ضمیمہ تذکرہ
حصہ 3
Urdu text of the edition of the Ahmadiyya Muslim Jamaat.
’’تائی آئی ‘‘ ہمارے تو کوئی تائی ہے نہیں نہ نزدیک نہ دُور، ہاں ہمارے لڑکوں کی تائی ہے جو وہ ہماری دشمن ہے۔پھر الہام ہوا۔’’تار آئی ‘‘ (البشریٰ قلمی نسخہ مرتبہ پیر سراج الحق صاحب نعمانیؓ صفحہ ۱۱۳ حاشیہ) ۲۵؍ فروری۱۹۰۱ء ’’ کَشَابٍ مَّسْلُوْخَۃٍ عِنْدَ وَعْظٍ مُّعَطَّلٍ۔‘‘۱؎ (الحکم جلد ۲۶ نمبر۱۹ ، ۲۰مورخہ۲۸/۲۱مئی ۱۹۲۴ءصفحہ ۱۸) ۱۹۰۱ء حضرت امیر المؤمنین خلیفۃ المسیح الثانی ایدہ اللہ تعالیٰ بنصرہ العزیز نے فرمایا۔(الف) ’’جب قادیان کی زندگی احمدیوں کے لئے اِس قدر تکلیف دِہ تھی کہ مسجد میں خدا تعالیٰ کی عبادت کے لئے آنے سے روکا جاتا۔راستہ میں کِیلے گاڑدیئے جاتے تاکہ گزرنے والے گریں۔اُس وقت حضرت مسیح موعود علیہ الصلوٰۃ والسلام نے بتایا مجھے دکھایا گیا ہے (کہ) یہ علاقہ اِس قدر آباد ہوگا کہ دریائے بیاس تک آبادی پہنچ جائے گی۔( الفضل جلد ۱۶ نمبر ۱۳ مورخہ ۱۴؍ اگست۱۹۲۸ء صفحہ ۶ ) بقیہ حاشیہ۔اولاد میں سے خلیفہ ہوگا۔دوم یہ کہ اس وقت (حضور ؑ کی اولاد کی ) تائی صا حبہ جماعت میں شامل ہوں گی۔تیسرے تائی صاحبہ کی عمر کے متعلق پیشگوئی تھی …کہ وہ زندہ رہے گی اور آپ ؑ کی اولاد سے ایک خلیفہ ہوگا جس کی بیعت میں (وہ) شامل ہوگی۔‘‘ (خطبات محمود جلد ۱۱ صفحہ ۲۵۱ تا ۲۵۳ شائع کردہ فضل عمر فاؤنڈیشن ربوہ) (نوٹ از مولانا جلال الدین شمسؓ) تائی صاحبہ کا نام حُرمت بی بی تھا اور آپ حضرت مسیح موعود علیہ السلام کے بڑے بھائی مرزا غلام قادر صاحب کی زوجیت میں تھیں۔آپ نے ۱۹۱۶ء میں حضرت خلیفۃ المسیح الثانی ایدہ اللہ تعالیٰ بنصرہ العزیز کے ہاتھ پر بیعت کی۔(دیکھیے الفضل مورخہ ۴؍ مارچ ۱۹۱۶ء) اور یکم؍ دسمبر ۱۹۲۷ءمیں ۹۷ سال کی عمر میں وفات پائی۔آپ موصیہ تھیں اور بہشتی مقبرہ کے قطعہ خاص میں مدفون ہوئیں۔( الفضل مورخہ ۹؍ دسمبر ۱۹۲۷صفحہ ۵ تا ۸ ) اور تار آئی سے یہ مراد تھی کہ یہ خبر گویا خدا تعالیٰ آسمانی تار کے ذریعہ دے رہا ہے۔(ایضاً) ۱ (نوٹ از مولانا جلال الدین شمسؓ) غالباً یہ لفظ کَشَاۃٍ ہے جو کاتب کی غلطی سے کَشَابٍ لکھا گیا۔وَاللہُ اَعْلَمُ بِالصَّوَابِ۔جس کا خلاصہ مطلب یہ ہے کہ اس میں ایک شخص کی حالت کا بیان ہے کہ اس کا حال ایک بے کار وعظ کے وقت بھی رِقّت سے ایسا ہوجاتا ہے، گویا کھال اُتری ہوئی بکری ہے۔
حضرت خلیفۃ المسیح الثانی رضی اللہ عنہ نے فرمایا۔(ب) ’’مجھے یاد ہے اِسی میدان سے جاتے ہوئے حضرت مسیح موعود علیہ الصلوٰۃ والسلام نے اپنا ایک رؤیاسنایا تھا کہ قادیان بیاس تک پھیلا ہوا ہے اور مشرق کی طرف بھی بہت دُور تک اس کی آبادی چلی گئی ہے۔اُس وقت یہاں صرف آٹھ دس گھر احمدیوں کے تھے اور وہ بھی بہت تنگ دست، باقی سب بطور مہمان آتے تھے۔‘‘ (فرمودہ ۲۳؍ جنوری ۱۹۳۲ء بر موقع دعوت باعزاز مولانا جلال الدین شمسؓ۔الفضل جلد ۱۹ نمبر ۹۵مورخہ ۹؍ فروری۱۹۳۲ء صفحہ ۶ ) اگست۱۹۰۱ء حضرت امیر المؤمنین خلیفۃ المسیح الثانی رضی اللہ عنہ نے فرمایا کہ (مقدّمہء دیوار میں) ’’عدالت نے فیصلہ کیا کہ خرچ کا کچھ حصّہ ہمارے چچاؤں پر ڈالا جائے…جب اس ڈگری کے اجراء کا وقت آیا حضرت مسیح موعود علیہ السلام گورداسپور میں تھے۔آپ ؑ کو عشاء کے قریب رؤیا یا الہام کے ذریعہ بتایا گیا کہ یہ بار اُن پر بہت زیادہ ہے اور اِس کی وجہ سے وہ (مخالف رشتہ دار) تکلیف میں ہیں چنانچہ آپ ؑ نے فرمایا کہ مجھے رات نیند نہیں آئے گی اِسی وقت آدمی بھیجا جائے جو جاکر کہہ دے کہ ہم نے یہ خرچ تمہیں معاف کردیا ہے۔‘‘ (خطبہ جمعہ فرمودہ۲۴؍ جولائی ۱۹۳۶ء۔الفضل جلد ۲۴ نمبر ۲۹مورخہ ۲؍ اگست ۱۹۳۶ء صفحہ ۸ ) ۱۷؍ دسمبر۱۹۰۱ء منشی محمد الدین صاحبؓ واصل باقی نویس نے بیان کیا کہ حضرت مسیح موعود ؑ کو الہام ہوا۔’’ لَا یَـاْ تُوْنَ بِـمِثْلِہٖ وَ لَوْ کَانَ بَعْضُھُمْ لِبَعْضٍ ظَھِیْرًا۔‘‘۱؎ ( رجسٹر روایاتِ صحابہ غیر مطبوعہ نمبر ۱۱ صفحہ ۱۱۶حاشیہ۔رجسٹر روایاتِ صحابہ غیر مطبوعہ نمبر ۱۴ صفحہ ۱۵۱) ۲۲؍ دسمبر۱۹۰۱ء نور محمد صاحبؓ پنشنر تحصیلدار موضع موچی پورہ ضلع ملتان نے بیان کیا کہ (مَیں جبکہ) ۲۲ ؍ دسمبر ۱۹۰۱ء کو دار الامان میں آیا حضرت مسیح موعود علیہ السلام کو اُس روز الہام ہوا تھا کہ۔’’قدیمانِ خود را بیفزائے قدر‘‘۲؎ (رجسٹر روایاتِ صحابہ غیر مطبوعہ نمبر۵ صفحہ ۷۶ ) ۱ (ترجمہ از مرتّب) وہ اس کی مانند نہیں لاسکیں گے خواہ ایک دوسرے کے مددگار ہوں۔۲ (ترجمہ از مرتّب) اپنے قدیمی تعلق والوں کی قدر بڑھا۔
جنوری ۱۹۰۲ء ڪ’’ لِیَحْمِلْہُ رَجُلٌ۔‘‘۱؎ (تحریر حضرت خلیفۃ المسیح الثانی رضی اللہ تعالیٰ عنہ) ۱۹۰۲ء (الف) مرز اقدرت اللہ صاحبؓ ساکن محلہ چابک سواراں لاہور نے بیان کیا کہ۔’’ غالباً ۱۹۰۲ء کا واقعہ ہے کہ حضرت مسیح موعود علیہ السلام صبح سَیر کے لئے تشریف لے گئے…جب ہم اُس گاؤں کے بیچ میں پہنچے جو نواں پِنڈ کے نام سے مشہور ہے…خلیفہ رجب الدین صاحب نے (مجھے کہا)… کہ حضرت صاحب نے اس مقام پر جہاں سے کہ ریلوے لائن گزرے گی، اپنے سوٹا سے نشان کردیا ہے چنانچہ کئی سالوں کے بعد اللہ تعالیٰ نے اپنے پیارے مسیح موعود علیہ السلام کی زبانِ مبارک سے نکلی ہوئی باتوں کو پورا کیا۔‘‘ (رجسٹر روایاتِ صحابہ غیر مطبوعہ نمبر ۴صفحہ ۱۷۷) (ب) مکرم شاہ محمد صاحبؓ ولد غلام قادر صاحب سکنہ قادیان بیان کرتے ہیں۔’’ آپ ؑ فرماتے تھے کہ یہاں پر ریل بھی آئے گی۔‘‘ (رجسٹر روایاتِ صحابہ غیر مطبوعہ نمبر ۵ صفحہ ۸۱۔رجسٹر روایاتِ صحابہ غیر مطبوعہ نمبر ۶ صفحہ۷ روایت نتھو صاحب سکنہ قادیان) (ج) سردار بیگم صاحبہؓ زوجہ چوہدری محمد حسین صاحبؓ تلونڈی عنایت خاں بیان کرتی ہیں۔(بٹالہ والی سڑک کے خراب اور تکلیف دِہ ہونے کی شکایت پر) حضرت صاحب ؑ نے فرمایا کہ ’’گھبراؤ نہیں۔کوئی دن وہ ہوگا جب یہاںگاڑی آجائے گی۔‘‘ (رجسٹر روایاتِ صحابہ غیر مطبوعہ نمبر ۱۰ صفحہ ۲۱۲روایت سردار بیگم صاحبہؓ زوجہ چودھری محمد حسین صاحبؓ تلونڈی عنایت خاں) ۱ (ترجمہ از مرتّب) یعنی یہ کمزور ہے اس کے سہارا کے لئے اس کے ساتھ کوئی آدمی جانا چاہیے۔(نوٹ از مولانا جلال الدین شمسؓ) یہ الہام حضرت امیر المؤمنین خلیفۃ المسیح الثانی ایدہ اللہ تعالیٰ بنصرہ العزیز کے متعلق ہے۔جب آپ بچپن میں بٹالہ میں مڈل کا امتحان دینے جارہے تھے تو حضرت مسیح موعود علیہ السلام کو یہ الہام ہوا۔اِس کے متعلق الحکم مورخہ ۱۷؍ جنوری ۱۹۰۲ء صفحہ ۱۵ میں اِن الفاظ میں اشارہ ملتا ہے۔’’صاحبزادہ محمود صاحب بھی شامل امتحان ہوئے۔حضرت اقدس ؑ کو جو الہام اس کے متعلق ہوا ہے اگلی اشاعت میں درج کریں گے۔‘‘ مگر افسوس کہ پھر اس کی اشاعت نہ کی جاسکی۔خاکسار مرتّب نے جب حضرت خلیفۃ المسیح الثانی ایدہ اللہ تعالیٰ بنصرہ العزیز کی خدمت میں اِس الہام کی تصدیق کے متعلق درخواست کی تو حضور نے تحریر فرمایا کہ ’’یہ الہام درست ہے۔مَیں تو چھوٹا تھا مولوی شیر علی صاحب ؓ نے مجلس سے آکر ہمیں سنایا تھا۔‘‘ (تحریر حضرت خلیفۃ المسیح الثانی ایدہ اللہ تعالیٰ بنصرہ العزیز)
۱۹۰۲ء (سردار ماسٹر عبدالرحمٰن صاحب ؓ جالندھری ) بیان کرتے ہیں۔’’جن ایام میں پیر مہر علی گولڑوی کو حضور ؑ نے مقابلۃً تفسیر نویسی لکھنے کا چیلنج دیا ہوا تھا حضرت مسیح موعودؑ کو الہام ہوا کہ بعض لوگ حضور ؑ کی جان پر حملہ کرنے کو آئیں گے۔چونکہ مَیں حضرت اقدس ؑ کے مکانات کے پہرہ کا انتظام کیا کرتا تھا مجھے پتہ لگا کہ ضلع راولپنڈی کے دو تین اشخاص جو پیر مہر علی شاہ کے فرستادہ معلوم ہوتے تھے، لوگوں سے حضرت مسیح موعود ؑ کی بود و باش، رہائش مکان اور اندر باہر آنے جانے کی جستجو کرتے تھے۔مَیں نے حضرت اقدس ؑ کو اطلاع کردی۔حضور ؑ نے حاکم علی سپاہی کے ذریعہ ان لوگوں کو بٹالہ پہنچا دیا۔‘‘ (اصحابِ احمد مؤلفہ ملک صلاح الدین صاحب جلد ۷ صفحہ ۱۵۳ مطبوعہ اگست ۱۹۶۰ء) ۱۹۰۳ء (الف) ’’اگست ۱۹۰۳ء میں بنّوں کا ایک عیسائی گل محمد نام قادیان آیا۔بہت گستاخی سے جھگڑتا اور بحث کرتا رہا اور اسی حالت میں چلاگیا۔اُس کے چلا جانے کے بعد حضرت مسیح موعود علیہ الصلوٰۃ والسلام نے ایک رؤیا دیکھا کہ گل محمد آنکھوں میں سُرمہ لگارہا ہے۔فرمایا۔معلوم ہوتا ہے کہ اُسے ہدایت ہوجائے گی چنانچہ بہت سالوں کے بعد سنا گیا تھا کہ اُس نے پھر اسلام قبول کیا تھا۔بنّوں کے مشہور ڈاکٹر پینل۱؎ کی بیوہ نے بھی مجھے اپنے کارڈ میں لکھا ہے کہ گل محمد نے عیسائیت کو ترک کردیا تھا اور اپنے پہلے مذہب میں داخل ہوگیا تھا۔‘‘ (ذکر حبیب مؤلفہ حضرت مفتی محمد صادق صاحبؓصفحہ ۱۱۱ مطبوعہ دسمبر ۱۹۳۶ء) (ب) ’’مولوی محمد دین صاحبؓ ناظر تعلیم و تربیت صدر انجمن احمدیہ ربوہ نے یوں بیان کیا کہ ’’ اُس کے چلے جانے کے بعد دوسرے دن یا چند روز بعد ایک دن آپ ؑ نے فرمایا مَیں نے اس شخص کورؤیامیں دیکھا کہ مجھ سے سُرمہ دانی یا سُرمہ کی سلائی مانگتا ہے۔فرمایا کہ اس کے معنی ہیں کہ وہ مجھ سے نُور و ہدایت کا طلب گار ہے۔‘‘ (الفضل جلد ۲۹ نمبر ۲۷۶ مورخہ ۵؍ دسمبر ۱۹۴۱ء صفحہ ۱۰) جنوری ۱۹۰۴ء فرمایا ۱۵ یا ۲۰ دن یا شاید ایک ماہ کا عرصہ ہوا ہے مجھے الہام ہوا تھا۔’’ایک وارث احمدی فوت ہوگیا۔‘‘ (ضمیمہ اخبار بدر جلد ۳ نمبر ۶ مورخہ ۸؍فروری ۱۹۰۴ء صفحہ ۴، ۵) ۱ Dr۔Pennell
۱۷؍ فروری۱۹۰۴ء قاضی عبدالرحیم صاحب ؓبھٹی آف قاضی کوٹ ۱۷ ؍ فروری ۱۹۰۴ء کی ڈائری میں لکھتے ہیں۔’’آج رات حضرت ؑ نے خواب بیان فرمایا۔کسی نے کہا کہ جنگ ِ بدر کا قصہ مت بھولو۔‘‘ (اصحابِ احمد مؤلفہ ملک صلاح الدین صاحب جلد ۶ صفحہ ۱۳۳ مطبوعہ ۱۹۶۰ء) ۱۹۰۴ء شیخ خیرالدین۱؎صاحبؓ نے بیان کیا کہ ایک دفعہ چندولال مجسٹریٹ کے متعلق حضور ؑ نے فرمایا جبکہ کرم دین کا مقدّمہ پیش تھا کہ ’’ مَیں تو چندو لال۲؎کو عدالت کی کرسی پر نہیں دیکھتا۔‘‘ (الحکم جلد ۳۸ نمبر ۲۵ مورخہ ۱۴؍ جولائی ۱۹۳۵ء صفحہ ۴۔رجسٹر روایاتِ صحابہ غیر مطبوعہ ۹ صفحہ ۵۸، ۵۹) مئی ۱۹۰۴ء حضرت مولوی شیر علی صاحب ؓ کی ایک روایت بوساطت مولوی محمد عبداللہ صاحب بوتالوی لکھی ہے ’’قاضی ضیاء الدین صاحبؓ ساکن کوٹ قاضی …نے حضرت اقدس ؑ کی خدمت میں ایک عریضہ نہایت انکساری کے الفاظ میں دعا کی درخواست کرتے ہوئے لکھا …حضرت اقدس علیہ السلام نے خط پہنچنے کے بعد دعا کی اور آپ کو رات کے وقت جواب ملا۔’’وہ بیچارہ فوت ہوگیا ہے‘‘ آپ نے صبح حاضرین سے کہا کہ مَیں نے اِس طرح سے دعا کی تھی اور یہ جواب ملا ہے۔تھوڑی دیر بعد ۱ (نوٹ از مولانا جلال الدین شمسؓ) یہ صاحب اصل میں باشندہ لدھیانہ کے تھے او رموچی کا کام کرتے تھے۔حضرت مسیح موعود علیہ السلام کو جوتی بناکردیا کرتے تھے ان کا بیان ہے کہ مَیں گورداسپور میں کرم دین کے مقدّمہ میں حضور ؑ کے ساتھ رہا۔۲ (نوٹ از مولانا جلال الدین شمسؓ) ایک دفعہ چند ایک غیر احمدیوں نے کہا کہ حضور چند و لال مجسٹریٹ کا ارادہ آپؑ کو قید کرنے کا ہے۔آپ ؑ دری پر لیٹے تھے ‘اُٹھ بیٹھے اور فرمایا کہ مَیں تو چندو لال کو عدالت کی کرسی پر نہیں دیکھتا چنانچہ آخر وہ اس عہدہ سے تنزل ہوکر ملتان تبدیل ہوگیا اور پھر پنشن پاکر لدھیانہ آیا اور آخر پاگل ہو کر مرا۔(الحکم مورخہ ۱۴؍ جولائی۱۹۳۵ء صفحہ ۴) اس کے تنزل کی نسبت پیشگوئی کا ذکر حضرت مسیح موعود علیہ الصلوٰۃ والسلام نے حقیقۃ الوحی۔روحانی خزائن جلد ۲۲ صفحہ ۲۲۶ نشان نمبر ۲۹ میں بھی فرمایا ہے۔
ڈاک میں خط آیا کہ قاضی صاحب۱؎فوت ہوگئے ہیں۔‘‘ (الحکم جلد ۴۲نمبر ۵، ۶مورخہ ۱۴ ،۲۱؍ فروری ۱۹۳۹ءصفحہ ۳ ) ۱۹۰۴ء میاں عبدالعزیز صاحبؓ سکنہ لاہو رالمعروف مغل نے بیان کیا کہ۔’’ایک دفعہ گورداسپور میں حضور ؑ نے صاحبزادہ مبارک احمد کو بوسہ دیا تو حضور ؑ نے فرمایا کہ ’’ اللہ تعالیٰ نے مجھے کہا ہے کہ اس کو چُومو۔‘‘ (رجسٹر روایاتِ صحابہ غیر مطبوعہ نمبر ۹ صفحہ ۴۵) ۷؍ اکتوبر۱۹۰۴ء چودھری محمد علی خان صاحبؓ اشرف ہیڈ ماسٹر بیرم پور نے بیان کیا کہ (حضرت مسیح موعود علیہ السلام نے ) اسی مقدّمہ کرم دین کی آخری پیشی پر تاریخ فیصلہ سے ایک دن قبل بوقت نماز عصر … فرمایا کہ ہم نے رؤیا دیکھی ہے کہ ہم سفید گھوڑے پر سوار باہر سے گھر کو آرہے ہیں۔(مفہوم) اور ہمارے گھر والے یہ الفاظ کہہ رہے ہیں کہ ہمارا نقصان ہوگیا ہے (غالباً روپوں کا) تو مَیں نے کہا کہ کچھ مضائقہ نہیں۔مَیں تو سلامت آگیا ہوں۔اِس رؤیاکی تعبیر آپ ؑ نے یہ فرمائی کہ اِس سے پتہ چلتا ہے کہ منصف ( جو بے حد متعصب آریہ ہے اور آنحضور ؑ کے خلاف فیصلہ دینے پر تلا ہوا ہے )ہمیں جرمانہ وغیرہ کی سزا دے گا اور دوسری قِسم کی سزا نہ دے سکے گا۔بالآخر عدالت ِ عالیہ سے ہم بَری ثابت ہوں گے اور اس کی شرارتوں سے ہم بچ کر سلامت رہیں گے چنانچہ دوسرے دن یہی وقوعہ پیش آیا کہ منصف نے آپ ؑ کے خلاف جرمانہ کا حکم سنایا جو اُسی وقت ادا کیا گیا …اور اپیل کرنے پر جرمانہ بھی معاف ہوگیا۔‘‘ (الحکم جلد ۳۸ نمبر ۳ مورخہ ۲۸؍ جنوری ۱۹۳۵ء صفحہ ۴ ) ۸؍ اکتوبر۱۹۰۴ء شکر الٰہی صاحب موضع نبی پور ضلع گورداسپور نے بیان کیا کہ۔’’مولوی کرم دین کے مقدمہ کے فیصلہ …کے (دن) عصر کے وقت حضرت مسیح موعود علیہ الصلوٰۃ والسلام درختوں کے نیچے …ٹہل رہے تھے …ٹہلتے ٹہلتے آپ ٹھہر گئے۔مولوی صاحب ( یعنی حضرت خلیفۃ المسیح اوّل رضی اللہ تعالیٰ عنہ) کو کچھ فرمایا اور اُسی وقت (عدالت سے) آواز پڑگئی۔شیڈ میں آیا تھا کہ آپ ؑ نے مولوی صاحب کو مخاطب ہوکر فرمایا کہ مولوی صاحب ! کیا دیکھتا ہوں کہ میرا رُومال تالاب میں گر گیا ہے۔ٹٹولنے سے مل گیا ہے۔فرمانے لگے کہ کچھ جرمانہ ہوگا مگر معاف ہوجاوے گا۔سو ایسا ہی ہوا۔‘‘ (رجسٹر روایاتِ صحابہ غیر مطبوعہ نمبر ۳صفحہ ۱۱۴) ۱ (نوٹ از مولانا جلال الدین شمسؓ) قاضی صاحب مرحوم کے فرزند قاضی محمد عبداللہ صاحب سابق ناظر ضیافت سے دریافت کرنے پر معلوم ہوا کہ اُن کے والد صاحب موصوف کی وفات ۱۵؍ مئی ۱۹۰۴ء کو ہوئی تھی۔
۱۰؍ اکتوبر۱۹۰۴ء میاں اللہ یار صاحب ؓ ٹھیکے دار بٹالوی نے بواسطہ مولوی غلام نبی صاحب مصری بیان کیا کہ مقدمہ گورداسپور کی کارروائی سے فارغ ہونے کے بعد جب حضرت مسیح موعود علیہ السلام واپس ہونے لگے تو حضور ؑ کو کشف یا الہام ہوا کہ۔’’راستہ بٹالہ والا خطرناک ہے‘‘ اِس لئے حضور ؑ نے حکم دیا کہ یکّے لاؤ تو اُسی وقت تین یکّے لائے گئے ( اور راستہ بدل کر چل پڑے) تو اُس وقت حضور ؑ نے فرمایا کہ یہ وجہ راستہ بدلنے کی ہے۔تو حضور ؑ کچی سڑک پر قادیان پہنچے اور اِدھر ایک رَتھ حضور ؑ کی خاطر بٹالہ بھیجا گیا تھا تو بجائے حضور ؑ کے سوار ہونے کے اَور لوگ رَتھ میں سوار ہوئے۔ان میں ایک شیخ یعقوب علی صاحبؓ تھے۔جب پُلپر پہنچے تو پُل پر ایک بناوٹی میلہ مخالفوں نے بنارکھا تھا جس میں مسانیاں اور بٹالہ کے مخالف تھے یہ مشورہ کیا کہ جب مرزا صاحب ؑ پُل پر پہنچ گئے تو پُل کے مغربی سمت کے لوگ اور مشرقی سمت کے (لوگ) پُل پر ہی پکڑ لیں گے اور نہر میں ہی پھینک دیں گے …جب بٹالہ سے رَتھ روانہ ہوکر پُل کے قریب آیا تو مخالف حسب ِ مشورہ دَوڑ کر رَتھ پر پڑگئے… حملہ کیا۔جب دیکھا کہ رَتھ مرزا صاحب ؑ سے خالی ہے اور سوار اَور لوگ ہیں تو انہوں نے ابتدائی حملہ کی ضربوں پر افسوس کیا۔(رجسٹر روایاتِ صحابہ غیر مطبوعہ نمبر ۱۰صفحہ ۲۸۰، ۲۸۱) ۱۹۰۵ء (تقریباً) حضرت امیر المؤمنین خلیفۃ المسیح الثانی ایدہ اللہ تعالیٰ نے تحریر فرمایا۔’’عرصہ قریباً پانچ سال یا اِس سے زیادہ عرصہ گزرا کہ حضرت صاحب ؑ نے اپنا ایک خواب شائع کیا تھا کہ حضرت مولوی نورالدین صاحب گھوڑے پر سے گرے ہیں جو کہ ۱۸ ؍ نومبر ۱۹۱۰ء کو بعینہٖ پوری۱؎ہوگئی۔‘‘ (تشحیذ الاذہان جلد ۵نمبر ۱۱ ماہ؍ نومبر ۱۹۱۰ء صفحہ ۳۹۹) ۱ (نوٹ از مولانا جلال الدین شمسؓ) حضرت امیر المومنین خلیفۃ المسیح الثانی ایدہ اللہ تعالیٰ بنصرہ العزیز نے جبکہ حضور اُن دنوں تشحیذ الاذہان کے ایڈیٹر تھے اِس پیشگوئی کے متعلق لکھا۔’’پیشگوئی کا ایسے وقت میں ہونا جب آپ کے پاس کیا، قادیان کے احمدیوں میں سے کسی کے پاس بھی گھوڑا نہ تھا۔پھر اس عرصہ میں حضرت مسیح موعود ؑ کا فوت بھی ہوجانا اور اس پیشین گوئی کا بالکل ظہور نہ ہونا۔پھر کسی شخص کا عزیزم عبدالحی سلّمہ اللہ تعالیٰ کو گھوڑا ہدیۃً پیش کرنا اور خریدا ہوا نہ ہونا۔نواب صاحب کے خود آکر ملنے کے باوجود حضرت مولوی صاحب کا وہاں تشریف لے جانا۔رکابوں کا چھوٹا ہونا اور باوجود کہنے کے آپ کا بچوں کی تکلیف کے خیال سے اُن کے لمبے کرنے
۴؍ اپریل۱۹۰۵ء میاں امام الدین صاحبؓ سیکھوانی نے بیان کیا کہ حضرت صاحب ؑ نے فرمایا کہ ’’مجھے خدا نے فرمایا ہے جو شریر ہوگا اُس کو مَیں دنیا میں بھی عذاب دوں گا اور آخرت میں بھی۔اگر شرافت سے وقت گذارلے خواہ بت پرستی کرے تو اس کے متعلق خدا تعالیٰ کا یہ وعدہ ہے کہ اُس کو مَیں حشر کو عذاب دوں گا۔‘‘ (الحکم جلد ۳۸ نمبر ۳۵، ۳۶ مورخہ ۷، ۱۴؍ اکتوبر ۱۹۳۵ء صفحہ ۵) ۱۹۰۵ء ڈاکٹر میر محمد اسمٰعیل صاحب ؓ پیر منظور محمد صاحب ؓ سے بیان کرتے تھے کہ جب حضرت مسیح موعود علیہ السلام بڑے زلزلہ کے بعد باغ میں مقیم تھے تو ایک دن آپ کو الہام ہوا تھا کہ۔’’تین بڑے آدمیوں میں سے ایک کی موت‘‘ …کچھ دن میں حضرت مولوی عبدالکریم صاحبؓ سیالکوٹی بیمار ہوگئے اور چند روز میں فوت ہوگئے۔(سیرت المہدی مؤلفہ حضرت مرزا بشیر احمد صاحبؓ ایم۔اے، جلد ۱ روایت نمبر ۴۹۷ صفحہ ۵۱۵، ۵۱۶ مطبوعہ ۲۰۰۸ء) ۱۹۰۵ء قاضی حبیب اللہ صاحبؓ لاہوری بیان کرتے ہیں کہ (حضرت مسیح موعود علیہ السلام) جب مولوی عبدالکریم صاحبؓ کی قبر پر دعا فرماکر واپس تشریف لارہے تھے تو… فرمانے لگے۔’’آج رات مجھے الہام ہوا ہے۔حَرَامٌ عَلٰی قَرْیَۃٍ اَھْلَکْنَاھَا اَنَّـھُمْ لَا یَـرْجِعُوْنَ۔۱؎ اور اس کی بار بار تکرار ہوئی۔فرمایا یہ پہلے بھی کئی مرتبہ الہام ہوا ہے مگر رات اِس کے عجیب معنی سمجھا ئے گئے وہ یہ ہیں کہ خدا تعالیٰ فرماتا ہے کہ مَیں نے یہ فیصلہ کر چھوڑا ہے کہ آئندہ لیکھرام جیسے۔عبداللہ آتھم جیسے۔پادری فنڈل۲؎ جیسے۔عماد الدین جیسے پیدا ہی نہیں کروں گا۔‘‘ (الحکم جلد ۳۹ نمبر ۲۲ مورخہ ۱۴ ؍ اکتوبر ۱۹۳۶ء صفحہ ۴) دسمبر۱۹۰۵ء حضرت امیر المؤمنین خلیفۃ المسیح الثانی ایدہ اللہ تعالیٰ بنصرہ العزیز نے فرمایا۔’’مجھے خوب یاد ہے حضرت مسیح موعود علیہ السلام ایک دفعہ باغ میں گئے اور فرمایا مجھے یہاں چاندی کی بقیہ حاشیہ۔سے منع کرنا۔احباب کا ساتھ چلنے کی خواہش کرنا اور آ پ کا روک دینا۔گھوڑے کا بِدک کر تیز ہوجانا اور دونوں ساتھیوں کا پیچھے رہ جانا اور پھر آپ کا خاص اُس جگہ پر گرنا جہاں پتھر تھے، ایسے عجیب واقعات ہیں کہ سوائے اِس کے کہ یقین کیا جائے کہ خدا تعالیٰ کے خاص ارادے کے ماتحت حضرت صاحبؑ کی پیشین گوئی کو پورا کرنے کے لئے ہوئے ہیں اَور کوئی صورت نظر نہیں آتی۔‘‘ (تشحیذ الاذہان نومبر ۱۹۱۰ءصفحہ ۴۰۴) ۱ (ترجمہ از ناشر) قطعاً لازم ہے کسی بستی کے لئے جسے ہم نے ہلاک کردیا ہو کہ وہ لوگ پھر لوٹ کر نہیں آئیں گے۔۲ Pfander
بنی ہوئی قبریں دکھلائی گئی ہیں اور ایک فرشتہ مجھے کہتا ہے کہ یہ تیری اور تیرے اہل و عیال کی قبریں ہیں اور اِسی وجہ سے وہ قطعہ آپ کے خاندان کے لئے مخصوص کیا گیا ہے۔گو یہ خواب اِس طرح چھپی ہوئی نہیں لیکن مجھے یاد ہے کہ آپ نے اِسی طرح ذکر فرمایا۔‘‘ (خطبہ جمعہ فرمودہ ۱۸؍ جون ۱۹۳۷ء۔الفضل جلد ۲۵ نمبر ۱۵۱ مورخہ ۲ ؍ جولائی ۱۹۳۷ء صفحہ ۱۱) ۱۹۰۷ء حافظ محمد ابراہیم صاحبؓ بیان کرتے ہیں کہ اُن ہی۱؎ دنوں میں حضور ؑ کو الہام ہوا جس کا مفہوم یہ تھا کہ۔’’مَیں تیرے صبر سے خوش ہوا ہوں اور تیرا صبر مجھے پسند ہے‘‘ (الحکم جلد ۳۷ نمبر ۴۴ مورخہ ۷؍ دسمبر ۱۹۳۴ء صفحہ ۴) ۱۶؍ ستمبر۱۹۰۷ء ’’مبارک احمد کی وفات کے وقت بھی یہی الہام ہوا کہ۔اِنَّ الْمَنَا یَـا لَا تَطِیْشُ سِھَامُھَا ‘‘۲؎ اور پھر الہام ہوا کہ۔’’ یَـا اَیُّـھَا النَّاسُ اعْبُدُ وْا رَبَّکُمُ الَّذِیْ خَلَقَکُمْ‘‘۳؎ (تشحیذ الاذہان جلد ۳نمبر ۸پرچہ؍ اگست ۱۹۰۸ء صفحہ ۳۴۹) ۱۹۰۷ء حضرت امیر المؤمنین خلیفۃ المسیح الثانی ایدہ اللہ تعالیٰ بنصرہ العزیز نے خطبہ جمعہ میں فرمایا۔’’حضرت مسیح موعود علیہ السلام کو شدید کھانسی ہوئی …۱۹۰۷ء کا واقعہ ہے …اور بعض اَوقات ایسا لمبا اُوچھو آتا تھا کہ معلوم ہوتا تھا کہ سانس رُک جائے گا۔ایسی حالت میں باہرسے کوئی دوست آئے اور تحفہ کے طور پر پھل لائے۔مَیں نے وہ حضور ؑکے سامنے پیش کردیئے۔آپ نے انہیں دیکھا اور فرمایا۔کہہ دو ’’جَزَاکَ اللہ‘‘ اور پھر اُن میں سے کوئی چیز جو غالباً کیلا تھا اُٹھایا اور …فرمایا کہ یہ کھانسی میں کیسا ہوتا ہے۔مَیں نے کہا اچھا تو نہیں ہوتا مگر آپ مسکرا پڑے اور چھیل کر کھانے لگے۔مَیں نے پھر عرض کیا کہ کھانسی بہت سخت ہے اور یہ چیز ۱ (نوٹ از مولانا جلال الدین شمسؓ) یعنی جب کہ الہام ’’سخت زلزلہ آیا اور آج بارش بھی ہوگی‘‘ ہوا تھا اور یہ الہام ۲۸؍فروری ۱۹۰۷ء کو ہوا۔دیکھیے صفحہ ۶۶۷۔۲ (ترجمہ از مرتّب) موتوں کے تیر خطا نہیں جاتے۔۳ (ترجمہ از مرتّب) اے لوگو! اپنے ربّ کی عبادت کرو جس نے تمہیں پیدا کیا ہے۔
کھانسی میں اچھی نہیں۔آپ پھر مسکرائے اور کھاتے رہے۔مَیں نے اپنی نادانی سے پھر اصرار کیا کہ نہیں کھانا چاہیے۔اس پر آپ پھر مسکرائے اور فرمایا مجھے ابھی الہام ہوا ہے کہ۔’’ کھانسی دُور ہوگئی‘‘ چنانچہ کھانسی اُسی وقت سے جاتی رہی۔‘‘ (خطبہ جمعہ فرمودہ ۱۰؍ جولائی ۱۹۴۲ء۔الفضل جلد ۳۰ نمبر ۱۶۴ مورخہ ۱۷؍ جولائی ۱۹۴۲ء صفحہ ۳ کالم نمبر ۲ و ۳) ۱۹۰۸ء حضرت مصلح موعود رضی اللہ تعالیٰ عنہ نے بیان فرمایا کہ ’’ حضرت صاحبؑ کو الہام ہوا تھا۔سپُردَم بَتُومایهءِ خویش را تُو دانی حسابِ کم و بیش را ‘‘ ۱؎ (منصب ِ خلافت۔انوار العلوم جلد ۲ صفحہ ۵۵ و برکاتِ خلافت۔انوار العلوم جلد ۲ صفحہ ۱۷۳ شائع کردہ فضل عمر فاؤنڈیشن ربوہ پاکستان) ۱۹۰۸ء حضرت مصلح موعود رضی اللہ تعالیٰ عنہ نے بیان فرمایا کہ حضرت صاحبؑ نے فرمایا۔’’خدا نے مجھے بتلایا ہے کہ لنگر جب تک تمہارے ہاتھ میں ہے چلتا رہے گا۔اگر مَیں اسے ان کے ہاتھ میں دے دوں تو یہ چند دنوں میں ہی بند ہوجاوے۲؎۔‘‘ (از خطبہ جمعہ فرمودہ ۱۲؍ فروری ۱۹۱۵ء۔خطبات محمود (خطبات جمعہ) جلد ۴ صفحہ ۲۷۱ شائع کردہ فضل عمر فاؤنڈیشن ربوہ پاکستان) ۱ (ترجمہ از مرتّب) مَیں نے اپنی پونجی تیرے سپرد کی۔کم و بیش کا حساب تو جانتا ہے۔۲ (نوٹ از مولانا عبد اللطیف بہاولپوری) یعنی وہ لوگ جو لنگر خانہ کے خرچ پر اعتراض کرتے تھے۔حضرت خلیفۃ المسیح الثانی رضی اللہ عنہ نے فرمایا۔جب حضور علیہ السلام لاہور میں تھے تو ان میں سے ایک نے اپنے دوست کے نام لاہور ان دنوں قادیان سے ایک خط لکھا تھا اور اس میں ظاہر یہ کیا تھا کہ لنگر خانہ کا خرچ آمد سے بہت کم ہے اور جو روپیہ حضرت صاحب ؑ کے پاس آتا ہے وہ سب لنگر خانہ میں نہیں بلکہ اپنے گھر میں او ر اپنے لوگوںپر نامناسب طور پر خرچ ہوتا ہے …یہ خط وفات سے کچھ روز ہی پہلے لاہور بھیجا گیا اور اس کا علم حضرت اقدس علیہ السلام مغفور کو بھی ہوگیا تو آپ ؑ کو بہت رنج ہوا۔(ا لفضل مورخہ ۲۷ ؍ مئی ۱۹۱۴ء صفحہ ۲۱) اور فرمایا کہ ’’ایسا لکھنے والا احمق ہے وہ بیوقوف ہے۔وہ نہیں دیکھتا کہ مہمان تو یہاں آرہے ہیں قادیان میں اَب جاتا کون ہے۔اسے چاہیےتھا کہ وہ لاہور اور قادیان کا خرچ جمع کرکے دیکھتا کہ کتنا ہے۔‘‘ (ا لفضل مورخہ ۲۵ ؍ فروری۱۹۱۵ء صفحہ ۶)
الہامات، کشوف و رؤیا بلا تاریخ ۱۔اوائل کا واقعہ ہے کہ حضرت اقدس سیّدنا مسیح موعود علیہ السلام کو ایک دفعہ مسجد اقصیٰ میں کشفاً دکھایا گیا کہ ’’ایک باغ لگایا جارہا ہے اور مَیں اس کا مالی مقرر کیا گیا ہوں۔‘‘ (حیات احمد جلد اوّل حصہ دوم صفحہ ۳۰۵ ایڈیشن دوم مرتبہ مکرم شیخ یعقوب علی عرفانی صاحب ؓ) ۲۔حضرت اُمّ المؤمنین رضی اللہ تعالیٰ عنہا نے بیا ن فرمایا کہ۔حضرت مسیح موعود علیہ السلام نے فرمایا کہ ’’مجھے معلوم ہوا ہے یا فرمایا کہ بتایا گیا ہے مجھے اللہ تعالیٰ کی طرف سے کہ سُـبْحَانَ اللّٰہِ وَ بِـحَمْدِ ہٖ سُـبْحَانَ اللّٰہِ الْعَظِیْمِ۱؎ بہت پڑھنا چاہیے۔‘‘ (سیرت المہدی جلد اوّل روایت نمبر۱ صفحہ ۳ مطبوعہ ۲۰۰۸ء) ۳۔(حضرت خلیفہ اوّل رضی اللہ عنہ نے فرمایا) ’’ہمارے امام علیہ السلام نے ان۲؎ کو خاتم النّبیّین رسول رَبّ العالمین نبی کریم علیہ الصلوٰۃ والتّسلیم کی شکل پررؤیامیں دیکھا ہے اور یہ بسبب ان کی کمال اتباع سنت کے تھا۔‘‘ (مقدّمہ مرقاۃ الیقین فی حیاۃ نورالدین زیر عنوان مذہب و عقائد صفحہ۹ ۳) ۴۔(الف) حضرت مفتی محمد صادق صاحب ؓ نے بیان کیا۔حضرت مسیح موعود علیہ الصلوٰۃ والسلام کے زمانہ میں ایک صاحب جو غالباً ریاست جیند کے رہنے والے تھے بیمار ہوکر علاج کے واسطے قادیان آئے اور پیر سراج الحق صاحب ؓ کے مکان پر اُنہوں نے قیام کیا۔پیر صاحب نے اُن کی سفارش حضرت صاحب ؑ سے کی کہ یہ بیمار رہتے ہیں حضور ؑ اِن کی صحت کے لئے دعا کریں۔حضور ؑ نے دعا کی تو حضور ؑ کو الہام ہوا۔’’کچلہ کونین فولاد۔یہ ہے دوائے ہمزاد۔‘‘ (اخبار ’’ المصلح‘‘ کراچی جلد ۷ نمبر۶مورخہ ۸؍ جنوری ۱۹۵۴ء صفحہ ۳) (ب) ’’ حَبّ کچلا کونین فولاد مساوی نِصف سرخ۔الہامی ہے۔‘‘ (جیبی بیاض حضرت خلیفۃ المسیح اوّل ؓ صفحہ ۱۴۔بیاض نورالدین مرتبہ مفتی فضل الرحمٰن صاحب جلد ۱ صفحہ ۶۱ طبع اوّل) ۱ (ترجمہ از ناشر) اللہ پاک ہے اپنی حمد کے ساتھ۔اللہ پاک ہے بڑی عظمت والا ہے۔۲ یعنی مولوی عبداللہ صاحب غزنوی۔(عبد اللطیف بہاولپوری)
۵۔(الف) حضرت امیر المؤمنین خلیفۃ المسیح الثانی رضی اللہ تعالیٰ عنہ نے فرمایا۔’’حضرت مسیح موعود ؑ کو الہام ہوا اور دکھایا گیا کہ یہ جو مسجد مبارک کے پاس مکان۱؎ہے اِس میں ہم کچھ حَسنی طریق سے داخل ہوں گے اور کچھ حُسینی طریق سے …معلوم نہیں اِس الہام کا کیا مطلب۲؎ہے۔‘‘ (الفضل جلد ۷ نمبر ۲۸ مورخہ ۱۷؍ اکتوبر ۱۹۱۹ء صفحہ ۸) (ب) حضرت امّ المؤمنین رضی اللہ عنہا نے بیان فرمایا کہ ’’ حضرت مسیح موعود ؑ کا یہ الہام کہ ہم اِس گھر میں کچھ حَسنی طریق پر داخل ہوں گے اور کچھ حُسینی طریق پر، اپنی پوری شان میں پورا ہوا ہے۔‘‘ (سیر ت المہدی مؤلفہ حضرت مرزا بشیر احمد صاحبؓ ایم۔اے، جلد ۱ روایت نمبر ۳۷ صفحہ ۲۸۔مطبوعہ ۲۰۰۸ء) ۶۔(رؤیا) حضرت خلیفۃ المسیح الثانی رضی اللہ تعالیٰ عنہ نے حضرت مسیح موعود علیہ السلام کی مندرجہ ذیل رؤیااپنی تقریر میں بیان فرمائی۔’’چھوٹی مسجد کے اُوپر تخت بِچھا ہوا ہے اور مَیں اُس پر بیٹھا ہوا ہوں اور میرے ساتھ ہی مولوی نورالدین صاحبؓ بھی بیٹھے ہوئے ہیں۔ایک شخص۳؎(اس کا نام ظاہر کرنے کی ضرورت نہیں)دیوانہ وار ہم پر حملہ کرنے لگا۔مَیں نے ایک آدمی کو کہا کہ اس کو پکڑ کر مسجد سے نکال دو اور اس کو سیڑھیوں سے نیچے اُتار دیا۔وہ بھاگتا ہوا چلا ۱ یعنی مرزا نظام الدین صاحب کا مکان۔(شمس) ۲ (نوٹ) حضرت خلیفۃ المسیح الثانی رضی اللہ عنہ فرماتے ہیں۔’’لیکن وقت پر معنے کھلتے ہیں…(اس کے معنے یہی ہیں) …کہ حضرت حسن ؓ و حسین ؓ…کا رویہ اختیار کرکے ہم داخل ہوں گے…جو طریق اُن کا تھا وہی ہمارا ہوگا کہ کچھ تو صلح کے ذریعہ اور کچھ لڑائی کے ذریعہ ہم اس مکان میں داخل ہوں گے چنانچہ یہ دونوں صورتیں پوری ہوگئیں۔لڑائی یعنی جلالی رنگ تو ایسا پورا ہوا کہ حضرت مسیح موعود ؑ کے اِس الہام کے مطابق کہ ’’اِس مکان میں بیوائیں ہی رہ جائیں گی‘‘ یہی حالت ہوگئی۔پھر جمال کا اظہار ہوا تو ایسا کہ اس خاندان میں سے جو ایک بچہ رہ گیا تھا اُس کو کھینچ کر سلسلہ میں داخل کردیا۔‘‘ (الفضل مورخہ۱۷؍ اکتوبر۱۹۱۹ءصفحہ ۸) ۳ (نوٹ از مولانا جلال الدین شمسؓ) حضرت مولوی سیّد محمد سرور شاہ صاحب ؓ نے اپنی تصنیف ’’کشف الاختلاف‘‘ صفحہ ۱۲ شائع شدہ فروری ۱۹۲۰ء میں یہ رؤیا درج کرتے ہوئے لکھا ہے کہ وہ خواجہ کمال الدین صاحب تھے اور ان کے متعلق ان ایام میں جبکہ وہ وطن اخبار کے ساتھ ایک معاہدہ کی تجویز کررہے تھے حضرت مسیح موعود ؑفرمایا کرتے تھے کہ میں نے خواجہ صاحب کی نسبت منذر خوابیں دیکھی ہیں۔(ملخص)