِّیْ رَافِعُکَ اِلَیَّ۔اَ لْاَرْضُ وَالسَّمَآءُ مَعَکَ کَمَا ھُوَ مَعِیْ۔میں تجھ سے راضی ہوں۔میں تجھے اپنی طرف اُٹھانے والا ہوں۔زمین اور آسمان تیرے ساتھ ہیں جیسے وہ میرے ساتھ ہیں۔ھُوَ کا ضمیر واحد بتاویل مَا فِی السَّمٰوَاتِ وَا لْاَرْضِ ہے اور ان کلمات کا حاصل مطلب تلطّفات اور برکاتِ الٰہیہ ہیں۔جو حضرت خیرالرسل کی متابعت کی برکت سے ہر یک کامل مومن کے شامل حال ہوجاتی ہیں اور حقیقی طور پر مصداق اِن سب عنایات کا آنحضرت صلی اللہ علیہ وسلم ہیں اور دوسرے سب طفیلی ہیں۔‘‘ (براہین احمدیہ حصّہ چہارم۔روحانی خزائن جلد ۱ صفحہ ۵۷۹،۵۸۰ حاشیہ در حاشیہ نمبر۳) ۱۸۸۳ء ’’پھر بعد اس کے فرمایا۔۱اَنْتَ وَجِیْہٌ فِیْ حَضْـرَتِیْ ۲اِخْتَرْتُکَ لِنَفْسِیْ۔۱۔تو میری درگاہ میں وجیہ ہے۔۲۔میں نے تجھے اپنے لئے اختیار کیا۔۱ God is coming by His army۔۲ He is with you to kill enemy۔(نوٹ از مولانا جلال الدین شمسؓ) انگریزی زبان میں لفظ بائی by بمعنی together with اور in company with یعنی معیت اور ساتھ ہونے کے معنوں میں بھی بولا جاتا ہے۔حوالہ کے لئے دیکھیے Dialect Dictionary by Joseph

اَنْتَ مِنِّیْ بِـمَنْزِلَۃِ تَوْحِیْدِیْ وَتَفْرِیْدِ یْ ۴۔فَـحَانَ اَنْ تُعَانَ وَتُعْرَفَ بَیْنَ النَّاسِ۔۳۔تو مجھ سے ایسا ہے جیسا میری توحید اور تفرید؎۱۔۴۔سو وہ وقت آگیا جو تیری مدد کی جائے اور تجھ کو لوگوں میں معروف و مشہور کیا جائے۔۵۔ھَلْ اَتٰی عَلَی الْاِنْسَانِ حِیْنٌ مِّنَ الدَّ ھْرِ لَمْ یَکُنْ شَیْئًا مَّذْکُوْرًا۔۵۔کیا انسان پر یعنی تجھ پر وہ وقت نہیں گذرا کہ تیرا دنیا میں کچھ بھی ذکر و نہ تھا۔یعنی تجھ کو کوئی نہیں جانتا تھا کہ تو کون ہے اور کیا چیز ہے اور کسی شمار و حساب میں نہ تھا یعنی کچھ بھی نہ تھا۔یہ گذشتہ تلطفات و احسا نات کا حوالہ ہے تا محسن حقیقی کے آئندہ فضلوں کے لئے ایک نمونہ ٹھہرے۔۶۔سُبْـحَانَ اللّٰہِ تَبَارَکَ وَ تَعَالٰی زَادَ مَـجْدَکَ۔یَنْقَطِعُ اٰبَآ ؤُکَ وَ یُبْدَءُ مِنْکَ۔۶۔سب پاکیاں خدا کے لئے ہیں جو نہایت برکت والا اور عالی ذات ہے۔اُس نے تیرے مجد کو زیادہ کیا۔تیرے آباء کا نام اور ذکر منقطع ہوجائے گا۔یعنی بطور مستقل اُن کا نام نہیں رہے گا اور خدا تجھ سے ابتداء شرف اور مجد کا کرے گا۔۷۔نُصِرْتَ بِالرُّعْبِ وَاُحْیِیْتَ بِا لصِّدْ قِ اَیُّـھَا الصِّدِّ یْقُ۔۸۔نُصِرْتَ وَقَالُوْا لَاتَ حِیْنَ مَنَاصٍ۔۷۔تو رعب کے ساتھ مدد کیا گیا اور صدق کے ساتھ زندہ کیا گیا اے صدیق۔۸۔تو مدد کیا گیا اور مخالفوں نے کہا کہ اب گریز کی جگہ نہیں۔یعنی امدادِ الٰہی اُس حد تک پہنچ جائے گی کہ مخالفوں کے دل ٹوٹ جائیں گے اور اُن ۱ حضرت مسیح موعود علیہ السلام نے فرمایا کہ ’’میرے نزدیک اس کے یہ معنی ہیں کہ وہ شخص بہ منزلہ توحید کے ہوتا ہے جو کہ ایسے زمانہ میں آوے جبکہ توحید کی حقارت اور بے عزتی ہوتی ہو اور شرک کی عظمت اور قدر کی جاتی ہو۔اس شخص مامورشدہ کو توحید کی پیاس ایسی لگائی جاتی ہے کہ وہ تمام اپنے اغراض اور مقاصد کو ایک طرف رکھ کر توحید کے قائم کرنے میں خود ایک مجسّم توحید ہوجاتا ہے۔اس کے اٹھنے بیٹھنے اور حرکت اور سکون اور ہر ایک قول و فعل میں توحید کی لو اُسے لگی ہوئی ہوتی ہے۔دنیا میں لوگوں نے اپنے اپنے مقاصد کو بُت بنارکھا ہے مگر جب تک خدا کسی کو یہ سوز و گداز توحیدکے واسطے نہ لگائے تب تک نہیں لگ سکتا جیسے لوگ اولاد اور اپنی دوسری اغراض کے لئے بے قرار ہوتے ہیں حتیٰ کہ بعض خود کشیاں کرلیتے ہیں اسی طرح وہ توحید کے لئے بےقرار ہوتا ہے کہ خدا کی خواہشات اس کی توحید اور عظمت اور جلال غالب آویں۔اس وقت کہا جاتا ہے کہ اَنْتَ مِنِّیْ بِـمَنْزِلَۃِ تَوْحِیْدِیْ وَ تَفْرِیْدِیْ۔‘‘ (البدر مورخہ ۱۰ ؍اپریل ۱۹۰۳ء صفحہ۹۱

کے دلوں پر یاس مستولی ہوجائے گی اور حق آشکارا ہوجائے گا۔۹۔وَمَا کَانَ اللّٰہُ لِیَتْرُکَکَ حَتّٰی یَـمِیْزَالْـخَبِیْثَ مِنَ الطَّیِّبِ ۹۔اور خدا ایسا نہیں ہے جو تجھے چھوڑ دے جب تک وہ خبیث اور طیب میں صریح فرق نہ کرلے۔۱۰۔وَ اللّٰہُ غَالِبٌ عَلٰٓی اَمْرِہٖ وَلٰکِنَّ اَکْثَرَ النَّاسِ لَایَعْلَمُوْنَ ۱۰۔اور خدا اپنے امر پر غالب ہے مگر اکثر لوگ نہیں جانتے۔۱۱۔اِذَا جَآءَ نَصْرُ اللّٰہِ وَالْفَتْحُ وَ تَـمَّتْ کَلِمَۃُ رَبِّکَ ۱۲۔ھٰذَا الَّذِیْ کُنْتُمْ بِہٖ تَسْتَعْجِلُوْنَ۔۱۱۔جب مدد اور فتح الٰہی آئے گی اور تیرے رب کی بات پوری ہوجائے گی ۱۲۔تو کفّار اس خطاب کے لائق ٹھہریں گے کہ یہ وہی بات ہے جس کے لئے تم جلدی کرتے تھے۔۱۳۔اَرَدْتُّ اَنْ اَسْتَخْلِفَ فَـخَلَقْتُ اٰدَمَ۔۱۴۔اِنِّیْ جَا عِلٌ فِی الْاَرْضِ۔۱۳۔یعنی میں نے اپنی طرف سے خلیفہ کرنے کا ارادہ کیا۔سو میں نے آدم کو پیدا کیا۔۱۴۔میں زمین پر کرنے والا ہوں۔یہ اختصاری کلمہ ہے یعنی اس کو قائم کرنے والا ہوں۔اس جگہ خلیفہ کے لفظ سے ایسا شخص مراد ہے کہ جو ارشاد اور ہدایت کے لئے بَیْنَ اللہِ وَ بَیْنَ الْـخَلْقِ واسطہ ہو۔خلافت ِ ظاہری کہ جو سلطنت اور حکمرانی پر اطلاق پاتی ہے مراد نہیں ہے…بلکہ یہ محض روحانی مراتب اور روحانی نیابت کا ذکر ہے اور آدم کے لفظ سے بھی وہ آدم جو ابوالبشر ہے مراد نہیں بلکہ ایسا شخص مراد ہے جس سے سلسلہ ارشاد اور ہدایت کا قائم ہو کر روحانی پیدائش کی بنیاد ڈالی جائے۔گویا وہ روحانی زندگی کے رُو سے حق کے طالبوں کا باپ ہے اور یہ ایک عظیم الشان پیش گوئی ہے جس میں روحانی سلسلہ کے قائم ہونے کی طرف اشارہ کیا گیا ہے ایسے وقت میں جبکہ اُس سلسلہ کا نام و نشان نہیں۔‘‘ (براہین احمدیہ حصّہ چہارم۔روحانی خزائن جلد ۱ صفحہ ۵۸۱ تا ۵۸۶ حاشیہ در حاشیہ نمبر۳ ) ۱۸۸۳ء ’’ پھر بعد اِس کے اُس روحانی آدم کا روحانی مرتبہ بیان فرمایا اور کہا۔دَنٰی فَتَدَ لّٰی فَکَانَ قَابَ قَوْسَیْنِ اَوْ اَدْنٰی جب یہ آیت شریفہ جو قرآن شریف کی آیت ہے الہام ہوئی تو اس کے معنے کی تشخیص اور تعیین میں تأمّل تھا اور اسی تأمل میں کچھ خفیف سی خواب آگئی اور اُس خواب میں اس کے معنے حل کئے گئے۔اس کی تفصیل یہ ہے کہ

·

آج 10 میں سے 10 باقی